နာဇီလက်သစ် ဗြိတိသျှ အမျိုးသားတစ်ဦးရဲ့ အစ္စလာမ့် အေးရိပ်ဆာရာသို့ ခိုဝင်လာရာ ခရီးစဉ်

အောက်တိုဘာ၊ ၂၀
M-Media
ဘာသာပြန်ဆိုသူ -သြရသ ရေချမ်း

“ ကျွန်တော့်ဘ၀မှာ ပထမဆုံးအကြိမ်အဖြစ် သေးသိမ်နှိမ့်ချခြင်းကို ခံစားလိုက်ရပါတယ် ”

အလ္လာဟ်အရှင်မြတ်မှအပ ခ၀ပ်ကိုးကွယ်ဆည်းကပ်နာခံရာ အရှင်သခင်ဟူသည် မရှိ၊ ထို့နောက် မုဟမ္မဒ်သည် ထိုအရှင်၏ စေတမန်တော်စင်စစ်ဖြစ်ခြင်း ဆိုတဲ့အကြောင်းရပ်က ကျွန်တော့် အသိတရားရော နှလုံးသားကပါ လက်ခံလိုက်တဲ့အချိန်မှာ ကျွန်တော် အစ္စလာမ်သာသနာကို သက်ဝင်ကူးပြောင်းခဲ့ပါတယ်။

ဒီကူးပြောင်းမှုမတိုင်ခင်က ကျွန်တော့်ယုံကြည်ခဲ့တာ၊ လက်ကိုင်ပြုခဲ့တာတွေအားလုံးဟာ အမှားကြီးမှားယွင်းပြီး လုံးဝအခြေအမြစ်မဲ့နေခဲ့တယ်လေ။

အခုတော့ အလ္လာဟ်အရှင်မြတ်ရဲ့အလိုတော်(လမ်းညွှန်)ကို လုပ်ဆောင်ဖို့၊ အရှင့်အလိုတော်ဆီ အပ်နှင်းနာခံအားထုတ်ဖို့၊ သာသနာကိုင်းရှိုင်းပြီးကောင်းမြတ်တဲ့ မွတ်စ်လင်မ်တစ်ဦး ဖြစ်လာဖို့က ကျွန်တော့်ဘ၀ရည်ရွယ်ချက်ဖြစ်လာပါပြီ။ ဒါဟာ ကျွန်တော့်တာဝန်ပဲ ဖြစ်ပါတယ်။ အရှင်မြတ်ရဲ့စေတမန်တော်နဲ့ကိုယ်စားလှယ်တော်ကြီး မုဟမ္မဒ် ကနေတဆင့် အလ္လာဟ်အရှင်မြတ် ပြဋ္ဌာန်းတော်မူထားတဲ့ လမ်းစဉ်အတိုင်း မွတ်စ်လင်မ်တစ်ဦးပီသအောင် နေထိုင်ရှင်သန်သွားမှာ ဖြစ်ပါတယ်။

အစ္စလာမ်ကိုလက်ခံခြင်းဖြင့် ကျွန်တော်ဟာ ဘ၀သစ်တစ်ခုကို စတင်လိုက်ခြင်းဖြစ်တယ်၊ အလ္လာဟ်အရှင်မြတ်က ကျွန်တော့်ပြစ်မှုဒုစရိုက်အပေါင်းကို ခွင့်လွှတ်ပ,လပ်တော်မူလိုက်မယ်၊ ကျွန်တော့်ရဲ့ သုစရိုက်ဒုစရိုက်မှတ်တမ်းကိုလည်း ဒုစရိုက်မှုတွေကို ရှင်းလင်းလိုက်ပြီး သစ်လွင်သောရှင်သန်မှုကို ပြန်လည်စတင်လိုက်တဲ့အလားဖြစ်တယ်လို့ ၀တ်ကျောင်းတော်ရှေ့ဆောင်တစ်ဦးက ရှင်းပြလိုက်တဲ့အခါ ကျွန်တော် ကူးပြောင်းသက်ဝင်ခဲ့ပါတယ်။ အဲ့ဒီနေ့မှာ ထူးထူးခြားခြားဖြစ်ပွားခဲ့တဲ့ ဖြစ်အင်များစွာထဲက တစ်ခုသာဖြစ်ပါတယ်။

အခုဆိုယင် ကျွန်တော့်မှာ သစ်လွင်တဲ့ဘ၀၊ သစ်လွင်တဲ့အမှတ်သညာနဲ့ ဖြစ်နေပါပြီ။ အဲ့ဒါကတော့ ကျွန်တော်ဟာ မွတ်စ်လင်မ်တစ်ဦးဖြစ်တယ်။ မွတ်စ်လင်မ်အပေါင်းဟာ ဘယ်နေရာဒေသမှာနေနေ ဘာလူမျိုးပဲဖြစ်ပါစေ ကျွန်တော့်ရဲ့ ညီနောင်မောင်နှမတွေဖြစ်နေတယ် ဆိုတာပါပဲ။

လက်ျာစွန်းရောက် နိုင်ငံရေးအဖွဲ့အစည်းများထဲ အစဉ်တစိုက်ပါဝင်ပတ်သက်လှုပ်ရှားတဲ့ အနောက်တိုင်းသား ကျွန်တော့်အဖို့ တစ်နေ့မှာ ဗလီဝတ်ကျောင်းတော်တစ်ခုရဲ့အပြင်မှာ ရပ်နေမိရာက အတွင်းထဲဝင်လို့ ဖြူစင်ကြည်လင်တဲ့ဆန္ဒနဲ့တစ်ကွ အစ္စလာမ်ကိုကူးပြောင်းသက်ဝင်မယ်ဆိုတာ ဘယ်လိုဖြစ်နိုင်ပါ့မလဲ ? အရိုးစင်းဆုံးပေးနိုင်တဲ့အဖြေကတော့ အလ္လာဟ်အရှင်မြတ်ရဲ့အလိုတော်အရ လို့သာ ဆိုရပါမယ်။ အရှင်မြတ်က အဲ့ဒီကို ပို့ဆောင်လမ်းညွှန်တော်မူခဲ့တယ်။ တစ်ချိန်က ကျွန်တော့်နိုင်ငံရေးသမိုင်းဟာလည်း အတိတ်မှာကျန်ရစ်ခဲ့ပါပြီ။ အနှိုင်းမဲ့ကြင်နာထောက်ထားတော်မူသော အနန္တကရုဏာတော်ရှင်၊ လောကအပေါင်းရဲ့ဖန်ဆင်းစိုးမိုးရှင် အလ္လာဟ်အရှင်မြတ်ကို ယုံစားအပ်နှံခြင်းမှတစ်ပါး ကျန်တာတွေအားလုံး စာရင်းမရှိတော့ပါဘူး။

ထင်ရှားတဲ့ပညာရှင်တစ်ဦးဖြစ်သူ အရှ် ရှိုင်းခ် မုဟမ္မဒ် ဆွာလိဟ် အလ်မုနဂ်ျဂျိဒ် က ဒီလိုဆိုထားပါတယ်။

“ အစ္စလာမ်အကြောင်း ဘာမျှမသိရှိချိန်က လူတစ်ဦးရဲ့ ဒုစရိုက်မှုတွေကို သိရှိလိုခြင်း နဲ့ အသေးစိပ်မေးမြန်းဖို့ဆိုတာ ဘယ်သူ့ဆီမှာမှ အခွင့်မရှိပါဘူး။ လူသားတွေရဲ့ ပြစ်မှုဒုစရိုက်တွေကို အလ္လာဟ်အရှင်မြတ်က ဖုံးကွယ်ပေးသနားတော်မူတယ်။ မဖွင့်ဟအောင် ဖုံးကွယ်ပေးခြင်းကို နှစ်မြို့တော်မူပါတယ်။ အကြွင်းမဲ့ နောင်တသံဝေဂ ရပြီဆိုတာနဲ့ သူ့ရဲ့ဒုစရိုက်ဟာ ပ,လပ်ပြီးသား ဖြစ်ပါတယ်။ အစ္စလာမ်ဆိုတာ အတိတ်ကအရာမှန်သမျှကို ပယ်ဖျက်ပါတယ်။ ဒါကြောင့် လူတွေ ကျဉ်းကြပ်စေမယ့်မေးခွန်းမျိုးတွေကို ကျွန်တော်တို့ ဘာကြောင့် မေးမြန်းစရာလိုအပ်ပါတော့မလဲ ? အလ္လာဟ်အရှင်မြတ်က လူတွေရဲ့ အမှားဝန်ခံမှုကို (တိုက်ရိုက်) လက်ခံတော်မူပါတယ်။ မိမိရဲ့အပြစ်ဒုစရိုက်တွေကို အခြားတစ်ဥိးဦးထံ ဖွင့်ဟ၀န်ခံခြင်းဆိုတာ မလိုအပ်ပါဘူး။ တမန်တော်မြတ်ရဲ့ဆွေသဟာတော် အမြောက်အများဟာ တရားမ၀င်ကာမမှုတွေ၊ လူသတ်မှုတွေကို ကျူးလွန်ခဲ့ဖူးတယ်။ မွေးကင်းစသမီးမိန်းကလေးတွေကို အရှင်လတ်လတ် မြေမြုပ်ခဲ့ဖူးတယ်။ ခိုးဝှက်မှုတွေ ကျူးလွန်ခဲ့ဖူးပါတယ်။ ဒါပေမယ့် အစ္စလာမ့်ဘောင်အတွင်းရောက်ရှိသွားချိန်ကစလို့ အကောင်းဆုံးလူသားတွေ ဖြစ်ကုန်ကြတယ်။ တစ်ချိန်က အရှက်ရဖွယ်ရာတွေအပေါ် ဘယ်သူမှ အစမဖော်ခဲ့ကြဘူး။ ပြီးခဲ့တာပြီးသွားပါပြီ။ ကျော်လွန်ပြီးသားတွေသာ ဖြစ်တယ်။ အလ္လာဟ်အရှင်မြတ်ဟာ အကြွင်းမဲ့ ခွင့်လွှတ်သနားတော်မူသော အနှိုင်းမဲ့ ကရုဏာတော်ရှင်ပါ ”။

အီဂျစ်မှာ
———-
အနောက်တိုင်းဆိုတဲ့စကားလုံးကို သုံးနှုန်းထားတဲ့အတွက် ကျွန်တော့်ရဲ့ ကူးပြောင်းသက်ဝင်မှုကို နားလည်သဘောပေါက်ချင်ကြပါလိမ့်မယ်။ ကျွန်တော့် အစ္စလာမ့်ခရီးစဉ်က အီဂျစ်ကို ကမ္ဘာလှည့်ခရီးသွားအနေနဲ့ ပထမဆုံးရောက်ရှိပြီး ဗလီဝတ်ကျောင်းတစ်ခုကိုလည်ပတ်ရာက မြစ်ဖျားခံလာတယ်လို့ ဆိုချင်ပါတယ်။ အဇာန် လို့ခေါ်တဲ့ “၀တ်ပြုရေးနှိုးဆော်ခေါ်ယူသံ” ကနေ စတင်တာပါ။ ကျွန်တော်ဟာ အဲ့ဒီ အဇာန်ထဲ နစ်မျောသွားခဲ့ပါတယ်။

အဲ့ဒီအချိန်မှာ ကျွန်တော့်ရင်ထဲကနေ ဖိတ်ခေါ်မှုအပေါ်ပြန်လည်ဖြေကြားခဲ့တာကို ကျွန်တော် နားမလည်ခဲ့ဘူးလို့ပဲ ဆိုရပါလိမ့်မယ်။ နောက်တော့ အစ္စလာမ်အကြောင်း မဆိုစလောက်လေး သိလာခဲ့တယ်။ သို့တစေ အီဂျစ်ကိုရောက်တဲ့ အကြိမ်တိုင်း နည်းနည်းချင်းစီ လေ့လာခဲ့ပါတယ်။ အီဂျစ်လူမျိုးတော်တော်များများနဲ့ သူတို့ဘာသာတရားအကြောင်း ကျွန်တော် ပြောဆိုဆွေးနွေးတယ်။ အင်္ဂလိပ်ဘာသာပြန်ကုရ်အာန်ကျမ်းတစ်စောင်ကိုလည်း ၀ယ်ယူခဲ့တယ်။ အနည်းငယ်ဖတ်ကျင့်ရလာတဲ့အခါ အလွန်ကိုစိတ်ဝင်တစားဖြစ်လာခဲ့တယ်။ အစ္စလာမ်အကြောင်းလေ့လာလေ ဒီသာသနာက နှစ်သက်မြတ်နိုးဖွယ်ဖြစ်လာလေ ခံစားလိုက်ရတယ်။ မွတ်စ်လင်မ်တွေနဲ့ ဆုံတွေ့ရလေ သူတို့ကို နှစ်သက်အားကျလေ ဖြစ်လာပါတယ်။

ဒါပေမယ့် ကျွန်တော့်ရဲ့အနောက်တိုင်းဘ၀လမ်းစဉ်ဆိုတဲ့ အတ္တတရားက ကြီးစိုးနေဆဲပါ။ အစ္စလာမ်ကို အပြည့်အ၀ အသိအမှတ်ပြုဖို့ နဲ့ ရှေ့ဆက်တိုးလေ့လာဖို့ နောက်ထပ်အကြောင်း ၂ ရပ်က ကျွန်တော့်ကို တားဆီးခဲ့တယ်။ ပထမတစ်ခုက – ကျွန်တော့်ဘ၀တစ်လျှောက်လုံး သဘာဝတရား ဆိုတာကို ယုံကြည်လာခဲ့လို့ဖြစ်တယ်။ ကျွန်တော်တို့ဟာ ပင်ရင်းမြေကမ္ဘာနဲ့ အထူးဆက်နွယ်မှုနည်းလမ်းတစ်ရပ်ရပ် ရှိနေတယ်၊ ကျွန်တော်တို့ရဲ့အသိတရားဟာ သဘာဝရဲ့အသိတရားသာဖြစ်တယ် ဆိုတဲ့ ယုံကြည်မှုပါ။ ဒီအယူအဆက ဘုရားအများကိုတစ်ပြိုင်တည်းယုံကြည်လက်ခံကိုးကွယ်တဲ့ဝါဒ – Paganism နဲ့ မကွာခြားသလောက်ပါပဲ။

ဒုတိယအချက်ကတော့ – ကျွန်တော်တို့ရဲ့လူမျိုး၊ ယဉ်ကျေးမှု ဖြစ်တယ်။ ဒီအရာက ကျွန်တော်တို့ကို ဘာ ဆိုတာ သတ်မှတ်ထားတယ်။ ကျွန်တော်တို့အဖို့ သိပ်အရေးပါတဲ့အရာပေါ့ဗျာ။ သို့သော်လည်း ကျွန်တော့်ရင်ထဲမှာ ထာဝရအရှင်သခင်ဆီကလာတဲ့ စကြ၀ဠာဆိုင်ရာ ပရမတ္တသစ္စာတရားကို သိဖို့လိုအပ်တယ်လို့ ကြိမ်ဖန်များစွာ ဖြစ်ပေါ်ခံစားရတယ်။ တစ်ချိန်တည်းမှာပဲ အဲ့ဒီအရာက သဘာဝကဆင်းသက်တယ်၊ စကြာဝဠာဖြစ်စဉ်က အလိုအလို ဆင်းသက်ဖြစ်ပေါ်တယ်လို့ ကျွန်တော် ယုံကြည်နေခဲ့တယ်။ အဲ့ဒါကို နတ်ဘုရားတွေလို့ ရံဖန်ရံခါ ကျွန်တော် သုံးနှုန်းတတ်တယ်။

အဲ့ဒီထူးမြတ်တဲ့ ဇစ်မြစ်နဲ့ပတ်သက်ပြီး ဒီအမြင်နှစ်ရပ်အကြား ဆယ်စုနှစ်များစွာ လူးလာခေါက်တုန့်ဖြစ်နေခဲ့တယ်။ ဘာကြောင့်လဲဆိုတော့ ဒီအသိအမြင်၊ ဒီခံစားချက်တွေက လူတွေအပေါ်အမုန်းထားတဲ့ အဓိပ္ပာယ်မဲ့အစွန်းရောက်နိုင်ငံရေးသမားဘ၀ကို တွန်းပို့ထားလို့ပါဘဲ။ ကျွန်တော်ဟာ အလွန်အမင်း ဘ၀င်လေဟပ်ခဲ့တာ၊ ကိုယ့်ကိုယ်ကိုနဲ့မိမိရရှိထားတဲ့သိနားလည်မှုကိုသာ အလွန်အကျူးတန်ဖိုးထားခဲ့တာ ဖြစ်နိုင်ကောင်းတယ်လို့ အခုဆိုယင် ကျွန်တော်ပြောနိုင်သွားပါပြီ။ ကျွန်တော်ဟာ အနှိုင်းမဲ့ထူးမြတ်သော အနန္တစွမ်းအားရှင်ရဲ့ သာမန်ဖန်ဆင်းခံသာဖြစ်တယ်လို့ အသိဝင်လက်ခံရမယ့်အစား – မိမိကိုယ်ပိုင်ယုံကြည်မှုနဲ့သိနားလည်မှုပေါ်မူတည်ပြီး သိပ်မကွဲပြားမခြားနားလှစွာ ကျွန်တော်လည်း ဖန်တီးနိုင်မယ်လို့ ယုံကြည်ခဲ့တယ်လေ။

လက်ခံကူးပြောင်းသက်ဝင်ခြင်း
———————————
တကယ်တမ်းကျတော့ ကျွန်တော့်ရဲ့အကူးအပြောင်းက လယ်မြေတစ်ကွက်ထဲ အများအားဖြင့် တစ်ဦးတည်း အချိန်ကြာကြာလုပ်ကိုင်တဲ့ လုပ်ငန်းသစ်တစ်ခု စတင်ချိန်ကျမှပါ။ ကိုယ်တိုင်ကိုယ်ကျ ပင်ပင်ပန်းပန်းလုပ်ကိုင်ပြီး သဘာဝတရားနဲ့အနီးကပ်ထိတွေ့လိုက်ခြင်းက ကျွန်တော့်ရဲ့ စိတ်ဝိညာဉ်၊ ကျွန်တော့်ရဲ့လူသားဖြစ်မှုကို အမှန်တကယ် ပြန်လည်ခိုအောင်းလာစေခဲ့တယ်။ ဒါ့ပြင် စကြ၀ဠာရဲ့တစ်ပါးတည်းသောအရှင်ကိုသာမက၊ အရှင်မြတ်ဖန်ဆင်းခဲ့တဲ့ ဒီလို ထူးခြားအံ့ဖွယ်အစီအမံထဲမှာ ကျွန်တော်လည်း တစ်စိတ်တစ်ပိုင်းအပါအ၀င်ဖြစ်ကြောင်းကို အသိဝင်လာတော့တယ်။

ဒီလိုအစီအမံဟာ တိုက်ဆိုင်မှုကြောင့်(အလိုလို)ပေါ်ထွက်လာတာ မဟုတ်ပေဘူး။  ဒါဟာ ဖန်ဆင်းခံရတာပဲ။ ကျွန်တော်သည်လည်းပဲ ရည်ရွယ်ချက်တစ်ခုနဲ့ ဖန်ဆင်းခံရတာ ပါပဲ။ ကျွန်တော့်ကို လှည့်စားဖြားယောင်းခဲ့တဲ့ ယှိုင်သွာန် နဲ့ ကျွန်တော့်ပင်ကိုယ်ဗီဇတို့ စစ်ပွဲရှည်ကြီးတစ်ရပ် ဆင်နွှဲခဲ့တာပါလား ဆိုပြီး နှလုံးသားနဲ့အသိဥာဏ်တွင်းက ယုံကြည်နားလည်သွားခဲ့တယ်။ ဒီယှိုင်သွာန်က ကျွန်တော့်ကို လှည့်စားလို့ လုံးဝ မရတော့ပါဘူး။ ကျွန်တော့ နှလုံးသားနဲ့အသိဥာဏ်အတွင်းထဲကနေ တစ်ဆူတစ်ပါးတည်းသောဖန်ဆင်းရှင်ဆိုင်ရာ သစ္စာတရားကို ခံစားနိုင်ခဲ့ပြီလေ။

ကျွန်တော့်ဘ၀မှာ ပထမဆုံးအကြိမ်အဖြစ် သေးသိမ်နှိမ့်ချခြင်းကို ခံစားလိုက်ရပါတယ်။ အဲ့ဒီနောက် အီဂျစ်ကိုသွားခဲ့စဉ်တုန်းက ၀ယ်ယူခဲ့ပြီး စာအုပ်စင်မှာသိမ်းထားခဲ့တဲ့ ကုရ်အာန်(ဘာသာပြန်)ကို ထုတ်ယူလိုက်တယ်။ ပြီးတော့ အနုလုံပဋိလုံ အစအဆုံး ဖတ်ရှုလေ့လာပါတော့တယ်။ ဒီ့မတိုင်ခင်က ဟိုတစ်စ ဒီတစ်ပိုင်းနဲ့ ရောက်တတ်ရာရာ လှန်လျောဖတ်ကြည့်တာမျိုးပဲ ရှိခဲ့တာပါ။

ကြောင်းကျိုးကျနခိုင်လုံမှု၊ မှန်ကန်မှု၊ (အရှင်မြတ်ရဲ့)ထုတ်ပြန်ချမှတ်မှုဖြစ်ခြင်း၊ တရားမျှတမှု၊ လူသားဝါဒ နဲ့ အနှစ်သားလှလှကို ကျွန်တော် တွေ့လိုက်ရပါပြီ။ ပြီးတဲ့အခါ အစ္စလာမ်အကြောင်း ပိုမိုရှာဖွေလိုသောအာသီသနဲ့ အင်တာနက်ပေါ်က အစ္စလာမ့်ဝက်ဘ်ဆိုဒ်တွေထဲ ၀င်ရောက်မွှေနှောက်ပါတော့တယ်။ အဇာန်၊ ဆွလာဟ်၊ ကုရ်အာန် မုက္ခပါဌ်တော်တွေကို အသံဖိုင်ပါတွဲထားတဲ့ ဆိုဒ်တစ်ခုကို တွေ့တယ်။ ကျွန်တော့်နှလုံးသားက နောက်တစ်ကြိမ် တုန့်ပြန်မှု ပြုလိုက်တဲ့အခါ ဖော်ပြနိုင်တဲ့စကားလုံး မရှိတော့ပါဘူး။

တမန်တော် မုဟမ္မဒ် ရဲ့ ဘ၀ဖြစ်စဉ်တော်ကို ကျွန်တော် အာသာငမ်းငမ်း ဖတ်ရှုပြန်ပါတယ်။ အဲ့ဒီထဲမှာ ထူးခြားမှတ်သားဖွယ်ရာတွေ ရှိကိုရှိနေတယ်လေ။

နောက်ရက်အနည်းငယ်ကြာတော့ အစ္စလာမ့်ယုံကြည်ချက်အကြောင်း ဖတ်ရှုလေ့လာနိုင်တဲ့ ဆိုဒ်တွေ ထပ်မံတွေ့ရတယ်။ ကျွန်တော့်ရဲ့အစွဲတွေ၊ မာနတွေ ကွာကျကုန်တယ်။ ယှိုင်သွာန်လည်း တစ်စုံတစ်ရာလှည့်ဖျားမှု မလုပ်နိုင်တော့တဲ့အခါ (ကျွန်တော့်ဖာသာခံစားရချက်ကိုပြောတာပါ) အရာရာအားလုံးကို အရှိအတိုင်း အမှန်အတိုင်း မြင်လာပါတော့တယ်။ သိက္ခာ၊ ဂုဏ်အင်၊ အားထားမှု၊ တရားမျှတခြင်း၊ လူ့ဘောင်လောက၊ သစ္စာတရား၊ နေ့စဉ်နှင့်အမျှ အရှင်မြတ်အား သတိတရ ဖြစ်မှု၊ မိမိဖာသာ စည်းကမ်းသတ်မှတ်ရေး၊ ရုပ်ဝါဒရှေ့မှောက်က နာမ်လမ်းစဉ်၊ ကျွန်တော်တို့အားလုံးရဲ့ ကိုယ်စီကိုယ်ငှ ဖြစ်တည်မှု ….. အားလုံး အားလုံးဟာ အရှင်မြတ်ထံ နာခံနေလျက် ရှိပါတကား။

မုဟမ္မဒ်ကိုယ်တော့်ဘ၀ဖြစ်စဉ်တော် နဲ့ အစ္စလာမ့်ပြန့်ပွားမှုအကြောင်းမှာ ကျွန်တော့်အဖို့ အကြီးအကျယ် အံအားသင့် နှစ်ခြိုက်ခဲ့ရတယ်။ အခြေတကျမနေ ကြမ်းတမ်းခက်ထန်လှပါတယ်ဆိုတဲ့ ရှေးဦးမွတ်စ်လင်မ်အုပ်စုလေးတစ်စုဟာ ဗျာဒိတ်ထုတ်ပြန်ချက်၊ ကိုယ်တော်မြတ်ရဲ့ လုပ်ရပ်နဲ့သြ၀ါဒတော်များအားဖြင့် တစ်ကြိမ်တစ်ခါမှမရှိဖူးသော အမြင့်မားဆုံးယဉ်ကျေးမှုစံနစ်ကြီးကို တည်ထောင်ဖန်တီးနိုင်ခဲ့တာကတော့ သြချလောက်စရာပါပဲ။ ကိုယ်တော်မြတ်ကြီးဟာ ကျွန်တော့်နှလုံးသားနဲ့အသိဥာဏ်ထဲက ခံစားချက်မှန်သမျှကို ကိုယ်စားပြုနေသလိုပါဘဲ။ သူဟာ ကျွန်တော့်အဖို့ အပြည့်ဝဆုံးလူသား၊ အကောင်းဆုံးစံနမူနာတင်ထိုက်သူ ဖြစ်သွားပါတယ်။

အစ္စလာမ့်အကြောင်း ပိုမိုသိရှိလာတာနဲ့အမျှ လွန်ခဲ့တဲ့ နှစ် ၃၀ က သံသယတွေအားလုံး မေးခွန်းတွေအားလုံးအတွက် ပိုပြီး အဖြေထွက်လာခဲ့တယ်။ ကျွန်တော့်ဇာတိအိမ်ထဲ ပြန်ရောက်လာသလို ခံစားလိုက်ရတယ်။ မိမိကိုယ်ကိုရှာဖွေတွေ့ရှိခြင်း လို့ ဆိုရပါလိမ့်မယ်။ ကျွန်တော် အီဂျစ်ကို ပထမဆုံးအကြိမ်ရောက်ပြီး ကိုင်ရိုအနှံ့ လျှောက်သွားနေရသလိုပါပဲ။

ဝတ်ပြုဖိတ်ခေါ်မျှော်စင်တွေ၊ အဇာန်သံတွေနဲ့အတူ အစ္စလာမ့်ယဉ်ကျေးမှုထုံသင်းနေတဲ့ ကိုင်ရိုမြို့က အသံဗလံတွေ၊ အနံ့အသက်တွေ၊ မြင်ကွင်းတွေဟာ ကျွန်တော့် ပတ်ပတ်လည်မှာ ၀န်းရံနေသလို ခံစားရတယ်။ ကျွန်တော့် ပုဂ္ဂလခံစားချက်အရ မြို့ကြီးပြကြီးတွေကို မနှစ်မြို့လှဘူး။ ဒါပေမယ့် ကိုင်ရိုကတော့ တစ်စုံတစ်ရာကွာခြားမှု ဖြစ်နေတယ်။ ယာဉ်အသွားအလာကြပ်ပြီး လူဦးရေထူထပ်လို့ ဆူညံနေလင့်ကစား ကျွန်တော် ထူးထူးခြားခြား နှစ်သက်နေမိတယ်။ အခုဆိုယင် (ကျွန်တော် နားလည်ပြီးသား) အဇာန်ဆိုသံ၊ (ကျွန်တော်နားမလည်တဲ့) အရဗီလို ကုရ်အာန်ဖတ်ကြားသံတွေကို နာရီပေါင်းများစွာ ထိုင်နားထောင်နေတတ်ပါပြီ။ ကျွန်တော့်အတွက် တကယ့်ကို အတိုင်းမသိတဲ့ ခံစားချက်ပါ။

ဒါကြောင့် ကျွန်တော့်ရဲ့ကူးပြောင်းသက်ဝင်မှုဟာ ပြဿနာ မဟုတ်ပါဘူး။ ၀တ္တရား တစ်ရပ်သာဖြစ်ပါတယ်။ ဘာကြောင့်လဲဆိုတော့ “ အလ္လာဟ်အရှင်မြတ်မှအပ ခ၀ပ်ကိုးကွယ်ဆည်းကပ်နာခံရာ အရှင်သခင်ဟူသည်မရှိ၊ ထို့နောက် မုဟမ္မဒ်သည် ထိုအရှင်၏ စေတမန်တော်စင်စစ်ဖြစ်ခြင်း ” ဆိုတာကို ကျွန်တော်ကိုယ်တိုင်က ရှာဖွေတွေ့ရှိလက်ခံလိုက်လို့ပဲ ဖြစ်ပါတယ်။

ဒီတော့ ကျွန်တော်ဟာ ဗလီဝတ်ကျောင်းတစ်ခုထဲဝင်ရောက်ပြီး အစ္စလာမ်သာသနာကို ကူးပြောင်းသက်ဝင်ရေးအတွက် ပြောကြားဖို့ဖြစ်လာခဲ့တာပါပဲ။ ကျွန်တော် မှတ်မိနေပါသေးတယ်။ သူတို့တွေဟာ အလွန်အင်မတန် ၀မ်းမြောက်နေခဲ့ကြတယ်။ အလွန်ဖော်ရွေပြီး ညီနောင်တစ်ယောက်လိုဆက်ဆံလိုက်ကြပုံက ကျွန်တော့် မျက်လုံးတွေကနေ မျက်ရည်များစီးဆင်းစေခဲ့ပါတယ်။ အဆုံးသတ်ချိန်မှာ လမ်းမှန်တရားကို ရှာဖွေတွေ့နိုင်ခဲ့လို့ အလ္လာဟ်အရှင်မြတ်ကို ကျေးဇူးတင်မဆုံးတော့ပါဘူးဗျာ။

ကျွန်တော့်ဘ၀သစ်မှာ သင်ယူဆည်းပူးစရာ အများအပြား ရှိပါသေးတယ်။ ဆန္ဒလည်း ပြင်းပြပါတယ်။ ကျမ်းတော်မြတ် ကုရ်အာန် နဲ့ တမန်တော်မြတ်မုဟမ္မဒ်ရဲ့စံနမူနာ တည်းဆိုသော အကောင်းတကာ့အကောင်းဆုံးလမ်းညွှန်ကို ကျွန်တော် ရရှိပြီလို့ ယုံကြည်ပါတယ်လို့ ပြောလိုက်ပါရစေ။

A British Neo-Nazi’s Journey to Islam ကို “ သြရသ ရေချမ်း ” မှ ဆီလျော်အောင် ပြန်ဆိုရေးသားသည်။