အမ်-မီဒီယာရုပ်ရှင်အညွှန်း (၁) – ရှင်ဒလာလစ်

အမ်မီဒီယာ ပရိသတ်အတွက် အပျင်းလည်းပြေ ဗဟုသုတလည်းတိုးစေမယ့် ရုပ်ရှင်ဇတ်ကားလေးတွေကို “အမ်-မီဒီယာရုပ်ရှင်အညွှန်း” ကဏ္ဍကနေ အပတ်စဉ် တင်ဆက်ပေးသွားမှာဖြစ်ပါတယ်။

ပထမဦးဆုံးအနေနဲ့ အမ်မီဒီယာပရိသတ်ကြီးအတွက် ဒုတိယကမ္ဘာစစ်နောက်ခံ ရုပ်ရှင်ဇတ်ကားတစ်ခုကို မိတ်ဆက်ပေးပါရစေ။

ဂျာမန်နာဇီကြီး အော်စကာရှင်ဒလာရဲ့အုတ်ဂူကတော့ ဂျေရုစလင်က မောင့်ဇီယွန်ခေါ် ဇီယွန်တောင်ကုန်းပေါ်မှာ ရှိပါတယ်ဆိုရင် ပရိသတ်ကြီး အံ့သြသွားမှာ လား၊ ဘာကြောင့်လဲဆိုတာ “ရှင်ဒလာလစ်” ဇတ်လမ်းမှာ ရှုစားကြရမှာပါ။

ဒီဇတ်ကားကတော့ သမိုင်းနောက်ခံ ဒရာမာ ဇတ်ကားကောင်း တစ်ခုဖြစ်ပါတယ်။ ဟော်လိဝုဒ်နာမည်ကြီး ဒါရိုက်တာ စတီဗင်စပီးလ်ဘားဂ်ရိုက်ကူးထားပြီး စတီဗင် ဇိုင်လီယန်က ဇတ်ညွှန်းရေးထားတာပါ။

သြစတြေးလျဝတ္ထုရေးဆရာကြီး သော်မတ်စ် ကန်နီးယာလီရဲ့ Shindler’s Ark ခေါ် ရှင်ဒလာရဲ့ သင်္ဘောကြီးလို့ အမည်ရတဲ့ ၀တ္ထုကို စပီးလ်ဘားဂ်က Schindler’s List လို့ နာမည်ပေးပြီး ရုပ်ရှင်ရိုက်ခဲ့တာပါ။ ဘတ်ဂျက် ဒေါ်လာ ၂၂ မီလီယံသုံးခဲ့တဲ့ ဒီဇတ်ကားကတော့ ၁၉၅ မိနစ်ကြာမြင့်ပါတယ်။ ၁၉၉၃ ခုနှစ်က ထုတ်လုပ်ခဲ့တဲ့ အဲဒီနာမည်ကြီးရုပ်ရှင်ဇတ်လမ်းက တကယ့်အဖြစ်အပျက်ကို ရိုက်ကူးထားတာဖြစ်သလို အကယ်ဒမီဆုတံဆိပ်မြောက်မြားစွာ ချီးမြှင့်ခံခဲ့ရတဲ့ ခံစားချက်အသားပေး ရုပ်ရှင်ဖြစ်ပါတယ်။

ဇတ်လမ်းက ဂျာမန်စီးပွားရေးသမား အော်စကာရှင်ဒလာရဲ့ ဘ၀ထုပ္ပတ်ကို အခြေခံထားတာပါ။ သူက နာဇီပါတီဝင်တစ်ဦးပါ။ ဒါပေမယ့် နာဇီတွေထဲကမှ စိတ်သဘောဖြောင့်မတ်သူဖြစ်တာကြောင့် ဂျူးလူမျိုးပေါင်း ထောင်နဲ့ချီပြီး ကယ်တင်ခဲ့သူပါ။ သူကယ်တင်ခဲ့တဲ့ ဂျူးတွေက ပိုလန်ဂျူးတွေဖြစ်ပြီး သူက ဂျူးတွေကို သူပိုင်ဆိုင်တဲ့ စက်ရုံအလုပ်ရုံတွေမှာ နေရာပေးခိုင်းစေတဲ့ နည်းလမ်းကိုသုံးပြီး ဂျူးတွေကို အစုလိုက်အပြုံလိုက် ငရဲခန်းပို့သတ်ဖြတ်နေတဲ့ နာဇီတပ်သားတွေလက်ကနေ ကယ်ထုတ်ခဲ့တာပါ။

၁၉၃၉ မှာ ဒုတိယကမ္ဘာစစ်လည်းစရော နာဇီတွေက ကရာကောင်းဂတ်တို လို့ခေါ်တဲ့ အကျဉ်းစခန်းတွေဆီ ပိုလန်ဂျူးတွေကို ပို့ပစ်ခဲ့ပါတယ်။ ဂျာမန်လူမျိုးစစ် စစ်ကြီးဖြစ်တဲ့ အော်စကာရှင်ဒလာကတော့ အဲဒီမြို့ကို ရောက်ခဲ့ပါတယ်။ သူက နာဇီပါတီဝင်ဖြစ်တာနဲ့အညီ နာဇီထိပ်ပိုင်းခေါင်းဆောင်တွေကို ချဉ်းကပ်နိုင် ခဲ့ပါတယ်။ ဂျာမန်လက်နက်ကိုင်တပ် (မြန်မာ့ထ် – Wehrmacht) နဲ့ နာဇီစစ်ပုလိပ် SS အရာရှိတွေကို လဘ်ထိုးပြီး ပန်းကန်ခွက်ယောက် စက်ရုံကြီး တည်ဆောက်ဖို့ လုံးပန်းခဲ့ပါတယ်။ သူရဲ့စီးပွားရေးလုပ်ငန်းတွေမှာ ကူညီဖို့အတွက် ရှင်ဒလာက ပါးနပ်စွာကြံစည်ပြီး ဂျူးလူမျိုးတစ်ဦးဖြစ်တဲ့ စတားန်ဆိုသူကို ခန့်အပ်ခဲ့ပါတယ်။ အဲဒီ ဂျူးရဲ့ အဆက်အသွယ်နဲ့ပဲ သူက တခြားဂျူးတွေမြောက်မြားစွာကို သူ့ရဲ့စက်ရုံမှာ အလုပ်ပေးခဲ့ပါတယ်။

ဂျာမန်တွေ စစ်ရှုံးခါနီးကျတော့ နာဇီပုလိပ်တပ်ရဲ့ ဒုတိယဗိုလ်မှူး အာမွတ်ဂို့သ်က ဂျူးတွေကို နေရာပြောင်းဖို့ အမိန့်ထုတ်ပါတယ်။ ရှင်ဒလာက အာမွတ်ဂို့သ် ကို လာဘ်ငွေအမြောက်အမြားပေးပြီး ဂျူးတွေကို တနေရာခေါ်ထုတ်ဖို့ ကြိုးစားခဲ့ပါတယ်။ အဲဒီလိုကြိုးစားရာမှာ ခေါ်ထုတ်သွားမယ့် ဂျူးတွေရဲ့စာရင်းပြုစုခဲ့တဲ့ အခါ အဲဒီစာရင်းကို ရှင်ဒလာနဲ့ ဂျူးလူယုံ စတားန်တို့က တယောက်ချင်းဆီနာမည်တွေကို ဖြည်းဖြည်းချင်းစဉ်းစားပြီး ရေးမှတ်ခဲ့ ပါတယ်။ အဲဒီစာရင်းက ကမ္ဘာကျော် ရှင်ဒလာလစ် ခေါ် “Schindler’s List” ဖြစ်ခဲ့တာပါ။

ဂျာမန်တွေ စစ်ရှုံးပြီး ရုရှတွေဝင်လာတော့ နာဇီခေါင်းဆောင်က ပုလိပ်တပ်တွေလွှတ်ပြီး ရှင်ဒလာရဲ့ ဂျူးတွေကို သတ်ခိုင်းခဲ့ပေမယ့် ရှင်ဒလာက သူတို့ကို ဖျောင်းဖျပြီး ဂျူးတွေအသတ်ခံရမှအဖြစ်ကနေ ထပ်မံကယ်တင်ခဲ့ပါတယ်။ နာဇီပါတီဝင်ရှင်ဒလာက ရုရှတွေလက်ထဲမှာ အဖမ်းခံမှာဖြစ်တာကြောင့် ထွက်ပြေးဖို့ စီစဉ်ခဲ့ရပါတယ်။ မထွက်ပြေးမီမှာ သူကယ်တင်ခဲ့တဲ့ ဂျူးတွေနဲ့အတူ နုတ်ဆက်ပါတီပွဲကို ဆင်နွှဲပြီး မျက်ရည်ကျကာ ရှင်ဒလာက ဂျူးတွေ ကို တောင်းပန်ခဲ့ပါတယ်။ ဒါပေမယ့် ရှင်ဒလာကယ်တင်ခဲ့လို့ အသက်ချမ်းသာရာရခဲ့တဲ့ ဂျူးတွေက ရှင်ဒလာအဖမ်းခံရမယ့်ဘေးကနေ အကာအကွယ်ပေးတဲ့ သဘောနဲ့ စာတစ်စောင်ရေးပြီး ၀ိုင်းဝန်းလက်မှတ်ထိုးကြကာ ရှင်ဒလာ လက်ထဲ ပေးအပ်ခဲ့ပါတယ်။ ဒါ့ပြင် ဂျူးတွေက ရှင်ဒလာကို လက်စွပ်တကွင်း လက်ဆောင်ပေးခဲ့ပါတယ်။ အဲဒီလက်စွပ်ပေါ်မှာတော့ ဂျူးကျမ်းစာပါ စာသားဖြစ်တဲ့ “He who saves one life save the world entire.” “အကယ်၍ တစ်စုံတစ်ယောက်က လူတစ်ဦးကိုကယ်တင်ခဲ့ရင် သူက တစ်ကမ္ဘာလုံးကို ကယ်တင်ရာရောက်ပါတယ်။” ဆိုတာကို ထွင်းထုထားပါတယ်။

“ရှင်ဒလာလစ်” ကတော့ ၀မ်းနည်းဖွယ်၊ ကြည်နူးဖွယ်၊ ကိုယ်ချင်းစာနာစိတ်တွေကို တဖွားဖွားဖြစ်ပေါ်စေရုံမက နာဇီတွေထဲမှာ လူယုတ်မာတွေ ချည့်မဟုတ်ဘဲ အော်စကာရှင်ဒလာလို စိတ်ဓာတ်နူးညံ့သိမ်မွေ့သူ ကိုယ်ကျိုးစွန့်အနစ်နာခံသူတွေရှိနေသေးပါလားဆိုတာတွေကို ခံစားသိရှိစေရမယ့် ကမ္ဘာကျော်ဇတ်လမ်း တစ်ပုဒ်ပါပဲ။

အမ်-မီဒီယာ ပရိသတ်ကြီး အားလပ်ရက်မှာ မပျက်မကွက်ကြည့်ရှုခံစားဖို့ ထိုက်တန်တဲ့ ဇတ်ကားကောင်းအဖြစ် ဖော်ပြပေးလိုက်ပါတယ်။