Rakhine: ရန်ကုန်-သံတွဲ ကားများတွင် မွတ်စလင်မ်ဆိုလျှင် လက်မှတ်မရောင်း

အောက်တိုဘာ ၁၄၊ ၂၀၁၃
M-Media
ချမ်းငြိမ်းအေး

ရန်ကုန် ။        ။        ရခိုင်ပြည်နယ် သံတွဲမြို့တွင် စက်တင်ဘာ ၂၉-ရက်နေ့က စတင်ဖြစ်ပွားခဲ့သော အကြမ်းဖက်မှုများပြီးနောက် မွတ်စလင်မ်များအနေဖြင့် ရန်ကုန်-သံတွဲသွားလာရန် အဝေးပြေးကားမှ တင်ဆောင်ခြင်း မပြုသည့်အတွက် အခက်အခဲ ဖြစ်ရကြောင်းသိရပါတယ်။

ကားလက်မှတ်ဝယ်သည့်အခါ မွတ်စလင်မ်ဆိုရင် လက်မှတ် မရောင်းတာကြောင့် သွားလာရခက်ခဲရကြောင်း၊ ရန်ကုန်-သံတွဲ ခရီးသည်တင်ကားမှာ မွတ်စလင်မ်ပိုင် ကားလိုင်းများမရှိပဲ ကုန်တင်ကားလိုင်းများသာ မွတ်စလင်မ်ပိုင်ရှိပြီး အဆိုပါ ကားလိုင်းများမှာလည်း ယခုအခါ ရန်ကုန်-သံတွဲ ပြေးဆွဲရာတွင် အခက်အခဲရှိသောကြောင့် ခရီးသွားလာမည့် မွတ်စလင်မ်များ အခက်ကြုံရနေကြာင်း သံတွဲမြို့ခံမှ ပြောပါတယ်။

“ရန်ကုန်-သံတွဲ လူစီးကားလိုင်းက ရဲအောင်လံနဲ့ အောင်သစ္စာဆိုတဲ့ ကားတွေရှိတယ်။ အဲဒါက ဗုဒ္ဓဘာသာဝင်တွေပိုင်တာပါ။ မွတ်စလင်မ်ပိုင် လူစီးအဝေးပြေးကား မရှိဘူး။ မွတ်စလင်မ်ပိုင်က ကုန်တင်ကားပဲရှိတာ။ အဲဒါလည်း ဟိုးတလောက ဖျက်စီးခံရလို့ ကုန်တင်ပို့ရေးလည်း အခက်အခဲ ဖြစ်နေပါတယ်။ ကားလမ်းနဲ့ သွားလို့ ဘယ်လိုမှ မရတော့ဘူးလေ။ မွတ်စလင်မ်ဆို လက်မှတ်မရောင်းဘူး။ ဒါကြောင့် ပိုက်ဆံတတ်နိုင်သူတွေကတော့ လေယာဉ်ပျံနဲ့ သွားကြတာပေါ့ဗျာ။ ပိုက်ဆံမတတ်နိုင်သူတွေတော့ ဒုက္ခရောက်ရတာပေါ့”လို့ သံတွဲ မြို့ခံက ဆိုပါတယ်။

အဆိုပါကိစ္စအား ရန်ကုန်ရှိ အောင်သစ္စာကားဂိတ်သို့ ဆက်သွယ်၍ မေးမြန်းရာ “ကျွန်တော်တို့က မွတ်စလင်မ်တွေကို သီးသန့် မရောင်းတာ မဟုတ်ပါဘူး။ ပြီးခဲ့တဲ့ရက်ပိုင်းက ဖြစ်သွားခဲ့တဲ့ ကိစ္စရပ်တွေကြောင့် လုံခြုံရေးကို အထူးပိုပြီး သတိထားရလို့ပါ။ ကားလက်မှတ် လာဝယ်ရင် မှတ်ပုံတင် ရှိတဲ့သူကိုပဲ ရောင်းပါတယ်။ မှတ်ပုံတင် မရှိတဲ့သူ၊ မပြနိုင်တဲ့သူဆို မရောင်းတာ။ မွတ်စလင်မ်ဖြစ်လို့ မရောင်းတာ မဟုတ်ပါဘူး”လို့ ဂိတ်မှူးမှ ပြန်လည်ဖြေကြားခဲ့ပါတယ်။

မှတ်ပုံတင် မရှိသူများအား လက်မှတ်ရောင်းချမှု မပြုခြင်းဟု သိရသည့်အတွက် သံတွဲမြို့ခံများအား မှတ်ပုံတင် ကိစ္စ မေးမြန်းရာ “မှတ်ပုံတင် ရှိတဲ့ သူတွေလည်း ရှိပါတယ်။ ရခိုင်မှာ အများစုက မှတ်ပုံတင် မရတဲ့သူတွေလည်းရှိတယ်။ အရင်က ရှိထားတဲ့သူတွေအနေနဲ့လည်း အကြမ်းဖက်ခံရတဲ့ အချိန် မီးရှို့ခံရလို့ အိမ်ဖျက်ဆီးခံရလို့ မှတ်ပုံတင် မရှိတော့တဲ့သူတွေ ရှိတယ်လေ။ မှတ်ပုံတင် ရှိမှ လက်မှတ်ရောင်းပေးမယ်ဆိုတော့ ကျွန်မတို့ မွတ်စလင်မ်တွေ ဘယ်လိုလုပ် ခရီးသွားလို့ ရနိုင်ပါတော့မလဲ။”ဟု သံတွဲမြို့ခံက ဖြေကြားခဲ့ပါတယ်။

ယခုအခါ သံတွဲမြို့မှာ ယခင်ထက် ခရီးသွားလာမှုတွေ ရှိနေတယ်လို့ ကားဂိတ်များမှ ပြောဆိုမှုများ ရှိခဲ့သော်လည်း မွတ်စလင်မ်များအနေနှင့် ခရီးသွားလာမှုအတွက် အခက်အခဲရှိတာကြောင့် သွားလာရေး နှောင့်နှေးနေရတယ်လို့ သိရပါတယ်။

ဓါတ်ပုံအညွှန်း >> စက်တင်ဘာ ၂၉ ရက်နေ့ကစတင် ဖြစ်ပွားခဲ့သည့် အကြမ်းဖက်မီးရှို့မှုများ ကြောင့် အိုးအိမ်ပျက်ဆီးဆုံးရှုံးမှု့ကြောင့် ဝမ်းနည်းပူဆွေးနေသည့် သဗြုချိုင်ကျေးရွာမှ ကမန်တိုင်းရင်းသူ မွတ်စလင်မ် အမျိုးသမီးကြီးတဦး (ဓါတ်ပုံ-RFA)