UNICEF မှ ဦးစီးသည့် Book on Peace Building for Young Children Workshop

အောက်တိုဘာ ၁၁၊ ၂၀၁၃
M-Media
ပြည့်ပြည့်

International Consultant တစ်ဦးဖြစ်သူ Barbara Kolucki

ရန်ကုန် ။ ။ UNICEF မှ ဦးစီးပြုလုပ်သည့် book on peace building for young children workshop ကို အောက်တိုဘာ ၇-ရက်နေ့မှ ၁၁-ရက်နေ့အထိ ရန်ကုန်မြို့ Micasa Hotel တွင် ပြုလုပ်ပြီး ယနေ့ညနေပိုင်းတွင် workshop ပြီးဆုံးခဲ့ပါတယ်။

အဆိုပါ workshop သို့ ဘာသာ ၅-ခုမှ တိုင်းရင်းသား လူမျိုးပေါင်းစုံ ပါဝင်တက်ရောက်ကြပြီး ဘုန်းတော်ကြီး ၃-ပါး အပါအ၀င်၊ ကယား – ကယန်း – မွန် – ပအို့စ် – ဓနု- ကချင် – ရခိုင် စသည့် တိုင်းရင်းသားများ၏ စာပေနှင့် ယဉ်ကျေးမှုအဖွဲ့၊ Graphic Designer များ၊ ပန်းချီ သရုပ်ဖော်ဆရာများ၊ ဓါတ်ပုံပညာရှင်များ၊ ပညာရေးဝန်ကြီးဌာန၊ လူမှုဝန်ထမ်းဦးစီးဌာန၊ ကျန်းမာရေးဝန်ကြီးဌာန၊ NGO များ၊ CBO များ စုစုပေါင်း လူ ၈၀-ကျော် ပါဝင်တက်ရောက်ခဲ့ကြပါတယ်။

၎င်း ဆွေးနွေးမှုများကို International Consultant တစ်ဦးဖြစ်သူ Barbara Kolucki မှ အဓိက ဆွေးနွေးပေးပြီး ယနေ့ workshop နောက်ဆုံးနေ့ အစီအစဉ်မှာ သင်တန်းအတွင်းမှ အတွေ့အကြုံများကို ပြောကြားခဲ့ပြီး Unicef Myanmar ၏ Acting Chief, Education Section မှ Christian Stoff မှ တက်ရောက် အမှာစကားပြောကြားခဲ့ပါတယ်။

ကလေးများအနေဖြင့် ကလေးဘ၀ ဖြတ်သန်းရမှုအား စာအုပ်စာပေတွင် မွေ့လျော်ပြီး ဘာသာလူမျိုး မခွဲခြားစေတဲ့ အသိပညာ အမူအကျင့်များကို ကလေးသူငယ်များအနေဖြင့် စာအုပ်များမှတဆင့် ရရှိလာစေရန် စုပေါင်း၍ Workshop တွင် ဆွေးနွေးကြခြင်းဖြစ်ပြီး လာမည့်နှစ်တွင် unicef မှ ထုတ်ဝေမည့် ကလေးသူငယ်နှင့်ပတ်သက်သော စာအုပ်များတွင် အသုံးပြုမည်ဖြစ်ကြောင်း သိရပါတယ်။