ဗလီဖျက်ဆီးခြင်းနှင့် အစ္စလာမ်သာသနာကို တားမြစ်ပိတ်ပင်သည့် သတင်းအား အန်ဂိုလာငြင်းဆို

နိုဝင်ဘာ-၂၆ ၂၀၁၃
M-Media

အာဖရိကတိုက် အနောက်တောင်ပိုင်းရှိ နိုင်ငံတစ်ခုဖြစ်သည့် အန်ဂိုလာနိုင်ငံတွင် အစ္စလာမ်သာသနာအား တားမြစ်ပိတ်ပင်ကာ ဗလီဝတ်ကျောင်းတော်များကို ဖြိုဖျက်နေသည်ဟု ကမ္ဘာ့သတင်းမီဒီယာများက ပြီးခဲ့သည့် သီတင်းပတ်တွင် ဖေါ်ပြခဲ့သောကြောင့် အန်ဂိုလာနိုင်ငံမှာ နိုင်ငံတကာ၏ စိတ်ဝင်စားမှုကို ခံနေရသည်။

သို့သော်လည်း ၀ါရှင်တန်ရှိ အန်ဂိုလာသံရုံးမှ အမည်မဖော်လိုသူ အရာရှိတစ်ဦးက ထိုသတင်းမှာ မဟုတ်မှန်ဘဲ အန်ဂိုလာတွင် ထိုကဲ့သို့ တားမြစ်ပိတ်ပင်ခြင်းမရှိကြောင်း ပြောကြားခဲ့သည်။

“အန်ဂိုလာပြည်သူ့သမ္မတနိုင်ငံဟာ ဘာသာရေးကို ၀င်ရောက်စွက်ဖက်တဲ့ နိုင်ငံမဟုတ်ပါဘူး။ ကျွန်တော်တို့တိုင်းပြည်မှာ အယူဝါဒပေါင်းစုံရှိပြီး၊ ဘာသာရေးကိုလွတ်လပ်စွာ ကိုးကွယ်ခွင့်ပေးထားပါတယ်။ ကက်သလစ်ခရစ်ယာန်၊ နှစ်ခြင်းခရစ်ယာန်၊ ပရိုတက်စတင့် ခရစ်ယာန်၊ အစ္စလာမ်နဲ့ ဧ၀ံဂေလိ ခရစ်ယာန် စတဲ့ဘာသာတရားတွေကို ကိုးကွယ်တဲ့ သူတွေရှိပါတယ်” ဟု ထိုအမည်မဖော်လိုသူ အရာရှိက ဖုန်းဖြင့် ဖြေကြားခဲ့သည်။

အန်ဂိုလာတွင် အစ္စလာမ်သာသနာအား ပိတ်ပင်သည့်ဆိုသည့်သတင်းမှာ အာဖရိက သတင်းစာများမှ စတင်ရေးသားခဲ့ကြပြီး အန်ဂိုလာသမ္မတနှင့် ယဉ်ကျေးမှုဝန်ကြီးတို့မှ သတင်းမှာ မှန်ကန်ကြောင်း အတည်ပြုပြောဆိုခဲ့သည်ဟု ၎င်းတို့၏ သတင်းများတွင် ဖော်ပြခဲ့ကြသည်။

သို့သော်လည်း ၀ါရှင်တန်ရှိ အန်ဂိုလာသံရုံးမှ ဒုတိယအဆင့် တာဝန်ရှိသူတစ်ဦးက နိုင်ငံအတွင်း ထိုကဲ့သို့ ပိတ်ပင်ထားသည်ဆိုသည့်သတင်းအား မိမိတို့သံရုံးမှ မသိရှိရသေးဟု ဖြေကြားခဲ့သည်။

“အခုအချိန်အထိတော့ ဒီသတင်းနဲ့ပတ်သက်ပြီး ကျွန်တော်တို့ ဘာမှမကြားသေးပါဘူး။ ကျွန်တော်တို့လည်း ခင်ဗျားတို့လိုပဲ အင်တာနက်ကနေတစ်ဆင့် ဖတ်ရတာပါ။ အင်တာနက်မှာ ဖတ်ရတာဟာ အမှန်လို့ကျွန်တော်တို့ မှတ်ယူလို့မရပါဘူး။”
ဟု IBTimes ၏ မေးမြန်းမှုအား ဖုန်းဖြင့်ဖြေကြားခဲ့သည်။

အဆိုပါ အင်ဂိုလာ မှ ဗလီဖျက်ဆီးမှုနှင့် အစ္စလာမ်အား ပိတ်ပင်သည့် သတင်းကို ယနေ့ထုတ် ပြည်မြန်မာနေ့စဉ်သတင်းတွင် ဖော်ပြခဲ့သလို ဆိုရှယ်မီဒီယာ စာမျက်နှာများတွင် ဘာသာေ၇းစော်ကားသော အသုံးအနှုန်းများဖြင့် လှုံဆော်ရေးသားသည့် ပိုစ်များ Facebook အသုံးပြုသူ အစွန်းလှုံဆော်ရေးသမားများ အကြား ပျံနှံ့ခဲ့တာကို တွေ့ရှိရပါသည်။

Ref: http://www.ibtimes.com/angola-denies-it-banned-islam-destroyed-mosques-1484898

ဓါတ်ပုံ- အညွှန်း အင်ဂိုလာမှ ဗလီဖျက်ဆီးခံရသည့်သတင်းတွင် အသုံးပြုခဲ့သည့် သတင်းဓါတ်ပုံမှာ သတင်းဓါတ်ပုံအမှန်မဟုတ်ပါ။
၂၀၁၀ ခုနှစ်က သတင်းမှဓါတ်ပုံကို အသုံးပြုထားခြင်းဖြစ်သည်။

ပူးတွဲလင့် တွင်ကြည့်ရှုရန်=>http://www.australiansforpalestine.net/33792

အစ္စလာမ်အား တားမြစ်သည့် ဥပေဒေပြဌာန်းပြီး ဗလီဖျက်ဆီးဟူသော သတင်းခေါင်းစဉ်ဖြင့် မျက်နှာဖုံးစာမျက်နှာတင်ပြိး သတင်းဖော်ပြခဲ့သည့် ပြည်မြန်မာ နေ့စဉ်သတင်း
https://fbcdn-sphotos-b-a.akamaihd.net/hphotos-ak-prn2/1471375_396271050476537_1685233729_n.jpg

https://fbcdn-sphotos-g-a.akamaihd.net/hphotos-ak-ash3/1474423_178850942312951_1199705445_n.jpg