၂၀၁၀-၂၀၁၃ ခုနှစ်အတွင်း လူပေါင်း ၈၄၂ သန်း ငတ်မွတ်ခြင်း ခံစားရ

နိုဝင်ဘာ-၁၈ ၂၀၁၃
M-Media

၂၀၁၀-၂၀၁၃ ခုနှစ်အတွင်း ကမ္ဘာ့လူဦးရေရဲ့ ၁၂ ရာခိုင်နှုန်းအထိ နေ့စဉ်အာဟာရလိုအပ်ချက် မဖြည့်ဆည်းနိုင်ခဲ့ပါ။

၂၀၁၀-၂၀၁၃ ခုနှစ်ကာလအတွင်း ကမ္ဘာတစ်ဝှန်းက လူပေါင်း ၈၄၂ သန်းခန့်ဟာ အစာအာဟာရချို့တဲ့မှုဒဏ် ခံစားကြရတယ်လို့  ကုလသမဂ္ဂရိက္ခာနဲ့ စိုက်ပျိုးရေးအဖွဲ့ Agriculture Organization of the United Nations (FAO) က ခန့်မှန်းထားပါတယ်။

ခန့်မှန်းခြေအားဖြင့် ၂၀၁၁-၂၀၁၃ ခုနှစ်အကြား ကမ္ဘာပေါ်ရှိ လူ ၈ ယောက်မှာ တစ်ယောက်နှုန်း ကာလရှည်ငတ်မွတ်မှု နဲ့ ရှင်သန်ခြင်းအတွက် ပုံမှန်ရိက္ခာ လုံလောက်စွာ မရရှိမှုကို ခံစားနေခဲ့ကြရကြောင်း FAQ ကထုတ်ပြန်တဲ့ State of Food Insecurity(2013) အစီရင်ခံစာထဲ တင်ပြခဲ့တယ်။

ဒီကိန်းဂဏန်းက ၂၀၁၀-၂-၁၂ ကာလ ၈၆၈ သန်းထက် ဦးရေလျော့ကျသွားပါတယ်။ ၁၉၉၀-၁၉၉၂ ကာလကစပြီး အာဟာရချို့တဲ့မှုခံစားနေရသူ အရေအတွက်စုစုပေါင်းရဲ့ ၁၇ ရာခိုင်နှုန်း ကျဆင်းသွားတာပါ။

အာဖရိကမှာ အာဟာရချို့တဲ့မှုအမြင့်မားဆုံး ဖြစ်ပေါ်နေဆဲပါပဲ။ လက်ရှိနှစ်များအတွင်း အားရဖွယ်မရှိတဲ့ တိုးတက်မှုနဲ့အတူ လူငါးဦးလျှင် တစ်ဦးနှုန်း အာဟာချို့တဲ့မှု ခံစားနေရတယ်လို့ ခန့်မှန်းသုံးသပ်မှုများက ဆိုပါတယ်။

အာဖရိကတိုက်ရဲ့ သဲကန္တာရရပ်ဝန်းဒေသဟာဖြင့် အာဟာရချို့တဲ့နှုန်း အမြင့်မားဆုံးဖြစ်ပေါ်ဆဲ အဆင့်မှာ ရှိနေတယ်။ တစ်ချိန်တည်းမှာပဲ အာရှတိုက် အနောက်ပိုင်းမှာ တိုးတက်မှု မရှိသလို အာရှတိုက်တောင်ပိုင်းနဲ့မြောက်ပိုင်းမှာတော့ တိုးတက်မှုကို တွေ့ရပါတယ်။

အာဟာရချို့တဲ့မှုဟန့်တားနိုင်ရေး နဲ့ ခန့်မှန်းဦးရေတို့ကို သိသိသာသာ လျှော့ချနိုင်ခဲ့တာကတော့ အာရှတိုက်အရှေ့ပိုင်းနဲ့ အရှေ့တောင်ပိုင်းနိုင်ငံများ ဖြစ်ကြပါတယ်။ လက်တင် အမေရိကမှာလည်း အလားတူ ရလဒ်မျိုး ရှိနေပါတယ်။

“ ဖွံ့ဖြိုးမှုက ၀င်ငွေကို မြင့်တက်စေပြီး ငတ်မွတ်မှုဒုက္ခကို လျှော့ချပေးနိုင်ပါတယ်။ ဒါပေမယ့် စီးပွားရေးပိုကောင်းလာဖို့က လူတိုင်း လက်လှမ်းမှီချင်မှ မှီပါလိမ့်မယ်။ ဆင်ခြေဖုံးဒေသက လူတွေ နဲ့ နွမ်းပါးသူတွေအပေါ် အထူးဦးတည်သောမူဝါဒတွေ မရှိဘဲနဲ့တော့ အားလုံးအတွက် ကောင်းမွန်မြင့်မားတဲ့ အလုပ်အကိုင်တွေ ဖြစ် မလာနိုင်ပါဘူး ” လို့ အစီရင်ခံစာက ထောက်ပြထားပါတယ်။

“ ယနေ့ကာလထုတ် အစားအသောက်ထုတ်လုပ်တဲ့နည်းလမ်းတွေမှာ အာဟာရဓာတ်လုံလောက်အောင် မတိုးမြှင့်ပေးနိုင်ကြောင်း ထင်ရှားနေပါတယ်။ ကမ္ဘာကြီးက အားလုံးအတွက် အစာရေစာအလုံအလောက် ထုတ်လုပ်ပေးနေပေမယ့် ဒီနေ့ထိ လူပေါင်း သန်း ၈၄၀ ကျော် ငတ်မွတ်မှုကြုံတွေ့နေရသေးတဲ့ အခြေအနေ အပြင် အဲ့ဒါရဲ့ သုံးပုံတစ်ပုံက အလေအလွင့်ဖြစ်ရခြင်းဟာ တုန်လှုပ်စရာအချက် ဖြစ်နေပါတယ်။ ဒါပေမယ့် အဲ့ဒါက ဖြစ်စဉ်ရဲ့တစ်စိတ်တစ်ပိုင်းသာ ဖြစ်ပါတယ်။ အခုအချိန်မှာ ကမ္ဘာ့လူဦးရေထက်ဝက်ကျော်လောက်က အာဟာရချို့တဲ့မှု၊ ငတ်မွတ်မှု၊ အခြေခံအာဟာရဓာတ်မလုံလောက်မှု သို့တည်းမဟုတ် အစားကျူးမှုဒဏ်ကို ခံစားနေရပါတယ် ” ဆိုပြီး ရောမမြို့၊ ၂၀၁၄ ခုနှစ် ပင်မညီလာခံအကြိုဆွေးနွေးပွဲမှာ FAO အကြီးအကဲ ဒါရိုက်တာ José Graziano da Silva က ပြောကြားခဲ့ပါတယ်။

Source : World Bulletin