နိုဝင်ဘာ- ၂ နိုင်ငံတကာသတင်း နှင့် ပြည်တွင်း သတင်းတို

နိုဝင်ဘာ- ၂ ၂၀၁၃
M-Media

တိုင်းရင်းသားညီလာခံ သဘောတူညီချက် RCSS လက်မှတ်မထိုး

ကချင်ပြည်နယ် လိုင်ဇာမြို့တွင် ပြုလုပ်နေသည့် တိုင်းရင်းသားညီလာခံတွင် တိုင်းရင်းသားပေါင်းစုံ၏ ဘုံသဘောတူညီချက်ကို ရှမ်းပြည်နယ် ပြန်လည်ထူထောင်ရေး ကောင်စီ (RCSS)က လက်မှတ်ထိုးခြင်းမရှိသကဲ့သို့ အပစ်အခတ် ရပ်စဲရေးဆိုင်ရာ တိုင်းရင်းသားပေါင်းစုံ ကိုယ်စားပြုမည့်အဖွဲ့ National Wide Cease – Fire Coordination Team (NCCT) ဖွဲ့စည်းရာတွင်လည်း RCSS မှ ကိုယ်စားလှယ်ထည့်သွင်းမရှိပဲ ၎င်းတို့အဖွဲ့ စည်းမျဉ်းအရ ပြန်လည် တင်ပြပြီးမှသာ လုပ်ဆောင်ရမည် ဖြစ်သောကြောင့် မပါဝင်ခြင်းဖြစ်ကြောင်း ဧရာဝတီ သတင်းဌာနတွင် ဖော်ပြထားပါတယ်။

_______________________

လယ်တီသိမ်တော်ဝင်ခွင့်ပိတ်သည့်အတွက် လက်ပံတောင်းတွင် ရဟန်းသံဃာနှင့် ဒေသခံများ သပိတ်မှောက်

ကြေးနီ စီမံကိန်းဆောင်ရွက်နေသည့် ဦးပိုင်နှင့် ၀မ်ပေါင်ကုမ္ပဏီက လယ်တီ သိမ်တော်အနားကတောင်မှာ ၃-ရက်ဆက်တိုက် မိုင်းခွဲသည့်ဒဏ်ကြောင့် သိမ်တော် ထိခိုက်မှုရှိမရှိ ဒေသခံသံဃာနှင့် ပြည်သူများ စိုးရိမ်ပြီး ၀င်ရောက်ကြည့်ရှုခွင့်တောင်းခံတာ မရသည့်အတွက် ယနေ့ညနေပိုင်းမှစတင်ကာ ထိုင်သပိတ်မှောက်နေပြီ ဖြစ်ကြောင်း RFA သတင်းမှ သိရှိရပါတယ်။
______________________

ကျင့်ဝတ်သိက္ခာနှင့် မညီသည့် ဘုရားဂေါပကများအား စည်းမျဉ်းဥပဖြေင့် ထိန်းမတ်မည်ဟု သာသနာရေးဝန်ကြီး ပြောကြား

သံဃာပစ္စည်း၊ ဘုရားပစ္စည်းများအား ဘုရားဂေါပကများမှ သူတို့ပိုင်ပစ္စည်းအနေဖြင့် မှတ်ယူကြောင်း၊ စေတီပုထိုးများအား အများပြည်သူများက လှူဒါန်းမှုအပေါ် ဂေါပကများ၏ အားနည်းချက်ကြောင့် မသင့်လျော်မှုများ ရှိနေသည့်အတွက် ဂေါပက စည်းမျဉ်းများနှင့် ထိန်းကျောင်းသွားရန် စီစဉ်ဆောင်ရွက်နေကြောင်းကို သာသနာရေးဝန်ကြီးဌာန ပြည်ထောင်စုဝန်ကြီး ဆန်းဆင့်က ရန်ကုန်မြို့ သာသနာရေးဝန်ကြီးဌာနရုံးတွင် ယနေ့ပြုလုပ်သည့် စာနယ်ဇင်းသမားများနှင့် တွေ့ဆုံပွဲတွင် ပြောကြားလိုက်ကြောင်း မဇ္ဈိမသတင်းဌာနတွင် ဖော်ပြထားပါတယ်။
______________________

ဆက်သွယ်ရေးနှင့် ဓာတ်အားပေးလုပ်ငန်းများအတွက် တောင်ကိုရီးယားနိုင်ငံမှ ချေးငွေများ မြန်မာရရှိ

မြန်မာနိုင်ငံရှိ ဆက်သွယ်ရေးလုပ်ငန်းများနှင့် ဓာတ်အားပေးလုပ်ငန်းများ လုပ်ဆောင်ရန်အတွက် ကိုရီးယားနိုင်ငံမှ အတိုးနည်းချေးငွေ ကန်ဒေါ်လာ ၁၅၅.၈၈ သန်း ရရှိခဲ့သည်ဟု မြန်မာ့ဆက်သွယ်ရေး ဒုတိယ၀န်ကြီး ဦးသောင်းတင်က ယမန်နေ့တွင်ပြောကြားခဲ့သည်။

တောင်ကိုရီးယားနိုင်ငံ၏ ကိုရီးယား စီးပွားရေးဖွံ့ဖြိုးတိုးတက်မှု ပူးပေါင်းဆောင်ရွက်မှု ရန်ပုံငွေအဖွဲ့မှ ပေးအပ်သည့် အဆိုပါချေးငွေမှ ၅၅.၈၇ သန်းကို နိုင်ငံအတွင်းရှိ ဆက်သွယ်ရေးတာဝါတိုင်များဆောက်လုပ်ခြင်း၊   အချက်အလက်များပေးပို့ရန်အတွက် မြေအောက်ဖိုက်ဘာဆက်ကြောင်းများ တည်ဆောက်ခြင်းနှင့် ဆက်သွယ်ရေးလုပ်ငန်းများအတွက် ကိရိယာများတပ်ဆင်ခြင်းတို့တွင် အသုံးပြုခဲ့သည်ဟု ယမန်နေ့ကပြုလုပ်ခဲ့သော လွှတ်တော်အစည်းအဝေးတွင် ဆက်သွယ်ရေးနှင့် သတင်းအချက်အလက် ဒုတိယ၀န်ကြီး ဦးသောင်းတင်ကပြောကြားခဲ့သည်ဟု New Light of Myanmar သတင်းစာတွင် ရေးသားဖော်ပြခဲ့သည်။

ထို့ပြင် ကျန်ရှိသည့် ဒေါ်လာ သန်း ၁၀၀ ကျော်ကို နိုင်ငံအတွင်း ကြုံတွေ့နေရသော လျှပ်စစ်ဓာတ်အားပြတ်တောက်မှုများ၊ မလုံလောက်မှုများကို ဖြေရှင်းရန်အတွက် ဓာတ်အား ၅၀၀ ကီလိုဗို့ ထုတ်လုပ်ပေးနိုင်မည့် တောင်ငူ-ကမာနတ် ဓာတ်အားပေးစက်ရုံ တည်ဆောက်ရေးပရောဂျက်အတွက် အသုံးပြုမည်ဟု လျှပ်စစ်စွမ်းအားဝန်ကြီးဌာန ၀န်ကြီး ဦးခင်မောင်စိုးက ပြောကြားခဲ့သည်။

မြန်မာနိုင်ငံမှာ နိုင်ငံ၏ လျှပ်စစ်ဓာတ်အား ထောက်ပံ့ရေးလုပ်ငန်းများ လုပ်ရန်အတွက် အာရှဖွံ့ဖြိုးရေးဘဏ်မှ ချေးငွေ ကန်ဒေါ်လာ သန်း ၆၀ ကိုလည်း စောစာပိုင်းကရရှိထားသည်။

Ref: ဆင်ဟွာ

——————————————–

အစ္စရေး၏ တရားမ၀င်အိမ်ရာဆောက်လုပ်မှုများအား တောင်အာဖရိက ရှုတ်ချ

အစ္စရေးကမတရား သိမ်းပိုက်ထားသော အရှေ့ဂျေရုစလင်တွင် တရားမ၀င်အိမ်ရာများဆောက်လုပ်နေမှုများကို တောင်အာဖရိကနိုင်ငံမှ ရှုတ်ချလိုက်သည်။

“ပါလက်စတိုင်းမှာလုပ်နေတဲ့ ဒီလိုအစီအစဉ်မျိုးက ကျွန်မတို့ကို နိုးကြားစေပါတယ်။ ပါလက်စတိုင်းမြေပုံကို ကျွန်မကြည့်တဲ့အခါ မအိပ်နိုင်တော့ပါဘူး” ဟု တောင်အာဖရိက အာဏာရပါတီဖြစ်သည့်  အာဖရိကအမျိုးသား ကွန်ဂရက်ပါတီ၏ မဟာမိတ်ဖြစ်သောကုန်သွယ်ရေးယူနီယံအဖွဲ့ဝင်ဖြစ်သူ Maite Nkoana-Mashabane က ယမန်နေ့တွင်ပြောကြားခဲ့သည်။

အောက်တိုဘာ ၃၀ ရက်နေ့က အစ္စရေး စစ်တပ်ပိုင် ရေဒီယိုမှ အစ္စရေး ၀န်ကြီးချုပ် နေတန်ယာဟုနှင့် ပြည်ထဲရေးဝန်ကြီး ဂီဒီယွန် ဆာရ်တို့က အရှေ့ဂျေရုစလင်တွင် တရားမ၀င်အိမ်ရာများ ဆက်လက်တိုးချဲ့ဆောက်လုပ်ရန် အတည်ပြုခဲ့သည်ဟု ကြေငြာခဲ့သည်။

ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်ကလည်း အစ္စရေး၏ ထိုအစီအစဉ်အား ကန့်ကွက်ခဲ့ပြီး၊ ကုလပြောရေးဆိုခွင့်ရှိသူ မာတင်နီဆာရ်ကီ က ထိုကဲ့သို့ဆောက်လုပ်မှုများမှာ နိုင်ငံတကာ ဥပဒေများအား ချိုးဖောက်ခြင်းဖြစ်ပြီး အစ္စရေး-ပါလက်စတိုင်း နှစ်နိုင်ငံ ငြိမ်းချမ်းရေးဆောင်ရွက်မှု အတွက်လည်း အနှောက်အယှက်ဖြစ်စေသည်ဟု ပြောကြားခဲ့သည်။
Ref: Press TV

————————————————–

အပြာဇာတ်လမ်းရိုက်ကူးမှုကြောင့် ကျောင်းအုပ်ဆရာဟောင်းတစ်ဦး အဖမ်းခံရ

အမေရိကန်ပြည်ထောင်စု ဒီလာဝဲပြည်နယ် ကောလိပ်အကြို သင်တန်းကျောင်းတစ်ခု၏ ကျောင်းအုပ်ဟောင်းဖြစ်သူမှာ အပြာဇာတ်လမ်းရိုက်ကူးမှုကြောင့် ရဲတပ်ဖွဲ့က ထိမ်းသိမ်းထားသည်ဟု သိရသည်။

အသက် ၅၃ နှစ်အရွယ်ရှိ ခရစ္စတိုဖာ ဒီ ၀ှီလာဆိုသူဖြစ်ပြီး ထိုသင်တန်းကျောင်းမှ ပြီးခဲ့သည့် သီတင်းပတ်က ရာထူးမှအနားယူသွားခဲ့သူဖြစ်သည်။ ၎င်းအား ပြီးခဲ့သည့် ကြာသာပတေးနေ့က စွဲချက် ၂၅ ခုဖြင့်တရားစွဲဆိုထားခဲ့ပြီး ယမန်နေ့က အဖမ်းခံခဲ့သည်။

ကလေးငယ်များနှင့်ပက်သက်သည့် အပြာဇာတ်လမ်းများတွင် ၎င်းပါဝင်ကြောင်း အထောက်အထားများကို ၎င်း၏ ရုံးခန်းနှင့် Tower Hill School ကျောင်းဝင်း အတွင်းနေထိုင်ခဲ့သည့် ၎င်း၏အိမ်အတွင်းတွင်ရှာဖွေတွေ့ရှိခဲ့သည်ဟု ရဲတပ်ဖွဲ့က ပြောကြားခဲ့သည်။ ထိုအပြာဇာတ်လမ်းများတွင် အဆိုပါ ကျောင်းမှ ကျောင်းသားများ ပါဝင်သည်ဆိုခြင်းကို ကျောင်း တာဝန်ရှိသူများက ငြင်းဆိုခဲ့ပြီး ရှေ့နေ့များကလည်း ကျောင်းသားများ ပါဝင်ခြင်း ရှိမရှိကို ပြောဆိုရန် ငြင်းဆိုခဲ့သည်။

———————————————

ဒရုန်းလေယာဉ်ဖြင့် တိုက်ခိုက်မှုတွင် တာလီဘန်ခေါင်းဆောင်တစ်ဦးသေဆုံး

ပါကစ္စတန်နိုင်ငံမြောက်ပိုင်း ၀ါဇီရစ္စတန်ဒေသတွင် ယမန်နေ့ကပြုလုပ်ခဲ့သော အမေရိကန်၏ ဒရုန်းလေယာဉ်ဖြင့်တိုက်ခိုက်မှုအတွင်း တာလီဘန်အဖွဲ့ခေါင်းဆောင် တစ်ဦးသေဆုံးခဲ့သည်ဟုသိရသည်။

ထိုခေါင်းဆောင်မှာ ဟကီမွလ္လာမဟ်ဆူဒ်ဟု အမည်ရပြီး ပါကစ္စတန်ရှိတာလီဘန်အဖွဲ့၏ ခေါင်းဆောင် တစ်ဦးဖြစ်ကာ ၎င်းသေဆုံးကြောင်းကို တာလီဘန်အဖွဲ့ကလည်း အတည်ပြုပြောကြားခဲ့သည်။ ၎င်းနှင့်အတူ သက်တော်စောင့်နှင့် ဒရိုင်ဘာဖြစ်သူလည်း သေဆုံးခဲ့သည်ဟု သိရသည်။

ဝါဇီရစ္စတန်ပြည်နယ်၏ မြို့တော် မီရန်ရှာမြို့မှာ ၅ ကီလိုမီတာအကွာ ရွာတစ်ရွာရှိ Danda Darpa Khel ခြံဝန်းတစ်ခုအား အမေရိကန်တို့က ဒရုန်းလေယာဉ်ဖြင့် တိုက်ခိုက်ခဲ့ခြင်းဖြစ်သည်

Ref: aljazeera

—————————————————–

ပိုင်ဆိုင်မှုအငြင်းပွားနေမှုများနှင့်ပက်သက်ပြီး ရုရှားနှင့် ဂျပန်တို့ ဆွေးနွေးရန် သဘောတူ

အငြင်းပွားနေသည့် နယ်မြေပိုင်ဆိုင်မှုကိစ္စများနှင့်စပ်လျဉ်း၍ ဒုတိယ၀န်ကြီးအဆင့် ဆွေးနွေးပွဲတစ်ရပ်ကို အစောဆုံး လာမည့် ဇန်န၀ါရီလကုန်ပိုင်းတွင်ပြုလုပ်ရန် ဂျပန်နိုင်ငံနှင့် ရုရှားနိုင်ငံတို့ ယမန်နေ့က သဘောတူညီခဲ့ကြသည်ဟု သိရသည်။

ထိုသဘောတူညီချက်မှာ နိုင်ငံခြားရေးနှင့် ကာကွယ်ရေးဆိုင်ရာ တာဝန်ရှိသူများ နှစ်နိုင်ငံခေါင်းချင်းဆိုင်ဆွေးနွေးပွဲမတိုင်မီ တရက်အလိုတွင်ပြုလုပ်သည့် ဂျပန်နိုင်ငံခြားရေးဝန်ကြီး ဖူမီယို ကစ်ရှီဒါနှင့် ရုရှားနိုင်ငံခြားရေးဝန်ကြီး ဆာဂျီ လာဗရော့ဗ်တို့တွေ့ဆုံဆွေးနွေးပွဲတွင် သဘောတူညီခဲ့ခြင်းဖြစ်သည်။

လာဗ်ရော့ဗ်က အဆိုပါ ခေါင်းချင်းဆိုင်ဆွေးနွေးပွဲမှာ ဂျပန်နှင့် ရုရှားနိုင်ငံတို့ အပြန်အလှန် ယုံကြည်မှုနှင့် နားလည်မှုကို တိုးမြှင့်စေရန်ရည်ရွယ်၍ ကျင်းပခြင်းဖြစ်သည်ဟု ပြောကြားခဲ့ပြီး ကစ်ရှီဒါကလည်း စီပွားရေးနှင့် လုံခြုံရေးကိစ္စရပ်များအပါအ၀င် နှစ်နိုင်ငံပူးပေါင်းဆောင်ရွက်ရေးကိစ္စရပ်များ တိုးမြှင့်ဆောင်ရွက်ရန်ဖြစ်ပြီး ထိုဆွေးနွေးပွဲက နှစ်နိုင်ငံ သံတမန်မန်ရေးရာ ဆက်သွယ်မှုများအား နက်ရှိုင်းလာစေနိုင်သည်ဟု ပြောကြားခဲ့သည်။

ထို့ပြင် ဆိုက်ဘာတိုက်ခိုက်မှုများ၊ သတင်းအချက်အလက်များ မျှဝေမှုများနှင့် ပက်သက်၍ အဆင့်မြင့် ဆွေးနွေးပွဲများ စတင်ပြုလုပ်ရန်အတွက်လည်းသဘောတူညီခဲ့ကြသည်။

———————————————

လောစ့်အိန်ဂျလိစ် လေဆိပ်တွင် ပစ်ခတ်မှုဖြစ်ပွား တစ်ဦးသေဆုံး

အမေရိကန်ပြည်ထောင်စု လော့စ်အိန်ဂျလိစ်မြို့ရှိ အပြည်ပြည်ဆိုင်ရာလေဆိပ် တွင် ယမန်နေ့က လူတစ်ဦးသေနတ်ဖြင့် ပစ်ခတ်မှုဖြစ်ပွားခဲ့ရာ လုံခြုံရေးဝန်ထမ်း တစ်ဦးသေဆုံးခဲ့ပြီး အနည်းဆုံး လူ ၆ ဦးဒဏ်ရာရရှိခဲ့သည်ဟု အာဏာပိုင်များက ပြောကြားခဲ့သည်။

ဝင်ပေါက် အမှတ် ၃ တွင် ယမန်နေ့ ဒေသစံတော်ချိန် နံနက် ၉ နာရီခွဲကဖြစ်ပွားခဲ့ခြင်းဖြစ်သည်။ ထိုကြောင့် ခရီးသည်အချို့မှာ ထွက်ပြေးခဲ့ရပြီး တစ်ချို့မှာ လက်ဆွဲအိတ်များထားရာ စင်များ၏အနောက်တွင် ပုန်းအောင်းနေခဲ့ရကာ ခရီးသည်များအား ရဲတပ်ဖွဲ့ဝင်များက လေဆိပ်မှ အလျင်အမြန်စွန့်ခွာရန် သတိပေးခဲ့သည်။

ထိုအဖြစ်အပျက်ကြောင့် ထွက်ခွာမည့်လေယာဉ်များအား ဆိုင်းငံ့ခဲ့ရပြီး၊ လေဆိပ်သို့ဆိုက်ရောက်မည့် လောယာဉ်များကိုလည်း အခြားလေဆိပ်သို့ ပြောင်းရွှေ့ ဆင်းသက်စေခဲ့ရသည်။ ထို့ပြင် လေဆိပ်ပတ်ဝန်းကျင်ရှိ လမ်းမများကိုလည်း ပိတ်ပစ်ခဲ့ရသည်။

သေနတ်ဖြင့်ပစ်ခတ်ခဲ့သူမှာ အသက် ၂၃ နှစ်အရွယ်ရှိ ပေါလ်အန်တိုနီ စီယန်စီယာဆိုသူဖြစ်ပြီး လော့စ်အိန်ဂျလိစ်တွင်နေထိုင်သူဖြစ်သည်။ ထိုသူမှာ လေဆိပ်ဂိတ်ဝအားဖြတ်သန်းကာ ၀င်ပေါက်အမှတ်သုံးအနီးရှိ စားသောက်ဆိုင်အတွင်းသို့ ရိုက်ဖယ်သေနတ်ကိုင်ကာ ၀င်ရောက်လာစဉ် လုံခြုံရေးဝန်ထမ်းများက ပစ်ခတ်ဖမ်းဆီးခဲ့ကြသည်။

Ref: aljazeera.

————————————

ကမ္ဘာ့တစ်ဝှမ်းတွင် ဒေ၀ါလီနေ့ပျော်ပွဲရွှင်ပွဲများကျင်းပ

ယနေ့တွင်ကျရောက်သည့် ဒေ၀ါလီနေ့အား ကမ္ဘာ့တစ်ဝှမ်းရှိ လူသန်းပေါင်းများစွာက မီးရှူးမီးပန်းများပစ်ဖေါက်ခြင်း၊ အလှမီးများထွန်းခြင်းနှင့် ပျော်ပွဲရွှင်ပွဲများပြုလုပ်ကာ ကျင်းပနေကြသည်။

ဒေ၀ါလီဟူသော ဝေါဟာရမှာ ဒေပါဝါလီဟူသော စကားလုံးမှ ဆင်းသက်လာခြင်းဖြစ်ပြီး “အလင်းရောင်တန်းများ” ဟု အမည်ရသည်။ အမှောင်ထုအား အလင်းရောင်ဖြင့် ဖြိုခွင်းခြင်းကို အမှတ်သညာပြုကာ အဆိုပါပွဲတော်ကို ဟိန္ဒူ၊ ဆစ်ခ်နှင့် ဂျိမ်းဘာသာဝင်များက ဆောင်းဦးရာသီအစ ငါးရက်တာကျင်းပခြင်းဖြစ်သည်။

ယခုနှစ်တွင် ဒေ၀ါလီနေ့မှာ နိုဝင်ဘာ ၃ ရက် ယနေ့တွင်ကျရောက်ခဲ့ပြီး အိန္ဒိယတိုက်ငယ်အတွင်း ရာစုနှစ်ပေါင်းများစွာကျင်းပလာခဲ့သည့် ဒေ၀ါလီနေ့မှာ ယခုအခါတွင် ကမ္ဘာ့တစ်ဝှမ်းရှိ လူ့အဖွဲ့အစည်းမျိုးစုံတွင် ကျင်းပလာခဲ့ကြပြီး ပျော်ရွှင်မှုများ၊ အသိပညာများနှင့် ရင်းနှီးမှုများကိုပေးသော ပွဲတော်တစ်ခုဖြစ်လာပြီဖြစ်ကြောင်း ယနေ့ကျရောက်သည့် ဒေပါဝါလီနေ့အား ဂုဏ်ပြုဖော်ပြလိုက်ရပါသည်။

Ref: CNN