လူရယ်လို့ ဖြစ်လာရင် ဆင်းရဲ ချမ်းသာ၊ လူမျိုးဘာသာ မခွဲခြားပဲ အများအကျိုးကို လုပ်ဆောင်သင့်တယ်ဆိုတဲ့ သစ္စာကွန်ရက်

အောက်တိုဘာ ၁၀၊ ၂၀၁၃
M-Media
တွေ့ဆုံမေးမြန်းသူ – ဆူးထက်

သစ္စာကွန်ရက် ဒါရိုက်တာ ကိုခွန်းကြည်စိုး

ရန်ကုန် ။         ။ သစ္စာကွန်ရက် လူမှု အကျိုးပြု စီးပွားရေး လုပ်ငန်းစုမှ မြောက်ဥက္ကလာမြို့နယ်ရှိ ဘာသာပေါင်းစုံ အသေးစား စီးပွားရေး လုပ်ကိုင်သူများကို ရင်းနှီး မတည်ငွေ အစုရှယ်ယာများကို စက်တင်ဘာ ၃၀ ရက်နေ့က ပေးအပ်ခဲ့ကြောင်း သိရသည့်အတွက် မြန်မာ မွတ်စလင်များ စုစည်း၍ ဖွဲ့စည်းကာ လူ့ဘောင် သာယာရေးအတွက် လူမူ့အကျိုးပြု လုပ်ငန်းများကို တစ်ဒေါင့်တစ်နေရာမှ ဆောင်ရွက်နေသော သစ္စာကွန်ရက် လူမှု အကျိုးပြု လုပ်ငန်းမှ ဒါရိုက်တာ ကိုခွန်းကြည်စိုး အား M-Media မှ တွေ့ဆုံမေးမြန်းခဲ့ပါသည်။

M-Media – အကိုတို့ အနေနဲ့ အစုရှယ်ယာကို ဘယ်လို စီးပွားရေး လုပ်ကိုင်နေသူတွေထဲကို ထည့်ဝင်တာပါလဲ။
သစ္စာ – အသေးစား စီးပွားရေး လုပ်ငန်း လုပ်ကိုင်နေသူတွေ ဖြစ်တဲ့ အသုပ်ဆိုင်၊ အကင်ဆိုင်၊ အ်ိမ်ဆိုင်လေးတွေကို ဖွင့်တဲ့သူကို လုပ်ပေးတာ ဖြစ်ပါတယ်။

M-Media – အဲဒီလို လုပ်ကိုင်သူတွေထဲက ဘယ်လူမျိုး ဘယ်ဘာသာကို ပေးမယ်။ ဘယ်လို အလုပ်လုပ်သူကိုပေးမယ်လို့ ရွေးချယ်ပြီး ပေးခဲ့တာမျိုး ရှိပါသလား။
သစ္စာ – ကျွန်တော်တို့ အခုပေးလိုက်တာ ၃၆-ယောက်ပါ။ လူမျိုးဘာသာ ခွဲခြားမှု မရှိပါဘူး။ ဗုဒ္ဓဘာသာက ၃၀-ယောက်၊ မွတ်စလင်မ်က ၄-ဦး၊ ဟိန္ဒူက ၂-ဦး ပါဝင်ပါတယ်။ တစ်ခုတော့ ရှိတယ် ဘယ်လိုအလုပ်လုပ်သူ ရွေးချယ်ပြီး ပေးခဲ့လဲဆိုရင် ဆင်းရဲ နွမ်းပါးပေမယ့် ရိုးရိုးသားသား လုပ်ကိုင် စားသောက်သူတွေကို ပေးခဲ့တာပါ။ အများကြီးလည်း မတတ်နိုင်သေးတော့ အဲဒီထဲက ပိုပြီး လိုအပ်တဲ့သူကို ထပ်ရွေးချယ်ရတာ ဖြစ်ပါတယ်။

M-Media – အကိုတို့က ပိုက်ဆံကို ချေးတာလား။
သစ္စာ – ချေးတာ မဟုတ်ဘူး ခင်ဗျ။ သူတို့လုပ်တဲ့ လုပ်ငန်းမှာ ရှယ်ယာ ထည့်တာ ဖြစ်ပါတယ်။

M-Media – ရှယ်ယာထည့်ပြီး အကိုတို့က ဘယ်လို အကျိုးအမြတ် ပြန်ယူလဲ မသိဘူး။
သစ္စာ – ကျွန်တော်တို့က တစ်ခါ ရှယ်ယာထည့်ရင် သုံးသောင်း လေးထောင် ထည့်ပေးလိုက်ပြီး သူတို့က တစ်နေ့ ၅၀၀ ပြန်သွင်းရတယ်။ ရက်-၉၀
ပြည့်သွားရင် လေးသောင်းခွဲ ဖြစ်သွားတယ်။ လေးသောင်းခွဲ ရတဲ့ အချိန်မှာ မူလ ရှယ်ယာ သုံးသောင်း လေးထောင်၊ တစ်သောင်း နှစ်ထောင် အမြတ်မှာ
သူတို့က ရှစ်ထောင် မြတ်တယ်။ ကျွန်တော်တုိ့က သုံးထောင်မြတ်တယ်။ အကြွေးပုံစံမျိုး စဉ်းစားမယ် ဆိုရင် အကြွေးလည်း ကြေသွားမယ်၊ အမြတ်လည်း
ရမယ်။

M-Media – အကိုတို့ သူတို့ဆီက ယူလိုက်တဲ့ အမြတ်ငွေ ကြတော့ အကိုတို့ ဘယ်လို ပြန်ပြီး သုံးစွဲလဲ မသိဘူး။
သစ္စာ – အဲဒီ အမြတ်ငွေတွေကို ကျွန်တော်တို့က နောက်တစ်ရင်းအတွက် သုံးတယ်။ ရံဖန်ရံခါ အလှူပွဲတွေ လုပ်တဲ့ အခါမှာလည်း သုံးတယ်။

M-Media – အကိုတို့ ဒီတစ်ခါနဲ့ဆို ဘယ်နှစ်ကြိမ်မြောက် ဖြစ်ပါသလဲ။
သစ္စာ – ကျွန်တော်တို့က ၂၀၁၁-ခုနှစ် နှစ်ကုန်ပိုင်းလောက် ကတည်းက စတင် လုပ်ဆောင်ခဲ့တာပါ။ ၃-လတစ်ကြိမ် ပုံမှန် လုပ်ဖြစ်ပါတယ်။ အမှန်ဆို လတိုင်း လုပ်ချင်ခဲ့တာပါ။ အခြေအနေ မပေးသေးလို့ပါ။ အခု မြောက်ဥက္ကလာမှာ လုပ်ခဲ့တာ ဆိုရင် ၅-ကြိမ်မြောက် ဖြစ်ပါတယ်။

M-Media – အခြား ဘယ်မြို့နယ်တွေမှာ လုပ်ဖြစ်သေးလဲ မသိဘူး။
သစ္စာ – တောင်ဒဂုံ၊ သာကေတ အဲဒီဘက်တွေမှာလည်း လုပ်ဖြစ်ပါတယ်။

သစ္စာကွန်ရက် လုပ်ငန်းစဉ် ဆွေးနွေးစဉ်

M-Media – အကိုတို့ ဒီလုပ်ဆောင်ချက်ကို ဘာကြောင့် လုပ်ဖြစ်တယ်ဆိုတာလေး ပြောပြပေးပါ။
သစ္စာ – ဘာကြောင့် လုပ်ဖြစ်ခဲ့လဲဆိုတော့ ဆင်းရဲနွမ်းပါးမှု ပပျောက်ရေး ဒါကို နိုင်ငံတော် အစိုးရ အနေနဲ့လည်း စိတ်ဝင်စားတယ်။ ကျွန်တော်တို့ကလည်း
ပွင့်လင်း အစိုးရ ဖြစ်လာတဲ့ အပေါ်မှာ ၂၀၁၀ နောက်ပိုင်းမှာ လုပ်ဖြစ်သွားတာပါ။

M-Media – အကိုတို့ သစ္စာကွန်ရက် လူမှု အကျိုးပြု လုပ်ငန်းကို ဘယ်ချိန်တုန်းက စတင်တည်ထောင်ခဲ့တာ ပါလဲ။
သစ္စာ – ၂၀၁၁-ခုနှစ်က စတင်ဖွဲ့စည်း ထူထောင်ခဲ့တာပါ။

M-Media – အကိုတို့ အဓိက လုပ်ဆောင်တဲ့ လုပ်ငန်းစဉ်တွေအကြောင်း ပြောပြပေးပါ။
သစ္စာ – မရှိနွမ်းပါးတဲ့သူတွေကို အရင်းအနှီး အဆင်မပြေတဲ့သူတွေကို အရင်းအနှီး ထုတ်ပေးပါတယ်။ ဒုတိယက ပညာရေး ထောက်ပံ့မှုကို ရံဖန်ရံခါ
လုပ်တယ်။ တတိယက ကျန်မားရေး ထောက်ပံ့မှု လုပ်ပေးတယ်။ ပြီးတော့ ဘာသာပေါင်းစုံ ချစ်ကြည်ရေး အတွက်ကို အခမ်းအနားတွေ လုပ်ပါတယ်။

M-Media – အကိုတို့ မြန်မာမွတ်စလင်တွေအနေနဲ့ ဘာသာပေါင်းစုံက လူတွေကိုပါ ကူညီနေတာနဲ့ ပတ်သပ်ပြီး သဘောထားကို ပြောပြပေးပါ။ ဘယ်လို 
စိတ်နဲ့ ကူညီ ဖြစ်ခဲ့လဲ ဆိုတာလေးပေါ့။
သစ္စာ – ဘာသာ လူမျိုးဆိုတာ ခွဲခြားစရာ မလိုဘူး။ ယုံကြည်မှု ဆိုတာ ကိုယ့်ရင်ထဲမှာပဲ ရှိတယ်။ လူမျိုးဆိုတာ ကိုယ့်မိသားစု ပေါက်ဖွားလာရာ
အနေအထား။ ဒီနှစ်ခုကို အခြေခံပြီး ဘာမှ ပဋိပက္ခလည်း ဖြစ်စရာ မလိုဘူး။ ခွဲခြားစရာလည်း မလိုဘူး။ ကိုယ့်လူမျိုးကို ကိုယ်ချစ်တာ ပြဿနာ မရှိဘူး။
ဒါပေမယ့် တခြား လူမျိုးကို အထင်သေးလို့ မရဘူး။ ကိုယ့်ဘာသာကိုယ် ယုံကြည်တာ ပြဿနာ မရှိဘူး။ တခြား ဘာသာကို အထင်သေးလို့ မရဘူး။
အပြန်အလှန် ယှဉ်တွဲ နေထိုင် သင့်တယ်လို့ ထင်ပါတယ်။ အဲဒီအတွက် ကြိုးစားတာပါ။

M-Media – ပြီးခဲ့တဲ့ လပိုင်းတုန်းကလည်း ပညာရေးနှင့် ပတ်သပ်ပြီး ကူညီဆောင်ရွက်ခဲ့တယ်လို့ ကြားတယ်။ အဲဒီ အကြောင်းလေး ပြောပြပေးပါဦး။
သစ္စာ – မြောက်ဥက္ကလာပ မြို့နယ်မှာ ရှိတဲ့ (၁)ရပ်ကွက်၊ အ.မ.က (၂) မူလတန်းကျောင်းကို မီးကြိုးတွေ တပ်ဆင်ပေးခဲ့ပါတယ်။ ကလေးပေါင်း (၄၆၀)ကို
အာဟာရ ကျွေးမွေးခဲ့တယ်။ ကျောင်းစိမ်း အဖြူ အစိမ်း ၀တ်စုံ ပေးတယ်။ ပြီးတော့ ကလေးတွေကို ဗလာစာအုပ်၊ ခဲတံ ဒါဇင်ဗူးတွေရယ်၊ စတီးချိုင့်တွေကို
ဗလာမပါ တစ်ယောက်မကျန် မဲနှိုက်ပြီး ပျော်ပွဲ ရွှင်ပွဲ လုပ်ပြီး ပေးခဲ့ပါတယ်။ စက်တင်ဘာ ၉-ရက်နေ့က လုပ်ခဲ့တာပါ။

M-Media – ရန်ကုန်မှာ ဒီလို မပြည့်စုံတဲ့ ကျောင်းတွေ အများကြီး ရှိတဲ့ အထဲက ဘာလို့ အဲဒီ့ကျောင်းကို ရွေးချယ် ပေးခဲ့တာ ပါလဲ။
သစ္စာ – ကျောင်းလေးက နွမ်းပါးတယ်။ တကယ့် ဆင်းရဲ နွမ်းပါးတဲ့ မိသားစုက ကလေးတွေ လာတက်တာ များတယ်။ အဲဒီအတွက် အဲဒီကျောင်းကို
ရွေးချယ်လိုက်တာ ဖြစ်တယ်။

M-Media – ကျန်းမာရေးနဲ့ ပတ်သပ်ပြီး လုပ်ဆောင်ခဲ့တဲ့ အထဲက တစ်ခုလောက် ပြောပြပေးပါ။
သစ္စာ – မြောက်ဥက္ကလာမြို့နယ်မှာရှိတဲ့ ဦးဇင်း တစ်ပါး သွေးကင်ဆာကြောင့် ကျန်းမာရေး မကောင်းလို့ အကူအညီတောင်းခံတဲ့ အတွက် လှူဖွယ်
ပစ္စည်းတွေနဲ့ ငွေငါးသောင်းကို မြောက်ဥက္ကလာပ ဆေးရုံကြီး၊ သီတာဆောင်မှာ သွားရောက် လှူဒါန်းခဲ့ပါတယ်။ အဲဒါက စက်တင်ဘာ ၈-ရက်နေ့ကပါ။

M-Media – နောက်ဆုံးမေးခွန်းအနေနဲ့ မေးရရင် ပရဟိတကို ဘယ်လို နားလည် လက်ခံပြီး ကျင့်သုံး ဆောင်ရွက်နေတာပါလဲ။
သစ္စာ – လူရယ်လို့ ဖြစ်လာရင် ဆင်းရဲပဲ ဆင်းရဲ၊ ချမ်းသာပဲ ချမ်းသာ၊ ဘာလူမျိုးပဲ ဖြစ်ပါစေ၊ ဘယ်ဘာသာပဲ ကိုးကွယ်သည် ဖြစ်စေ အများအကျိုးကို
လုပ်ဆောင် သင့်တယ်လို့ထင်တယ်။ ဒါမှ လူ့ဘောင် သာယာမယ်။ အဲဒီ့ အတွက် လုပ်သင့်တယ်လို့ ခံယူပြီး လုပ်တာပါ ခင်ဗျာ။

M-Media – အခုလို သိလို သမျှကို ဖြေကြားပေးခဲ့အတွက် M-Media မှ ကျေးဇူးတင်ပါတယ်။
သစ္စာ – ကျွန်တော်လည်း ကျေးဇူးတင်ပါတယ်ခင်ဗျာ။