ဖယောင်းတိုင်မီးထွန်း၍ လမ်းလျှောက်ကာ ဆန္ဒထုတ်ဖော်

နိုဝင်ဘာ ၉၊ ၂၀၁၃
M-Media
A.N.Lay

ရန်ကုန် ။           ။       လျှပ်စစ်မီတာခ တိုးမြှင့်ကောက်ခံမှုအား ကန့်ကွက်ဆန္ဒပြသည့် ဖယောင်းတိုင်မီးထွန်း ကိုင်ဆောင်၍ လမ်းလျှောက်ကာ ဆန္ဒပြ ထုတ်ဖော်မှုတစ်ခုကို မင်္ဂလာတောင်ညွန့်မြို့နယ် ဖဆပလ ရပ်ကွက် City Mark ရှေ့တွင် နိုဝင်ဘာ ၈-ရက်နေ့ ညနေ ၆-နာရီတွင် စတင်ပြုလုပ်ခဲ့ပြီး ဆန္ဒထုတ်ဖော်သူ ၂၀၀-ခန့် ပါဝင် ခဲ့ကြသည်။

“မန္တလေးမြို့မှာလည်း မီတာခ မူလအတိုင်းထားရှိရေးအတွက် နိုဝင်ဘာ ၈-ရက်နေ့ ညနေ ၆း၃၀-အချိန်မှ စ၍ တောင်းဆိုနေပြီဖြစ်ပါတယ်။ ကျွန်တော်တို့ နိုင်ငံတော် သမ္မတကြီးကို ယုံကြည်လေးစားချင်ပါတယ်။ ဆင်းရဲမွဲတေမှု ပပျောက်ရေးဆိုတာကို ပါးစပ်ကနေပဲ ကြွေးကြော်မနေပဲ ပြည်သူတွေအတွက် အခြေခံဖြစ်တဲ့ အခွန်ခ တိုးမြင့်နေခြင်းကို နိုင်ငံတော်သမ္မတအနေနဲ့အရင်ဦးဆုံး လျော့ချပေးဖို့ကို တောင်းဆိုနေခြင်းဖြစ်ပါတယ်။ မီတာခ မြင့်မားလာခြင်းဟာ ကုန်ဈေးနှုန်းကိုလည်း မြင့်မား လာစေတဲ့အတွက် ဆင်းရဲမွဲတေမှုပပျောက်ရေးဆိုတဲ့ စကားဟာ မီတာခ တိုးမြင့်ခြင်းနဲ့အတူ မကိုက်ညီ နေခြင်းဖြစ်ပါတယ်။ သမ္မတကြီးအနေနဲ့ မီတာခ လျော့ချပေးဖို့ သက်ဆိုင်ရာဌာနသို့ တိုက်တွန်းပေးဖို့ တောင်းဆိုနေခြင်းဖြစ်ပါတယ်။ နိုင်ငံတော်သမ္မတကြီးရဲ့ ဆင်းရဲမှုပပျောက်ရေးဆိုတာ ကျွန်တော်တို့ပြည်သူလူထုက ဆင်းရဲတွင်း ထပ်ပြီးတော့ နက်နေရမှာလား မီတာခတွေကို တိုးမြင့် လိုက်ခြင်းဟာ ဆင်းရဲမွဲတေမှုပပျောက်ရေးဆိုတဲ့ စကားနဲ့ညီညွတ်လားဆိုတာ ကျွန်တော်တို့ ပြည်သူတွေဟာ ဒီနေ့မှာမေးခွန်းထုတ်စရာဖြစ်လာပါပြီ။ ပြည်သူ့အစိုးရဆိုရင်ပြည်သူ့ အသံကို နားထောင်ပေးပါ။ ကျွန်တော်တို့ ပြည်သူတွေဟာ မီတာခကို မြင့်မားစွာ ပေးဆောင် နေရခြင်းဟာ စစ်မှန်တဲ့ ဒီမိုကရေစီအစိုးရရဲ့လုပ်ဆောင်ချက်မဟုတ်ဘူးလို့ကျွန်တော်တို့ယုံဆပါတယ်။ ကျွန်တော်တို့ ဒီလိုတောင်းဆိုမှုဟာ ပြည်သူတွေနဲ့ သက်ဆိုင် သလို၊ ပြည်သူတွေရွှေးချယ်ထားတဲ့ ပြည်သူ့ဝန်ထမ်းတွေနဲ့လည်း သက်ဆိုင်ပါတယ်”လို့ ဆန္ဒထုတ်ဖော်သူများထဲမှ တစ်ဦးက M-Media ကို ပြောကြားခဲ့ပါသည်။

၎င်းနောက် အဆိုပါ ဆန္ဒထုတ်ဖော်မှုကို မင်္ဂလာတောင်ညွန့်မြို့နယ် ဖဆပလ ရပ်ကွက်မှနေ အီးပီစီရုံးအထိ လမ်းလျှောက်၍ ဆန္ဒထုတ်ဖော်ခဲ့ကြသည်။