မွတ်စ်လင်မ် ကမ္ဘာလှည့် ခရီးသွားများအား ဂျပန်မှ အာရုံစိုက် အလေးထားလာ

နိုဝင်ဘာ- ၁၀ ၂၀၁၃
M-Media

မွတ်စ်လင်မ်တို့သည် မိမိတို့တိုင်းပြည်တွင် နေထိုင်သည့်အတိုင်း အဆင်ပြေချောမွေ့ရမည်ဟု အလေးထားပြောဆိုလာသော ဂျပန်ခရီးသွားကုမ္ပဏီများ ပိုမိုများပြားလာသည်

တရုတ်ဂျပန်နယ်မြေပိုင်ဆိုင်ရေးပြဿနာများကြောင့် ယမန်နှစ်နှောင်းပိုင်းမှစတင်၍ ဂျပန်၌ တရုတ်ကမ္ဘာ့လှည့်ခရီးသည်များ ဆိုးဆိုးဝါးဝါး လျော့ပါးသွားခဲ့သည်။

ထိုင်ဝမ် နှင့် အခြားအရှေ့တောင်အာရှနိုင်ငံများ အထူးသဖြင့် မလေးရှားနှင့်အင်ဒိုနီးရှားထံမှ ခရီးသည်များ တအုံတကျင်း ၀င်ရောက်လာမှုကြောင့်သာ ခံသာနေရသည်။

သာဓကအားဖြင့် တရုတ်ဧည့်သည်ဦးရေမှာ အောက်တိုဘာလအတွင်း ၃၃ ရာခိုင်နှုန်းအထိ ထိုးကျသွားသော်လည်း ယမန်နှစ်ထိုလပိုင်းနှင့်နှိုင်းယှဉ်ပါက မလေးရှားဧည့်သည်များကမူ ၆၆ ရာခိုင်နှုန်း၊ အင်ဒိုနီးရှားက ၄၀ ရာခိုင်နှုန်း ရှိသည်ကို တွေ့ရ၏။

မွတ်စ်လင်မ်ခရီးသွားများကို ၄င်းတို့၏ ဘာသာရေးလိုအပ်ချက်များနှင့်အညီနေထိုင်နိုင်ရေးအတွက် ကောင်းစွာကြိုဆိုပြင်ဆင်ရေးလမ်းကြောင်းသစ်၌ ဂျပန်တို့မှာ အားတက်သရော ဆောင်ရွက်လျက်ရှိသည်။

ယမန်နှစ်က ဂျပန်သို့ မလေးရှားနိုင်ငံသားပေါင်း တစ်သိန်းသုံးသောင်းကျော် လာရောက်လည်ပတ်ခဲ့ရာ ၂၀၁၀ ခုနှစ်ထက် ၁၄ ရာခိုင်နှုန်း မြင့်တက်လာခဲ့သည်။ စားရိတ်ကျဉ်းအစီအစဉ်များဖြင့် နိုင်ငံခြားသို့ခရီးသွားရန် တတ်စွမ်းနိုငသည့် အလယ်အလတ်လူတန်းစား မလေးနိုင်ငံသားများ တိုးပွားလာခြင်းကြောင့်ဖြစ်သည်။

ဂျပန်နိုင်ငံတွင် မိမိတို့ဘာသာရေးထုံးဓလေ့များကျင့်ဆောင်ရန် ခက်ခဲမှုရှိသည်ဟု ကနဦးက အမြင်ရှိခဲ့သော မလေးမွတ်စ်လင်မ်များသည်ပင်လျှင် ဤခရီးသွားဧည့်သည်များဦးရေအတွင်း အလွန်တိုးတက်များပြားလာသည်။

ဂျပန်နိုင်ငံတွင် မွတ်စ်လင်မ်ဦးရေသည် ငါးသောင်းမှ တစ်သိန်းအတွင်းသာ ရှိသည်။ အများစုမှာ နိုင်ငံခြားမှ လာရောက်သူများဖြစ်၏။ လူဦးရေသန်း ၁၂၀ အနက် ဂျပန်လူမျိုးမွတ်စ်လင်မ်များမှာ တစ်ထောင်အောက်သာ ရှိနေ၏။

ဂျပန်လူမျိုးအများစု အစ္စလာမ့်အဆုံးအမများနှင့် ရင်းနှီးကျွမ်းဝင်မှု မရှိကြချေ။ ခရီးသွားဧည့်သည်လှိုင်းသစ်ကြောင့် ဂျပန်ခရီးသွားလာရေးလုပ်ငန်းတို့သည် မွတ်စ်လင်မ်များနှင့်စပ်လျဉ်း၍ အမြင်ပွင့်လာကြသည်။

“ အဓိကပြဿနာကတော့ သူတို့အတွက် ၀တ်ပြုဖို့နေရာ နဲ့ ဟလာလ်အစားအသောက် စီစဉ်ပေးဖို့ဖြစ်တယ် ” ဟု မီယာကို ကိုကုဇိုင်း Miyako Kokusai ကုမ္ပဏီမှ ကာဇူနာရီ ကုရိုဆာဝါ Kazunari Kurosawa က ဆိုသည်။ အိုဆာကာရှိ ယင်းခရီးသွားအေဂျင်စီသည် အာရှသားမွတ်စ်လင်မ်ဧည့်သည်များအတွက် နေရာထိုင်ခင်းကို စီစဉ်ပေးလျက်ရှိသည်။

သူသည် Malaysia’s Jakim (Department of Islamic Advancement of Malaysia) မှ အသိအမှတ်ပြုထားသော  Japan Halal Association တာဝန်ရှိသူများနှင့်အတူ ဟလာလ်အစားအသောက်အကြောင်းကို ဟလာလ်နည်းကျ စားသောက်ဆိုင်များသို့ သွားရောက်လေ့လာခဲ့သည်။ အထူးသဖြင့် ၀က်သားမသုံး အရက်မရောင်းချသည့် ဆိုင်များ ဖြစ်ကြောင်း သေချာစေရန်ဖြစ်သည်။

အရက်သေစာနှင့်မကင်းလွတ်သည့် ဂျပန်၌ မွတ်စ်လင်မ်ဧည့်သည်များသည် တစ်ခါသုံး ဇွန်း၊ ခွက် စသည့် စားသောက်ပစ္စည်များ အသုံးပြုလေ့ရှိသဖြင့် သူက ယင်းကဲ့သို့စီမံပေးရသည်။ ထို့ပြင် သူက ဧည့်သည်များအတွက် ကစ်ဗလဟ်( ကအ်ဗဟ်ဝတ်ကျောင်းတော်ဖက်မျက်နှာမူရာအရပ်)အား ညွှန်ပြအသိပေးခြင်း၊ လည်ပတ်သွားလာသော နေရာများနှင့်နားနေရာများတွင် ၀တ်ပြုနေရာစီစဉ်ပေးခြင်းကိုလည်း ၀န်ဆောင်ပေးသည်။

ကုရိုဆာဝါသည် မလေးရှားမှလာရောက်သည့် မွတ်စ်လင်မ်ခရီးသွားဧည့်သည်ပေါင်း ၅၀၀ ခန့်ကို ၀န်ဆောင်ပေးပြီးသည့်အပြင် သူ၏ ချယ်ရီပွင့်ချိန်နွေဦးခရီးသွားအစီအစဉ်မှာလည်း ကြိုတင်စာရင်းသွင်းထားသူများဖြင့် ပြည့်နေပြီဖြစ်သည်။

အရှေ့တောင်အာရှသား ကမ္ဘာလှည့်ခရီးသွားတို့သည် ဆောင်းတွင်း၌ ဆီးနှင်းဖုံးလွှမ်းသော ဂျပန်နိုင်ငံမြောက်ပိုင်းဒေသများသို့လည်း သွားရောက်လည်ပတ်လေ့ရှိတတ်သည်သာမက နှင်းလျှောစီးမှုကိုလည်း ခုံမင်ကြသည်။

လတ်တစ်လောတွင် မွတ်စ်လင်မ်များအပါအ၀င် အရှေ့တောင်အာရှသား ကမ္ဘာလှည့်ခရီးသွားတို့သည် နိုင်ငံမြောက်ဖျားရှိ ဟော့ကိုင်းဒိုးကျွန်းကို ပိုမိုနှစ်ခြိုက်လျက်ရှိ၏။

အခြေအနေနှင့်လိုက်လျောညီထွေအောင် ဆက်ပိုရိုရှိ ချီတိုစဲဈေးဝယ်စင်တာ Chitose Outlet Mall Rera မှ မွတ်စ်လင်မ်တို့အဖို့ ၀တ်ပြုနေရာအတွက် သောကမရောက်ပဲ နာရီပေါင်းများစွာ လည်ပတ်ဈေးဝယ်နိုင်ရန် ၀တ်ပြုခန်းတစ်ခု ထည့်သွင်းလာသည်ကို တွေ့ရ၏။

ဟလာလ်နှင့်ဆက်နွှယ်သော လုပ်ငန်းနှင့်ဈေးကွက်အား တိုးမြှင့်နိုင်ရန်အလို့ငှာ ဟလာလ်၏လိုအပ်ချက်များနှင့်ထုံးဓလေ့များကို ပညာပေးခြင်း၊ ဆွေးနွေးခြင်းအစီအစဉ်များအတွက် အောက်တိုဘာလက တိုကျိုတွင် ဂျပန်ဟလာလ်စီးပွားရေးအဖွဲ့အစည်း Japan Halal Business Association ကို တည်ထောင်ခဲ့သည်။

၎င်းတို့က နိုဝင်ဘာလအတွင်း ကျင်းပသော ဟလာလ်ဖိုရမ်၌ ဦးဆောင်ဟောပြောသူအဖြစ် မလေးရှားဝန်ကြီးချုပ်ဟောင်း ဒေါက်တာ မဟာသီ မုဟမ္မဒ်ကို ဖိတ်ကြားခဲ့ကြသည်။

ဂျပန်အစိုးရကလည်း ဘာသာတရားအခြေပြုခရီးသွားလုပ်ငန်းအကြောင်းကို အမြန်ဆုံးလေ့လာနေကြပါသည်။

အစိုးရ၏ခရီးသွားလုပ်ငန်းတိုးမြင့်ရေးလက်ရုံးတစ်ဆူဖြစ်သော Japan National Tourism Organisation မှ မွတ်စ်လင်မ်တိုးရစ်များအတွက် ဂျပန်ရှိ စားသောက်ဆိုင်များ၊ ၀တ်ပြုနေရာများ ဖော်ပြထားသည့် ဟလာလ်လက်စွဲစာအုပ်ကို တရားဝင်ထုတ်ဝေနိုင်အောင် စီစဉ်လျက်ရှိသည်။

ယင်းအစီအစဉ်က ၂၀၁၁ ခုနှစ်ထက် နှစ်ဆတိုး၍ အရှေ့တောင်အာရှသား ခရီးသွားဧည့်သည်များကို ဦးရေတစ်သန်းအထိ တိုးတက်လာမည်ဟု မျှော်လင့်ထားသည်။

မလေးရှားနိုင်ငံသားတိုးရစ်များ ပိုမိုရရှိရေးအတွက် Japan National Tourism Organisation သည် Malaysian Association of Tour and Travel Agents နှင့် ဇန္န၀ါရီလက နားလည်မှုစာချွန်လွှာတစ်ရပ်ကို လက်မှတ်ရေးထိုးခဲ့သည်။

ပြီးခဲ့သည့်လတွင်လည်း အာရှသားမွတ်စ်လင်မ်တိုးရစ်များ ပိုမိုရရှိရေးကို စိတ်ပါဝင်စားသော ဂျပန်လုပ်ငန်းရှင်များတွက် ယင်းအဖွဲ့အစည်းမှ Japan-Muslim tourism seminar ကို ကျင်းပဆောင်ရွက်ပေးခဲ့သည်။

ယမန်နှစ်က ခရီးသွားဧည့်သည်ပေါင်း ၈.၃၇ သန်းအထိ တိုးတက်လာခဲ့သော်လည်း သဘာဝဘေးအန္တရာယ်ကြောင့် ၉ သန်းဟူသော ရည်မှန်းချက် မပြည့်မီခဲ့ချေ။

မြေယာ၊ အခြေခံအဆောက်အဦ နှင့် သယ်ယူပို့ဆောင်ရေးဆိုင်ရာဝန်ကြီး အကီဟီရို အိုတ Akihiro Ohta က “ ခုထက်ထိတော့ ကျေနပ်လောက်စရာ အနေအထား မရောက်သေးပါဘူး ” ဟု ဆိုခဲ့သည်။

ယခုနှစ်တွင်မူ ဧည့်သည်ပမာဏ ၁၀ သန်းအထိ ရရှိရန် ရည်မှန်းထားသည်။ အာရှနှင့်ကမ္ဘာ့အခြားဒေသမှ မွတ်စ်လင်မ်ဧည့်သည်များအပေါ် အထူးဦးတည်၍ ခရီးသွားလုပ်ငန်းအား အစွမ်းကုန်မြှင့်တင်ကြိုးပမ်းကြရန် ၄င်းက မိမိ၏ဌာနခွဲအားလုံးသို့ မေတ္တာရပ်ခံထားသည်။

Ref: New Straits Times