နိုဝင်ဘာ-၄ အားကစားသတင်းများ

နိုဝင်ဘာ- ၄ ၂၀၁၃
M-Media

ရူနီမှာ မန်ယူအသင်းအား ဦးဆောင်သူဖြစ်လာပြီဟု မိုယက်စ်ပြော

မန်ချက်စတာယူနိုက်တက်အသင်း၏ နည်းပြဖြစ်သူ ဒေးဗစ်မိုယက်စ်က အသင်းရှိတိုက်စစ်မှူး ၀ိန်းရူနီမှာ မန်ယူအသင်းတွင် ဦးဆောင်သူတစ်ဦးဖြစ်လာပြီဟု ဖူလ်ဟမ်အသင်းအား အနိုင်ရရှိသော ပွဲအပြီးတွင်ပြောကြားခဲ့သည်။

ရူနီမှာ ပြီးခဲ့သည့်နွေရာသီအပြောင်းအရွှေ့က မန်ယူအသင်းမှ ထွက်ခွာမည်ဟု အသံများထွက်ခဲ့သော်လည်း အသင်း၌ ဆက်လက်ရှိနေခဲ့ပြီး ယခုအခါ အသင်းတွင် အရေးပါသောကစားသမားတစ်ဦးဖြစ်လာခဲ့သည်။

“အခုအချိန်မှာတော့ ရူနီဟာ အသင်းမှာ ခေါင်းဆောင်တစ်ယောက်ပါပဲ။ အသင်းအောင်မြင်ဖို့အတွက် သူဟာ ဆန္ဒပြင်းပြပါတယ်။ ထင်ရှားတာကတော့ အောင်မြင်တဲ့အသင်းဟာ သူ့ကိုလည်းပဲ ကူညီပေးပါတယ်။ ဒါပေမယ့် သူ့မှာ ခေါင်းဆောင်နိုင်တဲ့ အရည်အချင်းတွေရှိပါတယ်။ ပြီးတော့ အသင်းမှာ သူဟာ ခေါင်းဆောင်တစ်ဦးပါ” ဟု မိုယက်စ်က ပြောကြားခဲ့သည်။

ရာသီအစပိုင်းတွင် ရလဒ်များဆိုးရွားခဲ့သော်လည်း မန်ယူအသင်းမှာ ယခုနောက်ပိုင်းတွင် ခြေစွမ်းပြန်လည်တည်ငြိမ်လာပြီး ရူနီမှာလည်း တိုက်စစ်တွင် ဗန်ပါစီနှင့်တွဲကာ အသင်းအတွက် ဂိုးများသွင်းယူပေးနေသည်။

Ref:mirror

————————————–

ရိုးမားအသင်းမှာ ပွဲစဉ်တိုင်းကို မနိုင်နိုင်ဟု ဂါစီယာဆို

တိုရီနိုအသင်းအား ၁ ဂိုးစီသရေကျပြီးနောက် အသင်း၏ ရာနှုန်းပြည့်နိုင်ပွဲစံချိန် ရပ်တန့်သွားခဲ့သော်လည်း ရိုးမားအသင်းနည်းပြ ဂါစီယာက ထိုသရေတစ်မှတ်မှာ ထိုက်တန်သော သရေတစ်မှတ်ဖြစ်ပြီး ရိုးမားအသင်းမှာ ပွဲစဉ်တိုင်းကို အနိုင်ရရှိရန်မဖြစ်နိုင်ဟု ပြောကြားခဲ့သည်။

“ဒါဟာ ဘောလုံးအားကစားပါ။ ပွဲအားလုံးကို ကျွန်တော်တို့မနိုင် နိုင်ပါဘူး။ ဒါပေယ့် အဝေးကွင်းမှာသရေကျခဲ့တာ ဆိုးရွားတဲ့ရလဒ်တော့မဟုတ်ပါဘူး။ အနိုင်ရဖို့ကစားခဲ့တဲ့ အသင်းရဲ့ကစားပုံကို ကျွန်တော်ကြိုက်ပါတယ်။ နောက်ဆုံးမိနစ် အထိ အနိုင်ရရှိဖို့အတွက် ကျွန်တော်တို့ တိုက်စစ်ဆင် ကစားခဲ့ပါတယ်။ ရရှိနိုင်တဲ့အမှတ်တွေထဲက အများဆုံးကို ကျွန်တော်တို့ယူနိုင်ခဲ့ပြီး အိမ်ကွင်းမှာကစားရမယ့်နောက်ပွဲအတွက် ကျွန်တော်တို့ အဆင်သင့်ဖြစ်နေပါပြီ” ဟု တိုရီနိုနှင့်ပွဲအပြီးတွင် ဂါစီယာက သတင်းထောက်များအား ပြောကြားခဲ့သည်။

ရိုးမားအသင်းမှာ ယခုနှစ်တွင် ခြေစွမ်းပြနေပြီး ကစားပြီးသည့် စီးရီးအေ ၁၁ ပွဲတွင် ၁၀ ပွဲဆက်တိုက်နိုင်ပွဲရရှိခဲ့ပြီး ယမန်နေ့ကကစားခဲ့သည့် တိုရီနိုနှင့်ပွဲတွင်မှ သရေကျခဲ့ခြင်းဖြစ်သည်။

Ref: Goal

…………………………………..
အေစီမီလန်မှာ ဘာလော့တယ်လီအတွက် သင်တော်သော အသင်းမဟုတ်တော့ဟု မော့ဂီဆို

စီးရီးအေထိပ်သီး ဂျူဗင်တပ်စ်အသင်း၏ ဒါရိုက်ဟောင်းဖြစ်သည် လူစီယာနို မော့ဂီက အေစီမီလန်အသင်းမှာ ဘာလော့တယ်လီအတွက် သင့်တော်သော အသင်းမဟုတ်တော့ဟု ပြောကြားလိုက်သည်။

အေစီမီလန်အသင်းမှာ ယခုနှစ်ရာသီအစတွင် ရုန်းကန်နေခဲ့ရပြီး၊ ဘာလော့တယ်လီမှာလည်း စိတ်ပျက်စရာကောင်းသော အပြုအမူများကို ပြုလုပ်ခဲ့ခြင်းကြောင့် မော့ဂီက ယခုကဲ့သို့ ပြောကြားလိုက်ခြင်းဖြစ်သည်။

“ယခုအချိန်မှာ သူဟာ ဆိုးရွားနေပါတယ်။ ပွဲစကတည်းက သူ့ခြေထောက်ထဲ ဘောလုံးရောက်ဖို့ သူဟာ အမြဲတမ်းစောင့်နေတာပါ။ အဲဒါဟာ တစ်ယောက်တည်း ဘောလုံးကစားတဲ့ပုံစံဖြစ်နေပါတယ်” ဟု မော့ဂီက Falla Girare သတင်းစာသို့ ပြောကြားခဲ့သည်။

ဘာလော့တယ်လီ၏ စိတ်ပိုင်းဆိုင်ရာအခြေအနေနှင့်ပက်သက်၍ ကောလဟာလများထွက်ပေါ်နေပြီး အေစီမီလန်အသင်းမှ ထွက်ခွာသွားပါကလည်း ၎င်းအနေဖြင့် အံ့သြလိမ့်မည်မဟုတ်ကြောင်း မော့ဂီက ထပ်လောင်းပြောကြားခဲ့သည်။

Ref: Goal

…………………………………………….
Abu Dhabi Grand Prix ကားမောင်းပြိုင်ပွဲတွင် ဗက်တဲလ်ဗိုလ်စွဲ

ယမန်နေ့က ယူအေအီးနိုင်ငံ အဘူဒါဘီမြို့တွင် ကျင်းပပြုလုပ်ခဲ့သည့် Abu Dhabi Grand Prix ကားမောင်းပြိုင်ပွဲတွင် Red Bull အသင်း၏ ကားမောင်းသမား ဆီဘက်စတီယန် ဗက်တဲလ်က အနိုင်ရဗိုလ်စွဲသွားခဲ့သည်ဟု သိရသည်။

ဂျာမန်ကားမောင်းသမား ဗက်တဲလ်မှာ တစ်သင်းတည်းမှ ကားမောင်းသား မာ့က်ဝီဘ်ဘားနှင့် အဓိကယှဉ်ပြိုင်ခဲ့ရခြင်းဖြစ်ပြီး အခွင့်အရေးများကို အကောင်းဆုံးအသုံးချနိုင်ခဲ့သောကြောင့် အနိုင်ရရှိခဲ့ခြင်းဖြစ်သည်။

“ကျွန်တော်မောင်းတဲ့ကားက တော်တော်လေးကိုကောင်းပါတယ်။ အများကြီးပြောစရာမရှိပါဘူး။ တစ်ချို့နေရာတွေမှာ ကျွန်တော်ကောင်းကောင်းဖြတ်ကျော်နိုင်ခဲ့ပြီး ပြတ်ပြတ်သားသားနဲ့ အနိုင်ရခဲ့တဲ့တွက် အရမ်းအံ့သြစရာကောင်းပါတယ်” ဟု ဗက်တဲလ် ပွဲအပြီးတွင် Sky F1 သို့ပြောကြားခဲ့သည်။

ဗက်တဲလ်မှာ ပြီးခဲ့သည့်တစ်ပါတ်က India Grand Prix တွင်လည်း အနိုင်ရရှိခဲ့ပြီး ယခုပွဲအနိုင်ရရှိခြင်းမှာ ယခုနှစ်ရာသီ ၇ ပွဲ ဆက်တိုက်ဗိုလ်စွဲခဲ့ခြင်းလည်းဖြစ်သည်။

Ref: skysports

……………………………..
Paris Masters တင်းနစ်ပြိုင်ပွဲတွင် ဂျိုကိုဗစ်ဗိုလ်စွဲ

ပြင်သစ်နိုင်ငံ ပဲရစ်မြို့တွင် ကျင်းပပြုလုပ်ခဲ့သည့် Paris Masters တင်းနစ်ပြိုင်ပွဲ နောက်ဆုံးဗိုလ်လုပွဲကို ယမန်နေ့က ကျင်းပပြုလုပ်ခဲ့ရာ ဆားဘီယားတင်းနစ်အကျော်အမော် နိုဗက်ဂျိုကိုဗစ် အနိုင်ရဗိုလ်စွဲခဲ့သည်ဟု သိရသည်။

ကမ္ဘာ့အဆင့် ၂ ဂျိုကိုဗစ်မှာ ဗိုလ်လုပွဲတွင် ကမ္ဘာ့အဆင့် ၃ စပိန်တင်းနစ်သမား ဒေးဗစ်ဖာရာနှင့် ရင်ဆိုင်ယှဉ်ပြိုင်ကစားခဲ့ရခြင်းဖြစ်သည်။ ၁ နာရီနှင့် ၅၂ မိနစ်ကြာမြင့်ခဲ့သော အဆိုပါပွဲတွင် ဂျိုကိုဗစ်မှာ အကြိတ်အနယ်ကစားပြီး ဖာရာအား ၇-၅၊ ၇-၅ ဖြင့် အနိုင်ရရှိခဲ့သည်။

ယခုပွဲအနိုင်ရရှိမှုမှာ ဂျိုကိုဗစ်၏ ၁၇ ပွဲဆက်တိုက်အနိုင်ရရှိမှုလည်းဖြစ်ခဲ့ပြီး၊ ယခုနှစ်ရာသီ ၆ ခုမြောက်ဖလားကို ဆွတ်ခူး ရရှိခဲ့ခြင်းလည်းဖြစ်သည်။ ထို့ပြင် ကစားသမားသက်တမ်းတစ်လျှောက် အကြိမ် ၄၀ မြောက် ATP ဖလားအား ဆွတ်ခူးရရှိခဲ့ခြင်းလည်းဖြစ်သည်။

Ref:skysports