ဗြိတိန် ဗလီကျောင်းတော်များ၏ ပတ်ဝန်းကျင် စိမ်းလန်းစိုပြေရေး အစီအစဉ်

ဒီဇင်ဘာ ၇ ၊၂၀၁၃
M-Media

လန်ဒန်။    ။ ဗြိတိန် မွတ်စ်လင်မ်အဖွဲ့အစည်းတစ်ရပ်သည် သဘာ၀၀န်းကျင်ဆိုင်ရာ အကျိုးပြုလုပ်ရှားမှုများ၌ ဗလီကျောင်းတော်များအား ပါဝင်လာစေရန်၊ ပညာပေးနိုင်ရန် လှုံ့ဆော်တွန်းအားပေးသည့် ဆုပေးပွဲအစီအစဉ်တစ်ခုကို စတင်လိုက်ပြီဖြစ်ကြောင်းသိရသည်။

“ အပေးအယူဆိုတဲ့ ကျွန်တော်တို့ရဲ့မိရိုးဖလာ အယူအဆသဘောတရားနဲ့နှိုင်းယှဉ်ရင် သဘာဝတရားဟာ ဘယ်လောက် ထိပိုပြီးလေးနက်တယ် ဆိုတာကို ကုရ်အာန်ထဲမှာ ကျွန်တော်တို့တွေ့မြင်ရတယ် ။ သဘာဝတရားဆိုတာ ဘုရားသခင်ရဲ့အံဘွယ်ဖန်ဆင်းမှုတစ်ခုလို့ အသိရှိသွားပြီးရင် ကျွန်တော်တို့အဖို့ ထိုအရာကိုစောင့်ရှောက်ဖို့လိုလိမ့်မယ်။ ကျွန်တော်တို့ဟာ အသေးအဖွဲ ကိစ္စလေးတွေအပေါ်မှာသာ အာရုံစိုက်နေမိကြတယ်၊ သဘာ၀၀န်းကျင် ထိန်းသိမ်းစောင့်ရှောက်ရေးက အရေးတကြီး ဦးစားပေးရမယ်ဆိုတာကိုတော့ ဂရုမစိုက်မိကြသေးဘူး ” ဟု  UK Carbon Reduction network (ဗြိတိန်မှ ကာဗွန်လျော့နည်းမှု စွမ်းဆောင်ရေး)ဖြစ်သော  E2B Pulse သို့ နိုင်ငံရေးသတင်းထောက် နှင့် ပညာရှင် မိုင်ရီယမ် ဖရန်ကို့စ် ဆီရာဟ်(Myriam Francois-Cerrah) က ဒီဇင်ဘာလ ၂ ရက်၊ တနင်္လာနေ့ တွင် ပြောကြားခဲ့ပါသည်။

မွတ်စ်လင်မ် ဖွံဖြိုးမှုပညာပေးအေဂျင်ဆီ(Muslim Agency For Development Education (MADE)) မှ တာဝန်ခံဆောင်ရွက်သည့် သဘာဝထိန်းသိမ်းမှုဆုအား လွန်ခဲ့သော စနေနေ့ကစတင်ခဲ့ပြီး ဗြိတိန်နိုင်ငံရှိ ဗလီကျောင်းတော်များ၏ ပတ်ဝန်းကျင်အား သဘာဝနှင့် လိုက်လျောညီထွေရှိနေစေမည့် အစီအမံဖြစ် ပြုလုပ်ခဲ့ခြင်းဖြစ်သည်။

၎င်းဆုသည် Green Up My Community လုပ်ဆောင်ချက်၏ အပိုင်းတစ်ခုဖြစ်ပြီး၊ ဥရောပရှိ MADE နှင့် ဥရောပမွတ်စ်လင်မ် လူငယ်များနှင့်ကျောင်းသားအသင်းများ ဖိုရမ် (Forum of European Muslim Youth and Student Organizations (FEMYSO)) တို့မှ ပူးတွဲစီစဉ်ခဲ့ခြင်းဖြစ်သည်။

ယင်းလှုပ်ရှားချက်သည် မွတ်စ်လင်မ်များအား စိမ်းလန်းစိုပြေခြင်း၏အမြင်ကိုရရှိစေရန် နှင့် သူတို့၏ အစာရေစာ၊ သယ်ယူပို့ဆောင်ရေး နှင့် အ၀တ်အစားများ အပေါ် ဂေဟစံနစ်၏အကျိုး သက်ရောက်စေမှုကို သိရှိစေရန်အတွက်လည်းဖြစ်သည်။

ပထမဆုံးဆုအား City Bridge Trust မှ ထောက်ခံအားဖြည့်ပေးထားပြီး၊ “ စွန္နဟ်အားမေ့လျော့နေသူများအတွက် သတိပေးသင်္ကေတများ” ဆိုသောခေါင်းစဉ်ဖြင့် ပြုလုပ်ခဲ့သော ပွဲအတွင်း ကြေငြာပေးခဲ့သည်။ ၄င်းပွဲအား လန်ဒန် မိုင်းလ်အဲန်း(Mile End) ရှိ အီကိုလော်ဂျီ ပါဗေးလီယန်း(Ecology Pavilion) တွင် ပြုလုပ်ခဲ့ပြီး လူသိများသောမွတ်စ်လင်မ်ဦးရေ ၁၅၀ နီးပါး တက်ရောက်ခဲ့သည်။

လာရောက်သူများအား Green Up My Community! လုပ်ဆောင်ချက်လက်စွဲလမ်းညွှန်စာအုပ်များအား အခမဲ့ဖြန့်ဝေပေးအပ်ခဲ့ပြီး ထိုအထဲတွင် ပတ်ဝန်းကျင် ထိန်းသိမ်းမှုဆိုင်ရာ နည်းလမ်းများပါဝင်သည်။

ပွဲအတွင်း၌ အစ္စလာမ် ဥပဒေပညာရှင် နှင့် အီဘရာဟင်တက္ကသိုလ် (Ebrahim College)တည်ထောင်သူ ရှိုင်းခ် ရှမ်းစ်(Shaykh Shams) မှ သဘာ၀၀န်းကျင်ရေရှည် တည်တံ့ရေးဆိုင်ရာ အစ္စလာမ့်အမြင်ကို တင်ပြခဲ့သည်။

“ အစ္စလာမ့် စည်းမျဉ်းများက ရုပ်ဝါဒနဲ့ဖွင့်ဆိုထားတဲ့ ရှင်သန်ရေး အတွေးအခေါ်ကို ရှောင်ဖယ်ဖို့၊ ဘ၀ကဏ္ဍတိုင်းမှာ ခေတ်စံနစ်နဲ့အညီ လျှောက်လှမ်းကြဖို့ ကျွန်တော်တို့ကို သင်ကြားပေးပါတယ်” ဟု သူကဆိုသည်။

စဦးလုပ်ဆောင်ချက်များ

ဆုအားကြေငြာပြီးနောက်တွင် လန်ဒန်အရှေ့ပိုင်း ဗလီ(East London Mosque)၊ ပါးလ်မား ဂရင်းဗလီ(Palmers Green Mosque) နှင့် အလ်မနားရ် ဗလီ(Al-Manar Mosque) အပါအ၀င်လက်တစ်ဆုပ်စာမျှသော ဗြိတိန်နိုင်ငံရှိ ဗလီကျောင်းတော်များမှ စတင်၍ အကောင်အထည်ဖော် လုပ်ဆောင်လာကြသည်။

မန်ချက်စတာအလယ်ပိုင်းတွင်တည်ရှိသော အလ်မရ်ကဇ် အလ်နဂ်ျမီ ဗလီကျောင်းတော်(Al-Markaz Al-Najmi Mosque) အား စံပြဗလီကျောင်းတော်အဖြစ် အသုံးပြု၍ ဆုပေး အကဲဖြတ်မည်ဖြစ်ကြောင်း သိရသည်။

၂၀၁၀ ခုနှစ်တွင် အလ်နဂ်ျမီ ဗလီကျောင်းတော်အား မန်ချက်စတာ၏ ပထမဆုံး သဘာ၀၀န်းကျင်နှင့်လိုက်လျောညီထွေရှိသောဗလီကျောင်းတော်အဖြစ် ဖွင့်လှစ်နိုင်ခဲ့ပြီး၊ ၄င်းကို ပြန်လည်အသုံးချ ရင်းမြစ်ဖြစ်သည့်သစ်သား နှင့် ကြေးရိုင်းမှပြုပြင်ထားသည့်ကျောက်တုံးများဖြင့် တည်ဆောက်ထားကာ ပေါင် ၃.၅ သန်း ကုန်ကျခဲ့သည်။

စဲလ်ဖို့ဒ်တက္ကသိုလ် ဗလီကျောင်းတော် (University of Salford’s mosque) ကိုလည်း တင်းပြည့်ကျပ်ပြည့်စိမ်းလန်းစိုပြေနေသော ဗလီကျောင်းတော် အဖြစ် ဆောက်လုပ်ရန် စီစဉ်ခဲ့ပြီး၊ ဗလီကျောင်းတော်အား နေရောင်ခြည်စွမ်းအင်သုံး Panel များ၊ စွန့်ပစ်ပစ္စည်းပြန်လည် အသုံးချစံနစ် နှင့် မြေသားအပူရှိန်စွမ်းအင်များကို အသုံးပြုထားသော ဇီဝဥယျာဉ် တစ်ခုတို့ဖြင့် တည်ဆောက်ထားကာ ငွေကြေး ပေါင်စတာလင် ၁၀ သန်း ကုန်ကျစားရိတ်ရှိခဲ့သည်။

“ ယခုအစီအစဉ်ဟာ နောင်လာနောက်သားများအနေနဲ့ သဘာ၀၀န်းကျင်နိယာမရဲ့ အရေးပါပုံကို နားလည်စေဖို့ ပြုလုပ် ခဲ့တာဖြစ်တယ်။ ရေဆိုးရေညစ်ကိုရေကောင်းရေသန့် အဖြစ် ပြန်လည်ပြုပြင်တဲ့ နည်းစံနစ်များ အပါအ၀င်၊ အဆောက်အဦပြင်ပ ပိုက်လိုင်းစနစ်နဲ့ နေအပူချိန်သုံးရေနွေး ရရှိအောင် ပြုလုပ်ထားတယ်၊ ဗလီကျောင်းတော်မှာ သဘာဝ စွန့်ပစ်ပစ္စည်းသုံးစံနစ်နဲ့ အပူဓာတ်ကို ဖန်တီးထားပါတယ်။ ” ဟု စဲလ်ဖို့ဒ် ဗလီကျောင်းတော်ဥက္ကဌ အွတ်စ်မန်း အလီ (Usman Ali) က ဆိုသည်။

“ တည်ဆောက်မှုစီမံချက်ထဲမှာ ကျောင်းသား ၄၃ ယောက်ပါဝင်တယ်။ သူတို့အားလုံးဟာ လက်ဖျားခါလောက်တဲ့ ဒီဇိုင်းများကို ရေးဆွဲတင်ပြနိုင်ခဲ့တယ်လို့ ကျွန်တော်ဆိုချင်ပါတယ်။ ကျောင်းသားအများအပြားဟာ အဆောက်အဦထဲ ရေကိုဘယ်လို သွယ်ယူရမလဲ၊ အဆောက်အဦနဲ့အညီ ရေအလုံအလောက်ရရှိအောင် ဘယ်လိုလုပ်ကြမလဲဆိုတာကို အတော်လေး အားထုတ်ခဲ့ကြရပါတယ်”ဟု စဲလ်ဖို့ဒ်ဗလီကျောင်းတည်ဆောက်ရေး ဦးစီးမှူး မာ့ခ် အဲလ်စတွန် (Mark Alston) က ဆိုသည်။