လှိုင်သာယာ ကျုးကျော်တဲများဖယ်ရှားပေးရန် စည်ပင်မှ အကြောင်းကြားစာပေးပို့

အောက်တိုဘာ ၂၇၊ ၂၀၁၃
M-Media
A.N.Lay

ဓါတ်ပုံအညွှန်း > ရန်ကုန် စက်မှုဇုန်တစ်ခု၏ မြင်ကွင်း (exitzone)

ရန်ကုန်  ။        ။      ရန်ကုန်တိုင်းဒေသကြီး လှိုင်သာယာမြို့နယ် ရန်ကုန်-ပုသိမ် လမ်းမကြီးနံဘေး စက်မှုဇုန် မင်းကြီးမဟာမင်းခေါင်လမ်းမကြီးတစ်လျှောက်ရှိ စည်ပင် ပိုင် လမ်းနယ်မြေတွင် ဆောက်လုပ် နေထိုင်လျက်ရှိသည့် ကျူးကျော်တဲ၊ ဈေးဆိုင်နှင့် ဓာတ်ဆီဆိုင်များအား ရှင်းလင်းဖယ်ရှားပေးရန် မြို့နယ်စည်ပင်သာယာ အုပ်ချုပ်ရေးမှူးရုံးမှ အောက်တိုဘာ ၂၂-ရက်နေ့က ၅-ကြိမ်မြောက် အသိပေး အကြောင်းကြားစာများ ပေးပို့ခဲ့ကြောင်းသတင်းရရှိသည်။

“အောက်တိုဘာ ၂၇-ရက်နေ့ နောက်ဆုံးထားပြီး ဖယ်ရှားပေးရမယ်လို့ စာထဲမှာပါတယ်၊ ဒီနေရာက ကားလမ်းမကြီးကို ကျောပေးပြီးနေထိုင်တဲ့လူတွေ များတယ်၊ လှိုင်သာယာကျူးကျော်တဲတွေ ရှိတဲ့ အထဲမှာ ဒီလမ်းတစ်လျှောက်ကို စာပို့ပြီးဖယ်ရှားဖို့ အသိပေးစာပို့တာ အများဆုံးပဲ။ အိမ်လခတစ်လ သုံးသောင်းပေးဖို့ မတတ်နိုင်ဘူး။ ဒီနေရာကဖယ်ရရှင် အခြားနေရာမှာ သွားနေရမှာပါ။ မိသားစု စားဝတ် နေရေးက ရှိသေးတယ်လေ”ဟု ရေဥက္ကံ ကျေးရွာဇုန်(၃) အပိုင်းရှိ မင်းကြီး မဟာမင်းခေါင်လမ်းတွင် နေထိုင်လျက်ရှိသော ပြည်သူတစ်ဦးက ပြောပါသည်။

ရန်ကုန်-ပုသိမ် လမ်းမရှိ စက်မှုဇုန်မှတ်တိုင်မှ BOC အဝိုင်းထိ မင်းကြီးမဟာမင်းခေါင်လမ်း တစ်လျှောက်တွင် ကျူးကျော်တဲ ၅၀၀ ကျော် နေထိုင်လျက်ရှိပြီး ရွှေသံလွင် စက်မှုဇုန် ပတ်လမ်း တစ်လျှောက်တွင်လည်း ကျူးကျော်တဲ ၆၀၀-ကျော် နေထိုင်လျက်ရှိရာ ရာသီဥတုပွင့်လင်းလာပြီဖြစ်၍ ရပ်ကွက်၊ ကျေးရွာများတွင် နေ့စဉ် ကျူးကျော်တဲများ ဆောက်လုပ်လျကရှိပြီး အမှတ် ၃-ရပ်ကွက်နှင့် အမှတ် ၅-ရပ်ကွက်တို့၌ မိုးရာသီကာလကပင် တဖြည်းဖြည်း တိုးပွားလာသော ကျူးကျော်တဲများ တိုးချဲ့ နေထိုင် လာသည်မှာ ယနေ့အချိန်တွင် ဖြေရှင်းရန်ခက်ခဲနေသည့် ပြဿနာ တစ်ရပ်အဖြစ် မြို့နယ်မှ တာဝန်ရှိသူများ ရင်ဆိုင်နေရ ကြောင်း သိရှိရပါသည်။