အမုန်းမီးပွားကို အငြိုး မီးတောက် မဖြစ်စေဖို့ (သူ့အတွေး သူ့အမြင်)

နိုဝင်ဘာ ၁၆ ၂၀၁၃
ကောင်းလွန်း

စဉ်းစားကြည့်ရအောင်ပါ..။ ဒီရက်ပိုင်း အတွင်းမှာ OIC အဖွဲ့  အစည်းက ကိုယ်စားလှယ်တွေ မြန်မာနိုင်ငံကို လာရောက်လည်ပတ်ဖို့  ရှိတယ်..။ နိုင်ငံအစိုးရနဲ့   သဘောတူညီမှု ရပြီးပြီ.။ အဲဒီအချိန်မှာ ဆန္ဒပြဖို့   စာတင်တယ်..။ ခွင့်ပြုတယ်..။ ပြပေါ့.. ။ ဘာကို ဆန္ဒပြမှာလဲ.. OIC ကို မကြိုက်ကြောင်း ဆန္ဒပြမှာ။ ကမ္ဘာဂြိုဟ် ပေါ်က ကုလသမဂ္ဂ အဖွဲ့  ၀င် နိုင်ငံ တစ်နိုင်ငံကို ကိုယ်စားလှယ် အဖွဲ့  တဖွဲ့   လာတာကို မကြိုက်ရင် မကြိုက်ကြောင်း ဆန္ဒပြလို့   ရပါတယ်..။ OIC ဆိုတာ ကိုးကွယ်ရာ ဘာသာတရား တစ်ခုမဟုတ်ပါဘူး..။ အဖွဲ့  အစည်း တစ်ခုဆိုတာ ကိုပဲ မြင်ရမှာပါ..။ OIC ကို မကြိုက်တာနဲ့   ကိုယ်နဲ့  မတူတဲ့ ကိုးကွယ်ရာ ဘာသာတရားကို ကျူးကျူးလွန်လွန် စော်စော်ကားကားရေးထားတဲ့ စာတန်းတွေကို သံဃာတော်တွေက ကိုင်ဆောင်ပြီး ဆန္ဒပြတာကတော့ အင်တာနက် ကတဆင့် တကမ္ဘာလုံးကို ရောက်သွားပါပြီ..။ ပျံ့  နှံ့ သွားပါပြီ..။ facebook, twitter, youtube, CNN, BBC,CBS စတဲ့ ကမ္ဘာ့ သတင်းဌာန အသီးသီးကို မိနစ်မဆိုင်းပဲ ရောက်သွားခဲ့ပါပြီ။ မကြာခင် နာမည်တစ်ခု ဘွဲ့  တစ်ခု ကမ္ဘာက ချီးမြှင့်ပါလိမ့်ဦးမယ်.။ အဲဒီလို ချီးမြှောက်ခံရတာ ကောင်းတယ် လို့  ယူဆရင်လဲ ကိုယ့် သဘောပါပဲ..။

ဒီကိစ္စနဲ့    တပြိုင်တည်း တိုက်ဆိုင်မှု တစ်ခုက လက်ပတောင်းတောင်နားမှာ အင်အားသုံးပြီး နှိမ်နင်းတဲ့ ကိစ္စပါ။ ဖြစ်ရပ်ကလည်း စစ်ဆင်ရေး တစ်ရပ်လို ညတိုက်ပွဲပါပဲ..။ ပစ်ဟယ်ခတ်ဟယ် အထိ ဖြစ်ပါတယ်..။ ဒါဟာ ကြိုတင် အမိန့်  ရထားပြီး.. ကြိုတင် ဗျူဟာ ချထားပြီး ဖြစ်တယ်ဆိုတာ သေချာပါတယ်..။ ပစ်လို့  ခတ်လို့  ဒဏ်ရာ ရတဲ့ လူနာတွေကို ဆေးရုံ ဆေးခန်းရှိရာ သယ်ယူခွင့် ဆေးကုသခွင့် အသက်ရှင်ခွင့် ပေးရပါမယ်..။ ဒါဟာ ဘယ်ကွန်ဗင်ရှင်း ကိုမှ သိထားစရာ မလိုတဲ့ လူ့  ကျင့်ဝတ်ပါ..။ လူလူချင်း စာနာ ထောက်ထားတဲ့ ကျင့်ဝတ်ပါ..။ (မဖြိုခွဲရင် မဖြစ်တော့လို့  ) သေနတ်လက်နက် နဲ့  ကျည်ဆန်တွေ သုံးပြီး ဖြိုခွင်း ရှင်းလင်း ရပါတယ် ဆိုရင်လဲပဲ လုပ်ပါ.. ဒါပေမယ့် စစ်တိုက်နေကျ စစ်သားတွေ လဲမဟုတ် လက်နက်ကိုင် တော်လှန်နေတဲ့ စစ်ပညာ ကျွမ်းကျင်တဲ့ တိုက်ခိုက်ရေးသမားတွေလဲ မဟုတ်ကြတဲ့ အရပ်သား တွေကို သေနတ်ကိုင်ပြီး (အနည်းနဲ့  အများ) လေ့ကျင့်ထားတဲ့ လက်နက်ကိုင်တပ်ဖွဲ့  က ပစ်တဲ့ ခတ်တဲ့ အခါမှာ ထိကြ မှန်ကြ ဒဏ်ရာရကြ သေကြ ကျေကြ ဆိုတဲ့ casualty ရှိမှာပါပဲ..။ အဲဒီ ကျည်ဆန်ထိမှန် ဒဏ်ရာ ရထားသူများဟာ လူတွေ ဖြစ်ကြပါတယ်..။ အရပ်သားတွေဖြစ်ကြပါတယ်..။ ဆန့်  ကျင်သူတွေ မှန်ပေမယ့်  သူတို့  ဟာ သူတို့  ရဲ့  အခွင့်အရေး အတွက် ဆန့်  ကျင်ကြခြင်းသာ ဖြစ်ပါတယ်..။ အစိုးရရဲ့  လက်နက်ကိုင် တပ်ဖွဲ့  ကို တိုက်ခိုက် အနိုင်ယူဖို့   အစိုးရ တပ်ဖွဲ့  တွေကို ဖယ်ရှားပြီး သူတို့  တပ်ဖွဲ့  တွေ ခြေကုပ်ယူဖို့  ဆိုတာမျိုး မဟုတ်ပါဘူး..။

အကြောင်း အရာ တစ် နဲ့  နှစ်  တို့  ရဲ့  ဖြစ်စဉ်တွေဟာ ဘာကြောင့် ဒီအချိန် ဒီရက် (ယ..ရက်.. န..နာရီ) မှာ ဖြစ်ကြရတာလဲ.။ ဘာကို ရည်ရွယ်ပါသလဲ..။ ဖြစ်စဉ် အမှန် ကို မြင်အောင် ဝေးဝေး အထိ လှမ်းကြည့်ပြီး သုံးသပ်ဖို့  လိုပါမယ်..။ဘာသာ သာသနာ ဆိုတာ Sensitive Issue (သည်းခြေခိုက် ဆတ်ဆတ်ထိမခံတဲ့) ကိစ္စဖြစ်ပါတယ်..။ ကိုးကွယ်ယုံကြည်ရာ ဘာသာတစ်ခုက နောက်ထပ် ကိုယ်နဲ့  အယူအဆ မတူတဲ့ ဘာသာတစ်ခုကို စော်ကားပြောဆိုမယ် ဆိုရင် သေချာပေါက် ပြသနာ ဖြစ်နိုင်တဲ့ အခြေအနေပါ..။ မီးပွားပါ..။ ဒီမီးပွားကို သေသေချာချာ မငြှိမ်းသတ်နိုင်ခဲ့ရင် တော်တော်ဆိုးတဲ့ မီးတောက်မီးလျှံကြီး ဖြစ်လာပါလိမ့်မယ်..။ ဦးနှောက် ရှိပြီး ကလိန်ကျတတ်သူများက နောက်က စီစဉ်ပြီး မီးမွှေးပေးနေပါတယ်..။ ဦးနှောက်သာ ရှိပြီး အသိဥာဏ် နည်းပါးသူများက မီးတုတ်တွေကိုင်ပြီး ရှေ့  ထွက် လာကြပါတယ်..။ “မီးတုတ် .. မီးတုတ်.. ရှို့  ရှို့   ဆိုတာ ဟိုးးး ရှေး ပါလီမန်ခေတ်မတိုင်ခင်က စကားပါ..။ အခုထိလည်း အဲဒီ အဆင့်မှာရှိနေတုန်းပါပဲ..။ မီးတုတ်ကိုင်မယ်.. မီးရှို့  မယ်.. မီးသတ်ကားလာရင် တားမယ် ရန်လုပ်မယ်.. ဆိုတာတွေက ဆက်တိုက် ဖြစ်ခဲ့ တဲ့ ဆင်တူ ဖြစ်ရပ်တွေပါ..။ အကြံတူ ဥာဏ်တူ ဗျူဟာတူ (တစ်ခုတည်း လို့  တောင်ပြောလို့  ရပါတယ်..။) တွေချည်းပါပဲ..။ အခုလည်း အလားတူ ဆင်တူ ဖြစ်ရပ်မျိုး ဖြစ်လာအောင် စတင် နေပါပြီ..။ လောင်လို့  အားရလို့  မီးသွေးဖြစ်သွားခဲ့ပေမယ့်.. ပြာဖုံး နေတဲ့ မီးခဲ တွေ ကျန်နေပါသေးတယ်..။ အခု လေတိုက်လာပါပြီ..။ အဲဒီ ဖုံးနေတဲ့ ပြာတွေကို ဖယ်ရှားပြီး အားပြင်းပြင်းနဲ့  နောက်ထပ် လောင်ကျွမ်းစေဦးမယ့် အမုန်းမီး ကို ပျိုး နေကြပြန်ပါပြီ.။။ တိုက်ဆိုင်မှု တွေကို သတိထားမိကြမယ် ဆိုရင် တော့ မင်းကြီးတာက ထွက်လာတဲ့ ရွှေသမင်ကို မြင်ကြရမှာပါ..။