အလုပ်အကိုင် အခွင့်အလမ်းအတွက် ooredoo Myanmar Job Fair ကျင်းပ

ဒီဇင်ဘာ ၁၊ ၂၀၁၃
M-Media
ဘုန်းမင်းခန့်

မြန်မာပြည်တွင်း ဆက်သွယ်ရေးလုပ်ငန်း ဝင်ရောက်လုပ်ကိုင် ဝန်ဆောင်မှုပေးရန် တင်ဒါအောင်မြင်ထားသည့် ooredoo ဆက်သွယ်ရေး ကုမ္ပဏီမှ အလုပ်အကိုင်အခွင့်အလမ်းနှင့် ဝန်ထမ်းရွေးချယ်ခန့်ထားခြင်း၊ ဖုန်းဆင်းမ်ကဒ်နှင့် ကြိုတင်ငွေဖြည့်ကဒ်ရောင်းချခြင်း၊ ဖုန်းနှင့် အပိုပစ္စည်း အရောင်းဆိုင် Retails Stores များ တစ်နိုင်ငံလုံး ကျယ်ပြန့်စွာ ဖွင့်လှစ်နိုင်ရေးအတွက် ooredoo Myanmar Job Fair အခမ်းအနားကို ၃၀-၁၁-၂၀၁၃ ရက်နေ့ နှင့် ၁-၁၂-၂၀၁၃ ရက်နေ့အထိ (၂)ရက်တိုင် ကျင်းပခဲ့ပါသည်။

အခမ်းအနားကို ရန်ကုန်မြို့၊ ဗဟန်းမြို့နယ်၊ တက္ကသိုလ်ရိပ်သာလမ်းသစ်နှင့် ဆရာစံလမ်းထောင့်ရှိ၊ ဆရာစံပလာဇာတွင် နံနက်(၉)နာရီမှ ညနေ (၄)နာရီထိကျင်းပခဲ့ပြီး ဆက်သွယ်ရေး နည်းပညာကဏ္ဍ၊ အရောင်းဆိုင်များ ဖွင့်လှစ်ခြင်းနှင့် တာဝန်ခံများ၊ ဆက်သွယ်ရေးပိုင်း ဝန်ဆောင်မှုပေးမည့် အကြောင်းအရာများ၊ ဝန်ထမ်းရွေးချယ်မှုများအတွက် ရှင်းလင်းတင်ပြ ဆွေးနွေးမှုများပြုလုပ်ခဲ့ပြီး အခမ်းအနားသို့ကြွရောက်လာသူများမှလည်း သိရှိလိုသည်များကို ပြန်လည် မေးမြန်းဆွေးနွေးမှုများ ပြုလုပ်ခဲ့ကျပါသည်။

ooredoo Myanmar အနေဖြင့် ပြည်တွင်း ဆက်သွယ်ရေးကဏ္ဍတွင် ဝန်ဆောင်မှုပေးမည့် Flagship Stores များကို မြန်မာနိုင်ငံ၏ အဓိက မြို့ကြီးသုံးမြို့ဖြစ်သော  ရန်ကုန်၊ မန္တလေးနှင့် နေပြည်တော်မြို့များတွင် ဖွင့်လှစ်မည်ဖြစ်ပြီး၊ ဖုန်းဆင်းမ်ကဒ်၊ ကြိုတင်ငွေဖြည့်ကဒ်၊ ဖုန်းနှင့်အပိုပစ္စည်းများ ရောင်းချပေးမည့် Retail Stores များကိုလည်း မြန်မာတစ်နိုင်ငံလုံးရှိ မြို့နယ်အသီးသီးတွင် ကျယ်ပြန့်စွာ ဖွင့်လှစ်ထားရှိ ရောင်းချနိုင်ရန် ရည်ရွယ်ပြင်ဆင်လျှက်ရှိကာ ဝန်ထမ်းခေါ်ယူမှုများအတွက် အခမ်းအနားသို့ကြွရောက်လာသူများထဲမှ စိတ်ဝင်စားသူများအနေဖြင့် အလုပ်လျှောက်လွှာပုံစံများ ဖြည့်စွက်၍ ဝန်ထမ်းရွေးချယ်ခန့်ထားခြင်းအတွက် စိတ်ပါဝင်စားစွာ တင်ပြလျှောက်ထားမှုများ ပြုလုပ်ခဲ့ကျပါသည်။

ooredoo Myanmar Job Fair အခမ်းအနားသို့ ကြွရာက်လာသော စိတ်ပါဝင်စားသူများအား တစ်ဦးလျှင် ooredoo အမှတ်တံဆိပ်ပါ T -Shirt တစ်ထည် လက်ဆောင်အဖြစ် ချီးမြှင့်ခဲ့ပြီး ကံစမ်းမဲအစီအစဉ်လည်း ပါဝင်ကြောင်း သိရှိရပါသည်။

ooredoo ဆက်သွယ်ရေးကုမ္ပဏီအနေဖြင့် ကမ္ဘာတစ်ဝှမ်းတွင် နိုင်ငံပေါင်း (၁၃)နိုင်ငံ၌ ဆက်သွယ်ရေး လုပ်ငန်းဝန်ဆောင်မှုကို ဝန်ထမ်းပေါင်း(၁၇၀၀၀)ကျော်ဖြင့် ဆောင်ရွက်လျှက်ရှိပြီး၊ မြန်မာနိုင်ငံအတွင်း၌လည်း ၂၀၁၄ခုနှစ် နှစ်ဆန်းပိုင်းတွင် ဆက်သွယ်ရေးလုပ်ငန်းဝန်ဆောင်မှုများ စတင်နိုင်ရန် ဝန်ထမ်း(၁၅၀)ကျော်ဖြင့် စတင် ပြင်ဆင်လျှက်ရှိကာ ထပ်မံလိုအပ်လျှက်ရှိသော ဝန်ထမ်းရာထူးအသီးသီးအတွက် ဝန်ထမ်းများထပ်မံခေါ်ယူလျှက်ရှိကြောင်းလည်း သိရှိရပါသည်။

စိတ်ပါဝင်စားသူများအနေဖြင့် [email protected] သို့   e-mail နှင့် ဆက်သွယ်နိုင်ပြီး အသေးစိတ်အချက်အလက်များကို www.facebook.com/ooredoomyanmar နှင့် http://www.linkedin.com/company/ooredoomyanmar တို့တွင် ဝင်ရောက်ကြည့်ရှု့ လေ့လာနိုင်ကြောင်းလည်း သိရှိရပါသည်။

ဓါတ်ပုံ-Ooredoo Myanmar FB မှ