လူမည်းမုန်းတီးသူ လူဖြူကြီးစိုးရေး ခေါင်းဆောင်တဦး DNA စစ်ကြည့်ရာ လူမည်းသွေး ၁၄% ပါရှိကြောင်းတွေ့ရှိရ

နိုဝင်ဘာ- ၁၂ ၂၀၁၃
M-Media

လူဖြူ သီးသန့်မြို့ကို တည်ထောင်လိုသည့် လူမျိုးရေး ခွဲခြားသူ တစ်ဦးမှာ အာဖရိက နွယ်ဖွားဖြစ်ကြောင်း တွေ့ရှိရ

အမေရိကန်ပြည်ထောက်စု မြောက်ဒါကိုတာ ပြည်နယ်ရှိ မြို့ငယ်တစ်မြို့အား လူဖြူများနေထိုင်သည့် မြိုတစ်မြို့အဖြစ် ပြုလုပ်ချင်သည့် လူဖြူ လူမျိုးကြီးဝါဒီ ကာရေ့ဂ်ျကော့ဘ်၏ DNA အား ဓာတ်ခွဲကြည့်ရာ လူမည်းသွေးဖြစ်သည့် Sub-Saharan အာဖရိကသွေးပါသူတစ်ဦးဖြစ်ကြောင်း သိရသည်။

အသက် ၆၂ နှစ်အရွယ်ရှိ ကော့ဘ်မှာ NBC ရုပ်သံမှ တင်ဆက်သည့် The Trisha Goddard Show အစီအစဉ်တွင် ပါဝင်လာခဲ့ပြီး ဓာတ်ခွဲစမ်းသပ်မှုများအရ ၎င်း၏ DNA ၁၄ ရာခိုင်နှုန်းမှာ Sub-Saharan အာဖရိကသွေးဖြစ်ပြီး ၈၆ ရာခိုင်နှုန်းမှာ ဥရောပသွေးဟု ပြသနေကြောင်း ၎င်းကိုယ်တိုင် ၀န်ခံခဲ့သည်။

သို့ရာတွင် ကော့ဘ်က ထိုရလဒ်အား ငြင်းပယ်ခဲ့ကာ ကိန်းဂဏန်းအရ တွက်ချက်မှု တစ်ခုသာဖြစ်ပြီး ဆီနှင့် ရေမှာ ရောစပ်၍မရဟု ထည့်သွင်း ပြောကြားခဲ့သည်။ အစီစဉ်တင်ဆက်သူ Goddard က “ရှင့်မှာ လူမည်းသွေး နည်းနည်းပါတယ်လေ” ဟု ပြောကြားခဲ့သော်လည်း ကော့ဘ်က လက်မခံဘဲ နှစ်ကြိမ်တိုင်တိုင် ခုခံပြောဆိုခဲ့သည်။

“ဒီရလဒ်ကိုကျွန်တော်လက်ခံပါတယ်။ ဘာ့ကြောင့်လဲဆိုတော့ သိပ္ပံစမ်းသပ်ချက်တစ်ခုဖြစ်တယ်လို့ ကျွန်တော်ယူဆလို့ပါ” ဟု ထိုအစီစဉ်ပြီးနောက် Daily Mail သတင်းစာသို့ ကော့ဘ်က ပြောကြားခဲ့သည်။ သို့သော်လည်း ၎င်း၏ယုံကြည်ချက်မှာ ပြောင်းလဲသွားလိမ့်မည် မဟုတ်ကြောင်း ၎င်းက ထည့်သွင်းပြောကြားခဲ့သည်။

“ကျွန်တော့်မှာ လူမည်းသွေးပါပေမယ့်၊ ကျွန်တော်တို့ ဒါမျိုးကို နောက်ထပ်  အလိုမရှိတော့ပါဘူး”

Ref: RT.News