သံတွဲမြို့ပေါ် တည်ငြိမ်နေသော်လည်း အခြေအနေမှာ စိတ်မချရသေး

အောက်တိုဘာ ၂၊ ၂၀၁၃
M-Media
KK

ဓါတ်ပုံအညွှန်း > မဲကျွန်းကျေးရွာ မီးစရှို့ခံရစဉ် သံတွဲဘက်ကမ်းမှ ရိုက်ကူးထားသည့်ပုံ

စက်တင်ဘာ ၂၉-ရက်က စတင်အခြေတည်လာတဲ့ အကြမ်းဖက်မှုများကြောင့် သံတွဲမြို့ တ၀ိုက်ရှိ မွတ်စလင်မ်ရွာများမှ ကမန်တိုင်းရင်းသား ရာပေါင်းများစွာ အိမ်မဲ့အိမ်မဲ့ဖြစ်ပြီး သေဆုံးသူများလည်း ရှိလာခဲ့ရာ ယနေ့မှာ သံတွဲမြို့သို့ လာရောက်မည့် သမ္မတ ဦးသိန်းစိန်၏ ခရီးစဉ်ကြောင့် သံတွဲမြို့ပေါ်မှာ တည်ငြိမ်နေသော်လည်း စိုးရိမ်နေရသည်ဟု သံတွဲမြို့ခံက ပြောပါတယ်။

အကြမ်းဖက် မီးရှို့၊ ဖျက်ဆီး သတ်ဖြတ်မှုများကြောင့် သံတွဲမြို့ပေါ် ၃-ရပ်ကွက်၊ ငကျော်တောင်၊ ရွှေလှေတိုက်နယ် သဗြုချိုင်၊ ပေါက်တော၊ လင်းသီ၊ မဲကျွန်း၊ ကျီးကန်းရဲ အစရှိသည့် ကျေးရွာများမှ မွတ်စလင်မ်လူအိမ်များ၊ ခြံများ၊ လယ်တောမှတဲများ၊ ဗလီများ ပျက်စီးသွားခဲ့ပြီး အိုးအိမ်မဲ့ဖြစ်ရကာ သေဆုံးကြသူများနှင့် ဒဏ်ရာရသူများလည်း ရှိခဲ့ပါတယ်။

သဗြုချိုင်ကျေးရွာတွင် ရခိုင်အကြမ်းဖက်များမှ လာရောက်အကြမ်းဖက်စဉ် ရွာခံကမန်တိုင်းရင်းသားများမှ ပြန်လည် ခုခံတိုက်ခိုက်ကြတာကြောင့် နှစ်ဘက် ဒဏ်ရာရသူများရှိခဲ့သလို သေဆုံးမှုလည်း ရှိခဲ့တယ်။

အကြမ်းဖက်မှုအား ပြန်လည် ခုခံတိုက်ခိုက်ကြတာကြောင့် လာရောက်အကြမ်းဖက်သူများဘက်မှ ၅-ဦး ခုခံသူများဘက်မှ လူကြီး၊ အမျိုးသမီးနဲ့ ကလေး စုစုပေါင်း လူ ၂၀-ကျော် သေဆုံးခဲ့တယ်လို့လည်း သိရပါတယ်။

ယခုမနက်ပိုင်းတွင် သဗြုချိုင်၌ သေဆုံးနေသော ကမန်တိုင်းရင်းသား အလောင်း ၇-လောင်းကို တွေ့ရှိရာ မနက် ၁၁း၃၀-နာရီရှိသည့်တိုင်အောင် ကောက်ယူခွင့်မရသေးကြောင်းလည်း သဗြုချိုင်မှ ကမန်တိုင်းရင်းသားများက ပြောပါတယ်။

အကြမ်းဖက်မှုအား ပြန်လည် ခုခံတိုက်ခိုက်ကြတာကြောင့် လာရောက်အကြမ်းဖက်သူများဘက်မှ ၅-ဦး သေဆုံးခဲ့ပြီး အကြမ်းဖက်ခံများဘက်မှ မည်မျှသေဆုံးကြောင်း မသိကြောင်း၊ ၂-ဘက် ဒဏ်ရာရမှုများရှိကြောင်း သဗြုချိုင်ရွာ အုပ်ချုပ်ရေးမှူး ဦးထွန်းခင်က M-Media ကိုပြောပါတယ်။ အကြမ်းဖက်ခံများ သူတို့၏အိမ်များတွင် ပြန်လည်နေထိုင်နေကြပြီဟုလည်း ၎င်းက ပြောပါတယ်။

အိုးအိမ်မဲ့ ဖြစ်သွားသော အကြမ်းဖက်ခံများအနေနှင့် နေစရာ စားသောက်စရာများ မရှိတာကြောင့် သူတို့အား တခြားသော ကျေးရွာများသို့ ခေါ်ဆောင်လိုသော်လည်း ခေါ်ဆောင်ခွင့်မရဖြစ်နေတယ်လို့ သံတွဲမြို့ခံများက ဆိုပါတယ်။

ဒီကနေ့ သံတွဲမြို့ပေါ်မှာတော့ အခြေအနေများ တည်ငြိမ်နေပြီး ထိုကဲ့သို့တည်ငြိမ်နေခြင်းမှာ နိုင်ငံတော် သမ္မတ ဦးသိန်းစိန် သံတွဲမြို့သုိ့ လာရောက်မှုကြောင့် ဖြစ်နိုင်ပြီး နောက်ဆက်တွဲ အခြေအနေများ မည်သို့ရှိလာမည်ကို အလွန်တရာ စိုးရိမ်နေကြကြောင်းလည်း သံတွဲမြို့ခံများက M-Media ကို ပြောပါတယ်။