ဒီဇင်ဘာ ၁၊ အားကစားသတင်း စုစည်းမှု

ဒီဇင်ဘာ ၁၊ ၂၀၁၃
M-Media

–  ရီးယဲလ်အသင်းအတွက် ဟက်ထရစ်သွင်းယူပေးနိုင်ခဲ့ခြင်းမှာ အိပ်မက်များ အကောင်အထည်ပေါ်လာခြင်းဖြစ်သည်ဟု ရီးယဲလ်အသင်း၏ တိုက်စစ်မှူး ဂါရက်ဘေးလ် က ပြောကြားလိုက်သည်။ ဘေးလ်မှာ ယမန်နေ့က ကစားခဲ့သည် ဗယ်လာဒိုလစ်အသင်းနှင့်ပွဲစဉ်တွင် အသင်းအတွက် သူ၏ ပထမဆုံးဟက်ထရစ်ကို သွင်းယူပေးခဲ့ နိုင်သည်။ အသင်းသို့ရောက်ရှိလာပြီးကတည်းက ပွဲထွက်ကစားသမားအဖြစ် ၉ ပွဲကစားပေးခဲ့သည့် ဘေးလ်မှာ အသင်းအတွက် ၇ ဂိုးသွင်းယူပေးထားနိုင်ပြီး ၆ ကြိမ် ဖန်တီးပေးထားနိုင်သည်။

–  Ballon d’Or ဆုအတွက် ရော်နယ်ဒိုအား ထောက်ခံသည်ဟု တစ်နိုင်ငံတည်းသား ကစားသမား မာမာဒူ ဆာခို၏ ပြောကြားမှုအပေါ် စိတ်ပျက်မိသည်ဟု ဘိုင်ယန် မြူးနစ်အသင်း၏ ပြင်သစ်ကွင်းလည်လူ ဖရန့်ရီဘာရီက ပြောကြားလိုက်သည်။ ပြီးခဲ့သည့်နှစ် ဖလားသုံးလုံးရရှိခဲ့သည့် ဘိုင်ယန်အသင်းတွင် ရီဘာရီမှာ အဓိက ကစားသမားဖြစ်ခဲ့သော်လည်း ယခုနှစ်ရာသီတွင် ရော်နယ်ဒိုမှာ ခြေစွမ်းပြနေသောကြောင့် လီဗာပူးလ်နောက်ခံလူ ဆာခိုက ထိုကဲ့သို့ မှတ်ချက်ပေးခဲ့ခြင်းဖြစ်သည်။

–  အသင်း၏ ကွင်းလယ်ကစားသမား ယိုဟန် ကာဘာယီအား အသင်းတွင် ဆက်လက်ထိန်းသိမ်းထားရန် လုံလောက်သောစွမ်းရည်များရှိသည်ဟု နယူးကာဆယ် အသင်း၏ နည်းပြ အလန်ပါဂျူးကပြောကြားလိုက်သည်။ ကာဘာယီမှာ ယမန်နေ့က ကစားခဲ့သည့် ၀က်စ်ဘရွန်းအသင်းအား ၂ ဂိုး ၁ ဂိုးဖြင့် အနိုင်ရရှိခဲ့သောပွဲတွင် နယူးကာဆယ်အသင်းအတွက် အရေးပါသော အခန်းကဏ္ဍမှ ပါဝင်ခဲ့ပြီး အသင်းမှထွက်ခွာရန် သတင်းထွက်နေသူဖြစ်သည်။

–  အသင်းရှိ ဝေးလ်တိုက်စစ်မှူးဘေးလ်မှာ ဗယ်လာဒိုလစ်အား ၄ ဂိုး ဂိုးမရှိဖြင့် အနိုင်ရရှိခဲ့သော ယမန်နေ့ပွဲတွင် ဟက်ထရစ်သွင်းယူပေးခဲ့သော်လည်း အာဂျင်တိုင်း ကွင်းလယ်လူ ဒီမာရီယာကသာ ထိုပွဲ၏ အရေးပါဆုံး ကစားသမားဖြစ်သည်ဟု ရီးယဲလ်အသင်း၏နည်းပြ ကားလို့စ် အန်ဆယ်လော့တီက ပြောကြားလိုက်သည်။ ထိုပွဲအနိုင်မှာ ရီးယဲလ်အသင်း၏ ၄ ပွဲဆက် နိုင်ပွဲလည်းဖြစ်ခဲ့ပြီး ထိပ်ဆုံးမှ ဘာစီလိုနာအသင်းနှင့် အမှတ်ကွာခြားချက် ကျဉ်းမြောင်းစေခဲ့သည်။

–  ပေါ်တူဂီ နာမည်ကြီး ကလပ်အသင်းဖြစ်သည့် ပေါ်တိုအသင်းမှာ ယမန်နေ့က ကစားခဲ့သော ပြည်တွင်းလိဂ်ပွဲစဉ်တွင် အကယ်ဒီမီကာအသင်းအား ၁ ဂိုး ဂိုးမရှိဖြင့် ရှုံးနိမ့်ခဲ့ပြီး လိဂ်ပွဲ ၅၄ ပွဲဆက်တိုက် ရှုံးပွဲမရှိ စံချိန် ကြိုးပြတ်ခဲ့ရသည်။ ပေါ်တိုအသင်းမှာ နောက်ဆုံးရှုံးပွဲအဖြစ် ၂၀၁၂ ခုနှစ် ဇန်န၀ါရီလက ကြုံတွေ့ခဲ့ပြီးနောက် ၂၂ လအတွင်း ပထမဆုံးအကြိမ် ရှုံးနိမ့်ခဲ့ခြင်းလည်းဖြစ်သည်။ ထို့ပြင် နောက်ဆုံး ခြောက်ပွဲတွင်လည်း တစ်ပွဲမှ အနိုင်မရရှိသေးခြင်းကြောင့် နည်းပြ ပေါ်လိုဖွန်စီကာမှာ ဝေဖန်မှုများနှင့် ရင်ဆိုင်နေရသည်။

–  မန်စီးတီးအသင်း၏ နောက်ခံလူမီကာရစ်ချက်က ၎င်းအနေဖြင့် မန်စီးတီးအသင်းတွင် ဆက်လက်ကစားချင်သော်လည်း ယခုအချိန်တွင် အသင်းမှ ထွက်ခွာရန် စဉ်းစားနေပြီး ပွဲထွက်ကစားသမားအဖြစ် ကစားရမည့်အသင်းကို ရှာဖွေမည်ဟု ပြောကြားလိုက်သည်။ ရစ်ချစ်မှာ ယခုနှစ်ရာသီတွင် မန်စီးတီးအသင်းအတွက် ၆ ပွဲသာ ကစားထားရပြီး ယခုနှစ်ရာသီကုန်ထိတိုင်အောင် စာချုပ်သစ်ချုပ်ဆိုရန် ငြင်းဆိုထားသူဖြစ်သည်။

–  ဘိုင်ယန်မြူနစ်အသင်းမှာ လူသားများနှင့်ဖွဲ့စည်းထားသော အသင်းသာဖြစ်ပြီး စက်ရုပ်မဟုတ်ဟု Eintracht Braunschweig အသင်းအား ၂ ဂိုး ဂိုးမရှိဖြင့် အနိုင် ရရှိခဲ့သောပွဲအပြီးတွင် အသင်း၏ ဂိုးသမားဖြစ်သူ မန်နျူယဲလ်နူအာက ပြောကြားလိုက်သည်။ ထိုပွဲတွင် အနိုင်ရရှိခဲ့သော်လည်း ဘိုင်ယန်မြူးနစ်အသင်းမှာ အကောင်းဆုံး ပုံစံမရှိသောကြောင့် နူအာက ထိုကဲ့သို့ ပြောကြားခြင်းဖြစ်သည်။

–  Ballon d’Or ဆုမှာ ဘောလုံးအားကစား၏ အနှစ်သာရနှင့်ဆန့်ကျင်နေပြီး ထိုဆုမှာ ကစားသမားများအား အသင်းကောင်းမွန်မှုထက် တစ်ဦးချင်းကောင်းမွန်မှုကိုသာ အလေးထားရန် ဖြစ်ပေါ်စေသည်ဟု အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။ ဘောလုံးလောကတွင် ဂုဏ်ရှိန်အမြင့်ဆုံးဆုဖြစ်သည့် Ballon d’Or ဆု ယခုနှစ်အတွက် ဇကာတင်စာရင်းတွင် ခရစ္စတီယာနိုရော်နယ်ဒို၊ မက်ဆီနှင့် ရီဘာရီတို့ပါဝင်နေပြီး မည်သူရရှိမည်ဆိုသည့် ထင်ကြေးပေးမှုများ များလာချိန်တွင် အာဆင်ဝင်ဂါးက ယခုကဲ့သို့ ပြောကြားလိုက်ခြင်းဖြစ်ပြီး မည်သူကိုမှ ထိုဆုအား မရေစေချင်ဟု ၀င်းဂါးက ထပ်လောင်းပြောကြားခဲ့သည်။