အောက်တိုဘာ- ၂၉ အားကစားသတင်းများ

အောက်တိုဘာ- ၂၉ ၂၀၁၃
M-Media

ကိုယ်တိုင်ရေး အထုပ္ပတ္တိတွင်ပါဝင်သော အငြင်းပွားဖွယ် ရေးသားမှုများနှင့် ပတ်သက်ပြီး ဖာဂူဆန် ကာကွယ်

မန်ယူအသင်း၏ ဂန္တ၀င်နည်းပြဖြစ်သူ ဖာဂူဆန်က ဝေဖန်မှုများနှင့် ရင်ဆိုင်နေရသည့် ၎င်း၏ ကိုယ်တိုင်ရေး အထုပ္ပတိအား ကာကွယ်ခဲ့ပြီး၊ ထိုစာအုပ်မှာ မန်ယူအသင်း၏ ပရိတ်သတ်များ အတွက် ရည်ရွယ်၍ ရေးထားခြင်းဖြစ်သည်ဟု ပြောဆိုခဲ့သည်။

ထိုစာအုပ်ထဲတွင် ဖာဂူဆန်က မန်ယူအသင်း၏ အ၀တ်လဲခန်းအတွင်း ဖြစ်ပျက်ခဲ့သော အဖြစ်အပျက်များနှင့် ပတ်သက်ပြီး ဝေဖန်ရေးသားထားသကဲ့သို့ ပြိုင်ဘက် လီဗာပူးလ်အသင်း၏ ကစားသမားများဖြစ်ကြသည့် စတီဗင်ဂျရတ်နှင့် ဟန်ဒါဆင်တို့ကို ဝေဖန်ထားချက်များလည်း ပါဝင်သည်။

ထို့ကြောင့် လီဗာပူးလ်အသင်း၏ နည်းပြ ရော်ဂျာကလည်း ၎င်း၏ အသင်းအား ဖာဂူဆန်၏ ရေးသားချက်များမှာ ယုံကြည်ရလောက်ခြင်း မရှိဟု ပြန်လည်ချေပခဲ့သည်။

Salford မြို့ရှိ Lowry ကဇာတ်ရုံတွင်ပြုလုပ်ခဲ့သည့် အထုပ္ပတ္တိစာအုပ် အရောင်းမြှင့်တင်ရေး အခမ်းအနားတွင် ပရိတ်သတ် ၁၇၀၀ ကျော်ရှေ့၌ ၎င်း၏စာအုပ် အတွင်း ရေးသားချက်များနှင့် ပတ်သက်ပြီး ဖာဂူဆန်က ယခုကဲ့သို့ ကာကွယ် ပြောဆိုသွားခဲ့သည်။

“ကျွန်တော်ဒီစာအုပ်ကို ရေးခဲ့တာဟာ ပရိတ်သတ်တွေ အတွက်ပါ။ အချို့ဆုံးဖြတ်ချက်တွေကို ကျွန်တော် ဘာ့ကြောင့်ချခဲ့တာလည်းဆိုတာ သူတို့ နားလည်အောင်လို့ပါ။ (ဒီစာအုပ်ဟာ) မီဒီယာတွေအတွက် မဟုတ်ပါဘူး”

ထို့ပြင် လူကြိုက်အများဆုံး၊ မျှော်လင့်ချက် အများအပြားရှိနေသည့် ကမ္ဘာ့အကြီးဆုံးကလပ် မန်ယူအသင်း၏နည်းပြအလုပ်မှာ မည်မျှခက်ခဲ့ကြောင်း လူအများနားလည်နိုင်ရန် ရည်ရွယ်ရေးသားခြင်းဖြစ်သည်ဟု ဖာဂူဆန်က ထည့်သွင်းပြောကြားခဲ့သည်။

Ref:Mirror

………………………………….
အာဆင်နယ်အသင်းမှာ အင်္ဂလိပ်ဘောလုံးလောကကို တစ်ဖန်ပြန်၍ စိုးမိုးနိုင်သည်ဟု ပီတစ်ပြော

နည်းပြ အာဆင်ဝင်းဂါးမှာ အာဆင်နယ်အသင်း၏ ဂုဏ်တက်ဖွယ်ရာ ခေတ်သစ်တစ်ခုကို တည်ဆောက်နေသည်ဟု အာဆင်နယ်အသင်း၏ ကွင်းလယ် လူဟောင်း ပီတစ်က ပြောကြားလိုက်သည်။

ထို့ပြင် အာဆင်နယ်အသင်းမှာ မကြာမီ ကစားရမည့် ကပီတယ်ဝမ်း ဖလားပြိုင်ပွဲတွင် ပြိုင်ဘက်အသင်းအား ကျော်ဖြတ်နိုင်မည်ဖြစ်ပြီး ယခုနှစ်ရာသီတွင် အောင်မြင်မှု လမ်းကြောင်းပေါ်သို့ ရောက်ရှိလိမ့်မည်ဟုယုံကြည်နေကြောင်း၊ ယခုနှစ်ရာသီကုန်တွင် အသင်းနှင့် စာချုပ်သက်တမ်းပြည့် တော့မည့် အာဆင်ဝင်းဂါးမှာ အသင်းသို့ မီဆု အိုဇေးလ်ရောက်ရှိလာပြီးနောက် ပိုင်း အသင်းတွင် ဆက်လက်ရှိနေလိ့မ်မည်ဖြစ်ကြောင်း ပီတစ်ထည့်သွင်းပြောကြားခဲ့သည်။

“အောင်မြင်မှုတွေက နောက်ထပ်အောင်မြင်မှုတွေကို ယူဆောင်လာမှာပါ။ ဒါပေမယ့် အခုအချိန်မှာ အာဆင်နယ်အသင်းအနေနဲ့ ဖလားတစ်လုံးရရှိဖို့ ပိုအရေးကြီးပါတယ်။ ရပြီဆိုရင်တော နောက်ထပ် အောင်မြင်မှုတွေ ပေါင်းထည့်နိုင်မှာပါ”

Ref:Mirror

………………………………….

ပီအက်စ်ဂျီအသင်းမှာ မိမိထက်ပိုအရေးကြီးသည်ဟု အီဗရာဟီမိုဗစ်ဆို

မိမိတစ်ဦးတည်းအောင်မြင်မှုထက် ပီအက်စ်ဂျီအသင်း၏ အောင်မြင်မှုက ပို၍ အရေးကြီးပြီး၊ ကမ္ဘာ့အကောင်းဆုံး ဘောလုံးသမားဆု Ballon d’Or ထက် အသင်းအနေဖြင့် ဆုဖလားများမရမည်ကို ၎င်းအနေဖြင့် ပိုမိုစိုးရိမ်ကြောင်း ပီအက်စ်ဂျီအသင်း၏ တိုက်စစ်မှူး အီဗရာဟီမိုဗစ်က ပြောကြားခဲ့သည်။

ဖီဖာမှ ယနေ့တွင်ကြေညာမည်ဖြစ်သည့် အဆိုပါဆုအတွက် ဇကာတင် ၂၃ ယောက်စာရင်းတွင် အီဗရာဟီမိုဗစ်မှာပါဝင်နေပြီး ပြင်သစ်မီဒီယားအများစုက ပြီးခဲ့သည့်လေးနှစ်ဆက်တိုက် ရရှိခဲ့သည့် မက်ဆီအားကျော်လွှားကာ အီဗရာဟီမိုဟစ်ရရှိနိုင်သည်ဟု အသားပေးဖော်ပြနေကြသည်။

သို့သော်လည်း အသက် ၃၂ နှစ်အရွယ်ရှိ မိုဗစ်က ပီအက်စ်ဂျီအသင်း ရလဒ်ကောင်းများရရှိရန်အတွက် ၎င်းအနေဖြင့် ပြင်းပြင်းထန်ထန် လေ့ကျင့်နေခြင်းဖြစ်ကြောင်း၊ အသင်းတွင်ကစားရသည်ကိုပျော်ရွှင်ပြီး အသင်းအတွက် အများကြီးပေးဆပ်သွားမည်ဖြစ်ကြောင်း သတင်းထောက်များအား ပြောကြားခဲ့သည်။

——————————————-

အင်တာရှိ ၎င်း၏အနာဂတ်အား လာမည့်လတွင် ဆုံးဖြတ်မည်ဟု မိုရက်တီဆို

အင်တာမီလန်အသင်းအား အင်ဒိုနီးရှားသူဌေး အဲရစ် သိုဟီရ် ၀ယ်ယူခဲ့ပြီးသော်လည်း အသင်းဥက္ကဌအဖြစ်ဆက်လက်ရှိနေမည်ဟု စောစောပိုင်းကပြောဆိုခဲ့သော်လည်း၊ သိုဟီရ်က မိုရက်တီ၏ အနာဂတ်အတွက် လာမည့်လတွင် ဆုံးဖြတ်မည်ဟု အရိပ်အမြွက်ပြောကြားခဲ့သည်။

အင်တာအသင်း၏ ရှယ်ယာအများစုအား သိုဟီရ်က ယခုလအစောပိုင်းတွင် ၀ယ်ယူခဲ့ခြင်းဖြစ်ပြီး လက်ရှိအသင်းဥက္ကဌ မိုရက်တီ၏အနာဂတ်နှင့် ပက်သက်၍

“အသင်းမှာရှိတဲ့ မိုရက်တီရဲ့အနာဂတ်အတွက် ကျွန်တော်တို့ ဆွေးနွေးမှုတစ်ခု ပြုလုပ်သွားမှာပါ။ အဲဒီဆွေးနွေးပွဲမှာ အသင်းနဲ့ပက်သက်ပြီး ရေရှည်အစီအစဉ်တွေအကြောင်းကိုလည်း ဆွေးနွေးသွားမှာပါ” ဟု သိုဟီရ်က Republika သတင်းစာသို့ပြောကြားခဲ့သည်။

ထို့ပြင် လူငယ်ကစားသမားများအတွက် တဖြည်းဖြည်းလုပ်ဆောင်မည်ဖြစ်ပြီး၊ ပထမအသင်း ကစားသမားများအတွက် စေ့စပ်စွာလုပ်ဆောင်သွားမည်ဖြစ်ကြောင်း သိုဟီရ်က ထပ်လောင်းပြောကြား သွားခဲ့သည်။

—————————————-

** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
ဆက်သွယ်ရန် [email protected]