၂၀၀၈ ဖွဲ့စည်းပုံ ဥပဒေဆိုင်ရာ တိုင်းလုံးကျွတ် သဘောထား ရယူရေး ဟောပြော

နိုဝင်ဘာ ၁၁၊ ၂၀၁၃
M-Media
A.N.Lay

၂၀၀၈ ဖွဲ့စည်းပုံ အခြေခံဥပဒေဆိုင်ရာ ရန်ကုန်တိုင်းလုံးကျွတ် ပြည်သူ့ဆန္ဒ သဘောထားရယူရေး လူထုဟောပြောပွဲ ပြုလုပ်

ရန်ကုန်   ။        ။         ၂၀၀၈ ဖွဲ့စည်းပုံအခြေခံဥပဒေဆိုင်ရာ ပြည်သူ့ဆန္ဒသဘောထားရယူရေး ဟောပြောပွဲကြီးကို အမျိုးသားဒီမိုကရေစီအဖွဲ့ချုပ်မှ ရန်ကုန် တိုင်းလုံးကျွတ် သဘောထားရယူရေးအဖြစ် ဗဟန်းမြို့နယ်၊ ဗိုလ်စိန်မှန်အားကစားကွင်း၌ နိုဝင်ဘာလ ၁၀-ရက်နေ့ နေ့လည် ၃-နာရီမှ ညနေ ၆-နာရီအထိ ပြုလုပ်ခဲ့ပါသည်။

ဟောပြောဆွေးနွေးသူ ဦးကိုနီမှ “ပြည်သူလူထုကလည်း ကျွန်တော်တို့ နဲ့တစ်ထပ်တည်းရှိပါတယ် ၂၀၀၈ ဖွဲ့စည်းပုံအခြေခံဥပဒေကို မကြိုက်ဘူး ပြင်ချင်ပါတယ်။ ဒါကြောင့် ပြင်ချင်သလားဆိုတဲ့ မေးခွန်းဟာ ဖြေစရာမလိုအောင်ရှင်းနေပါတယ်။ ဒါပေမယ့် ကျွန်တော်တို့ မေးတယ်။ ဘာကြောင့်မေးရသလဲ၊ ဒါအရေးကြီးတဲ့
အချက်ပါ ၂၀၀၈ ဖွဲ့စည်းပုံအခြေခံဥပေဒေဟာ ပြင်စရာအချက်တွေသိပ်များတယ်။ အပေါက်တစ်ရာလောက် ပေါက်နေတဲ့ ပုဆိုးကို ဖာထေးဝတ်တာနဲ့ အသစ် ဝယ်ဝတ်တာဘယ်ဟာကောင်းသလဲလို့ မေးကြသလို ပြင်စရာအချက်တွေက သိပ်များတယ်။ ပြင်လို့မရအောင်လည်းခက်ခက်ခဲခဲပြဌာန်းထားတယ်။ အဲ့ဒီတော့
ပြင်ဆင်ချင်သလား အသစ်ရေးဆွဲချင်သလားမေးကြတယ်။ အသစ်ရေးဆွဲတာကပိုကောင်းတာပေါ့ဗျာ။ တိုင်းရင်းသားတော်တော်များများက အသစ်ရေးတာကို ပိုပြီးတော့သဘောကျပါတယ်။ သူတို့ကလည်း အလကားပြောနေတာမဟုတ်ဘူး သူတို့မှာလည်းအကြောင်းပြချက်ရှိတယ်။ အဲ့ဒီ အကြောင်းပြချက်ကို
ဒေါ်အောင်ဆန်းစုကြည် ပိုလန်မှာပြောခဲ့တယ်။ တိုင်းရင်းသားတွေလိုချင်တာက ဖက်ဒရယ် စနစ်ကိုလိုချင်တယ်။ ကိုယ့်ပြည်နယ်ကိုယ်အုပ်ချုပ်ခွင့် ကိုယ်ပိုင်ပြဌာန်းခွင့်ကို လိုချင် တယ်။

၂၀၀၈ ဖွဲ့စည်းပုံအခြေခံဥပေဒေက တစ်ပြည်ထောင်စနစ် မင်းတစ်ပါးတည်းက တစ်နိုင်ငံလုံးကိုအုပ်ချုပ်တဲ့ စနစ်ဖြစ်နေတယ်။ ဒီတော့ ပြည်ထောင်စု စနစ်ကိုပြောမယ် ဆိုရင် ၂၀၀၈ ကိုပြင်လို့မရဘူး၊ အသစ်ရေးမှရမယ်လို့ တိုင်းရင်းသားတွေက ပြောတယ်။ အဲ့ဒါလည်း အကျိူးအကြောင်းခိုင်လုံနေတာပဲ ရမ်းသမ်းပြောနေတာမဟုတ်ဘူး။
ကျွန်တော်တို့အချင်းချင်းလည်းအသစ်ရေးတာကောင်းတယ်လို့ပြောတဲ့လူနဲ့ ပြင်တာကောင်းတယ်လို့ ပြောတဲ့သူတွေရှိတယ်။ ကျွန်တော်တို့က ပါတီအနေနဲ့ အဖွဲ့ချုပ် တစ်ခုတည်းအနေနဲ့ လုပ်တာထက် တခြားပါတီတွေနဲ့ ညှိနှိုင်းတိုင်ပင်ပြီးတော့ ပြင်မလား သို့မဟုတ် အသစ်ရေးတာကောင်မလားဆိုတာကို ဆွေးနွေးမယ်ဆိုပြီးတော့
ဆောင်ရွက်ခဲ့ပါတယ်။ ဒီအစည်းအဝေးကို စက်တင်ဘာလ ၆-ရက်နေ့ကဆုံးဖြတ်ပါတယ်။ ၇-ရက်နေ့မှာ တိုင်းရင်းသားပါတီတွေကို ဖိတ်ကြားပြီးတော့ ဒေါ်အောင်ဆန်းစုကြည်က ပြောပါတယ်။ တိုင်းရင်းသားပါတီတွေကလည်း လာဆွေးနွေးပါမယ်လို သဘောတူပါတယ်။ ၁၄-၂၁-၂၈ ရက်နေ့ ၃-ရက်ဆွေးနွေး ပြီးပါတယ်။ တိုင်းရင်းသား ပါတီတွေ ထဲမှာလည်း တစ်ချို့က ပြင်မယ်လူနဲ့ တစ်ချို့ အသစ်ရေးဆွဲမယ်လို့ပြောတဲ့လူတွေ ရှိပါတယ်။ ၂၈-ရက်နေ့ နောက်ဆုံး အစည်းအဝေးမှာ တိုင်းရင်းသားပါတီ ၁၂-ဖွဲ့နဲ့ အဖွဲ့ချုပ်နဲ့ လုပ်တဲ့အစည်းအဝေးမှာ ဒေါ်အောင်ဆန်းစုကြည်က အဖွင့်အမှာစကားမှာ ဖွဲ့စည်းပုံအခြေခံ ဥပေဒေဆိုတာ တိုင်းပြည်တစ်ခုမှာ အရမ်းအရေးကြီးပါတယ်။ နိုင်ငံသား တစ်ဦးချင်းနဲ့လည်းဆိုင်တယ်။

ဒီတော့ ဒီဖွဲ့စည်းပုံအခြေခံဥပဒေကို ပြင်မလား အသစ်ရေးမလား ဆိုတာကိုတော့ ဒီအစည်းအဝေးမှာ လူတစ်စု ဆုံးဖြတ်တာထက် ပြည်သူလူထုကို အကျိုးအကြောင်း ရှင်းပြ ပြည်သူလူထုဆန္ဒကို ယူပြီးတော့ ဆုံးဖြတ်ရင်ပိုပြီးတော့ ကောင်းမယ်လို့ဒေါ်အောင်ဆန်းစုကြည်က အခုလို တင်ပြခဲ့ပါတယ်။ တင်ပြတာကို တက်ရောက်လာတဲ့
အဖွဲ့စည်းတွေအားလုံးက သဘောတူတဲ့အတွက် အခုလို ၂၀၀၈ ဖွဲ့စည်းပုံအခြေခံ ဥပဒေအကြောင်းကို ပြည်သူလူထုကို ရှင်းလင်းပြောပြပြီးတော့ ဆန္ဒယူတဲ့အလုပ်ကို လုပ်တာဖြစ်ပါတယ်။ တစ်ခုတော့ ကျွန်တော် ပြောချင်ပါတယ်။ ပြင်မယ့်လူနဲ့ အသစ်ရေး ဆွဲမယ့်သူ အားပြိုင်ပွဲလို့တော့မယူဆချင်ပါဘူး။ ပြင်မယ့်လူကလည်း
စာအုပ်ထဲမှာပါတဲ့အချက်တွေကို မကြိုက်လို့ပြင်မှာပါ။ အသစ်ရေးမယ့်လူကလည်း ဒါတွေကိုမကြိုက်လို့ အသစ်ရေးမှာပါ။ဒါကြောင့်လွတ်လွတ်လပ်လပ်ဆန္ဒပေးလို့ ရပါတယ်။

ဖွဲ့စည်းပုံအခြေခံဥပဒေဆိုတာ ဘာလဲလို့မေးရင် ဖွဲ့စည်းပုံအခြေခံဥပဒေဆိုတာ တိုင်းပြည်ကိုအုပ်ချုပ်မင်းလုပ်မယ့် အစိုးရမင်းများလိုက်နာဖို့ လူထုက ရေးတဲ့ဥပဒေ အဲ့ဒါဟာ ဖွဲ့စည်းပုံအခြေခံဥပဒေပါပဲလို့ပြောပါတယ်။ အဲ့ဒီလို လူထုကရေးပြီး အစိုးရမင်းများလိုက်နာရမယ့် ဥပဒေဟာ ကမ္ဘာပေါ်မှာရှိတဲ့ နိုင်ငံတိုင်းမှာတော့မရှိပါဘူး။ အာဏာရှင် အုပ်ချုပ်တဲ့ နိုင်ငံတွေမှာ ဒီလိုဖွဲစည်းပုံဥပဒေမရှိပါဘူး။ ဘယ်လိုနိုင်ငံတွေမှာရှိလဲဆိုရင် ပြည်သူလူထု ရွှေးချယ်တင်မြောက်တဲ့ အစိုးရမင်းများက ပြည်သူ့ဆန္ဒ နဲ့အညီ အုပ်ချုပ်တဲ့ ဒီမိုကရေစီနိုင်ငံတွေမှာသာ ဖွဲ့စည်းပုံအခြေခံဥပေဒေဆိုတာရှိပါတယ်”လို့ပြောကြားခဲ့ပါသည်။

ဆက်လက်ပြီး ၂၀၀၈ ဖွဲ့စည်းပုံအခြေခံဥပဒေကို ပြည်သူ့ဆန္ဒနဲ့အညီ ဒေါက်တာ စိုးဝင်းဦးက အသစ်ပြန်လည်ရေးဆွဲမလား သို့မဟုတ် ပြန်ပြင်ဆင်မလား ဆိုပြီး ကောက်ခံရတွင် ပြည်သူလူထု အများစုက ပြန်လည်ပြင်ဆင်ရေးအတွက် ၉၉% ကျော်ထောက်ခံခဲ့ကြပြီး အသစ်ပြန်လည် ရေးဆွဲရာတွင် ၁%ကျော်သာထောက်ခံခဲ့ပြီး ၎င်း ကောက်ခံမှု ၎င်း အခမ်းအနား၏ သဘာပတိဖြစ်တဲ့ ဦးတင်ဦးမှ အတည်ပြုပေးခဲ့ကြောင်းနှင့် အခမ်းအနားကို တက်ရောက်သူဦးရေမှာ ၆၀၀၀ ကျော် ရှိကြောင်း သိရှိရပါသည်။

ဓါတ်ပုံများကို FB တွင် ကြည့်လိုလျှင် Click Here