အောက်တိုဘာ ၂၂၊ အားကစားသတင်း စုစည်းမှု

အောက်တိုဘာ ၂၂၊ ၂၀၁၃
M-Media

ကာဒစ်ဖ်စီးတီးနှင့်ပွဲတွင် ပြုမူခဲ့သောအပြုအမူအတွက် မော်ရင်ဟိုအား FA အရေးယူရန်ရှိနေ

ကာဒစ်ဖ်စီးတီးအသင်းအား ၄-ဂိုး ၁-ဂိုးဖြင့်အနိုင်ရရှိခဲ့သောပွဲတွင် ဒိုင်လူကြီးအား ကြမ်းတမ်းစွာပြောဆိုခဲ့သော ချယ်ဆီးအသင်းနည်းပြ မော်ရင်ဟိုမှာ အင်္ဂလန် ဘောလုံး အဖွဲ့ချုပ် FA ၏ အရေးယူမှုကို ခံရဖွယ် ရှိနေသည်။

စနေနေ့က ကစားခဲ့သောအဆိုပါပွဲတွင် ချယ်ဆီးကစားသမား အိုင်ဗန်နိုင်ဗစ် အချိန်ဆွဲနေမှုအား ဒိုင်လူကြီးက သတိပေးခဲ့မှုကို မကျေနပ်သည့်မော်ရင်ဟိုက ဒိုင်လူကြီး အား ကြမ်းတမ်စွာပြောဆိုခဲ့ခြင်းဖြစ်သည်။ ထိုအပြုအမူကြောင့် ပွဲကြီးကြပ်သူများက မော်ရင်ဟိုအား ပရိတ်သတ် ခုံတန်းတွင်သွားရောက် ထိုင်နေရန် ညွှန်ကြားခဲ့ပြီး ကျန်ရှိသည့် ပွဲချိန်မိနစ် ၂၀ အား ပရိတ်သတ်ခုံတန်းပေါ်မှ အသင်းအား ကြီးကြပ်ခဲ့ရသည်။

ထိုကိစ္စနှင့်ပက်သက်၍ FA က ကြေညာချက်ထုန်ပြန်ခဲ့ပြီး မော်ရင်ဟို၏ ဆိုးရွားသောအပြုအမူအတွက် တရားစွဲဆိုထားကြောင်း၊ ထိုတရားစွဲဆိုမှုကို အောက်တိုဘာ ၂၄ ရက်နေ့ နောက်ဆုံးထားကာ ဖြေရှင်းရမည်ဖြစ်ကြောင်း ကြေညာချက်တွင်ရေးသားဖော်ပြထားသည်။

ထို့ကြောင့်မော်ရင်ဟိုမှာ ၎င်း၏အပြုအမူအတွက် ပွဲကြီးကြပ်ခွင့် ပိတ်ပင်ခံရဖွယ်ရှိနေသည်။
goal
__________________________

ဘာစီလိုနာနှင့်ပြိုင်ပွဲအမီ ဘာလိုတယ်လီပြန်လည် ကြံ့ခိုင်လာလိမ့်မည်ဟု အယ်လီဂရီဆို

အေစီမီလန်အသင်း၏ နည်းပြဖြစ်သူ အယ်လီဂရီက အသင်းရှိ အားထားရသည့်တိုက်စစ်မှူး ဘာလော့တယ်လီအား ယနေ့ညကစားမည့် ဘာစီလိုနာနှင့်ပွဲအမီ ကြံ့ခိုင်လာ မည်ဟု မျှော်လင့်ကြောင့် ပြောကြားခဲ့ပြီး ဒဏ်ရာပြဿနာများဖြင့် ရင်ဆိုင်နေရသော်လည်း ဘာစီလိုနာအသင်းနှင့်ပွဲတွင် သတ္တိရှိရှိဖြင့်ကစားရန် အသင်းသားများအား တိုက်တွန်းပြောဆိုခဲ့သည်။

ဘာလော့တယ်လီမှာ ပေါင်ဒဏ်ရာခံစားနေရသောကြောင့် ပြီးခဲ့သည့် စနေနေ့က ကစားခဲ့သည့် အူးဒီးနီးစ်အသင်းနှင့် ကစားခဲ့သောပွဲတွင် ပါဝင်ကစားနိုင်ခဲ့ခြင်းမရှိပေ။ ထို့ကြောင့် ဘာစီလိုနာအသင်းနှင့် ကစားမည့် ပွဲတွင် ပါဝင်နိုင်မည်လားဟူသော မေးခွန်းများပေါ်ထွက်လာပြီး အယ်လီဂရီက ဘာလော့တယ်လီ၏ အနေအထားအား စောင့်ကြည့်ပြီးမှ ဆုံးဖြတ်ရမည်ဟု ပြန်လည်တုံ့ပြန်ခဲ့သည်။

အေစီမီလန်အသင်းမှာ ချန်ပီယံလိဂ် အုပ်စု H တွင် ဘာစီလိုနာ၊ အေဂျက်၊ ဆဲလ်တစ်အသင်းတို့နှင့် တစ်အုပ်စုတည်းကျရောက်နေပြီး နှစ်ပွဲကစား ၄ မှတ်ဖြင့် ဘာစီလိုနာ အသင်း၏အောက် ဒုတိယနေရာတွင်ရှိနေသည်။
goal
__________________________

အာဆင်နယ်သို့ပြောင်းရွှေ့ရန် သုံးကြိမ်တိုင်တိုင်နီးစပ်ခဲ့သည်ဟု ဆာဟင်ဆို

အာဆင်နယ်အသင်းသို့ ပြောင်းရွှေ့ရန်တစ်ကြိမ်ထက်မက နီးစပ်ခဲ့ပြီး၊ ၎င်းနှင့် အလွန်ရင်းနှီးသည့် မီဆု အိုဇေးနှင့် ပြန်လည်တွေ့ဆုံရမည့်အတွက် ပျော်ရွှင်မိကြောင်း ဒေါ့မွန်အသင်း၏ တူရကီအလယ်တန်းကစားသမား နူရီဆာဟင်က ပြောကြားလိုက်သည်။

ဒေ့ါမွန်အသင်းမှာ အာဆင်နယ်အသင်းနှင့် ချန်ပီယံလိဂ် အုပ်စုပွဲစဉ်အဖြစ် ယနေ့ညတွင် ယှဉ်ပြိုင်ကစားရမည်ဖြစ်ပြီး အသက် ၂၅-နှစ်အရွယ်ရှိ ဆာဟင်က ၎င်းအနေဖြင့် အာဆင်နယ်အသင်းသို့ ပြောင်းရွှေ့ရန်သုံးကြိမ်တိုင်တိုင်နည်းစပ်ခဲ့သည်ဟုဆိုသည်။

“၂၀၁၂ တုန်းကတစ်ကြိမ် တော်တော်လေးနီးစပ်ခဲ့ပါတယ်။ ကျွန်နော့်ရဲ့ ကစားသမားဘ၀မှာ သုံးကြိမ်လောက်ရှိပါပြီ။ ပထမဦးဆုံးအကြိမ်ကတော့ အသက် ၁၆-နှစ် လောက်မှာပါ။ ဒါပေမယ့် အပြောင်းအရွှေ့တော့ မဖြစ်ခဲ့ပါဘူး။ ဘောလုံးမှာ ဒါကတော့ ပုံမှန်ပါပဲ” ဟု ဆာဟင်က ပြောကြားခဲ့သည်။

ထို့ပြင် အဆင်နယ်ကွင်းလယ်လူ မီဆုအိုဇေးနှင့်လည်း နီးကပ်သောဆက်ဆံရေးရှိပြီး အိုဇေးမှာ အာဆင်နယ်အသင်းတွင် အဓိကကျသော ကစားသမားဖြစ်သည်ဟု ဆာဟင်က ထပ်လောင်းပြောကြားခဲ့သည်။
goal
__________________________

ရီးယဲလ်မက်ဒရစ်အား ယုံကြည်မှုအပြည့်နှင့်ရင်ဆိုင်မည်ဟု လော်ရန်တေးဆို

ဂျူဗင်တပ်စ်အသင်း၏ တိုက်စစ်မှူးလော်ရန်တေးက မိမိတို့အသင်းမှာ ရီးယဲလ်မက်ဒရစ်အသင်းအား ယုံကြည်မှုအပြည့်ဖြင့် ယှဉ်ပြိုင်သွားမည်ဟု ပြောကြားလိုက်သည်။

ဂျူဗင်တပ်စ်အသင်းမှာ ချန်ပီယံလိဂ် ၂ ပွဲကစားပြီးထားချိန်တွင် ၂ မှတ်သာ ရရှိထားပြီးအုပ်စုမှတက်ရန် ရုန်းကန်ရမည့်အနေအထားတွင်ရှိနေသော်လည်း ဘာနေဗျူးတွင် ကစားရမည့် ရီးယဲလ်နှင့်ပွဲက အလှည့်အပြောင်းဖြစ်လိမ့်မည်ဟု လော်ရန်တေးက ယုံကြည်နေသည်။

“အမှတ်တစ်ချို့ယူဖို့ ကျွန်တော်တို့အတွက် အခွင့်အရေးကောင်းပါ။ ဒါပေမယ့် ရီးယဲလ်ဟာ အကောင်းဆုံးအသင်းဖြစ်တဲ့အတွက် လွယ်တော့လွယ်မှာမဟုတ် ပါဘူး။ ဘာပဲဖြစ်ဖြစ် ကျွန်တော်တို့ အခွင့်အရေးတွေ အရယူနိုင်မယ်လို့ ယုံကြည်ပါတယ်” ဟု လော်ရန်တေးက Juventus TV သို့ ပြောကြားခဲ့သည်။

ဂျူဗင်တပ်စ်အသင်းမှာ ချန်ပီယံလိဂ်အုပ်စု B တွင် ရီးယဲလ်မက်ဒရစ်၊ ကိုပင်ဟေဂင်၊ ဂါလာတာစာရေးတို့နှင့်အတူ ကျရောက်နေပြီး မနက်ဖြန်တွင် အုပ်စုအတွင်း တတိယ မြောက်ပွဲစဉ်အဖြစ် ရီးယဲလ်မက်ဒရစ်အသင်းနှင့် ကစားရမည်ဖြစ်သည်။
goal
__________________________