တရားဥပဒေ စိုးမိုးရေးနှင့် လူ့အခွင့်အရေး လှုပ်ရှားသူများ ကွန်ရက် ဆွေးနွေးပွဲ

အောက်တိုဘာ ၂၇၊ ၂၀၁၃
M-Media
လင်းလင်း

ရန်ကုန်   ။           ။          တရားဥပဒေစိုးမိုးရေးနှင့် လူ့အခွင့်အရေးလှုပ်ရှားသူများကွန်ရက်မှ တရားဥပဒေ စိုးမိုးရေး ဆွေးနွေးပွဲကို ယနေ့ နေ့လည် ၃း၃၀-နာရီက ဗဟန်းမြို့နယ် ရွှေဂုံတိုင်ရှိ တော်ဝင်နှင်းဆီ ခန်းမတွင် ကျင်းပပြုလုပ်ခဲ့ပါတယ်။

မြန်မာနိုင်ငံမှာ တရားဥပဒေစိုးမိုးမှု အားနည်းချက်ကို အခွင့်ကောင်းယူပြီး လူသတ် မီးရှို့ အကြမ်းဖက် မှုတွေ ဖြစ်လာပြီး ဒေါ်အောင်ဆန်း စုကြည်၏ နိုင်ငံတကာ ခရီးစဉ် များတွင် အကြမ်းဖက်မှုကိစ္စများ မေးခွန်း ထုတ်ခံရသည့် အဆင့်ရောက်ရှိလာသည်ကို ကြည့်ခြင်းအားဖြင့် တိုင်းပြည်အုပ်ချုပ်သူ အစိုးရ၏ လုံလောက်တဲ့ ဥပဒေစိုးမိုးမှု အကာအကွယ် မပေးနိုင်သည်မှာ ထင်ရှားကြောင်း၊ တရားဥပဒေစိုးမိုးမှုရှိရန် လိုအပ်ကြောင်းတို့ကို ဆွေးနွေးခဲ့ကြပါတယ်။

“အခုလို ဆွေးနွေးပွဲ ကျင်းပရခြင်းဟာ တရားဥပဒေစိုးမိုးမှု အားနည်းတဲ့အပေါ်မှာ လက်ရှိနိုင်ငံရဲ့ပုံရိပ်က ကျဆင်းနေပြီ ဆိုပြီးတော့ နိုင်ငံတော်သမ္မတကိုယ်တိုင် ၀န်ခံ ထားတာဖြစ်ပါတယ်၊ အဲ့ဒါအပြင် လက်ရှိမြန်မာနိုင်ငံအတွင်းမှာ ဖြစ်ပေါ်နေတဲ့ တရားဥပဒေစိုးမိုးမှု အားနည်းချက်ကို အခွင့်ကောင်းယူပြီးတော့ ကျူးလွန်လာတဲ့ မြို့ဖျက်၊ ရွာဖျက်၊ လူသတ်၊ မီးရှို့ဖျက်ဆီးတဲ့ လုယက် အကြမ်းဖက်မှုတွေဟာ နေရာအနံ့ တော်တော်များများမှာ ဖြစ်ပြီးတော့ ဒီပြဿနာတွေနဲ့ ပတ်သက်ပြီး  ဒေါ်အောင်ဆန်းစုကြည် အနေနဲ့ နိုင်ငံတကာ ခရီးစဉ်တွေမှာ ဒီပြဿနာတွေနဲ့ ပတ်သက်ပြီး မေးခွန်းထုတ်ခံရတဲ့ အခြေအနေအထိ ရောက်ခဲ့ရတယ်။

တရားဥပဒေစိုးမိုးရေးနဲ့ ပတ်သက်ပြီးတော့ ကျွန်တော်တို့တွေဟာ တိုင်းပြည်မှာရှိတဲ့ အုပ်ချုပ်သူ အစိုးရကို လုံလုံလောက်လောက် အားကိုးလို့ မရဘူး တိုင်းပြည်ကို အုပ်ချုပ်တဲ့ အစိုးရရဲ့လုံလောက်တဲ့ ဥပဒေစိုးမိုးမှုဆိုင်ရာအကာအကွယ် မပေးနိုင်ဘူး ဆိုတာ ထင်ထင်ရှားရှားမြင်နေရပါတယ်။ ဘာကြောင့်လဲဆိုတော့ တိုင်းပြည်မှာ တရားဥပဒေ စိုးမိုးမှု မရှိဘူးဆိုရင် ဒီတိုင်းပြည်က မင်း အစိုးရမရှိတာနဲ့ အတူတူပါပဲ။ ကျွန်တော်တို့တွေဟာ တိုင်းပြည်မှာ မင်း အစိုးရရှိ ပါလျက်နဲ့လည်း မင်းမဲ့စရိုက် ဆန်ဆန် တောင်းရမ်း၊ သတ်ဖြတ်၊ မီးရှို့၊ ဖျက်ဆီး၊ လုယက် နေတဲ့လူတွေကို တရား ဥပဒေအရ အရေးယူဆောင်ရွက်နိုင်မယ့် ရဲတပ်ဖွဲ့တွေ အုပ်ချုပ်ရေးပိုင်း ဆိုင်ရာတွေက အရေးယူဆောင်ရွက်မှုတွေဟာ အင်မတန်ပဲ အားနည်းနေသေးတဲ့အတွက်ကို အကြမ်းဖက် လုယက် သတ်ဖြတ်သူတွေဟာ တိတ်တဆိတ် ဆောင်ရွက်တာ မဟုတ်ဘဲနဲ့ လူစုလူဝေးနဲ့ ကြော်ငြာတယ်၊ ဟောပြောတယ်၊ လက်ကမ်း စာရွက်တွေဝေတယ် အခန်းအနားတွေ ကျင်းပပြီးတော့မှ အကြမ်းဖက်မှုတွေကိုလဲ လက်တွေ့ပြုလုပ်ခဲ့တယ်။ ကျွန်တော့် အနေနဲ့ ပြောချင်တာကတော့ မြန်မာနိုင်ငံမှာ တာဝန်ယူထား ရဲတပ်ဖွဲ့တွေဟာ ဒီအကြမ်းဖက်သမားတွေကို အရေးယူဆောင်ရွက်ဖို့ ပျက်ကွက်ခဲ့ပေမယ့် ကျွန်တော်တို့ရဲ့လူ့အခွင့်အရေးလှုပ်ရှားတဲ့သူတွေ၊ လယ်သမားအခွင့်အရေး လှုပ်ရှားတဲ့သူတွေ၊ ပြည်သူလူထု အခွင့်ရေး လှုပ်ရှားတဲ့သူတွေ၊ နိုင်ငံရေးတက်ကြွ လှုပ်ရှားတဲ့သူတွေကို အရေးယူဆောင်ရွက် တဲ့နေရာမှာ ဘယ်တော့မှ လက်မနှေးခဲ့ပါဘူး။ ယနေ့အချိန်အထိ ပြစ်မှုနဲ့ ပြစ်ဒဏ် မမျှတဲ့ ပြစ်ဒဏ်တွေပေးပြီးတော့ ချမှတ် နေတာကို အားလုံးပဲအသိဖြစ်ပါတယ်”ဟု ဦးညီညီ ကပြောကြားခဲ့ပါတယ်။

ဆက်လက်ပြီး “တရားဥပဒေစိုးမိုးမှုမရှိတဲ့အခါမှာ ကျွန်မတို့ တိုင်းသူပြည်သားတွေဟာ ဘယ်လိုဆင်းရဲဒုက္ခတွေ ခံခဲ့ရပြီးတော့ ဘယ်လိုမျိုးရပ်တည်ကလည်း အခြေအနေ တွေကို ကျွန်မက ကိုယ်တိုင် ကြုံတွေ့ခဲ့ရသူ တစ်ဦးလည်း ဖြစ်ပါတယ်၊ အသတ်ခံခဲ့ရတဲ့ မိသားစုဝင်တွေနဲ့ ပတ်သက်ပြီး အရမ်းက်ို ကိုယ်ချင်းစာ တရားရှိပါတယ်။ ဘာလို့လဲ ဆိုတော့ ဒီအဖြစ်အပျက်မျိုးတွေကို ဥပဒေ မစိုးမိုးလို့ ကြုံခဲ့ရတဲ့အရာတွေ အားလုံးကို ကျွန်မလည်း အများကြီး ခံခဲ့ရတာပါ။ ကျွန်မအမျိုးသားက ၂၀၁၀ သင်္ကြန်မှာ ဗုံးပေါက်ကွဲမှုမှာ ကူညီတယ်ဆိုပြီးတော့ သေဒဏ်အပါအ၀င် အများကြီး ပြစ်ဒဏ်တွေချ ထောင်ထဲမှာ ကျန်းမာရေး စောင့်ရှောက်မှု လုံးဝ မလုပ် ပေးခဲ့တော့ နေမကောင်းတာတောင် အပြင်မထုတ်ဘဲနဲ့ ထောင်ထဲမှာသေလုမျောပါး အခြေအနေမှ အပြင်ထုတ်ခံခဲ့ရတဲ့ ကိုဖြုးဝေအောင်ဖြစ်ပါတယ်။ အဲဒါကြောင့် မိသားစုဝင်တွေ အားလုံးမှာ တူညီတဲ့ ခံစားချက်တွေ ရှိနေမယ် ကျွန်မတို့ခံခဲ့ရတဲ့ ဒုက္ခတွေ ဒါတွေအားလုံဟာ တရားဥပဒေစိုးမိုးမှု မရှိလို့ ဖြစ်ရတယ်ဆိုတာကို ကျွန်မ ယုံကြည် ပါတယ်။ အခုလက်ရှိအချိန်ထိလည်း လုံးဝမရှိသေးပါဘူး”ဟု ကိုဖြိုးဝေအောင်၏ ဇနီးဖြစ်သူ မဌေးဌေးက ပြောကြားခဲ့ပါတယ်။

ဓါတ်ပုံများ FB တွင် ကြည့်လိုလျှင် =>http://goo.gl/JvZMqj