ဒီဇင်ဘာ ၃၊ ပြည်တွင်းသတင်းတို စုစည်းမှု

ဒီဇင်ဘာ ၃၊ ၂၀၁၃
M-Media

– OIC အား ဆန္ဒပြရာတွင် အစ္စလာမ်ဘာသာအား စော်ကားသော ပိုစတာ ကိုင်ဆောင်ခဲ့မှုအား ပုဒ်မ ၂၉၅ ဖြင့် အမှုဖွင့် အရေးယူစုံစမ်းမှု ပြုလုပ်နေပြီဟု ရန်ကုန်မြို့ ဗဟန်းရဲစခန်းက အတည်ပြုပြောကြားခဲ့ကြောင်း သိရသည်။

– သံတွဲမြို့ အကြမ်းဖက်မှုအား ဦးဆောင်သူများဟု နာမည်ကြီးသည့် ဖမ်းဆီးထားသော RNDP ဥက္ကဋ္ဌ ဦးစောလှိုင်၊ ရဲအောင်လံ ကျော်ကျော်အပါအ၀င် အဓိက ဦးဆောင်သူများအား ယနေ့မှာ အာမခံနှင့် ပြန်လွှတ်လိုက်သည့်အတွက် သံတွဲမြို့ခံများအနေနှင့် စိုးရိမ်မှုများ ရှိနေကြောင်း ပြောပြလာပါသည်။

– ပုဒ်မ ၁၈ အပါအ၀င် ဒီမိုကရေစီ နိုင်ငံနှင့် မသင့်လျော်ပဲ ပြည်သူလူထုအား နိုင်ငံရေးအရ ဖိနှိပ်ချုပ်ချယ်သည့် ဥပဒေများအား ဒီမိုကရေစီနိုင်ငံနှင့်အညီ နိုင်ငံတကာ လူ့အခွင့်အရေး စံချိန်စံညွှန်းများနှင့်ကိုက်ညီရန်လိုအပ်ကြောင်း၊ နိုင်ငံရေးအကျဉ်းသားများအား ခြွင်းချက်မရှိလွှတ်ပေးရေး၊ တရားစွဲဆိုမှုများအား ပလပ်ရေး၊ ပြည်သူလူထု၏ ဆန္ဒထုတ်ဖော်မှုကို ခွင့်ပြုသည့် သီးခြားနေရာသတ်မှတ်ရန်တို့ကို ပူးပေါင်း ဆန္ဒထုတ်ဖော်တင်ပြရန် အစရှိသည်တို့ အဖွဲ့အစည်း ၅၂-ဖွဲ့၏ သတင်းစာရှင်းလင်းပွဲ နောက်ဆက်တွဲအဖြစ် ဆန္ဒထုတ်ဖော်တင်ပြရန် အကြို ညှိနှိုင်းဆွေးနွေးခဲ့ကြကြောင်း သိရသည်။

– မန္တလေးမြို့ရှိ ဒိုင်းမွန်းပလာဇာ ယာဉ်ရပ်နားနေရာတွင် ယမန်နေ့ည ၈-နာရီဝန်းကျင်ခန့်က ဗုံးဟု ယူဆရသောအရာအား တွေ့ရှိခဲ့သော်လည်း ဗုံးမဟုတ်ပဲ ၃လက်မခွဲအရှည် သတ္တုချောင်းအား ဒိုင်ခွက်နာရီဖြင့် တွဲထားပြီး ပြည်သူများ အထိတ်တလန့်ဖြစ်စေရန် ပြုလုပ်ခြင်း ဖြစ်နိုင်ကြောင်း တိုင်းရဲတပ်ဖွဲ့၏ တာဝန်ရှိသူတစ်ဦးမှ ပြောကြားခဲ့ကြောင်း သိရသည်။

– မြန်မာနိုင်ငံတွင် လွတ်လပ်မှုများ ဖြစ်ပေါ်တိုးတက်လာသည်ဟု ဆိုသော်လည်း ဥပဒေပညာရှင် ရှေ့နေများသည် ကန့်သတ်ချုပ်ချယ်မှုများနှင့် ရင်ဆိုင်နေရပြီး အထူးသဖြင့် နိုင်ငံရေးနှင့် ဆက်နွယ်သည့် အမှုများကို လိုက်ပါဆောင်ရွက်သည့် ရှေ့နေများအတွက်လည်း အာဏာပိုင်များ၏ ကန့်သတ်ချုပ်ချယ်မှုများ ရှိနေသည့်အတွက် တရားဥပဒေ စိုးမိုးရေးကို များစွာ ထိခိုက်စေကြောင်း ဆွစ်ဇာလန်နိုင်ငံအခြေစိုက် အပြည်ပြည်ဆိုင်ရာ ဥပဒေပညာရှင်များကော်မရှင် (ICJ)က ယနေ့ရက်စွဲဖြင့် ထုတ်ပြန်သည့် အစီရင်ခံစာတွင် တွေ့ရှိရသည်။

– နည်းပညာတက္ကသိုလ်ကျောင်းများတွင် AGTI, B-Tech များအောင်မြင်ပြီး ပေါင်းကူးတန်းကို တက်ရောက်ခွင့်မရှိသူများအနေဖြင့် ၀င်ခွင့်စာမေးပွဲကိုကျင်းပပေးရန် အတွက် သက်ဆိုင်ရာဝန်ကြီးဌာနကို တင်ပြတောင်းဆိုသွားမည်ဖြစ်ကြောင်းဖြစ်ကြောင်း ရှင်းလင်းပွဲကို နစ်နာခဲ့သူများမှ ယနေ့ ဒီဇင်ဘာ ၃-ရက်နေ့တွင် ပြုလုပ်ခဲ့သည်။

– လူနှစ်ဦး လိုက်ပါစီးနင်းနိုင်သည့် ရဟတ်ယာဉ်အား မြန်မာနိုင်ငံတွင် ရောင်းချရန်နှင့် ရဟတ်ယာဉ်ထုတ် စက်ရုံတည်ဆောက်ရန် အမေရိကန်နိုင်ငံ အခြေစိုက် Robinson Helicopter ကုမ္ပဏီမှ စီစဉ်နေကြောင်း သိရပါသည်။

– မြန်မာနိုင်ငံတွင် မကြာမီ အိမ်ရှင်အဖြစ် လက်ခံကျင်းပမည့် ၂၇-ကြိမ် မြောက် အရှေ့တောင်အာရှအားကစားပွဲတော် အထိမ်းအမှတ် အမှတ်တရ ဈေးရောင်းပွဲတော်ကြီးကို ရန်ကုန်မြို့ အမျိုးသားအားကစားပြိုင်ပွဲရုံ(၁) (သုဝဏ္ဏ)တွင် ဒီဇင်ဘာလ ၃-ရက်နေ့မှ ဒီဇင်ဘာလ ၇-ရက်နေ့ထိ ကျင်းပသွားမည် ဖြစ်ပါသည်။

– မိတ္ထီလာ CAMP အတွင်းရှိ ချမ်းအေးသာယာရပ်ကွက်တွင် နေထိုင်ခဲ့သူ အကြမ်းဖက်ခံရသူများ မြေနေရာပြန်ပေးပြီး အချို့အား တိုက်ခန်းများဆောက်လုပ်ပေးမည်ဟု နိုဝင်ဘာ ၃၀-ရက်နေ့က အစည်းအဝေးတွင် သဘောတူညီချက်အား အကြမ်းဖက်ခံရသူများမှ သဘောတူညီလိုက်ကြောင်း သိရသည်။

#MMedia_MyanShortNews