နိုင်ငံရေးအကျဉ်းသား (၆၉) ဦး သမ္မတဦးသိန်းစိန် အမိန့်ဖြင့် လွှတ်ပေး

နိုဝင်ဘာ- ၁၅ ၂၀၁၃
M-Media

နိုင်ငံတော်သမ္မတ ဦးသိန်းစိန်၏ အမိန့်ဖြင့် အကျဉ်းထောင် အသီးသီးမှ နိုင်ငံရေးအကျဉ်းသား (၆၉) ဦးကို လွတ်ငြိမ်းချမ်းသာခွင့်ပေးလိုက်ကြောင်း သတင်းရရှိသည်။

လူသားချင်းစာနာထောက်မှုကို အလေးထားသော အားဖြင့် လည်းကောင်း၊ နိုင်ငံတော်၏ မေတ္တာနှင့် စေတနာကို နားလည်ပြီး နိုင်ငံတော် တည်ဆောက်ရေးတွင် တစ်ဖက် တစ်လမ်းမှ အထောက်အကူပြု ပါဝင်နိုင်ရန်အတွက် လည်းကောင်း၊  နိုင်ငံရေး အကျဉ်းသားများ စိစစ်ရေး ကော်မတီမှ ထောက်ခံတင်ပြခဲ့သည့် အကျဉ်းသား (၆၉)ဦး အား လွှတ်ပေးခဲ့ခြင်းဖြစ်သည် ဟု ကြေညာချက်တွင် ပါရှိသည်။

ယခင်စစ်အစိုးခေတ် တလျောက်လုံးနှင့် ဦးသိန်းစိန်အစိုးရ တက်လာပြီ အစောပိုင်းကာလများတွင် နိုင်ငံအကျဉ်းသားဆိုသည့် အသုံးအနှုန်းကို ငြင်းဆန်ခဲ့ပြီး နိုင်ငံရေးအကျဉ်းသားမရှိကြောင်း ပြောခဲ့ရာမှ ယခုအခါ နိုင်ငံရေးအကျဉ်းသား ဆိုသည့် အသုံးအနှုန်းကို တရားဝင် သုံးစွဲလာကြောင်း လေ့လာတွေ့ရှိရသည်။

လွတ်မြောက်လာသော နိုင်ငံရေးအကျဉ်းသား (၆၉)ဦးမှာ
အင်စိန် အကျဉ်းထောင်မှ ၃ ဦး
မန္တလေး အကျဉ်းထောင်မှ ၁၀ ဦး
မြင်ခြံ အကျဉ်းထောင်မှ ၃ ဦး
သာယာဝတီ အကျဉ်းထောင်မှ ၂ ဦး
တောင်ငူ အကျဉ်းထောင်မှ ၆ ဦး
ရွှေဘို အကျဉ်းထောင်မှ ၄ ဦး
မုံရွာ အကျဉ်းထောင်မှ ၂ ဦး
ပုသိမ် အကျဉ်းထောင်မှ ၁ ဦး
သထုံ အကျဉ်းထောင်မှ ၁ ဦး
အင်္ဂဘို ရဲဘက်စခန်းမှ ၁ ဦး
ဗန်းမော် အကျဉ်းထောင်မှ ၂ ဦး
မြစ်ကြီးနား အကျဉ်းထောင်မှ ၅ ဦး
သီပေါ အကျဉ်းထောင်မှ ၃ ဦး
ကျိုင်းတုံ အကျဉ်းထောင်မှ ၁ ဦး
ကျောက်ဖြူ အကျဉ်းထောင်မှ ၁၀ ဦး
သံတွဲ အကျဉ်းထောင်မှ ၄ ဦး
ဘူးသီးတောင် အကျဉ်းထောင်မှ ၂ ဦး၊
စစ်တွေ အကျဉ်းထောင်မှ ၉ ဦး အသီးသီးဖြစ်ကြသည်။

ကျန်ရှိနေသော နိုင်ငံရေးအကျဉ်းသားများ အားလုံး ၂၀၁၃ ခုနှစ် ဒီဇင်ဘာ မကုန်မီ လွတ်မြောက်နိုင်ရေးအတွက်  နိုင်ငံရေး အကျဉ်းသားများ စိစစ်ရေး ကော်မတီက ဆက်လက်ဆောင်ရွက်သွားမည်ဟု သိရသည်။

ကိုးကား: mov.gov.mm