International Study Centres နှင့် Bellerbys College၏ ပညာရေးဟောပြောပွဲ

စက်တင်ဘာ ၁၄၊ ၂၀၁၃
M-Media
ဆူးထက်

Study Group နှင့် Bellerbys College ၏ အထောက်အပံ့ဖြင့် British Council မှ ကျင်းပပြုလုပ်သော ပညာရေးဆွေးနွေးပွဲတရပ်ကို ၂၀၁၃ ခုနှစ်၊ အောက်တိုဘာလ ၂၁-ရက်နေ့တွင် ဗြိတိသျှကောင်စီစာကြည့်တိုက်၏ Self-Access Centre တွင် နံနက် ၉:၃၀ မှ နေ့လည် ၁၂:၀၀ အထိ ကျင်းပသွားမည် ဖြစ်ကြောင်း သိရသည်။

အဆိုပါ ဆွေးနွေးပွဲတွင် Study Group နှင့် International Study Centers UK (ISC UK) မှ Recruitment Specialist Kelly Hsieh နှင့် Bellerbys College မှ Recruitment Specialist Gledpet Sumonphandh တို့က UK ရှိ Study Group ၏ မိတ်ဖက်တက္ကသိုလ် ၅၀ကျော်၏ ကျောင်းပရဝုဏ်တွင် ဖွင့်လှစ်ထားရှိသော ISC များနှင့် Study Group ပိုင် Bellerybys College မှ ဖွင့်လှစ်ပို့ချနေသော သင်တန်းများ၊ ဘာသာရပ်များအကြောင်း နှင့် ဝန်ဆောင်မှုများအကြောင်းကို ရှင်းလင်းပြောကြားသွားမည်ဖြစ်သည်။

Study Group ၏ ISC များတွင်ပို့ချနေသော ဘွဲ့ကြို၊ဘွဲ့လွန်ဝင်ခွင့် သင်တန်းများသည် ၎င်းတို့၏ မိတ်ဖက်တက္ကသိုလ်များ၏ သင်ရိုးညွှန်းတန်းများ၊ သင်ခန်းစာများ နှင့် ကိုက်ညီမှုရှိအောင် ဖန်တီးပေးထားပါ၍ တက်ရောက်ခဲ့သောကျောင်းသားများ၏ ၉၀% သည် သက်ဆိုင်ရာ ISC နှင့် ချိတ်ဆက်ထားသောတက္ကသိုလ်များသို့ ဝင်ရောက်ခွင့်ရကြသည်။ ယင်းကျောင်းသားများသည် တက်ရောက်ခဲ့သည့် သင်တန်းအမျိုးအစား နှင့် စာမေးပွဲရလဒ်ပေါ်တွင် မူတည်၍ သက်ဆိုင်ရာ မိတ်ဖက် တက္ကသိုလ် များသို့ ပထမနှစ်၊ ဒုတိယနှစ် နှင့် ဘွဲ့လွန်ဒီဂရီတန်းများကို ဆက်လက်တက်ရောက်နိုင်သည်။

Study Group UK ၏ မိတ်ဖက်တက္ကသိုလ်များ၏ ကျောင်းပရဝုဏ်ရှိ ISC များအပြင် Study Group ၏ ကိုယ်ပိုင်ဖြစ်သော Bellerbys College တွင်လည်း ဘွဲ့ကြို ဝင်ခွင့်ပြင်ဆင်ပေးသည့် GCSE, A-level, Foundation year သင်တန်းများနှင့် ဘွဲ့လွန်အတွက်ပြင်ဆင်ပေးသည့် Pre-masters သင်တန်းများကိုလည်း ဘာသာရပ် ပေါင်းစုံလင်စွာ သင်ကြားပေးသည်။ London, Oxford, Cambridge နှင့် Brighton မြို့များတွင် များဖွင့်လှစ်ထားသော Bellerbys College သည် နိုင်ငံတကာ အဆင့်မှီ နည်းပညာမြင့်မားသည့် သင်ထောက်ကူပစ္စည်းများနှင့် အရည်အချင်းပြည့်ဝသည့် ဆရာများထားရှိပြီး ကျောင်းသားများကို ပံ့ပိုးမှုပေးသည့်ဝန်ဆောင်မှုများ၊ ကျောင်းသားများနေထိုင်မှုနှင့် လူမှုရေးဆိုင်ရာ ပျော်ပွဲရွှင်ပွဲအစီအစဉ်များကိုလည်း စီစဉ်ဆောင်ရွက်ပေးမည် ဖြစ်ကြောင်း သိရသည်။

Bellerbys College ၏ ကျောင်းသား ၅၇% သည် ၂၀၁၂တွင် UK ၏ တက္ကသိုလ်ဝင်ခွင့် A – Level စာမေးပွဲတွင် အဆင့်အမြင့်ဆုံး Grade များရရှိခဲ့ပြီး၊ ၅၀% မှာ UK ၏ ထိပ်တန်း တက္ကသိုလ် ၁၅ခုသို့ဝင်ခွင့်ရရှိခဲ့ကြသည်။

UK ၏ နိုင်ငံတကာအဆင့်မှီ ဒီဂရီ ရရှိရန်မျှော်မှန်းထားသော မြန်မာကျောင်းသားများနှင့် မိမိ၏ သားသမီးများကို နိုင်ငံတကာအလုပ်အကိုင်ဈေးကွက်တွင် ဝင်ဆံ့နိုင်ရန် အတွက် နိုင်ငံတကာအသိအမှတ်ပြု ပညာရေးရရှိရန် ကြံရွယ်သောမိဘများ တက်ရောက်သင့်သော ပညာရေးဆွေးနွေးပွဲတရပ်ဖြစ်ကြောင်း သိရသည်။ [email protected] သို့ စရင်းပေးသွင်းနိုင်ကြောင်း သိရသည်။