တောင်ကြီးမြို့ မြို့မဈေးကြိးအနီး မီးလောင်မှုဖြစ်ပွား

နိုဝင်ဘာ ၁၁၊ ၂၀၁၃
M-Media
ကျောက်ခဲ

တောင်ကြီး ။ ။ ရှမ်းပြည်နယ်တောင်ပိုင်း တောင်ကြီးမြို့၊ မြို့မဈေးကြီး အနောက်ဘက်တွင် ယနေ့ နိုဝင်ဘာ ၁၁-ရက် ည ၉-နာရီမီးလောင်ကျွမ်းမှု တစ်ခုဖြစ်ပွားခဲ့ပါတယ်။

တောင်ကြီးမြို့ မြို့မဈေးကြီးအနောက်ဘက်၊ ဈေးမျက်နှာချင်းဆိုင်ရှိ လှသီရိ ဖန်စီပစ္စည်းရောင်းဝယ်ရေးဆိုင် မီးလောင်ကျွမ်းမှုဖြစ်ပွားခဲ့ခြင်းဖြစ်ပါတယ်။

အဆိုပါ မီးလောင်ကျွမ်းရာသို့ မီးသတ်ကားတစ်စီးစတင်ရောက်ရှိလာခဲ့သော်လည်း အနည်းငယ်သာ ရေပက်ဖြန်းပြီးချိန် ရေကုန်သွားခဲ့သဖြင့် နီးစပ်ရာ မြို့မဈေးကြီးအတွင်းမှ မီးသတ်ဗူးများကို ထုတ်ယူငြိမ်းသတ်ခဲ့ရပြီးနောက် မီးတောက်များ ထပ်မံပေါ်ထွက်လာပြီး ၁၅-မိနစ်ခန့် ကြာချိန်မှသာ ရေကားတစ်စီး ထပ်မံရောက်ရှိလာကာ မီးငြိမ်းသတ်ခဲ့ရပါတယ်။

ယင်းမီးလောင်ရာသို့ မီးသတ်ကား ၂-စီးနှင့် ရေကားတစ်စီး ရောက်ရှိလာပြီး ည ၁၀-နာရီခန့်တွင် အပြီးတိုင် မီးငြိမ်းသတ်နိုင်ခဲ့ပါတယ်။

၎င်း မီးလောင်ကျွမ်းမှုမှာ ၀ါယာရှော့ခ်ဟု ယူဆရသော်လည်း မီးစတင်လောင်ကျွမ်းမှုအား အတိအကျ မသိရှိရသေးပဲ စုံစမ်းလျက် ရှိပါတယ်။