သြစတြေးလျမှ အကူအညီလျော့ချမည့်ဟု ထိုင်းနယ်စပ် ဒုက္ခသည်စခန်းမှ ဆေးခန်းများ အခက်ကြုံ

နိုဝင်ဘာ-၄ ၂၀၁၃
M-Media

သြစတေးလျမှ ထည့်ဝင်နေသည့် အကူအညီများ လျှော့ချမည်ဟု သတင်းများ ထွက်ပေါ်လာပြီးနောက် မြန်မာနိုင်ငံ အတွင်းဖြစ်ပွားခဲ့သည့် ပဋိပက္ခများကြောင့်  ထိုင်းနိုင်ငံသို့ ရောက်ရှိနေကြသည့် ဒုက္ခသည်များအား ဆေးကုသပေးနေသည့် ဆေးခန်းတစ်ချို့မှာ အခက်အခဲများနှင့် ရင်ဆိုင်ရဖွယ်ရှိနေသည်။

ထိုနယ်စပ်ရှိဆေးခန်းများမှ ထိုင်နိုင်ငံ မဲဆောက်မြိုတွင်ရှိသည့်  မဲသဝေါ ဆေးခန်းအား ၂၀၁၂-၁၃ ခုနှစ်အတွက် သြစတေးလျ ထောက်ပံ့ရေး အစီအစဉ် AusAid မှ သြစတေးလျဒေါ်လာ ၅ သိန်း ကူညီထောက်ပံခဲ့သည်။ သို့သော်လည်း သြစတေးလျအစိုးရမှ AusAid အစီအစဉ်အား နိုင်ငံရပ်ခြား ကုန်သွယ်ရေးဌာနနှင် ပူးပေါင်းခဲ့ပြီး ထောက်ပံ့ငွေများကို လျှော့ချတော့မည်ဖြစ်သောကြောင့် ထိုင်းနိုင်ငံအတွင်းရှိ ထိုဆေးခန်းမှာ အခက်တွေ့နေရခြင်းဖြစ်သည်။

အဆိုပါဆေးခန်းများကို တာဝန်ယူဆောင်ရွက်ပေးနေသည့် ဒေါက်တာ စင်သီယာမောင်က ပဋိပက္ခများဖြစ်ပွားပြီးနောက်ပိုင်း မြန်မာနိုင်ငံ၏ ပြန်လည် တည်ဆောက်ရေးလုပ်ငန်းများမှာ နှေးကွေးသောကြောင့် ထိုဆေးခန်းများမှာ လူနားများလျှော့ကျခြင်း မရှိဘဲ ထိုကဲ့သို့ထောက်ပံ့ငွေများ လျှော့ချခြင်းက ဆေးခန်းများကို ရေရှည်ထိန်းသိမ်းရန် ခက်ခဲစေမည်ဟု ပြောကြားခဲ့သည်။

ကရင်တိုင်းရင်းသူဖြစ်သည့် ဒေါက်တာစင်သီယာမောင်မှာ ၁၉၈၈ ခုနှစ်အရေးအခင်းပြီးကတည်းက မြန်မာနိုင်ငံမှ ထွက်ခွာလာခဲ့သူဖြစ်ပြီး ထိုင်းနိုင်ငံရောက်မြန်မာနိုင်ငံသားများအရေးကိုဆောင်ရွက်ပေးနေသူဖြစ်သည်။ ထိုပြင် သြစတေးလျနိုင်ငံမှပေးအပ်သော Sydney Peace Prize ဆုကို မကြာမီ သွားရောက်ယူဆောင်ရန်ရှိပြီး သူမဦးဆောင်နေသည့် ဆေးခန်းများအား Sydeny Peace Foundation မှ သတိပြုမိခဲ့သည့်အတွက် ကျေးဇူးတင်ကြောင်း သူမက ထပ်လောင်းပြောကြားခဲ့သည်။

ဓါတ်ပုံအညွှန်း- ၂၀၁၁ ခုနှစ် ထိုင်းနယ်စပ် မဲဆောက် မြန်မာဒုက္ခသည်စခန်း ဆေးခန်းမှ မြင်ကွင်း တခု (Photo- AP)

Ref:.news.com.au