မန္တလေးတွင် ခွင့်ပြု မိန့်မရဘဲ OIC ကို ကန့်ကွက်ကြောင်း ဆန္ဒဖော်ထုတ်

နိုဝင်ဘာ ၂၀-၂၀၁၃
M-Media
သီရိ

မန္တလေး။ ။မန္တလေးမြို့တွင် သံဃာတော်များမှဦးဆောင်၍ OIC ကန့်ကွက်ဆန္ဒပြပွဲကို နိုဝင်ဘာ ၁၉ ရက်(ယမန်နေ့) မွန်းလွဲ ၁ နာရီတွင် ပြုလုပ်ခဲ့သည်။

“တခြားမြို့တွေမှာ ပြပြီးသွားပြီ။ မန္တလေးကငြိမ်နေတော့ OIC ကိုထောက်ခံသလိုဖြစ်နေတယ်။ အဲလိုမထင်ရအောင် မန္တလေးမြို့ကလဲ ကန့်ကွက်တယ် အလိုမရှိဘူး၊ ဒါကြောင့် ဒီနေ့လုပ်တာပဲ၊ ခွင့်ပြုမိန့်တင်ထားတာ ဒီနေ့ငါးရက်ပြည့်တယ်၊ ဘာမှအကြောင်း မပြန်ဘူး ခွင့်ပြူမိန့်ရရ၊ မရရ ဆန္ဒပြတယ်။ ကြွေးကြော်သံတွေမှာ နိုင်ငံတော်ပုန်ကန်တဲ့ စာသား လုံဝမပါဘူး” ဟု ဦးဆောင်ဆရာတော် ဦးကာဝိယ(ဂဋ္ဌုန်နီ ဆရာတော်) ကမိန့်ကြားခဲ့သည်။

ဤဆန္ဒဖော်ထုတ်မှုကို ဘဂါင်္လီများအား နိုင်ငံသားအဖြစ် လက်မခံရန်၊ OIC ရုံးအခြေစိုက်ဖွင့်လှစ်ခြင်းမပြုရန် စသော အချက်ငါးချက်ဖြင့် ပြုလုပ်ခဲ့ကြောင်း၊ ထိုသို့ဆန္ဒပြမှုကို သက်ဆိုင်ရာမှ ဟန့်တားနှောက်ယှက်မှု မရှိဟု ဆရာတော်မှ ဆက်လက်မိန့်ကြားခဲ့သည်။

ထိုဆန္ဒဖော်ထုတ်ပွဲကို မဟာမြတ်မုနိဘုရားကြီးတောင်ဘက်မှ စတင်စီတန်း လမ်းလျှောက်ခဲ့ပြီး ၄၂ လမ်းနှင့် ၈၄ လမ်း ၈၄ လမ်းမှ ၈၂ လမ်းနှင့် ၈၁ လမ်းတို့ကိုပတ်ကာ ဦးပွားဘုရားသို့ ပြန်လည်ချီတက်ခဲ့ပြီး မွန်းလွဲ ၂ နာရီတွင်ပြီးဆုံးခဲ့သည်။

သမ္မတဦးသိန်းစိန် အစိုးရလက်ထက် ငြိမ်းချမ်းစွာ ဆန္ဒပြုခွင့် နည်းဥပဒေအရ ခွင့်ပြုမိန့်မရဘဲ ဆန္ဒထုတ်ဖော်လျှင် ပုဒ်မ ၁၈ နှင့် ပုဒ်မ ၅၀၅(ခ) တို့ ဖြင့် အရေးယူမှုများ အများအပြားပြုလုပ်ခဲ့သည်။

Photo Credit- Eleven Media Group