အစိုးရက အပြုသဘောဆောင်လာတယ်ဆိုသည့် ကချင်ပြည်နယ် ငြိမ်းချမ်းရေးဖော်ဆောင်မှု သတင်းစာရှင်းလင်းပွဲ

အောက်တိုဘာ ၂၆၊ ၂၀၁၃
M-Media
လင်းလင်း

ရန်ကုန် ။             ။ ကချင်ပြည်နယ် ငြိမ်းချမ်းမှုရရှိရေး သတင်းစာရှင်းလင်းပွဲတစ်ခုကို အောက်တိုဘာ ၂၆ ရက် နံနက် ၁၀း၀၀-နာရီက ရန်ကုန်မြို့မြေနီကုန်း ပလာဇာ၌ ပြုလုပ်ခဲ့ပါသည်။

“မြန်မာနိုင်ငံ ကချင်ပြည်နယ်မှာ ငြိမ်းချမ်းရေးဖော်ဆောင်မှုက ကောင်းတဲ့ဘက်ကအစိုးရက အပြုသဘောဆောင်လာတာကိုတွေ့ရတယ်။ ကချင်ပြည်နယ်ရဲ့ ငြိမ်းချမ်းလုပ်ငန်းစဉ်က ကျန်တဲ့ ပြည်နယ်တွေရဲ့ ငြိမ်းချမ်းရေးလုပ်ငန်းစဉ်နဲ့ မတူတဲ့ စစ်မှန်တဲ့ ငြိမ်းချမ်းရေးကိုရောက်ဖို့အတွက်သွားနေတဲ့ လုပ်ငန်းတစ်ခုပါ။ ဒါပေမယ့် အပစ်အခတ်ရပ်စဲရေးစာချုပ်တွေက ဘယ်လိုဖြစ်လဲဆိုရင် ကျွန်တော်တို့တွေ့ဆုံဆွေးနွေးကြတယ်။ ဒါပေမယ့် တွေဆုံဆွေးနွေးတဲ့ အရာတွေက အောက်ခြေမှာ ပြည်သူလူထုကို ဆက်ပြီးတော့ ထိခိုက်နစ်နာစေမယ့်စစ်ပွဲတွေ အင်မတန်မှဖြစ်နေတယ်။ ကျူးလွန်မှုတွေက အစိုးရစစ်တပ်တွေက ကျွန်တော်တို့ ပြည်သူလူထု အပေါ်မှာ နှိုင်းထက်စီးနင်းမှုတွေက ခဏခဏဖြစ်နေတယ်။ လက်ရှိမြန်မာနိုင်ငံ ငြိမ်းချမ်းရေးလုပ်ငန်းစဉ်မှာ အဓိက က လက်နက်ကိုင်အဖွဲ့အစည်းနဲ့ အစိုးရရဲ့ယုံကြည်မှုရှိရှိ ဆက်သွားဖို့ဆိုတာထက်ကို ပြည်သူလူထုရဲ့ယုံကြည်မှုက အရမ်းအရေးကြီးပါတယ်။ သဘောတူညီချက်တွေပေါ်မှာရော လုပ်ငန်းစဉ်တွေပေါ် မှာရော လူထုက ဘယ်လောက်ယုံကြည်သက်ဝင်မှုရှိနေပြီလဲ။ အဓိက ပြည်သူလူထုက မယုံကြည်ရခြင်းမှာ အောက်ခြေမှာက အစိုးရရဲ့လက်နက်ကိုင်တွေက နှိပ်စက်ခြင်းကို ခံနေရတဲ့ အပေါ်မှာ ပြည်သူလူထုက မယုံကြည်တော့ဘူး။ ပြည်သူလူထုရဲ့ မယုံကြည်ရခြင်းအကြောင်းအရင်းက ဒီငြိမ်းချမ်းရေး လုပ်ငန်းစဉ်က ဘယ်သူအာမခံမှာလဲ။ ဒီတော့ ကျွန်တော်တို့ ဒီနေ့ ရှင်းလင်းပွဲ လုပ်ရခြင်း ရည်ရွှယ်ချက်က ကျွန်တော်တို့က တွေ့ဆုံဆွေးနွေးကြတယ်။ အဖြေကိုဝိုင်းရှာကြတယ်။ အဲ့ဒီရဲ့ သဘောသဘာဝက စစ်အရှိန် လျှော့ချရေးနှင့် တိုက်ပွဲများထပ်မံ မဖြစ်ပွားစေရေး အတွက် လုပ်ဆောင်ကြတာ။ ပြောချင်တာက ဆွေးနွေးပွဲတစ်ခုပြီးသွားရင် စစ်ပွဲတွေ စစ်ရှိန်တွေ လျှော့ချဖို့အတွက် ပိုပိုပြီးတော့ဖြစ်လာရမယ်။ တိုက်ပွဲတွေထပ်မံ မဖြစ်ပွားဖို့အတွက် သတိထားရမယ့်အနေအထား ရှိတယ်။ အောက်ခြေက ကျွန်တော်တို့ လက်လှမ်းမမီတဲ့ နေရာတွေမှာ ဒါမျိုးဖြစ်နေတာက ပြည်သူတွေက တကယ်ခံစားနေရတယ်။

ဒါကိုကျွန်တော်တို့က အပစ်အခတ် ရပ်စဲဖို့သဘောတူထားလို့ တိုက်ပွဲတွေတော့ဆက်ဖြစ်မှာပဲ ဒါကသဘာဝပဲ ဆိုပြီးကျွန်တော်တို့က ပြောလို့မရဘူး။ ဒီလိုဖောက်ဖျက် ကျူးလွန်နေမှု ပြည်သူတွေ ခံစားနေရမှုအပေါ်မှာကျွန်တော်တို့က ဒီအတိုင်းထားလို့မရဘူး။ ကျွန်တော်တို့က အရေးယူဆောင်ရွက်နိုင်ဖို့အတွက် အရေးယူ ဆောင်ရွက် နိုင်တဲ့ အစိုးရတွေကို ဒီကိစ္စကိုအမြန်စဉ်းစားကြဖို့အတွက် အပေါ်မှာကျွန်တော်တို့ စားပွဲခုံပေါ်မှာ ပျော်ပျော်ရွှင်ရွှင်နဲ့ဆွေးနွေးနေကြသလို အောက်ခြေမှာလည်း လူထုတွေက ပျော်ပျော်ရွှင်ရွှင်နဲ့ ကိုယ့်ဒေသမှာကိုယ် လွတ်လပ်စွာသွားလာနိုင်ဖို့အတွက်ကျွန်တော်တို့က အခုလိုရှင်းလင်းပွဲပြုလုပ်ခြင်းဖြစ်ပါတယ်”လို့ ဦးဂျော်ဂွန်းက ပြောကြားခဲ့ပါတယ်။

ဆက်လက်ပြီး ဒေါ်ခွန်ဂျာကလည်း “ကျွန်မ ဖြည့်ပြီးပြောချင်တာက ကျွန်မတို့ ဒီအပစ်အခက်ရပ်စဲရေး သဘောတူစာချုပ် တစ်နိုင်ငံလုံးအတိုင်းအတာနဲ့ အပစ်အခတ် ရပ်စဲရေး သဘောတူစာချုပ် ရေးထိုးကြမယ် ဘယ်တွေဘယ်လိုပဲပြောနေပါစေ အဓိကကတော့ အပစ်အခက်ရပ်စဲလိုက်ပြီးရင် ဘာလုပ်မှာလဲဆိုတဲ့မေးခွန်းက ရှိနေတာ ဖြစ်ပါတယ။ ကျွန်မတို့က အပစ်အခတ်ရပ်စဲ သဘောတူစာချုပ်ကိုထိုးလိုက်ခြင်းအားဖြင့် ကျွန်မတို့တွေဟာ ဘယ်လိုသဘောတူညီမှုတွေရှိလာမလဲ၊ ဘယ်လိုကတိတွေ ရှိလာမလဲ၊ အဓိကက ကျွန်မတို့အပစ်အခတ် ရပ်စဲရေး သဘောတူစာချုပ်တွေထိုးပြီးတော့မှ ပြန်ပြန်ပြီးကျိုးပေါက်နေရခြင်းဟာ တိုင်းရင်းသား လက်နက်ကိုင် အဖွဲ့အစည်းတွေ လိုချင်သော နိုင်ငံရေးအရ ဆွေးနွေးမှုကို မရရှိတဲ့အတွက်ကြောင့် ဖြစ်ပါတယ်”လို့ပြောကြားခဲ့ပါတယ်။
၎င်းနောက် မီဒီယာများမှ မေးမြန်းသည်များကို ဒေါ်ခွန်ဂျာနှင့် ဦးဂျော်ဂွန်းတို့က ပြန်လည်ဖြေဆို ရှင်းလင်းဖြေကြားခဲ့ကြပါတယ်။ သတင်းစာရှင်းလင်းပွဲသို့ မီဒီယာများမှလည်း တက်ရောက်ကြပြီး စုစုပေါင်း တက်ရောက်သူ ၁၀၀-ကျော်ရှိပြီး မနက် ၁၁း၃၀-နာရီ အချိန်တွင် သတင်းစာရှင်းလင်းပွဲ ပြီးဆုံးခဲ့ပါတယ်။