တီယန်အန်းမင် တိုက်ခိုက်မှုနောက်ပိုင်း ဥဂါးရ် မွတ်စ်လင်မ်များ ပစ်မှတ်ထားခံနေရ

နိုဝင်ဘာ-၆ ၂၀၁၃
M-Media

ပီကင်း။    ။  တီယန်အန်းမင်ရင်ပြင်အကြမ်းဖက်တိုက်ခိုက်မှုအား သံသယအကျိုးဆက်အဖြစ် ဖိနှိပ်လိုမှုအတွက် တရုတ်၏ အသုံးချမှုကို ဥဂါးရ် မွတ်စ်လင်မ်များမှ ရှုတ်ချလိုက်သည်။

စင်းကျန်းနယ်ရှိ တရုတ်ပြည်မူဝါဒများနှင့်ပတ်သက်၍ ဥဂါးရ်မွတ်စ်လင်မ်များအရေးလှုပ်ရှားအရေးဆိုသူ ဘေဂျင်းအခြေစိုက် ဥဂါးရ်လူမျိုး ထင်ရှားသည့် စီးပွားရေးပညာရှင် အိလ်ဟာမ် တိုဟ်တီမှ နိုင်ငံခြားသတင်းဌာနများနှင့်ပြောဆိုခြင်းအပေါ် လုံခြုံရေးအေးဂျင့်များက မိမိအား သတ်ပစ်မည်ဟု ခြိမ်းခြောက်ကြောင်း ပြောဆိုလိုက်သည်။

အေးဂျင့်တစ်ဦးသည် မိမိ၏ ကားနောက်ကို အနောက်မှ တိုက်၍ “ ငါ မင်းကိုရော မင်း မိသားစုတစ်ခုလုံးကိုပါ သတ်ချင်နေပြီ ” ဟု အေးစက်စက်လေသံဖြင့် ပြောကြားခဲ့ကြောင်း တိုဟ်တီ၏ပြောဆိုချက်ကို နိုဝင်ဘာ ၅ ရက်၊ အင်္ဂါနေ့တွင် ရိုက်တာမှ တင်ပြသည်။

တိုဟ်တီသည် ဗဟိုအမျိုးသားတက္ကသိုလ်မှ စီးပွားရေးပညာပါမောက္ခတစ်ဦးဖြစ်ပြီး Uyghur Online ၀က်ဘ်ဆိုက်ကို တည်ထောင်သူလည်းဖြစ်သည်။ ယင်းအရပ်ဝတ်အေးဂျင့်များသည် သူ့အား တမင်ရည်ရွယ်ဦးတည်၍ နှောက်ယှက်ခဲ့သည်ဟု တိုဟ်တီက ဆိုသည်။

“ ကျွန်တော့်ကို နှစ်ပေါင်းများစွာ နေအိမ်အကျယ်ချုပ်နဲ့ မျက်ခြေမပြတ်စောင့်ကြည့်တဲ့အပြင်  ရဲတွေက လိုက်နေခဲ့ကြတာပါ။ ဒါပေမယ့် လုံခြုံရေးအေးဂျင့်တွေ ကျွန်တော့်ကို လူ့မြင်ကွင်းထဲဒီလိုဆက်ဆံတာမျိုး မရှိခဲ့ဖူးဘူး။ ကလေးတွေကိုတောင် အန္တရာယ်ပေးချင်နေတာက လူမဆန်ခြင်းပါပဲ ” ဟု ဖုန်းအင်တာဗျူး၌ တိုဟ်တီက ပြောသည်။

တီယန်အန်းမင်ရင်ပြင်အနီး ကမ္ဘာလှည့်ခရီးသည်နှစ်ဦးအား ကားဖြင့်တိုက်ပြီး မီးလောင်ခဲ့သည့် အောက်တိုဘာ ၂၈ ရက် နောက်ပိုင်း သူသည် ကမ္ဘာ့မီဒီယာများနှင့် အဆက်မပြတ် အင်တာဗျူး လုပ်နေခဲ့ရသည်။

ယင်းဖြစ်ရပ်ကို ဥဂါးရ်မွတ်စ်လင်မ်တို့မှ ကြံစည်တိုက်ခိုက်သော အကြမ်းဖက်လုပ်ရပ်အဖြစ် တရုတ်အစိုးရမှ စွပ်စွဲထားသည်။

တီယန်အန်းမင်ရင်ပြင် အကြမ်းဖက် တိုက်ခိုက်မှုအား သံသယအကျိုးဆက်အဖြစ် လုံခြုံရေး တင်းကြပ်ထားသည့်ကြားမှ ထပ်မံ ဖိနှိပ်လိုမှုအတွက် တရုတ်၏အသုံးချမှုကို ဥဂါးရ်မွတ်စ်လင်မ်များမှ ရှုတ်ချလိုက်သည်။

တီယန်အန်းမင်ဖြစ်ရပ်ကြောင့် မွတ်စ်လင်မ်တို့အား ပိုမို၍ ဖိနှိပ်ခွဲခြားလာမည်ကို တိုဟ်တီက စိုးရိမ်စွာ ပြောကြားသည်။

“ ဒီအဖြစ်ရဲ့အချက်အလက်တိုင်းဟာ ဥဂါးရ်လူမျိုးတွေနဲ့ အလှမ်းကွာလွန်းလှပါတယ်။ ဒါဟာ ဟန်လူမျိုးတွေကြီးစိုးနေတဲ့ လူမှုအသိုင်းအ၀ိုင်းမှာ ဥဂါးရ်တွေ ရင်ဆိုင်နေရတဲ့ အခက်အခဲများကို ပိုမိုဆိုးရွားသွားစေတော့မှာဖြစ်တယ် ” ဟု သူက ဆိုသည်။

အနောက်မြောက်ပိုင်း စင်းကျန်းပြည်နယ်တွင် လူဦးရေ ၈ သန်းရှိ ဥဂါးရ်မွတ်စ်လင်မ်တို့သည် တူရကီစကားပြော လူနည်းစုဝင်များ ဖြစ်ကြသည်။

တစ်ချိန်က အရှေ့တာကစ္စတန်ဟုခေါ်သော စင်းကျန်းပြည်နယ်မှာ ၁၉၅၅ ခုနှစ်ကပင် ကိုယ်ပိုင်အုပ်ချုပ်ခွင့်ရဒေသတစ်ခု ဖြစ်ခဲ့သော်လည်း တရုတ်အာဏာပိုင်များက လုံခြုံရေးတပ်ဖွဲ့အလုံးအရင်းနှင့် ကြမ်းတမ်းစွာ ဆက်ဆံနေဆဲဖြစ်သည်။

အကြမ်းဖက်မှုကိုတန်ပြန်ရေး ဟူသော အကြောင်းပြချက်ဖြင့် စင်းကျန်းရှိ ဥဂါးရ်မွတ်စ်လင်မ်တို့ကို တရုတ်အာဏာပိုင်များက ဘာသာရေးအရ ဖိနှိပ်ညှင်းပန်နေသည်ဟု လူ့အခွင့်အရေးအဖွဲ့များက စွပ်စွဲနေပေသည်။

တစ်ဖက်စောင်းနင်းမီဒီယာများ
——————————-
တရုတ်နိုင်ငံပိုင်ထိပ်တန်းသတင်းစာတစ်စောင်က ဒေသတွင်း ပဋိပက္ခ၏အဓိကအကြောင်းရင်းမှာ ယဉ်ကျေးမှုနိမ့်ကျသော လူငယ်များသည် ဘာသာရေးအစွန်းရောက်သူများ၏ လမ်းမှားသောဦးဆောင်မှုနောက် လိုက်နေကြခြင်းကြောင့်ဖြစ်သည်ဟု ဖော်ပြလိုက်သဖြင့် မွတ်စ်လင်မ်တို့၏ခံစားချက်ကို ဆွပေးခဲ့သည်။

“ ဒီနှစ်ပိုင်းတွေမှာ မူလတန်း၊ အလယ်တန်းကျောင်းသားတွေ ဒါမှမဟုတ် ယဉ်ကျေးမှုနိမ့်ကျတဲ့လူငယ်အများစုက ဘာသာရေးအစွန်းရောက်အုပ်စုတွေကို မျက်ကန်းနောက်လိုက်ပြုနေကြတာ တွေ့နိုင်ပါတယ်။ ဒီလို အသိမဲ့ အမူအကျင့်တွေကို ကျွန်တော်တို့ မုန်းတီးပါတယ်။ အဲ့ဒီစရိုက်ဆိုးတွေကိုလည်း ရွံရှာမိပါတယ် ” ဟု တရုတ်နိုင်ငံစာပေနှင့် အနုပညာအသင်းကြီးအဖွဲ့ဝင် ဥဂါးရ် လူမျိုးတစ်ဦးက လက်မှတ်ရေးထိုး ရင်ဖွင့်ချက် တစ်စောင်အား သတင်းစာမှဖော်ပြကြောင်း ရိုက်တာမှ တင်ပြခဲ့သည်။

၂၀၀၁ ခုနှစ်က တရုတ်အစိုးရသည် စင်းကျန်း၌ အင်အားသုံးဖြိုခွဲခဲ့သည်။ ထိုစဉ်ကတည်းက ဥဂါးရ်တို့၏ ယဉ်ကျေးမှု၊ ဘာသာရေးအစဉ်အလာနှင့် ဘာသာစကားအပေါ် ကောင်းစွာ ကျင့်သုံးခွင့် မပေးခဲ့ချေ။

တရုတ်အာဏာပိုင်များက အဓိကရုဏ်းနှင့်စပ်လျဉ်း၍ ဥဂါးရ်လူမျိုးအများစုပါဝင်သော လူ ၂၀၀ အား တရားစီရင်လျက် ရှိပြီး ၄င်းတို့အနက် ၂၆ ဦးအား သေဒဏ်ပေးခဲ့သည်။

အစိုးရအစီအစဉ်ဖြင့် သန်းနှင့်ချီသော ဟန်လူမျိုးများသည် မိမိတို့ပိုင်နက်အတွင်း၌ လာရောက်အခြေချခဲ့ပြီး ဒေသတွင်း၏ကိုယ်ပိုင်လက္ခဏာ နှင့် ယဉ်ကျေးမှုများကို ရည်ရွယ်ချက်ရှိရှိအမြစ်လှန်နေကြသည်ဟု မွတ်စ်လင်မ်တို့က ပြစ်တင်စွပ်စွဲလျက်ရှိသည်။

သုတေသီများ၏အဆိုအရ ဘေဂျင်း၏အာဏာခိုင်မြဲစေရန် စင်းကျန်းနယ်သို့ ဟန်တရုတ်များ ပြောင်းရွှေ့စေသည့်မူဝါဒချမှတ်ခဲ့ရာ ၁၉၄၀ ခုနှစ်များတွင် ဟန်တရုတ်တို့သည် ဒေသတွင်း၌ ၅ ရာခိုင်နှုန်းသာ ရှိခဲ့ရာမှ ယခုအခါ ၄၀ ရာခိုင်နှုန်းအထိ တိုးပွားလာခဲ့၏။

ဧရာမ ရေနံနှင့်သဘာဝဓာတ်ငွေ့သိုက်များ၊ ဗဟိုအာရှနှင့်နီးကပ်သည့် မဟာဗျူဟာမြောက်တည်နေရာ တို့ကြောင့် ဘေဂျင်းက စင်းကျန်းနယ်အား လက်မလွှတ်ရက်အောင် မျက်စေ့ကျနေခဲ့သည်။ “ အာဏာပိုင်တွေအနေနဲ့ ခြေတစ်လှမ်း နောက်ပြန်ဆုတ်လို့ မိမိတို့မူဝါဒများရဲ့ရလဒ်တွေကို  တကယ်ထိရောက်မှုရှိမရှိ ပြန်လေ့လာဖို့ လိုအပ်တယ်။  ကျွန်တော်တို့ကတော့ အကြမ်းဖက်မှုလျော့နည်းပြီး ပိုမိုသင့်မြတ်စေချင်ပါတယ် ” ဟု အပြည်ပြည်ဆိုင်ရာနိုင်ငံရေးအကျဉ်းသားလွတ်မြောက်ရေးအဖွဲ့၏ တရုတ်ရေးရာသုတေသီ Corinna-Barbara Francis မှ ပြောကြားသည်။

တချိန်တည်းမှာပင် ပြည်ပရောက် ဥဂါးရ်အဖွဲ့ဖြစ်သော World Uyghur Congress မှ ဥဂါးရ်လူမျိုး ၂၄ ဦးမှာ လတ်တလောတွင် ထပ်မံဖမ်းဆီးထိန်းသိမ်းခံရသဖြင့် တန်ပြန်ပေါက်ကွဲမှုဖြစ်လာနိုင်ကြောင်း တရုတ်အစိုးရအား သတိပေးလိုက်သည်။

“ ဥဂါးရ်နယ်မြေထဲမှာ အာဏာပိုင်တွေက လက်နက်ကိုင်တွေကိုသုံးပြီး ချုပ်ခြယ်တင်းကြပ်မှုကို အဆင့်တိုးလုပ်နေကြတယ်။ တကယ်လို့ နိုင်ငံတကာ အသိုင်းအ၀ိုင်း အနေနဲ့ တရုတ်ရဲ့ထိုးဆွမှုတွေ၊ ချုပ်ကိုင်မှုတွေအပေါ် အရေးပေါ်သတိပေးချက် မပြုလုပ်ကြရင် ဥဂါးရ်တွေဟာ အသက်ရှင် ရပ်တည်ရေးအတွက် တောင့်ခံသွားနိုင်ဖို့ ၊ ပြန်လည် တွန်းလှန်သွားနိုင်ဖို့ မျှော်လင့်ချက် ရှိတော့မှာ မဟုတ်ဘူး ” ဟု အထက်ပါ အဖွဲ့၏ပြောဆိုခွင့်ရသူမှ အီးမေးလ်ပေးပို့ချက် တစ်စောင်အတွင်း ရေးသားခဲ့ပါသည်။

Ref:OnIslam