အောက်တိုဘာ ၆၊ ပြည်တွင်းနှင့် နိုင်ငံတကာ သတင်းတို

အောက်တိုဘာ ၆၊ ၂၀၁၃
M-Media

မြူများထူထပ်မှုကြောင့် တရုတ်နိုင်ငံတွင် အဝေးပြေးကားလမ်းများ ပိတ်ထားရ

တရုတ်နိုင်ငံ နေရာဒေသ အတော်များများတွင် မြူများအုံ့ဆိုင်းခဲ့ပြီး အဝေးပြေးလမ်းများ ပိတ်ပစ်ခဲ့ရသောကြောင့် အမျိုးသားနေ့ ရုံးပိတ်ရက်အနားယူနေရာမှ အိမ်သို့ ပြန်လာသော ခရီးသွားအများစုမှာ ခရီးနှောင့်နှေးစေခဲ့သည်ဟုသိရသည်။

ဘေဂျင်းမြို့တွင် စနေနေ့ကတည်းက မြူများအုံ့ဆိုင်းခြင်း စတင်ဖြစ်ပွားခဲ့ပြီး ယနေ့တွင်လည်းဆက်လက်ရှိနေခဲ့ကာ မြင်နိုင်စွမ်းမှာ မီတာ ၁၀၀၀ အောက်တွင်ရှိနေသည်။ ယနေ့နံနက် ၁၀ နာရီခန့်တွင် ယာဉ်စည်းကမ်းထိန်းသိမ်းရေးအာဏာပိုင်များက ဟာဘင်၊ ရှန်ဟိုင်း၊ တီအန်ဂျင် ဟီဘီပြည်နယ်များ သို့ဆက်သွယ်ထားသည့် လမ်းမများ အပါအ၀င် အဝေးပြေးလမ်း ၁၀ ခုအား ပိတ်ပစ်ခဲ့သည်။
Ref : xinhua

_________________________
ချစားမှုများနှင့် ဒီမိုကရေစီအားနည်းမှုများနှင့်ပက်သက်ပြီး မက်ဒရစ်တွင်ဆန္ဒပြ

စပိန်နိုင်ငံတွင်ဖြစ်ပွားနေသည့် ချစားမှုများနှင့် ဒီမိုကရေစီစနစ်အားနည်းမှု များအား ဆန့်ကျင်သည့်အနေဖြင့် ထောင်ချီသောလူအုပ်စုကြီးမှာ ယမန်နေ့က ဆန္ဒပြ ခဲ့ကြသည်ဟု သိရသည်။

အဆိုပါဆန္ဒပြပွဲကို မက်ဒရစ်မြို့လယ်ရှိ Puerta del Sol ရင်ပြင်တွင် ကျင်းပခဲ့ခြင်းဖြစ်ပြီး “မာဖီယားထွက်သွား။ ဒီမိုကရေဆိုကို ကြိုဆို” စသဖြင့် ကြွေးကြော်သံများကို ကြွေးကြော်ခဲ့ကြသည်။ “ကျွန်တော်တို့ ပြုပြင်ပြောင်းလဲရေးကို လိုလားပါတယ်။ ဒီမှာရှိတဲ့ဒီမိုကရေစီဆိုတာ ဆင်းရဲသားတွေက ရုန်းကန်နေရပြီး သူဌေးတွေကသာ စီးပွားရေးလုပ်ကြတဲ့ ဒီမိုကရေစီပါ” ဟု ဆန္ဒပြသူတစ်ဦးကပြောကြားခဲ့သည်။

ဆန္ဒပြသူထောင်ပေါင်းများစွာတို့မှာ စပိန်အာဏာရပါတီ PP ပါတီ၏ ရုံးချုပ်မှတစ်ဆင့် မက်ဒရစ်မြို့တစ်ဝှမ်း လှည့်လည်ခဲ့ကြပြီး ၀န်ကြီးချုပ် မာရီယာနို ရာဂျိုင် နှုတ်ထွက်ရန်လည်း တောင်းဆိုခဲ့ကြသည်။
Ref : presstv

_________________________

တရုတ်နိုင်ငံတွင် တိုင်ဖုန်းသတိပေးချက်ထုတ်ပြန်

ဖီတိုဟု အမည်ရသည့်တိုင်ဖုန်းမုန်တိုင်းမှာ တရုတ်နိုင်ငံသို့ဝင်ရောက်ရန် တဖြည်းဖြည်းနီးကပ်လာသောကြောင့် ဒီရေများ၊ လှိုင်းလုံးများနှင့်ပက်သက်ပြီး အမြင့်ဆုံး သတိပေးချက်ဖြစ်သည့် အနီရောင်သတိပေးချက်ကို တရုတ် ရေကြောင်းအာဏာပိုင်များက ယနေ့တွင် ထုန်ပြန်လိုက်သည်။

ဖီတိုတိုင်ဖုန်းမုန်တိုင်းမှာ စနေနေ့က ဂျပန်နိုင်ငံ အိုကီနာဝါကျွန်းသို့ ၀င်ရောက်ခဲ့ပြီး မုန်တိုင်းဝင်ရောက်စဉ် လေတိုက်ခတ်မှုနှုန်းမှာ တစ်နာရီ ၁၂၀ ကီလိုမီတာ ရှိသည်ဟု ဂျပန် မိုးလေ၀သအေဂျင်စီက သတင်းထုတ်ပြန်ခဲ့သည်။

ထိုမုန်တိုင်းမှာ တရုတ်နိုင်ငံ အရှေ့ပိုင်း ဖူဂျန်ပြည်နှယ်နှင့် ဇီဂျီအန်ပြည်နယ်နှစ်ခုအကြားသို့ တနင်္လာနေ့တွင် ဖြတ်သန်းနိုင်ဖွယ်ရှိသည်ဟု တရုတ်နိုင်ငံ အမျိုးသားရေကြောင်းပတ်ဝန်းကျင် ခန့်မှန်းရေးစင်တာမှ ကြေညာထားသည်။ မုန်တိုင်းဒဏ်အား ခံနိုင်ရန် တာဝန်ရှိသူများက ပင်လယ်ကမ်းခြေရှိဒီရေတားနံရံများအား ပြုပြင်နေပြီး ဆိပ်ကမ်းများကိုလည်း တောင့်တင်းအောင် ပြုလုပ်ရန် အမိန့်ပေးထားပြီးဖြစ်သည်ဟု သိရသည်။
Ref : cnn

_________________________

သေနတ်သမားတစ်ဦး၏ပစ်ခတ်မှုကြောင့် အီရတ်တွင် ဂျာနယ်လစ်နှစ်ဦးသေ

အီရတ်ရုပ်သံအတွက် တာဝန်ထမ်းဆောင်ပေးနေသည့် အီရတ်နိုင်ငံသား ဂျာနယ်လစ်နှစ်ဦးမှာ နိုင်ငံမြောက်ပိုင်း မူဆိုးလ်မြို့တွင် စနေနေ့က သေနတ်သမားတစ်ယောက်၏ ပစ်သတ်ခြင်းခံခဲ့ရသည်ဟုသိရသည်။

အဆိုပါ ဂျာနယ်လစ်နှစ်ဦးမှာ al-Sharqiyah ရုပ်သံဌာနမှ ဂျာနစ်လစ်များဖြစ်ကြပြီး မူဆိုးလ်မြို့ ဆာဂ်ျ ခါနာ ခရိုင်ရှိဒေသခံများအား အင်တာဗျူးပြုလုပ်နေစဉ် အမည်မသိသေနတ်သမားတစ်ဦးက ပစ်သတ်ခဲ့ခြင်းဖြစ်သည်။ al-Sharqiyah ရုပ်သံဌာနမှလည်း ထိုသတင်းကို အတည်ပြုခဲ့ပြီး အသေးစိတ်အချက်အလက်များကို ထုန်ပြန်ပြောကြားခြင်းမပြုခဲ့ပေ။

အီရတ် ဂျာနယ်လစ်အဖွဲ့မှ ထိုလုပ်ရပ်အား ရှုတ်ချသည့် ကြေညာချက်တစ်စောင်ထုတ်ပြန်ခဲ့ပြီး လုံခြုံရေးတပ်ဖွဲ့ဝင်များမှာ ထိုရာဇ၀တ်မှုအား တရားဥပဒေအတိုင်းဆောင်ရွက်ရန်နှင့် ဂျာနယ်လစ်အများအပေါ် ကာကွယ်မှုများပေးရန် တောင်းဆိုခဲ့သည်။ ၂၀၀၃ ခုနှစ်အမေရိကန်ကျူးကျော်စဉ်ကတည်းက ယခုအချိန်အထိ ဂျာနယ်လစ်များသေဆုံးမှုမှာ ၃၇၅ ဦးကျော်ရှိခဲ့သည်ဟု အီရတ်ဂျာနယ်လစ်အဖွဲ့မှ ယခုနှစ်အစောပိုင်းက ထုန်ပြန်ခဲ့သော မှတ်တမ်းတွင်ဖော်ပြထားသည်။
Ref : xinhua

_________________________

နိုင်ငံ၏ နျူးကလီးယားလုပ်ငန်းစဉ်များအား နှောက်ယှက်ရန် ကြိုးပမ်းသူ လေးဦးကို အီရန်ဖမ်းဆီး

အီရန်နိုင်ငံ၏ နျူးကလီးယား တည်ဆောက်ရေးလုပ်ငန်းစဉ်များအား နှောက်ယှက်ရန်ကြိုစားခဲ့သူ လေးဦးကို ဖမ်းဆီးလိုက်သည်ဟု အီရန်နျူးကလီးယားအဖွဲ့၏ ဥက္ကဌဖြစ်သူ အလီ အက္ကဘာ ဆာလေက ယနေ့တွင်ပြောကြားလိုက်သည်။

“အချိန်အတော်ကြာကတည်းက ကျွန်တော်တို့အဖွဲ့ထဲမှာ ဒီလူလေးဦးရှိနေတာဆိုတာကို သိခဲ့တာပါ။ ဒါပေမယ့် သူတို့ကို ထောက်လှမ်းစုံစမ်းလို့ရအောင် မဖမ်းဘဲလွှတ်ပေးထားခဲ့တာပါ။ သင့်လျော်တဲ့အချိန်ရောက်ပြီဖြစ်လို့ သူတို့ကို ရက်အနည်းက အရင်က ဖမ်းဆီးခဲ့ပါတယ်။ သူတို့ကို စစ်မေးပြီးပါပြီ” ဟု ဆာလေက သတင်းအေဂျင်ဆီတစ်ခုသို့ပြောကြားခဲ့သည်။

သို့သော်လည်း ထိုလူလေးဦးမှာ မည်သည့် နျူးကလီးယားလုပ်ငန်းစဉ်ကို နှောက်ယှက်ရန် စ်မှတ်ထားခဲ့သည်ဆိုသည်ကို ထုတ်ဖော်ပြောဆိုခြင်းမပြုခဲ့ပေ။ ဆက်လက်၍ ဆာလေက နယ်စပ်များမှ နိုင်ငံခြားသားများ နိုင်ငံအတွင်းသို့ တရားမ၀င်လာ စိမ်ဝင်လာမှုနှင့် ပက်သက်ပြီး ဂရုစိုက်ရန် အီရန်လုံခြုံရေးတာဝန်ရှိသူများအား သတိပေးခဲ့သည်။
Ref : xinhua

____________________
စစ်သွေးကြွများကို ဦးတည်သည့် စစ်ဆင်ရေးနှစ်ခုကို အာဖရိကတွင် အမေရိကန်ပြုလုပ်

အမေရိကန်စစ်တပ်မှ စစ်သွေးကြွများကိုဦးတည်သည့် စစ်ဆင်ရေးနှစ်ခုကို အာဖရိကနိုင်ငံနှစ်နိုင်ငံတွင် ပြုလုပ်ခဲ့ပြီး ထိုစစ်ဆင်ရေးအတွင်း စစ်သွေးကြွ ခေါင်းဆောင်တစ်ဦးကို ဖမ်းဆီးရမိခဲ့သည်ဟုသိရသည်။

လစ်ဗျားနိုင်ငံနှင့် ဆိုမာလီနိုင်ငံတို့တွင်ပြုလုပ်ခဲ့ခြင်းဖြစ်ပြီး လစ်ဗျားနိုင်ငံထရီပိုလီမြို့တွင်ပြုလုပ်သည့် စစ်ဆင်ရေးတွင် အလ်ကိုင်းဒါးခေါင်းဆောင်ဟု ယူဆရသူတစ်ဦးကို ဖမ်းမိခဲ့သည်။ အဘူ အနတ်စ် အလ် လစ်ဘီဟု အမည်ရပြီး ၁၉၉၈ခုနှစ်က ကင်ညာနှင့် တန်ဇန်းနီးယားနိုင်ငံတို့ရှိ အမေရိကန်သံရုံးများကို ဗုံခွဲတိုက်ခိုက်မှုများအား ညွှန်ကြားခဲ့သူဟု သံသယရှိနေသူဖြစ်သည်။

ဆိုမာလီတောင်ပိုင်းတွင် သီးခြားပြုလုပ်သည့် စစ်ဆင်ရေးတစ်ခုတွင် ပစ်မှတ်ထားသည့် အလ်ကိုင်းဒါးခေါင်းဆောင်တစ်ဦးကို ဖမ်းဆီးရမိခဲ့ခြင်းမရှိပေ။ စစ်ဆင်ရေးကြောင့် သေဆုံးခဲ့သူများတွင် ပါဝင်ခဲ့ခြင်းရှိမရှိဆိုသည်မှာ ရှင်းလင်းမှုမရှိသေးသော်လည်း၊ အလ်ကိုင်းဒါးနှင့် ဆက်စပ်နေသည့် အလ်ရှာဘတ်အဖွဲ့ဝင်များစွာကို သုတ်သင်ခဲ့သည်ဟု အမေရိကန်တာဝန်ရှိသူများက ပြောကြားခဲ့သည်။
Ref : channelnewsasia

_________________________