အရေးပေါ်လူနာပြုစုနည်းဟောပြော

အောက်တိုဘာ ၉၊ ၂၀၁၃
M-Media
အငယ်လေး

ရန်ကုန်  ။      ။       Myanmar Teaching English Network မှ ဒေါက်တာသန်းတင် ဟောပြောသည့် အရေးပေါ် လူနာပြုစုနည်း ဟောပြောပွဲ တစ်ရပ်ကို မင်္ဂလာတောင်ညွန့်မြို့နယ်၊ လမ်းဖို့မြေရပ်ကွက်ရှိ အစ္စလာမ့် ဘာသာရေးစာသင်ကျောင်းတွင် ယနေ့ အောက်တိုဘာ ၉-ရက် ညနေ ၅း၃၀-နာရီတွင် ပြုလုပ်ခဲ့သည်။

၎င်းအခမ်းအနားတွင် (MTEN) မှ ဥက္ကဌ ဦးအောင်မြင့်မှ ယခုလို ဟောပြောပွဲလေးဟာ အလွန်အနှစ်သာရ ရှိတဲ့ကိစ္စဖြစ်ပြီး ကျန်းမာရေးနှင့် သက်ကြီးရွှယ်အိုများကို အရေးပေါ်ကိစ္စများပြုစုရန်အတွက် ရည်ရွယ်ကြောင်း ပြောကြားခဲ့သည်။ ထို့နောက် အစ္စလာမ့်ဘာသာရေးစာသင်ကျောင်း ဥက္ကဌ ဦးလှဝင်းမှလည်း ဤစာသင်ကျောင်း တွင် အင်္ဂလိပ်စာပေများ၊ ဘာသာရေး စာပေများ မြန်မာမွတ်စလင်မ် အမျိုးသမီးများ လူနေမှုဘဝ တိုးတက်စေရန် အတွက် ရည်ရွှယ်ပြီးလုပ်ဆောင်နေကြောင်း၊ ဆက်လက်ပြီး ကြိုးစားသွားမှာ ဖြစ်ကြောင်းပြောကြားခဲသည်။

အခမ်းအနားတို့တက်ရောက်သူများထဲမှ မနှင်းနုဝေကလည်း ယခုကဲ့သို့ ဟောပြောပွဲများသည် အမျိုးသမီးများအတွက် အတွေ့အကြုံများစွာပြီး၊ အစ္စလာမ်အမျိုးသမီးများ အတွက် ယခုလို အစီအစဉ်များပြုလုပ်ပေးသူများကို အထူးကျေးဇူးတင်ရှိပါကြောင်း ပြောကြားခဲ့ပြီး အခမ်းအနားကို ၆း၄၅-နာရီ အချိန်တွင် ရုပ်သိမ်းခဲ့သည်။

အဆိုပါ ဟောပြောပွဲသို့ လူ ၄၀-ခန့် တက်ရောက်ခဲ့ပါသည်။