နိုဝင်ဘာ ၁၂၊ အားကစားသတင်း စုစည်းမှု

နိုဝင်ဘာ ၁၂၊ ၂၀၁၃
M-Media

ကမ္ဘာ့ဖလား လုံခြုံရေးနှင့် ပက်သက်ပြီး သြစတေးလျစိုးရိမ်

လာမည့်နှစ်တွင် ဘရာဇီးနိုင်ငံတွင်ကျင်းပမည့် ကမ္ဘာ့ဖလားဘောလုံးပြိုင်ပွဲ၏ လုံခြုံရေးနှင့်ပက်သက်၍ စိုးရိမ်မိပြီး၊ ထိုကိစ္စအား ဆောင်ရွက်ရန်မှာ ဘရာဇီးလ်နိုင်ငံ အတွက် စိန်ခေါ်မှုတစ်ခုဖြစ်လာမည်ဟု သြစတေးလျ ဘောလုံးအဖွဲ့ချုပ်၏ တာဝန်ရှိသူများက ယနေ့တွင် ပြောကြားလိုက်သည်။

ပြီးခဲ့သည့် တစ်ပါတ်က မြို့တော် ရီယိုဒီဂျနေရိုးတွင် ကျင်းပြုလုပ်ရန် စီစဉ်ထားသည့် Soccerex ကမ္ဘာ့ ဘောလုံးညီလာခံကို နိုင်ငံအတွင်းမငြိမ်သက်မှုများကြောင့် ဖျက်သိမ်းရန် အစိုးရက ဆုံးဖြတ်ပြီးနောက်ပိုင်း၊ ၂၀၁၄ ဇွန်လတွင် ပြုလုပ်မည့် ကမ္ဘာ့ဖလားပြိုင်ပွဲအား ဘရာဇီးလ်အနေဖြင့် ဘေးကင်းစွာ ကျင်းပနိုင်မည့်စွမ်းရည်နှင့် ပက်သက်ပြီး စိုးရိမ်စိတ်မှာ မြင့်တက်လာခဲ့သည်။

နိုင်ငံ၏ မြို့တော် ရီယိုဒီဂျနေရိုးနှင့် ဆော်ပေါ်လိုမြို့များတွင် အစိုးရ၏ ချစားမှုများနှင့် ၂၀၁၄ ကမ္ဘာ့ဖလားနှင့် ၂၀၁၆ အိုလံပစ်ပြိုင်ပွဲများ ကျင်းပရန်အတွက် ဒေါ်လာ သန်း သောင်းချီသုံးစွဲမှုများအား ဆန့်ကျင်သည့် ဆန္ဒပြပွဲများမှာ ပြီးခဲ့သည့် လအနည်းငယ်မှစ၍ မကြာခဏဖြစ်ပေါ်နေသည်။

ထို့ကြောင့် တစ်လတာကြာမြင့်မည့် ပြိုင်ပွဲကာလအတွင်း လာရောက်ယှဉ်ပြိုင်ကြမည့် ဘောလုံးသမားများ၏ ဘေးကင်းလုံခြုံမှုအတွက် စီစဉ်ထားရှိသော လုံခြုံရေး အစီအမံများအပေါ် သြစတေးလျအစိုးရအနေဖြင့် စိုးရိမ်နေကြောင်း သြစတေးလျ ဘောလုံးအဖွဲ့ချုပ်၏ အကြီးအကဲ ဒေးဗစ်ဂါလော့ပ်က ၀န်ခံပြောကြားခဲ့သည်။

Channelnewsasia
_______________________

လီဗာပူးလ်တွင် ကစားခဲ့သည့်တစ်လျှောက် ယခုအချိန်မှာ အသင်း၏ အကောင်းဆုံးအချိန်ဖြစ်သည့်ဟု ဂျွန်ဆင်ဆို

၂၀၀၉ ခုနှစ်က လီဗာပူးလ်အသင်းသို့ပြောင်းရွှေ့လာကတည်းက အသင်း၏ ကစားပုံမှာ ယခုအချိန်တွင် အကောင်းဆုံးဖြစ်နေသည်ဟု အင်္ဂလက်ရွေးစင် နောက်ခံလူ ဂလင်းဂျွန်ဆင်က ပြောကြားလိုက်သည်။

ထိုပြင် အသင်းအနေဖြင့် အရည်အသွေးကောင်းများဖြင့်ပြည်ဝနေပြီး အာဆင်နယ်နှင့်ပွဲတွင် တွေ့ခဲ့ရသည့်အရှုံးမှ ပြန်လည်ခေါင်းထောင်လာနိုင်သည့် အသင်း၏ စွမ်းရည်အား ချီးကျူးပြောဆိုခဲ့သည်။

“အရင်တုန်းက ကျွန်တော်တို့မှာ ကစားသမားကောင်းတွေရှိခဲ့ပါတယ်။ ဒါပေမယ့် လူစာရင်းနဲ့ ပွဲထွက်ကစားသမား ၁၁ ယောက်ကတော့ ကျွန်တော်အသင်းမှာ စကစား ခဲ့တဲ့ သက်တမ်းတစ်လျှောက် အခုအချိန်ဟာ အကောင်းဆုံးပဲလို့ ကျွန်တော်ထင်ပါတယ်” ဟု ဂျွန်ဆင်၏ ပြောကြားမှုကို အသင်း၏ ၀ဘ်ဆိုဒ်တွင် ဖော်ပြထားသည်။

ဂျွန်ဆင်မှာ လီဗာပူးလ်အသင်းသို့ရောက်ရှိပြီးနောက် လေးနှစ်တာကာလအတွင်း နည်းပြလေးဦး၏လက်အောက်တွင် ကစားခဲ့ရသော ကစားသမားတစ်ဦးဖြစ်သည်။

လီဗာပူးလ်အသင်းမှာ ပြီးခဲ့သည့် စနေနေ့က ဖူလ်ဟမ်အသင်းအား ၄ ဂိုး ဂိုးမရှိဖြင့် အနိုင်ရရှိခဲ့ပြီး အမှတ်ပေးဇယားတွင် ဦးဆောင်သူ အာဆင်နယ်အသင်းထက် နှစ်မှတ် လျော့ဖြင့် ဒုတိယနေရာတွင်ရှိနေသည်။

Goal
_______________________

ATP World Tour Finals ချန်ပီယံဘွဲ့အား ဂျိုကိုဗစ်ကာကွယ်

လန်ဒန်တွင် ကျင်းပခဲ့သည့် ယခုနှစ် ATP ရာသီပိတ်တင်းနစ်ပြိုင်ပွဲတစ်ခုဖြစ်သည့် ATP World Tour Finals တင်းနစ်ပြိုင်ပွဲ နောက်ဆုံးဗိုလ်လုပ်ပွဲကို ယမန်နေ့က ကျင်းပပြုလုပ်ခဲ့ရာ ဆားဘီးယားတင်းနစ်သမား ဂျိုကိုဗစ်က စပိန်တင်းနစ်သမား ရာဖေးလ် နာဒယ်အား အနိုင်ရဗိုလ်စွဲခဲ့သည်ဟု သိရသည်။

လက်ရှိ ကမ္ဘာ့အဆင် ၂ ရှိ ဂျိုကိုဗစ်မှာ လက်ရှိချန်ပီယံလည်းဖြစ်ပြီး ကမ္ဘာ့အဆင့် ၁ နာဒယ်အား ၆-၃၊ ၆-၄ ဖြင့် နှစ်ပွဲပြတ်အနိုင်ရရှိခဲ့ကာ ချန်ပီယံဘွဲ့ကို ကာကွယ် နိုင်ခဲ့သည်။

ယခုပွဲဗိုလ်စွဲနိုင်ခဲ့မှုမှာ ဂျိုကိုဗစ်၏ ကစားသမားသက်တမ်း ၂၂ ခုမြောက်အောင်ပွဲ ဖြစ်ပြီး၊ ဘေဂျင်း၊ ရှန်ဟိုင်းနှင့် ပဲရစ်အိုးပင်းတို့တွင် ဗိုလ်စွဲခဲ့ပြီးနောက် ယခုနှစ်အတွင်း ပြိုင်ပွဲလေးခုအား ဆက်တိုက် ဗိုလ်စွဲနိုင်ခဲ့ခြင်းလည်းဖြစ်သည်။

“တင်းနစ်ကွင်းထဲမှာတော့ ကျွန်တော်တို့တစ်ယောက်တည်းကစားနေတာကို ခင်ဗျားတို့မြင်ရမှာပါ။ ဒါပေမယ့် တကယ့်အောင်မြင်မှုက ကျွန်တော်တို့နောက်ကွယ်မှာ ရှိတဲ့(အသင်းက) လူတွေဆီကလာတာပါ” ဟု ဂျိုကိုဗစ်က နည်းပြအဖွဲ့၏ အရေးပါမှုကို ပွဲအပြီးတွင်ပြောကြားသွားခဲ့သည်။

Skysports
_______________________

တားမြစ်ဆေးပြဿနာကြောင့် စပိန်တင်းနစ်မယ်တစ်ဦး ၂ နှစ်ပွဲပယ်ပြစ်ဒဏ်ခံရ

စပိန်အမျိုးသမီးတင်းနစ်မယ်တစ်ဦးဖြစ်သူ နူရီယာ လာဂိုစ်တီရာ ဗိုက်စ်မှာ တားမြစ်ဆေးဝါးပြဿနာကြောင့် တင်းနစ်ကစားခွင့် ၂ နှစ် ပိတ်ပင်ခံခဲ့ရသည်ဟု သိရသည်။

အသက် ၃၃ နှစ်အရွယ်ရှိပြီဖြစ်သည့် နူရီယာမှာ ပြီးခဲ့သည့် ဂျူလိုင်လက အမေရိကန်ပြည်ထောင်စု စတန်းဖို့ဒ်တွင် ကျင်းပပြုလုပ်ခဲ့သော Bank of the West Classic တင်းနစ်ပြိုင်ပွဲတွင် တားမြစ်ဆေးဝါးတစ်ခုဖြစ်သည့် d-methamphetamine သုံးစွဲကြောင်း တွေ့ရှိရ၍ ယခုကဲ့သို့ ကစားခွင့်ပိတ်ပင်ခံခဲ့ရခြင်းဖြစ်သည်။

နိုင်ငံတကာ တင်းနစ်အဖွဲ့ချုပ်မှ ထုတ်ပြန်သောအစီရင်ခံစာတွင် လွတ်လပ်သောကြားနာမှုတစ်ခုကို ပြုလုပ်ခဲ့ပြီး၊ ထိုကြားနားမှုတွင် နူရီယာ အနေဖြင့် ၎င်း၏ ခန္ဓာကိုယ် ထဲသို့ d-methamphetamine ဆေးဝါး မည်ကဲ့သို့ ၀င်ရောက်ခဲ့သည်ကို ရှင်းမပြနိုင်ခဲ့ကြောင်း၊ ထို့ကြောင့် ယခုကဲ့သို့ ပြစ်ဒဏ်ချမှတ် ခဲ့ခြင်းဖြစ်ကြောင်း ရေးသား ဖော်ပြခဲ့သည်။

Skysports
_______________________