ပြင်သစ်၊ ပေါ်တူဂီ၊ ခရိုအေးရှားနှင့် ဂရိတို့ ၂၀၁၄ ကမ္ဘာဖလား ခြေစစ်ပွဲအောင်ပြီ

နိုဝင်ဘာ- ၂၀ ၂၀၁၃
M-Media

၂၀၁၄ ကမ္ဘာ့ဖလားခြေစစ်ပွဲ ဥရောပဇုန် Play-off ဒုတိယအကျော့ပွဲစဉ်များကို ယနေ့နံနက်က ယှဉ်ပြိုင်ကစားခဲ့ရာ ပြင်သစ်အသင်းမှာ ယူကရိန်းအသင်းအား အိမ်ကွင်းတွင် ၃ ဂိုး ဂိုးမရှိဖြင့် အနိုင်ကစားနိုင်ခဲ့ပြီး ကမ္ဘာ့ဖလာပြိုင်ပွဲ လွဲချော်မည့်ဘေးမှ ရုန်းထွက်နိုင်ခဲ့သည်။ ပေါ်တူဂီ အသင်းမှာ အဝေးကွင်းတွင် ဆွီဒင်အား ရော်နယ်ဒို၏ ဟက်ထရစ်သွင်းဂိုးဖြင့် အနိုင်ရရှိခဲ့သည်။ အခြားအသင်းများဖြစ်သည့် ခရိုအေးရှားနှင့် ဂရိအသင်းတို့မှာလည်း နှစ်ကျော့ပေါင်း ရလဒ်များဖြင့် ဘရာဇီးသို့ သွားရောက်ခွင့်ရရှိခဲ့ပြီဖြစ်သည်။

ပြင်သစ် ၃-၀ ယူကရိန်း

ပြီးခဲ့သည့် တစ်ပါတ်က ကိဗ်မြို့တွင် ယူကရိန်းအား ၂ ဂိုး ဂိုးမရှိဖြင့် ရှုံးနိမ့်ခဲ့သည့် ပြင်သစ်အသင်းမှာ ယခုပွဲတွင် ၃ ဂိုးပြတ်ဖြင့်အနိုင်ရရှိအောင် ကစားနိုင်ခဲ့ပြီး ကမ္ဘာ့ဖလားဝင်ခွင့်လက်မှတ်အား သေချာစေခဲ့သည်။

ပထမပိုင်း အစောပိုင်းမိနစ်များတွင် ပြင်သစ်အသင်းမှာ ကစားကွက်အသာစီးရခဲ့ပြီး မိနစ် ၂၀ တွင် ဦးဆောင် ဂိုးရရှိခဲ့သည်။ ထိုဂိုးအား ရီဘာရီ၏ ကန်ချက်မှ ပြန်ထွက်လာသည့် ဘောလုံးအား ဆာခိုကအပိုင်ပိတ်၍ သွင်းယူနိုင်ခဲ့ခြင်းဖြစ်သည်။ ၃၂ မိနစ်တွင် ပြင်သစ်တို့ အရေးပါသည့် ဂိုးတစ်ဂိုးကိုရရှိခဲ့ပြီး ဘန်ဇီမာက အနီးကပ်ကန်သွင်းပေးခဲ့သည်။

ဒုတိယပိုင်းပြန်အစ ၄၇ မိနစ်တွင် ယူကရိန်းအသင်း၏ ကစားသမား ခါချီရီဒီမှာ အနီကဒ်ဖြင့်ထွက်ခဲ့ရပြီး နောက်ပိုင်းမိနစ်များတွင် ပြင်သစ်အသင်းကသာ ပွဲကို စိုးမိုးထားနိုင်ခဲ့သည်။ ပြင်သစ်အသင်းအတွက် အရေးပါသောအနိုင်ဂိုးကို ယူကရိန်းကစားသမား အိုလေး ဟူစ်ယီဗ်၏ ကိုယ့်ဂိုးကိုယ်သွင်းယူမှုမှတစ်ဆင့် ရရှိခဲ့ခြင်းဖြစ်သည်။

ပြင်သစ်အသင်းမှာ ယခုပွဲအနိုင်ကြောင့် နှစ်ကျော့ပေါင်း ၃ ဂိုး ၂ ဂိုးဖြင့် ယူကရိန်းအသင်းအား အနိုင်ရရှိခဲ့ပြီး ၂၀၁၄ ကမ္ဘာ့ဖလားပြိုင်ပွဲတွင် ပါဝင်ကစားခွင့်ရရှိခဲ့ပြီဖြစ်သည်။
…………………………..
ဆွီဒင် ၂-၃ ပေါ်တူဂီ

ပထမအကျော့ တစ်လုံးတည်းသောအနိုင်ဂိုးကို သွင်းယူပေးနိုင်ခဲ့သည့် ရော်နယ်ဒိုမှာ ယခုပွဲတွင်လည်း ဟက်ထရစ်သွင်းယူနိုင်ခဲ့ကာ ပေါ်တူဂီအသင်းအား ကမ္ဘာ့ဖလားပွဲသို့ ပို့ဆောင်ပေးနိုင်ခဲ့သည်။

အိမ်ရှင်ဆွီဒင်အသင်းမှာ ပေါ်တူဂီအသင်းအား ဘောလုံးပိုင်ဆိုင်မှုအသာဖြင့် ဖိကစာနိုင်ခဲ့သော်လည်း ပေါ်တူဂီအသင်းက ဂိုးသွင်းခွင့်ပိုမိုရရှိခဲ့သည်။ ဆွီဒင်အသင်းမှာ ပေါ်တူဂီအသင်းခေါင်းဆောင် ရော်နယ်ဒိုအားထိန်းချုပ်ရခက်နေခဲ့ပြီး ပထမပိုင်းအပြီးတွင် ဂိုးမရှိသရေဖြစ်နေခဲ့သည်။

ဒုတိယပိုင်းတွင်လည်း ဆွီဒင်အသင်းကသာ ဖိကစားနိုင်ခဲ့သည်။ သို့သော် ဦးဆောင်ဂိုးကို ပေါ်တူဂီတို့ရရှိခဲ့ပြီး မိနစ် ၅၀ တွင် မော်တင်ဟို၏ ဖန်တီးပေးမှုမှတစ်ဆင့် ရော်နယ်ဒိုကသွင်းယူပေးခဲ့သည်။ ၆၇ မိနစ်တွင် အိမ်ရှင်တို့ ချေပဂိုးပြန်လည်ရရှိခဲ့ပြီး ထောင့်ကန်ဘောမှတစ်ဆင့် အီဗရာဟီမိုဗစ်က ခေါင်းတိုက်သွင်းယူခဲ့သည်။ များမကြာမီ ၇၂ မိနစ်တွင် ဖရီးကစ်မှတစ်ဆင့် အီဗရာဟီမိုဗစ်ကဒုတိယဂိုးထပ်မံသွင်းယူနိုင်ခဲ့ပြီး အိမ်ရှင်တို့၏ ကမ္ဘာ့ဖလားဝင်ခွင့်မျှော်လင့်ချက်ကို ရှင်သန်စေခဲ့သည်။

သို့သော်လည်း ၇၇ မိနစ်နှင့် ၇၉ မိနစ်တို့တွင် ရော်နယ်ဒိုက ချေပဂိုးနှင့် အနိုင်ဂိုးများ သွင်းယူနိုင်ခဲ့သောကြောင့် ပွဲအပြီးတွင် နှစ်ကျော့ပေါင်းရလဒ် ၄ ဂိုး ၂ ဂိုးဖြင့် ပေါ်တူဂီတို့ ဘရာဇီးသို့ သွားရောက်နိုင်ခဲ့ပြီဖြစ်သည်။ ရော်နယ်ဒိုမှာ ယခုပွဲတွင် အကောင်းဆုံးဘောလုံးသမားဆုကို ရရှိခဲ့ပြီး နောက်ဆုံးကစားခဲ့သည့် ၆ ပွဲတွင် ၃ ကြိမ်အထိ ဟက်ထရစ် သွင်းယူနိုင်ခဲ့ခြင်းလည်းဖြစ်သည်။

အခြားပွဲစဉ်များတွင် ခရိုအေးရှားအသင်းက အိမ်ကွင်းတွင် အိုက်စလန် အသင်းကို ၂ ဂိုး ဂိုးမရှိဖြင့်အနိုင်ရရှိခဲ့ပြီး နှစ်ကျော့ပေါင်းရလဒ် ၂ ဂိုး ဂိုးရှိဖြင့်လည်းကောင်း၊ ဂရိအသင်းက ရိုမေးနီးယားအသင်းအား အဝေးကွင်းတွင် ၁ ဂိုးစီသရေကစားနိုင်ခဲ့ပြီး နှစ်ကျော့ပေါင်းရလဒ် ၄ ဂိုး ၂ ဂိုးဖြင့်လည်းကောင်း အသီးသီးအနိုင်ရရှိခဲ့ကာ ကမ္ဘာ့ဖလားပွဲတွင် ပါဝင်ယှဉ်ပြိုင်ခွင့် ရရှိခဲ့သည်။