နိုဝင်ဘာ ၁၀ ပြည်တွင်း သတင်းတို

နိုဝင်ဘာ ၁၀၊ ၂၀၁၃
M-Media

ပြည်ထောင်စု ဝန်ကြီးတွေနဲ့ နိုင်ငံရေး ပါတီများတွေ့ဆုံ

ပြည်တွင်း ငြိမ်းချမ်းရေးကိစ္စ၊ နိုင်ငံရေးအကျဉ်းသား ထပ်မံလွတ်ပေးရေး အပါအ၀င် တိုးမြင့်ကောက်ခံမယ့် လျှပ်စစ်ဓာတ်အား အသုံးပြုခ နှုန်းထား အသစ်နဲ့ ပတ်သက်ပြီး သမ္မတရုံးပြည်ထောင်စုဝန်ကြီး ဦးအောင်မင်း၊ ဦးစိုးသိမ်း နဲ့ လျှပ်စစ်ပြည်ထောင်စုဝန်ကြီး ဦးခင်မောင်စိုးတို့ဟာ နိုင်ငံရေး ပါတီတွေနဲ့ ဒီကနေ့ ရန်ကုန်မြို့ ရွှေလီလမ်းမှာရှိတဲ့ မြန်မာငြိမ်းချမ်းရေးစင်တာမှာတွေ့ဆုံပြီး ဆွေးနွေးခဲ့ကြကြောင်း RFA သတင်းဌာနမှတဆင့် သိရှိရပါတယ်။

_______________________

ဖက်ဒရယ်စနစ်ပေါ်ထွန်းလာရန် ပူပန်စရာမလိုဟု ဦးအောင်မင်းပြော

လက်ရှိဦးတည်ဆွေးနွေးနေသည့်အထဲတွင် ဖက်ဒရယ် ပြည်ထောင်စုဖြစ်ပေါ်လာရေးက ပါရှိပြီးသားဖြစ်သည့်အတွက် ဖက်ဒရယ်နှင့်ညီညွတ်သည့် ဖွဲ့စည်းပုံအခြေခံဥပဒေ၊ ပြည်ထောင်စုနှင့် ညီညွတ်သည့် တပ်မတော် ဖြစ်လာမည်ဖြစ်ပြီး ဖက်ဒရယ်ကို ရည်ညွှန်းထားသည့်အတွက် စိုးရိမ်စရာမဖြစ်ဟု ရန်ကုန်မြို့ မြန်မာငြိမ်းချမ်းရေးစင်တာတွင် နိုင်ငံရေးပါတီများနှင့် ယနေ့ တွေ့ဆုံစဉ်တွင် သမ္မတရုံးဝန်ကြီး ဦးအောင်မင်းက ပြောဆိုခဲ့ကြောင်း မဇ္ဈိမသတင်းဌာနတွင် ဖော်ပြထားပါတယ်။
______________________

ဆီးဂိမ်းလှုံ့ဆော်ရေး ဖျော်ဖြေမှုများပြုလုပ်

၄၄-နှစ်ကြာပြီးမှ ဆီးဂိမ်းအားကစားပွဲတော် အိမ်ရှင်အဖြစ် ပထမဆုံး ပြန်လည်ကျင်းပခွင့်ရတဲ့ အထိမ်းအမှတ်အဖြစ်နဲ့ ဆီးဂိမ်းလှုံ့ဆော်ရေးတွေကို ဂီတနဲ့အကတွေနဲ့အတူ ရန်ကုန်မြို့တွင် ရက် ၂ဝကြာ ကျင်းပနေကြောင်း ကမာရွတ် ရုပ်သံ မီဒီယာမှတဆင့် သိရှိရပါတယ်။