အက်သလက်တီကို၊ဘာစီလိုနာ နောက်တဆင့်တက် နာပိုလီ၊ အာဆင်နယ် အနိုင်ရတဲ့ ချန်ပီယံလိဂ် ပွဲစဉ်

နိုဝင်ဘာ ၇ ၂၀၁၃
M-Media

အက်သလက်တီကိုနှင် ဘာစီလိုနာတို့ နောက်တစ်ဆင့် တက်ရောက်သွားခဲ့ပြီး နာပိုလီ၊ အာဆင်နယ်တို့ ၁၆ သင်းအဆင့်သို့ တက်ရောက်ရန် နီစပ်သွားခဲ့ကြသည့် ချန်ပီယံလိဂ် ကြာသာပတေး နံနက်ပွဲစဉ်များ

ချန်ပီယံလိဂ် အုပ်စု E၊ F၊ G၊ H ၏ အုပ်စု စတုတ္ထနေ့ပွဲစဉ်များကို ယနေ့နံနက်စောစောပိုင်းက ယှဉ်ပြိုင်ကစားခဲ့ကြရာ စပိန်ကလပ်အသင်းများဖြစ်ကြသည့် အက်သလက်တီကိုနှင့် ဘာစီလိုနာအသင်းမှာ ပြိုင်ဘက် အသင်းများကို အသီးသီး အနိုင်ယူနိုင်ခဲ့ကာ နောက်ဆုံး ၁၆ သင်းအဆင့်သို့ တက်ရောက်သွားခဲ့ပြီဖြစ်သည်။ ပထမအကျော့ အိမ်ကွင်းတွင် ဒေါ့မွန်အသင်းအား အရှုံးပေးခဲ့ရသော အာဆင်နယ် အသင်းမှာလည်း အဝေးကွင်းတွင် ဒေါ့မွန်အား ပြန်လည် အနိုင်ယူနိုင်ခဲ့သည်။ စီးရီးအေတွင်ခြေစွမ်းပြနေသည့် နာပိုလီအသင်းမှာ အိမ်ကွင်းတွင် အနိုင်ကစားခဲ့ကာ နောက်တစ်ဆင့်သို့ တက်ရောက်ရန် အခြေအနေကောင်းသွားပြီဖြစ်သည်။ ချယ်ဆီးအသင်းမှာလည်း အိမ်ကွင်းတွင် ရှော်လ်ကာအသင်းအား ဂိုးပြတ်ဖြင့် အနိုင်ကစားနိုင်ခဲ့သည်။

အုပ်စု E

ချယ်ဆီး ၃-၀ ရှော်လ်ကာ

ပြီးခဲ့သည့်စနေနေ့က နယူးကာဆယ်အသင်းအား ၂ ဂိုး ဂိုးမရှိဖြင့်ရှုံးနိမ့်ခဲ့သည့် မော်ရင်ဟို၏ ချယ်ဆီးအသင်းမှာ ယခုပွဲတွင် ရှော်လ်ကာ အသင်းအား ဂိုးပြတ်ခြေပြတ်ဖြင့်အနိုင်ယူနိုင်ခဲ့သည်။

ချယ်ဆီးအသင်းတွင် အေဒင် ဟာဇာဒ်မှာ အရန်စာရင်းတွင်ပင် မပါဝင်နိုင်ခဲ့ဘဲ တိုက်စစ်မှူး ဖာနန်ဒိုတောရက်စ်မှာလည်း ပေါင်ဒဏ်ရာကြောင့် အနားယူခဲ့ရပြီး အသင်း၏တိုက်စစ်တွင် အီတူးက ပွဲထွက်ကစားသမားအဖြစ်ကစားခဲ့သည်။ ချယ်ဆီးအသင်းအတွက်အဖွင့်ဂိုးကို ၃၁ မိနစ်တွင် ရရှိခဲ့ခြင်းဖြစ်ပြီး ရှော်လ်ကာအသင်းဂိုးသမား၏ အမှားအား အခွင့်ကောင်းယူကာ အီတူးက သွင်းယူပေးခဲ့ခြင်းဖြစ်သည်။

ဒုတိယပိုင်းတွင်လည်း ချယ်ဆီးအသင်းကသာ ခြေအသာဖြင့်ကစားနိုင်ခဲ့ပြီး ၅၄ မိနစ်တွင် အီတူးက ဒုတိယဂိုးကိုလည်းကောင်း ၈၃ မိနစ်တွင် ဒမ်ဘာဘားက တတိယဂိုးကိုလည်းကောင်း အသီးသီးသွင်းယူပေးခဲ့သည်။ ယခုပွဲအနိုင်ကြောင့် ချယ်ဆီးအသင်းမှာ သုံးမှတ်အသာဖြင့် အုပ်စုအား ဦးဆောင်နေသည်။

————————————————–

ဘေဆယ် ၁-၁ စတူအာဘူခါရက်

ဘေဆယ်သင်း၏ အိမ်ကွင်းတွင်ကစားခဲ့သည့် ယခုပွဲတွင် ဧည့်သည့် စတူအာဘူခါရက်အသင်းက ခြေအသာဖြင့်ကစားနိုင်ခဲ့ပြီး ဂိုးသွင်းခွင့်များ အကြိမ်ကြိမ်ရရှိခဲ့သော်လည်း၊ ဘေဆယ်အသင်းမှာ ကံကောင်းထောက်မစွာဖြင့် သရေတစ်မှတ်ရရှိခဲ့ခြင်းဖြစ်သည်။

အဖွင့်ဂိုးကို ဧည့်သည်အသင်းမှ စတင်ရရှိခဲ့ခြင်းဖြစ်ပြီး ပွဲအစ ၁၇ မိနစ်၌ပင် ပီယိုဗာကာရီက သွင်းယူပေးခဲ့သည်။ နောက်ပိုင်းတွင်လည်း စတူအာဘူခါရက်ကသာ တောက်လျှောက်ဖိကစားနိုင်ခဲ့ပြီး ဘေဆယ်အတွက် အဖိုးတန်ချေပဂိုးကို ဒုတိယပိုင်းပြီးကာနီး နာဂျင်အချိန်ပိုတွင်မှ ဂျီယိုဗာနီက သွင်းယူပေခဲ့ခြင်းဖြစ်သည်။ ထို့ကြောင့် စတူအာဘူခါရက်အသင်းမှာ ၇ နှစ်အတွင်း ချန်ပီယံလိဂ် ပထမဦးဆုံးနိုင်ပွဲနှင့်ဝေးကွာသွားခဲ့ရသည်။
…………………………………………
အုပ်စု F

ဒေ့ါမွန် ၀-၁ အာဆင်နယ်

ပထမအကျော့ အိမ်ကွင်းတွင် ရှုံးနိမ့်ထားခဲ့သည့် အာဆင်နယ်အသင်းမှာ ယခုပွဲတွင် အနိုင်ရရှိခဲ့သော်လည်း ဒေါ့မွန်အသင်းအား သိသိသာသာ ဖိအားပေးနိုင်ခဲ့ခြင်းမရှိချေ။

အာဆင်နယ်အသင်းအတွက် တစ်လုံးတည်းသောအနိုင်ဂိုးကို ၆၂ မိနစ်တွင် ရရှိခဲ့ခြင်းဖြစ်ပြီး အသင်းတွင်ခြေစွမ်းပြနေသည့် အလယ်တန်းကစားသမား ရမ်ဆေးက သွင်းယူပေးခဲ့ခြင်းဖြစ်သည်။ နောက်ပိုင်းတွင် ဒေါ့မွန်အသင်းမှာ အာဆင်နယ်အား တောက်လျှောက်ဖိအားပေးနိုင်ခဲ့သော်လည်း ဂိုးသွင်းယူနိုင်ခြင်း မရှိသောကြောင့် အိမ်ကွင်းတွင် အရှုံးပေးခဲ့ရသည်။

အာဆင်နယ်အသင်းမှာ ယခုပွဲအနိုင်ကြောင့် ၉ မှတ်ရရှိထားပြီး နောက်တစ်ဆင့်သို့တက်ရန် အခြေအနေကောင်းသွားပြီဖြစ်သည်။

—————————————————
နာပိုလီ ၃-၂ မာဆေးလ်

အီတလီတွင်ကစားခဲသည့် ယခုပွဲမှာ အကြိတ်အနယ်ရှိခဲ့ပြီး နာပိုလီအသင်းက အိမ်ကွင်းတွင် အနိုင်ရရှိအောင်စွမ်းဆောင်နိုင်ခဲ့သည်။

အဖွင့်ဂိုးကို မာဆေးလ်အသင်းက စတင်ရရှိခဲ့ခြင်းဖြစ်ပြီး ပွဲအစ ၁၀ မိနစ်တွင် အန်ဒရီ အေယွယ်က သွင်းယူပေးခဲ့သည်။ သို့သော်လည်း ၂၂ မိနစ်နှင့် ၂၄ မိနစ်တို့တွင် ဂိုခန် အင်လာနှင့် ဂွန်ဇာလို ဟီဂူအင်တို့က အိမ်ရှင်အတွက် ချေပဂိုးနှင့်အနိုင်ဂိုးများကို သွင်းယူပေးခဲ့သည်။

ဒုတိယပိုင်းတွင် မာဆေးလ်အသင်းက ဖိကစားနိုင်ခဲ့ပြီး ၆၄ မိန်စ်တွင် ဖလော်ရီယန် သာအူဗင်က ဒုတိယချေပဂိုးကို သွင်းယူပေးခဲ့သည်။ နာပိုလီအသင်း အတွက် အဖိုးတန်အနိုင်ဂိုးကို ၇၅ မိနစ်တွင် ဟူဂူအင်က ထပ်မံသွင်းယူပေးခဲ့သည်။ ယခုပွဲအနိုင်ကြောင့် နာပိုလီအသင်းမှာ ၉ မှတ်ရရှိထားပြီး အုပ်စုအား ဦးဆောင်နေသည့် အာဆင်နယ်အသင်းနှင့် အမှတ်တူနေသည်။
……………………………………………….
အုပ်စု G

အက်သလက်တီကိုမက်ဒရစ် ၄-၀ သြစတီးအား ၀ီအန်

လာလီဂါတွင်ရလဒ်ကောင်းများရရှိနေပြီး ချန်ပီယံလိဂ်တွင်လည်း ရှုံးပွဲမရှိသေးသည့် အက်သလက်တီကိုအသင်းမှာ ယခုပွဲတွင်လည်း အသင်းငယ်ဝီအန်အား အိမ်ကွင်းတွင် သက်တောင့်သက်သာဖြင့် အနိုင်ယူနိုင်ခဲ့သည်။

အက်သလက်တီကိုမက်ဒရစ်အသင်းအတွက် ဂိုးများကို ၁၁ မိနစ်တွင် မီရန်ဒါ၊ ၂၅ မိနစ်တွင် ရာအူးလ်ဂါစီယာ၊ ၄၅ မိနစ်တွင် ဖိလစ်လူးဝစ်နှင့် ၈၂ မိနစ်တွင် ဒီယေဂိုကော်စတာတို့က အသီးသီးသွင်းယူပေးခဲ့ခြင်းဖြစ်သည်။ အက်သလက်တီကိုအသင်းမှာ ယခုပွဲအနိုင်ကြောင့် နောက်တစ်ဆင့်သို့ တက်ရောက်သွားနိုင်ခဲ့ပြီဖြစ်သည်။

ဇင်းနစ် ၁-၁ ပေါ်တို

အိမ်ရှင်ဇင်းနစ်အသင်းမှာ ယခုပွဲတွင် အနိုင်ရခဲ့သင့်သော်လည်း ဒုတိယပိုင်းတွင် ရရှိခဲ့သည့် ပင်နယ်တီအား ဂိုးအဖြစ်ပြောင်းလဲနိုင်ခြင်း မရှိခဲ့သောကြောင့် အိမ်ကွင်းတွင် သရေတစ်မှတ်ဖြင့်သာ ကျေနပ်ခဲ့ရသည်။

ဦးဆောင်ဂိုးကို ပေါ်တိုအသင်းက စတင်ရရှိခဲ့ပြီး ၂၃ မိနစ်တွင် လူချို ဂွန်ဇာလက်က သွင်းယူပေးခဲ့သည်။ အဖွင့်ဂိုးပေးလိုက်ရပြီး သိပ်မကြာခင်မှာပင် ဇင်းနစ်တို့ ချေပဂိုးရရှိခဲ့ပြီး ၂၈ မိနစ်တွင် ဟုလ်က်က သွင်းယူပေးခဲ့သည်။ နောက်ပိုင်းတွင်နှစ်သင်းစလုံးအခွင့်အရေးများရရှိခဲ့သော်လည်း ဂိုးသွင်းယူနိုင်ခြင်း မရှိသောကြောင့် ၁ ဂိုးစီသရေဖြင့် ပွဲပြီးခဲ့သည်။
……………………………………….
အုပ်စု H

ဘာစီလိုနာ ၃-၁ အေစီမီလန်

ဘာစီလိုနာမှာ အိမ်ကွင်းတွင်ကစားခဲ့သည့် ယခုပွဲတွင် အမှားအယွင်းမရှိခဲ့ဘဲ မက်ဆီ၏ သွင်းဂိုးများဖြင့် အနိုင်ရရှိခဲ့သည်။ ဘာကာအတွက်အဖွင့်ဂိုးကို မိနစ် ၃၀ တွင် ပင်နယ်တီမှတစ်ဆင့် မက်ဆီက သွင်းယူပေးခဲ့သည်။ ထို့နောက် မိနစ် ၄၀ တွင် ဘာကာတို့ ဒုတိယဂိုးရရှိခဲ့ပြီး ဘက်စ်ကက်က ခေါင်းတိုက်သွင်းယူပေးခဲ့သည်။ ပထမပိုင်း ပြီးကာနီးတွင် ဘာကာနောက်ခံလူ ပီကေး၏ ကိုယ့်ဂိုးကိုယ်သွင်းမိခဲ့သဖြင့် မီလန်တို့ ချေပဂိုးတစ်ဂိုးရရှိခဲ့သည်။

သို့သော်လည်း ဘာစီလိုနာအသင်းကသာ ခြေအသာဖြင့် တောက်လျှောက်ဖိကစားနိုင်ခဲ့ပြီး ၈၃ မိနစ်တွင် မက်ဆီက နောက်ဆုံးပိတ်အနိုင်ဂိုးကို သွင်းယူပေးခဲ့သည်။ နောက်ထပ်နှစ်ပွဲကစားရန်ရရှိနေသေးသော်လည်း ယခုပွဲအနိုင်ကြောင့် ဘာစီလိုနာအသင်းမှာ နောက်တစ်ဆင့်သို့ တက်ရောက်သွားပြီဖြစ်သည်။

—————————————————-
အေဂျက် ၁-၀ ဆဲလ်တစ်

ဟော်လန်တွင်ကစားခဲ့သည့် ယခုပွဲတွင် အိမ်ရှင်အေဂျက်အသင်းမှာ သုံးမှတ်ရယူနိုင်ခဲ့သည်။ သို့သော်လည်း လွယ်ကူစွာဖြင့် အနိုင်ရရှိခဲ့ခြင်း မဟုတ်ဘဲ ဆဲလ်တစ်အသင်း၏ ဖိအားပေးမှုကို တောက်လျှောက်ခံခဲ့ရသည်။

အေဂျက်အသင်းအတွက် တစ်လုံးတည်းသော အနိုင်ဂိုးကို ဒုတိယပိုင်း ၅၁ မိနစ်တွင် စခုန်းက သွင်းယူပေးခဲ့ခြင်းဖြစ်သည်။ ယခုပွဲအနိုင်ကြောင့် အေဂျက်အသင်းမှာ ၄ မှတ်ရရှိထားပြီး နောက်တစ်ဆင့်သို့တက်ရောက်ရန်အတွက် အခွင့်အရေး အနည်းငယ်ရှိနေသေးသည်။