နိုဝင်ဘာ ၁၉ အားကစားသတင်းများ

နိုဝင်ဘာ- ၁၉ ၂၀၁၃
M-Media

ဘာစီလိုနာနှင့် ရီးယဲလ်မက်ဒရစ်တို့တွင် ကစားချင်သည်ဟု Bendtner ဆို

အာဆင်နယ်အသင်း၏ ဒိန်းမတ် တိုက်စစ်မှူး Bendtner က ၎င်းအနေဖြင့် နောက်ပိုင်းတွင် ရီးယဲလ်မက်ဒရစ်နှင့် ဘာစီလိုနာအသင်းတို့တွင် သွားရောက် ကစားချင်သည်ဟု ပြောကြားလိုက်သည်။

နော်ဝေး အသင်းအား ၂ ဂိုး ဂိုးမရှိဖြင့် ဒိန်းမတ်အသင်းက အနိုင်ရရှိခဲ့ပြီးနောက် သတင်းထောက်များက မေးမြန်းရာတွင် ယခုကဲ့သို့ဖြေကြားခဲ့ခြင်းဖြစ်သည်။ ထို့ပြင် အသင်းသစ်သို့ပြောင်းရွှေ့ပါက ငွေးကြေးအား ထည့်သွင်းစဉ်စားမည်မဟုတ်ဟု Bendtner က ထပ်လောင်းပြောကြားခဲ့သည်။

“အားကစားဆိုတာက အရေးအကြီးဆုံးပါ။ ပျော်ပျော်ရွှင်ရွှင်နဲ့ ကစားနိုင်တဲ့ဘယ်နေရာကိုမဆို ကျွန်တော်ပြောင်းမှာပါ။ ကျွန်ဂိုးတွေသွင်းနိုင်တဲ့ အသင်းနဲ့အတူ ကျွန်တော် (ဖလား)တခုခု ဗိုလ်စွဲချင်ပါတယ်။ အရန်ခုံမှာထိုင်ပြီး စောင့်ကြည့်နေရတာကို ကျွန်တော်မလိုချင်ပါဘူး။ ပွဲများများကစားရတာကို ကျွန်တော်နှစ်သက်ပါတယ်” ဟု ဒိန်းမတ် နေ့စဉ်သတင်းစာ Politiken သို့ Bendtner က ပြောကြားခဲ့သည်။

Bendtner မှာ ပြီးခဲ့သည့်နွေရာသီအပြောင်းအရွှေ့တွင် အာဆင်နယ်အသင်းမှ ထွက်ခွာရန် ကြိုစားခဲ့သော်လည်း အာဆင်ဝင်ဂါးမှခွင့်မပြုခဲ့သောကြောင့် အာဆင်နယ်တွင် ဆက်လက်ရှိနေခြင်းဖြစ်ပြီး ယခုအခါ တိုက်စစ်မှူး ဂျရူး၏နောက် ဒုတိယတိုက်စစ်မှူးအဖြစ် ရှိနေသည်။

…………………………………..
အတိတ်ကအောင်မြင်မှုများအား လွမ်းဆွတ်မနေသင့်ဟု ဒဲလ်ဘော့စကေးဆို

အတိတ်က အောင်မြင်မှုများအားမေ့ပစ်ကာ လာမည့် ၂၀၁၄ ကမ္ဘာ့ဖလားပွဲတွင် ချန်ပီယံဘွဲ့အား ကာကွယ်ရန် အတွက်ပြင်ဆင်ရန် စပိန်အသင်း နည်းပြဖြစ်သူ ဒဲလ်ဘော့စကေးက အသင်းအား တိုက်တွန်းလိုက်သည်။

စပိန်အသင်းမှာ ၂၀၁၀ ခုနှစ်က အောင်ပွဲခံခဲ့သည့် တောင်အာဖရိကနိုင်ငံ ဂျိုဟန်နစ္စဘတ်မြို့၌ အင်္ဂါနေ့(ယနေ့)တွင် တောင်အာဖရိက အသင်းနှင့် ခြေစမ်းပွဲ ကစားရမည် ဖြစ်သည်။

“အတိတ်နဲ့ပက်သက်ပြီးကျွန်တော်တို့ လွမ်းဆွတ်နေမှာ မဟုတ်ပါဘူး။ ဖြစ်ပြီးခဲ့တဲ့ကိစ္စတွေကို စဉ်စားတာကို ကျွန်တော်တို့ မရပ်တန့်နိုင်ပါဘူး။ ဒါပေမယ့် အခု ကျွန်တော်တို့အနာဂတ်ကိုရှေ့ရှုရပါမယ်။ ဒီ(ဂျိုဟန်နစ္စဘတ်)မှာ ရခဲ့တဲ့ ချန်ပီယံဘွဲ့ကို လာမယ့်နှစ် ဘရာဇီးမှာ ကျွန်တော်တို့ ကာကွယ်ချင်ပါတယ်” ဟု ဂျိုဟန်နစ္စဘတ်တွင် ပြုလုပ်ခဲ့သည့် သတင်းစာ ရှင်းလင်းပွဲတွင် ဒဲလ်ဘော့စကေးက ပြောကြားခဲ့သည်။

……………………………………..
ဗြိတိန် နံပါတ် ၁ တင်းနစ်မယ်ဟောင်း တင်းနစ်လောကမှအနားယူ

ဗြိတိန်၏ နံပါတ် ၁ တင်းနစ်မယ်ဟောင်း အယ်လီနာ ဘာလ်တာချာမှာ တင်းနစ်ကစားခြင်းမှ အနားယူတော့မည်ဟု ကြေညာခဲ့သည်။

ဘာလ်တာချာမှာ ၂၀၁၀ခုနှစ်က ကမ္ဘာ့ထိပ်သီးတင်းနစ်အားကစားမယ်များဖြစ်သည့် လီနာနှင့် ဖရန်ဆက်ကာ စကီယာဗိုနီတို့ကို အနိုင် ကစားနိုင်ခဲ့သည်။ အသက် ၃၀ အရွယ်ရှိပြီဖြစ်ပြီး သြစတေးလျအိုးပင်းတင်နစ်ပြိုင်ပွဲ တတိယအဆင့်သို့ နှစ်ကြိမ်တိုင်တိုင် ရောက်ရှိခဲ့ကာ ၂၀၀၂ ခုနှစ် ၀င်ဘယ်လ်ဒန်တင်းနစ်ပြိုင်ပွဲတွင်လည်း တတိယအဆင့်သို့ တက်ရောက်နိုင်ခဲ့သည်။ ထို့ပြင် ဘာတာချာမှာ Fed Cup တင်းနစ်ပြိုင်ပွဲဝင် ဗြိတိန်အသင်းတွင်လည်း ပုံမှန်အရွေးခံရသူဖြစ်သည်။

သို့သော်လည်း မကြာသေးခင်နှစ်များမှစ၍ ဘာလ်တာချာမှာ ကြံ့ခိုင်မှုပိုင်းဆိုင်ရာ ပြဿနာများနှင့် ရုန်းကန်ခဲ့ရသောကြောင့် တင်းနစ်လောကမှ အနားယူရန် ဆုံးဖြတ်ခဲ့ခြင်းဖြစ်သည်။ အနားယူပြီးနောက် သူမ၏ နည်းပြဖြစ်သူ နီနို ဆီဗီရီနိုနှင့်အတူ တင်းနစ် အကယ်ဒမီတစ်ခုဖွင့်ရန် စီစဉ်ထားသည်။

“(အနားယူဖို့)အချိန်ရောက်ပြီလို့ ကျွန်မ ခံစားရပါတယ်။ လွန်ခဲ့တဲ့ ၁၆ နှစ်လုံးလုံး ခက်ခဲ ပင်ပန်းတဲ့ဘ၀ကို ကျွန်မဖြတ်သန်းခဲ့ပြီးပါပြီ။ နောက်ဆုံးတော့ ကျွန်မ အနားယူလိုက်တာပါ။ တင်းနစ်ကစားရင်းနဲ့ ဆန်းကျယ်တဲ့ အတွေ့အကြုံတွေကို ကျွန်မ ရခဲ့ပါတယ်။ ဒါတွေကိုတော့ ကျွန်မ ပြောင်းလဲပစ်မှာ မဟုတ်ပါဘူး။ ဒါပေမယ့် ကျွန်မအနေနဲ့ ဘ၀သစ်တစ်ခုကို ဆက်လက်ရွေ့လျားဖို့ အချိန်ရောက်လာပြီဆိုတာ ကျွန်မရဲ့ စိတ်နဲ့ ခန္ဓာက ပြောနေပါပြီ” ဟု သူမအနားယူရသည့် အကြောင်းအရင်းအား ဘာလ်တာချာက ပြောကြားခဲ့သည်။