စစ်ကိုင်းမြို့ နေရာ ၂-ခုတွင်လည်း ပေါက်ကွဲမှုဖြစ်

အောက်တိုဘာ ၁၅၊ ၂၀၁၃
M-Media
KK

ဓါတ်ပုံ – google image တွင် ဖော်ပြထားသည့် စစ်ကိုင်းတံတားပုံဖြစ်ပါသည်။

စစ်ကိုင်း ။ ။ ယခုရက်ပိုင်းအတွင်း ရန်ကုန်၊ မန္တလေးနှင့် တောင်ငူမြို့တို့တွင် ဗုံးများ ဆက်တိုက်ပေါက်ကွဲမှု၊ တွေ့ရှိမှုများရှိခဲ့သလို ယနေ့တွင် စစ်ကိုင်းမြို့ နေရာ၂-ခု၌လည်း ဗုံးပေါက်ကွဲမှုများ ဖြစ်ပွားခဲ့ကြောင်း သိရပါသည်။

စစ်ကိုင်းမြို့ ရွှေပြည့်စုံဟိုတယ်၌ ယနေ့မနက် ၃-နာရီခန့်က ပေါက်ကွဲမှုတစ်ခု ဖြစ်ခဲ့ပြီး လူသေပျောက်မှု မရှိကြောင်း သိရပါသည်။

၎င်းနည်းတူ စစ်ကိုင်းတောင် ဆွမ်းဦးပုညရှင်စေတီ၌လည်း ပေါက်ကွဲမှုတစ်ခုဖြစ်ပွားပြီး ပေါက်ကွဲရာနေရာမှာ မန္တလေးဘက် မျက်နှာလှည့်ထားသည့် ကားရပ်နားရန်နေရာအနီးတွင်ဟု သိရှိရပြီး အသေအပျောက် ထိခိုက်ဒဏ်ရာရမှု မရှိကြောင်း သိရပါသည်။

ပေါက်ကွဲမှုများမှာ မည်သည့်ပေါက်ကွဲမှုများဖြစ်သည်ဆိုသည်ကိုမူ မသိရှိရသေးပဲ ဆက်လက်စုံစမ်းမှုများ ပြုလုပ်ဆဲဖြစ်ကြောင်း သိရပါသည်။