လာအို သမ္မတ မြန်မာနိုင်ငံသို့ လာရောက်လည်ပတ်မည်

ဒီဇင်ဘာ ၆၊ ၂၀၁၃
M-Media

လာအိုသမ္မတ Choummaly Sayasone မှာ မြန်မာနိုင်ငံသို့ မကြာမီလာရောက်လည်ပတ်မည်ဟု လာအို အာဏာပိုင်းများက ယနေ့တွင် ကြေညာခဲ့ပြီး လည်ပတ်မည့်ရက်ကိုမူ မကြေညာခဲ့ပေ။

မြန်မာနိုင်ငံသမ္မတ ဦးသိန်းစိန်မှာ ပြီးခဲ့သည့်နှစ် မတ်လက ဗီယင်တိုင်းသို့ သွားရောက်လည်ပတ်ခဲ့ပြီးနောက် အပြန်အလှန်အားဖြင့် Choummaly က နေပြည်တော်သို့ လာရောက်လည်ပတ်မည်ဖြစ်သည်။

မြန်မာနှင့် လာအိုနိုင်ငံတို့မှာ လုံခြုံရေးဆိုင်ရာ ပူးပေါင်းဆောင်ရွက်မှုနှင့် နှစ်နိုင်ငံဆက်ဆံရေးအား တိုးမြှင့်ရန်နှင့် မဲခေါင်မြစ်ဝှမ်းနှင့် နယ်စပ်ငြိမ်းချမ်းရေး၊ တည်ငြိမ်အေးချမ်းရေးတို့အပါအ၀င် နှစ်နိုင်ငံဆက်ဆံရေးကို အရေးစိုက်ဆောင်ရွက်နေကြပြီး၊ ယဉ်ကျေးမှု၊ ခရီးသွားကဏ္ဍ၊ ကုန်သွယ်ရေး၊ ဘာသာရေးနှင့် ပညာရေးဆိုင်ရာ ပူပေါင်းဆောင်ရွက်မှုများ ပြုလုပ်ရန်အတွက်လည်း နည်းလမ်းများကို ရှာဖွေနေကြသည်။