ရန်ကုန်ဆေးရုံကြီး ကင်ဆာကုသဆောင် ကလေးသူငယ်များအတွက်အလှူငွေပေးအပ်

အောက်တိုဘာ ၁၂၊ ၂၀၁၃
M-Media
လင်းလင်း

ရန်ကုန်  ။            ။      ရန်ကုန်မြို့၊ ရန်ကင်းမြို့နယ်အတွင်းရှိ ကလေးဆေးရုံ ကင်ဆာကုသဆောင်တွင် တက်ရောက်ကုသသော အနယ်နယ်အရပ်ရပ်မှ ကလေးသူငယ်များအတွက် အသုံးအပြုနိုင်ရန် ကျိုလီယာမွတ်စလင်မ် သာသနာ့ရန်ပုံငွေအဖွဲ့မှ ယနေ့ မနက်ပိုင်းက အလှုငွေ များပေးအပ်ခဲ့သည်။

ရန်ကုန်မြို့ကလေးအထူးကုဆေးရုံ ကင်ဆာရောဂါကုသဆောင်တွင်အနယ်နယ်အရပ်ရပ်မှ လာရောက်ဆေးဝါးကုသနေ ကြသည့် ကလေးသူငယ်များ၏ ဆေးဝါးကုသစရိတ်နှင့် လူနာစောင့် မိသားစုဝင်များ၊ အထွေထွေကုန်ကျ စရိတ်အဖြစ်သုံးစွဲနိုင်ရန် ရန်ကုန်မြို့၊ ပန်းဘဲတန်းမြို့နယ်၊ ဗိုလ်ဆွန်ပက်လမ်းရှိ ကျိုလီယာမွတ်စလင်မ် သာသနာ့ရန်ပုံငွေအဖွဲ့မှ အလှူငွေ (၅၀၀၀၀၀) (ငါးသိန်းကျပ်တိတိ)ကို ပေးအပ်လှူဒါန်းပြီး ကလေးဆေးရုံကြီးတာဝန်ရှိ ပုဂ္ဂိုလ်များက
လက်ခံရယူခဲ့ကြပါသည်။

ဆက်လက်၍ ကျိုလီယာ သာသနာ့ရန်ပုံငွေအဖွဲ့ ဥက္ကဌ ဟာဂျီ ဦးလှရွှေ(JVC)မှ ‘ယခုအကြိမ်လှုဒါန်းခြင်းမှာ တတိယအကြိမ်ဖြစ်ပြီး ကင်ဆာရောဂါ ခံစားနေရသော ကလေးသူငယ်လူနာများအတွက် လစဉ် နို့မှုန့်များလည်း လှုဒါန်းနေကြောင်းနှင့် ယင်း လူနာများ၏ လိုအပ်ချက်များကိုလည်း အစဉ်မပြတ် လေ့လာကြည့်ရှု၍ တက်စွမ်းရှိသ၍ ဆက်လက်လှုဒါန်းသွားမှာ ဖြစ်ကြောင်း ပြောကြားခဲ့ပါသည်။