အောက်တိုဘာ- ၂၅ ပြည်တွင်းနှင့် နိုင်ငံတကာသတင်းတို

အောက်တိုဘာ-၂၅၊ ၂၀၁၃
M-Media
ပြည်တွင်းငြိမ်းချမ်းရေး ဖော်ဆောင်မှုသည် အများအကျိုးစီးပွားသာ ဖြစ်သည်ဟု သူရဦးရွှေမန်းပြောကြား

လာမည့် နိုဝင်ဘာလတွင် တစ်ပြည်လုံးအတိုင်းအတာ အပစ်အခတ် ရပ်စဲရေး ကြေညာနိုင်ရေးအတွက် သမ္မတ ဦးသိန်းစိန်အစိုးရ၏ ပြည်တွင်း ငြိမ်းချမ်းရေးလုပ်ငန်းစဉ်များ အရှိန်မြင့်လာနေချိန်တွင် ငြိမ်းချမ်းရေးဖော်ဆောင်တဲ့အခါမှာ ဒေသစွဲ၊ လူမျိုးစွဲ၊ ကိုးကွယ်တဲ့ ဘာသာတရားတွေ မထားပဲနဲ့ အများအကျိုးစီးပွားအတွက် ဖြစ်ပြီး တိုင်းရင်းသား စည်းလုံးညီညွတ်ရေး အမျိုးသား ပြန်လည်သင့်မြတ်ရေးတို့အတွက် လွှတ်တော်တွင်းကနေ ဖော်ဆောင်နိုင်ရန် ကြိုးစားနေကြောင်း အောက်တိုဘာ ၂၄-ရက်နေ့က နေပြည်တော်တွင် ပြုလုပ်သော သတင်းစာရှင်းလင်းပွဲ၌ လွှတ်တော်နာယက သူရ ဦးရွှေမန်းက ပြောကြားလိုက်ကြောင်း ဧရာဝတီသတင်းမှာ ဖော်ပြထားပါတယ်။
_______________________

ကချင်ဒုက္ခသည်စခန်း တပ်မတော် ၀င်ရောက်မှု တိုင်မှူးရှင်းလင်း

အောက်တိုဘာ ၂၂-ရက်နေ့က ဗန်းမော်မြို့ မန်စီံမြို့နယ်ရှိ မုန်းတင်ပါဒုက္ခသည်စခန်းကို အစိုးရတပ်များ ၀င်ရောက်ခြင်းသည် နယ်မြေကျွမ်းကျင်မှုရရှိရန်၊ ပြည်သူများနှင့် ထိတွေ့နိုင်ရန်သာ ဖြစ်တယ်လို့ မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် ထွန်းထွန်းနောင်က ငြိမ်းချမ်းရေးအကျိုးဆောင် PCG အဖွဲ့ဝင် ၃-ဦး၊ ဒုက္ခသည်စောင့်ရှောက်ရေးအဖွဲ့ KBC တာဝန်ခံတစ်ဦးတို့ကို မြစ်ကြီးနားမြို့မှာ ခေါ်ယူတွေ့ဆုံပြီး ရှင်းပြခဲ့ကြောင်း၊ အစိုးရတပ်တွေ နယ်မြေကျွမ်းကျင်အောင်ဆိုပြီး လှုပ်ရှားမှုရှိသော်လည်း အကြောင်းကြားပြီးသွားကြောင်း၊ လက်နက်ကြီးနဲ့ပစ်သည့်ကိစ္စကို ရှင်းပြမှုမရှိကြောင်းကို PCG အဖွဲ့မှ ဦးဆန်းအောင်က ပြောကြားလိုက်ကြောင်း RFA သတင်းဌာနမှ သိရှိရပါတယ်။
______________________

ဖွဲ့စည်းပုံပြင်ဆင်ရေး တရားမျှတမှုရှိစေဖို့ လုပ်ဆောင်မည်ဟု သူရဦးရွှေမန်း ပြော

ဖွဲ့စည်းပုံ ပုဒ်မ ၅၉(စ)ရဲ့ သမ္မတအရည်အချင်း ကန့်သတ်မှုများသည် ၂ဝ၁၅ ရွေးကောက်ပွဲ တရားမျှတရန် အတားအဆီးဖြစ်နေတယ်ဆိုရင် လွတ်လပ်မျှတအောင် လုပ်ဆောင်ရမှာဖြစ်တယ်လို့ ပြည်ထောင်စုလွှတ်တော် နာယက သူရဦးရွှေမန်းက အောက်တိုဘာ ၂၄-ရက်နေ့မှာ ပြောဆိုလိုက်ကြောင်း ကမာရွတ် ရုပ်သံသတင်းဌာနမှာ ဖော်ပြထားပါတယ်။
______________________

ထိုင်းနိုင်ငံ၏ သံဃာ့ဥသျှောင် ဘုန်းတော်ကြီး ပျံလွန်တော်မူ

နိုင်ငံရှိ ဘုန်းတော်ကြီးများ၏ ဥသျှောင်ဖြစ်ပြီး ထိုင်းနိုင်ငံ၏ အကြီးဆုံး ဘုန်းတော်ကြီးဖြစ်သော ဆွမ်ဒက် ဖရာ ဥာဏ်နသံဝရမှာ ယမန်နေ့က ဘ၀နတ်ထံသို့ ပျံလွန်တော်မူသွားပြီဟုသိရသည်။

ထိုင်းနိုင်ငံဘန်ကောက်မြို့ ချူလာလောင်ကွန်ဆေးရုံတွင် ဆေးကုသမှုခံယူနေသော ထိုဘုန်းတော်ကြီးမှာ သက်တော် ၁၀၀ ရှိပြီဖြစ်ပြီး သွေးကင်ဆာရောဂါဖြင့် ယမန်နေ့ညနေ ၇ နာရီခွဲက ပျံလွန်တော်မူခဲ့ခြင်းဖြစ်သည်။

၂၀၀၂ ခုနှစ် ဖေဖော်ဝါရီ ၂၀ ရက်နေ့ကတည်းက ကျန်းမာရေးအခြေအနေ ဆိုးရွားမှုကြောင့်ဆေးကုသမှုခံခဲ့ရပြီး ပြီးခဲ့သည့် အောက်တိုဘာ ၃ ရက်နေ့က သက်တော် ၁၀၀ ပြည့်ခဲ့ခြင်းဖြစ်သည်။

ဘုန်းတော်ကြီး ပျံလွန်တော်မူသည့်အတွက် ၀မ်းနည်းခြင်းအထိမ်းအမှတ်အဖြစ် ထိုင်းနိုင်ငံတော်အလံအား ၃ ရက်ဆက်တိုက် တိုင်တစ်ဝက်လွှင့်ထူထားရန် ထိုင်းအစိုးရက ကြေညာထားပြီး၊ ၀မ်းနည်းခြင်းအခမ်းအနားကို ၁၅ ရက်ပြုလုပ်မည်ဖြစ်သည်။ ထို့ပြင် ဘုန်းတော်ကြီးအား ပြည်သူများ နောက်ဆုံးဖူးမျှော်နိုင်ရန် ဆေးရုံနှင့် ထိုဘုန်းတော်ကြီးကျောင်းထိုင်ရာ ဘုန်းကြီးကျောင်းတို့တွင် စီစဉ်ပေးထားသည်ဟုသိရသည်။

၁၉၁၃ ခုနှစ် အောက်တိုဘာ ၃ ရက်နေ့တွင် မွေးဖွားခဲ့သည့် ဘုန်းတော်ကြီး ဥာဏ်နသံဝရမှာ အသက် ၂၀ အရွယ်တွင် ဘန်ကောက်မြို့ရှိ ဘုန်းကြီးကျောင်းတစ်ခုတွင် ရဟန်းဝတ်ခဲ့ပြီး ၁၉၈၉ ခုနှစ်မှစ၍ ထိုင်းနိုင်ငံ၏ အကြီးဆုံးဘုန်းတော်ကြီးအဖြစ် တာဝန်ထမ်းဆောင်ခဲ့သည်။

ကိုးကား- ဆင်ဟွာ
……………………………………
မဟာမိတ်များကို သူလျိုလုပ်ခြင်းကြောင့် အမေရိကန်ကို ယုံကြည်မှု ပျက်သုဉ်းစေကြောင်း ဂျာမန် ဝန်ကြီးချူပ်ပြော

မဟာမိတ်နိုင်ငံများအား အမေရိကန်က လျှို့ဝှက်စွာထောက်လှမ်းနေသည့် သတင်းများ ကျယ်ကျယ်ပြန့်ပြန့်ထွက်ပေါ်လာပြီးနောက် ဥရောပခေါင်းဆောင် များမှာထိုကိစ္စအတွက်ဆွေးနွေးပွဲတစ်ခုကို ပြုလုပ်ခဲ့ကြပြီး ထိုကဲ့သို့သောလုပ်ရပ်များက အိုဘားမားအစိုးရအပေါ် ယုံကြည်မှုများ ပျက်သုဉ်းစေပြီး အတ္တလန်တိတ် ပြင်ပနိုင်ငံများနှင့် အရေးပါသောဆက်ဆံရေးကို ထိခိုက်စေသည်ဟု ဂျာမန်ဝန်ကြီးချုပ် အိန်ဂျလာ မာကယ်လ်က ပြောကြားလိုက်သည်။

မိမိနိုင်ငံသားများအပေါ် စောင့်ကြည့်နေသည့် ထိုသူလျှိုလုပ်ငန်းအား ဝေဖန်ခဲ့သည့် ပြင်သစ်နိုင်ငံက ၂ ရက်တာ ကြာမြင့်ခဲ့သည့် အဆိုပါဆွေးနွေးပွဲတွင် ဥရောပနိုင်ငံများ၏ ကိုယ်ပိုင် အချက်အလက်များအား ကာကွယ်ခြင်းနှင့် ပက်သက်သည့် အစီအစဉ်တစ်ခုကိုလည်း ထည့်သွင်းတင်ပြခဲ့သည်။

ထိုဆွေးနွေးပွဲမှာ ယမန်နေ့သန်းခေါင်းယံအချိန်မှပြီးဆုံးခဲ့ပြီး အမေရိကန်၏ သူလျှိုလုပ်ငန်းပြဿနာအားဖြေရှင်းရန် ယခုနှစ် နှစ်ကုန်ပိုင်းတွင် ပြင်သစ်နှင့် ဂျာမနီတို့က အမေရိကန်နှင့် ညီလာခံတစ်ခုအား ကျင်းပမည်ဟု ဥရောပကောင်စီ ဥက္ကဌက ဟာမန်း ဗန် ရွမ်ပွိုင်းက ဆွေးနွေးပွဲအပြီးတွင် ပြောကြားခဲ့သည်။

အမေရိကန် ထောက်လှမ်းရေးအေဂျင်စီများဖြစ်ကြသည့် NSA နှင့် CIA တို့က ကမ္ဘာတစ်ဝှမ်းရှိ သန်းပေါင်းများစွာသောပြည်သူများ၏ ဖုန်းခေါ်ဆိုမှုများ၊ အင်တာနက်အသုံးပြုမှုများကို စောင့်ကြည့်နေသည်ဟု NSA ၀န်ထမ်းဟောင်း စနိုးဒင်က ဖွင့်ချခဲ့ပြီးနောက်ပိုင်း အမေရိကန်၏ သူလျှိုလုပ်ငန်းအား နိုင်ငံ့ခေါင်းဆောင်များက ပြင်းပြင်းထန်ထန်ဝေဖန်မှုများ အများအပြား ထွက်ပေါ်လာခဲ့သည်။
Ref:aljazeera
……………………………………….
ပထမဆုံး လျှင်စစ်ကားကလပ် လန်ဒန်တွင်ဖွင့်လှစ်

အခကြေးငွေပေးကာ မောင်းနှင်ရမည့် လျှင်စစ်ကားကလပ်အား လန်ဒန်မြို့တွင် ဗုဒ္ဓဟူးနေ့က ဖွင့်လှစ်လိုက်ပြီဟု သိရသည်။

E-Car Club ဟု အမည်ရသည့် အဆိုပါကားကလပ်ကို လန်ဒန်မြို့အရှေ့ဘက်တွင် ဖွင့်လှစ်ခဲ့ခြင်းဖြစ်ပြီး ထိုနေရာမှာ လန်ဒန်မြို့၏ အဆင်းရဲဆုံးနေရာလည်းဖြစ်သည်။

လျှစစ်ကားအသုံးပြုရန်အတွက် ထိုကလပ်တွင်အသင်းဝင်ထားရမည်ဖြစ်ပြီး၊ ထိုဒေသတွင် ဆောက်လုပ်ရေးလုပ်ငန်းများကို လုပ်ဆောင်နေသည့်  Poplar Housing and Regeneration Community Association (HARCA) ကုမ္ပဏီနှင့် Renault ကားထုတ်လုပ်ရေးတို့မှ ပူးပေါင်းကာ ကလပ်အားဖွင့်လှစ် ထားခြင်းဖြစ်သည်။ HARCA မှာ ထိုဒေသတွင် အိမ်ရာ ၉၀၀၀ ပိုင်ဆိုင်ထားသည်။

E-Car Club အား ပူးပေါင်းတည်ထောင်ထားသည့် ခရစ္စတိုဖာ မော်ရစ်က ထိုကလပ်မှာရိုးရှင်းပြီး၊ ၎င်းတို့အနေဖြင့် ဒေသတွင်း ခရီးသွားလာမှုကို တိုးတက်ချင်ကြောင်း တစ်ပြိုင်နက်တည်းမှာပင် ခရီသွားလာမှု ကုန်ကျစားရိတ်နှင့် ပတ်ဝန်းကျင်ထိခိုက်မှုကို လျော့ကျစေလိုသော ရည်ရွယ်ချက်ရှိကြောင်း ပြောကြားခဲ့သည်။ ထို့ပြင် ယခုဖွင့်လှစ်မှုမှာ ပထမဦးဆုံး ခြေလှမ်းတစ်ခုဖြစ်ပြီး ၂၀၁၄ ခုနှစ်တွင်ထပ်မံဖွင့်လှစ်ရန် ရည်ရွယ်ထားကြောင်း မော်ရစ်က ထပ်လောင်းပြောကြားခဲ့သည်။
ကိုးကား- ဆင်ဟွာ
………………………………..
ယူကရိန်းလှက်ဝှေ့ကျော်ဟောင်း ၂၀၁၅ ရွေးကောက်ပွဲတွင် ၀င်ပြိုင်မည်

WTA ဟဲဗီးဝိတ်ချန်ပီယံဟောင်းတစ်ဦးဖြစ်ပြီး ယူကရိန်းနိုင်ငံ၏ အတိုက်အခံ နိုင်ငံရေးသမားတစ်ဦးဖြစ်သည့် ဗစ်တာလီ ကလစ်ရ်ှကိုက ၎င်းအနေဖြင့် ၂၀၁၅ ခုနှစ် သမ္မတရွေးကောက်ပွဲတွင် ပါဝင်ယှဉ်ပြိုင်မည်ဟု ယမန်နေ့က ကြေညာလိုက်သည်။

ထိုကြေညာမှုမှာ ယူကရိန်းပါလီမန်မှ ဥပဒေမူကြမ်းတစ်ခုကို ပြဌာန်းပြီးချိန်တွင် ထွက်ပေါ်လာခြင်းဖြစ်ပြိး ထိုဥပဒေမူကြမ်းအရ ယူကရိန်းတွင်နေထိုင်းခြင်းမပြုဘဲ နိုင်ငံရပ်ခြားတွင်နေထိုင်ရန်အခွင့်ရေးရှိနေသည့် လူပုဂ္ဂိုလ်အား သမ္မတအဖြစ် စဉ်းစားရာတွင် ကန့်သတ်ချက်ထားရန်ပါဝင်သည်။

သမ္မတရွေးကောက်ပွဲကို လာမည့်နှစ် မတ်လတွင်ကျင်းပရန်ရှိနေပြီး ဂျာမနီတွင် နေထိုင်ခွင့်ရနေသည့် ကလစ်ရ်ှကိုအနေဖြင့် ထိုဥပဒေမူကြမ်းကြောင့် ရွေးကောက်ပွဲတွင် အခက်တွေ့ဖွယ်ရှိနေသည်။ သမ္မတအဖြစ်အရွေးခံသူမှာ ယူကရိန်းနိုင်ငံတွင် ၁၀ နှစ်နေထိုင်သူဖြစ်ရမည်ဟု ဥပဒေတွင်ပါရှိသည်။

အသက် ၄၂ နှစ်အရွယ်ရှိပြီဖြစ်သည့် ဟဲဗီးဝိတ်ချန်ပီယံဟောင်း ကလစ်ရ်ှကိုမှာ ပါလီန်မန်တွင် ၄၂ နေရာရရှိထားသည့် Udar ပါတီခေါင်းဆောင်ဖြစ်ပြီး ၂၀၀၅ခုနှစ်က ကိဗ်မြို့၏ မြို့တော်ဝန်အဖြစ်အရွေးခံခြင်းဖြင့် နိုင်ငံရေးလောက ထဲသို့ စတင်ဝင်ရောက်လာခဲ့ခြင်းဖြစ်သည်။
ဆင်ဟွာ
……………………………………..
မက္ကဆီကိုမြောက်ပိုင်းတွင် စက်ရုံတစ်ခုပေါက်ကွဲမှုဖြစ်ပွား

မက္ကဆီကိုနိုင်ငံမြောက်ပိုင်း Chihuahua ပြည်နယ် Ciudad Juarez မြို့ရှိ သကြားလုံးစက်ရုံတစ်ခုတွင် ယမန်နေ့က ပေါက်ကွဲမှုတစ်ခုဖြစ်ပွားခဲ့ပြီး ၅၁ ဦးဒဏ်ရာရခဲ့ကာ ၂၀ ဦးမှာပျောက်ဆုံးနေသည်ဟုသိရသည်။

ပေါက်ကွဲမှုဖြစ်ပွားခဲ့သည့် စက်ရုံမှာ အမေရိကန်ပြည်ထောင်စု တက္ကဆက်ပြည်နယ်နှင့် နယ်နိမိတ်ချင်းနီးစပ်သည့် Benito Juarez စက်မှုဇုန်ရှိ Blueberry ကုမ္ပဏီပိုင် စက်ရုံဖြစ်ပြီး ယမန်နေ့ ဒေသစံတော်ချိန် နေ့လည် ၂ နာရီတွင်ပေါက်ကွဲခဲ့ခြင်းဖြစ်ကြောင်း ဒဏ်ရာရသူများကို အနီးအနားရှိဆေးရုံများသို့ ပို့ဆောင်ကာ ကုသပေးလျက်ရှိကြောင်း Ciudad Juarez မြို့ မြို့တော်ဝန် အာကွင်း ဆာရာနိုက ပြောကြားခဲ့သည်။
*ဆင်ဟွာ
…………………………………
၉/၁၁ မတိုင်ခင်ကတည်းက လုံခြုံရေးကောင်စီအဖွဲ့ဝင်များကို တယ်လီဖုန်းကြားဖြတ် နားထောင်သည့် သူလျှိုလုပ်ငန်းများကို အမေရိကန်မှ လုပ်ခဲ့ဟု CIA အေးဂျင့်ဟောင်းတစ်ဦး ပြော

ကုလသမဂ္ဂ လုံခြုံရေးကောင်စီအဖွဲ့ဝင်များ အပါအ၀င် နိုင်ငံခြားအစိုးရ တာဝန်ရှိသူများအား စုံးစမ်းထောက်လှမ်းမှုများမှာ ၉/၁၁ တိုက်ခိုက်မှု မဖြစ်ပွားခင်ကတည်းက အစပြုခဲ့ခြင်းဖြစ်သည်ဟု CIA အေးဂျင့်ဟောင်းတစ်ဦးဖြစ်သူ Susan Lindauer က ပြောကြားခဲ့သည်။

“ကျွန်မတို့ဟာ သံအမတ်တွေ၊ အကြီးတန်းသံအရာရှိတွေကို ထောက်လှမ်းမှုများ ပြုလုပ်ခဲ့ပြီး ဒီအလုပ်ကို ကျွန်မတို့ နှစ်ပေါင်းတော်တော်ကြာအောင် လုပ်ခဲ့တာပါ” ဟု Lindauer က ပြောကြားခဲ့သည်။

အမေရိကန်အမျိုးသားထောက်လှမ်းရေး အေဂျင်ဆီ NSA က နိုင်ငံ ၃၅ နိုင်ငံ၏ခေါင်းဆောင်များ၏ တယ်လီဖုန်းခေါ်ဆိုမှုများကို စောင့်ကြည့်ခဲ့သည်ဟု The Guardian သတင်းစာတွင်လည်း ယမန်နေ့က ဖော်ထုတ် ရေးသားထားသည်။

အိမ်ဖြူတော်၊ အမေရိကန် ကာကွယ်ရေးဝန်ကြီးဌာနနှင့် အမေရိကန် အစိုးရတို့မှ NSA အား ကမ္ဘာ့ခေါင်းဆောင်များ၏ ဖုန်းနံပါတ်များကိုပေးထား ခဲ့သည်။

“CIA အေးဂျင့်ဟောင်းအဖြစ် ကျွန်မ စိတ်ဝင်စားတာကတော့ ကုလသမဂ္ဂ ကို ထောက်လှမ်းခြင်းပါ။ လုံခြုံရေးကောင်စီအဖွဲ့ဝင်တွေကို မကြာမကြာ ကျွန်မတို့ ပစ်မှတ်ထားထောက်လှမ်းပါတယ်။ ဒီလိုထောက်လှမ်းခြင်းဟာ လွန်ခဲ့တဲ့ ၁၀ နှစ်ကတည်းက လုပ်နေကြအလုပ်ပါ။ ၉/၁၁ မတိုင်ခင်ကတည်းက ကျွန်မတို့ ဒါကိုလုပ်နေတာပါ” ဟု Lindauer က ထပ်လောင်းပြောကြားခဲ့သည်။

ထို့ပြင် စစ်ဆန့်ကျင်ရေးလှုပ်ရှားသူများက အမေရိကန်မှာ ကမ္ဘာ့ပါဝါကို လွှမ်းမိုးနိုင်သော နိုင်ငံမဟုတ်တော့ကြောင်း၊ အခြားနိုင်ငံများအနေဖြင့် အမေရိကန်၏ စော်ကားမှုများကို ဆက်လက်၍ သည်းခံတော့မည် မဟုတ်ကြောင်း ပြောကြားခဲ့သည်။
Ref:AGB/AGB
…………………………………
နိုင်ငံ၏လျှို့ဝှက်ချက်ပေါက်ကြားမှုများအတွက် ဥပေဒမူကြမ်းတစ်ခု ဂျပန်တင်သွင်း

ဂျပန်နိုင်ငံ၏ လျို့ဝှက်ချက်များကို ထုတ်ဖော်ပြောဆိုသူအား အပြစ်ပေးနိုင်ရန်အတွက် လျို့ဝှက်ချက်များနှင့် သက်ဆိုင်သည့် အငြင်းပွားဖွယ် ဥပဒေမူကြမ်းတစ်ခုကို ပါလီမန်သို့တင်သွင်းလိုက်သည်ဟု သိရသည်။

ဂျပန်အစိုးရ၏ ပြောရေးဆိုခွင့်ရှိသူ ယိုရှီဟီဒီ ဆူဂါက ထိုမူကြမ်းအား ယနေ့တွင် တင်သွင်းလိုက်ခြင်းဖြစ်ပြီး ပါလီမန်တွင်အတည်ပြုလိမ့်မည်ဟု ပြေကြားခဲ့ကာ ဥပဒေပြုအမတ်များအနေဖြင့် တတ်နိုင်သမျှအမြန်ဆုံးအတည်ပြုရန် သူက အလိုရှိနေသည်။

ထိုဥပဒေအရ နိုင်ငံ၏ လျှို့ဝှက်ချက်များအား ထုတ်ဖော်ပြောဆိုကြသည့် နိုင်ငံဝန်ထမ်းများအနေဖြင့် ထောင်ဒဏ် ၁၀ နှစ်အထိ ကျခံရမည်ဖြစ်ပြီး လွတ်လပ် စွာပြောဆိုခွင့် အခွင့်အရေးကို ကန့်သန်ထားခြင်းဖြစ်သည်ဟု အချို့က ပြောဆိုနေကြသည်။
Ref:MR/HSN