ဝီလ်ရှိုင်းယား ဆေးလိပ်သောက်ခြင်းကြောင့် ၀င်းဂါးဒေါသပုန်ထ

အောက်တိုဘာ ၅၊ ၂၀၁၃
M-Media

အာဆင်နယ်အသင်း၏ လူငယ်အလယ်တန်းလူ ၀ီလ်ရှိုင်းယား၏ ဆေးလိပ်သောက်နေသည့် ဓာတ်ပုံထွက်ပေါ်လာပြီးနောက် နည်းပြ အာဆင်ဝင်းဂါးက ထိုလုပ်ရပ်အပေါ် ပြစ်တင်ပြောဆိုလိုက်သည်။ နာပိုလီအသင်းနှင့် ချန်ပီယံလိဂ်ပွဲကစားအပြီး အာဆင်ဝင်းဂါးက အသင်းအား ၂-ရက်အနားပေးထားခဲ့ခြင်းဖြစ်ပြီး ဗုဒ္ဓဟူးနေ့ညပိုင်းက လန်ဒန်မြို့ရှိ နိုက်ကလပ်တစ်ခုသို့ သွားရောက်စဉ် ဆေးလိပ်သောက်ခဲ့ခြင်းဖြစ်သည်။

အသင်းရှိ ကစားသမားများအား လူအများရှေ့တွင်ဝေဖန်မှုနည်းသည့် အာဆင်ဝင်းဂါးမှာ ၀ီလ်ရှိုင်းယား၏ လုပ်ရပ်အား “ဒီလိုအပြုအမူမျိုးကို ကျွန်တော် လုံးဝ သဘောမတူ ပါဘူး။ ပထမဦးဆုံးအနေနဲ့ ဘောလုံးသမားဆိုတာ ပြယုဂ်တစ်ခုပါပဲ။ ဒုတိယ အနေနဲ့ ကိုယ့်ရဲ့ ကျန်းမာရေးကို ထိခိုက်စေမယ့် အပြုအမူမျိုးကို မလုပ်ရ ပါဘူး” ဟု ၀င်းဂါးက သတင်းစာရှင်းလင်းပွဲတွင်ပြောကြားခဲ့သည်။ ထို့ပြင် မိမိအိမ်တွင် ဆေးလိပ်သောက်ခြင်း၊ အရက်သောက်ခြင်းများကို မည်သူမျှ မမြင်နိုင်ကြောင်း၊ သို့ရာတွင် လူအများရှေ့၌ ထိုကဲ့သို့သော လုပ်ရပ်များလုပ်ခြင်းမှာ မိမိ၏ဂုဏ်သတင်းအား ထိခိုက်စေကြောင်း ၀င်းဂါးက ထပ်လောင်းပြောကြားခဲ့သည်။

ဝီလ်ရှိုင်းယားကမူ သူ၏ တွစ်တာစာမျက်နှာတွင် ပြင်သစ်ဂန္တ၀င်ကစားသမား ဇီဒိန်း ဆေးလိပ်သောက်နေသည့် ဓာတ်ပုံအား လွှင်တင်ခဲ့ကာ “မှတ်တမ်းအရဆိုရင် ကျွန်တော်တစ်ယောက်တည်း ဆေးလိပ်သောက်သူ မဟုတ်ပါ” ဟု ရေးသားခဲ့ပြီး သူ၏ လုပ်ရပ်အား ကာကွယ်သွားခဲ့သည်။ အင်္ဂလန်နာမည်ကြီး ကစားသမားများတွင် လူမြင်ကွင်း၌ ဆေးလိပ်သောက်ခြင်းမှာ ၀ီလ်ရှိုင်းယားက ပထမဆုံးမဟုတ်ဘဲ မန်ယူတိုက်စစ်မှူး ရွန်နီနှင့် ချယ်ဆီးအသင်း နောက်ခံလူ အရ်ှလေကိုးလ်တို့၏ လူမြင်ကွင်းတွင် ဆေးလိပ်သောက်နေသည့် ဓာတ်ပုံများမှာလည်း ယခင်က ပေါ်ထွက်ခဲ့ဖူးသည်။

dailymail