ထိုင်းပါလီမန်အား ဖျက်သိမ်း၊ ရွေးကောက်ပွဲ အမြန်ဆုံး ကျင်းပကာ ပြည်သူလက်ထဲ အာဏာပြန်အပ်မည်ဟု ယင်းလပ်ပြော

ဒီဇင်ဘာ ၉၊ ၂၀၁၃
M-Media

မြို့တော်ဘန်ကောက်တွင် အစိုးရဆန့်ကျင်ရေး ဆန္ဒပြပွဲများ အဆက်မပြတ်ဖြစ်ပွားခဲ့ပြီးနောက် မိမိအနေဖြင့် ပါလီမန်အား ဖျက်သိမ်းကာ ရွေးကောက်ပွဲကို အမြန်ဆုံးပြုလုပ် ပေးသွားမည်ဟု ထိုင်းဝန်ကြီးချုပ် ယင်းလပ်ရှင်နာဝပ်ထရာက ယနေ့တွင် ပြောကြားလိုက်သည်။

“အဖွဲ့အများကြီးကလူတွေဟာ အစိုးရကို ဆန့်ကျင်ပြလာတဲ့ ဒီလိုအချိန်မျိုးမှာ အကောင်းဆုံး နည်းလမ်းကတော့ အာဏာကို ထိုင်းပြည်သူတွေ လက်ထည့်ပြန်ပေးပြီး၊ ရွေးကောက်ပွဲကျင်းပပေးဖို့ပါပဲ။ ထိုင်းပြည်တွေ ဆုံးဖြတ်ပါလိမ့်မယ်” ဟု ရုပ်သံမှ တိုင်းပြည်အား ပြောဆိုခဲ့သည့် မိန့်ခွန်းတွင် ယင်းလပ်က ထည့်သွင်းပြောကြားခဲ့သည်။

ယင်းလပ်အနေဖြင့် ယနေ့တွင် ပါလီမန်ဖျက်သိမ်းပြီး ရွေးကောက်ပွဲပြုလုပ်ပေးမည်ဟု ကတိပေးခဲ့သော်လည်း ဆန္ဒပြမှုအား အဆုံးသတ်မည်မဟုတ်ဟု အတိုက်အခံခေါင်းဆောင်က ပြောကြားခဲ့သည်။

“ဒီနေ့ ကျွန်တော်တို့ အစိုးရအိမ်တော်ကို ဆက်လက်ချီတက်မှာပါ။ ကျွန်တော်တို့ရဲ့ ရည်ရွယ်ချက် မအောင်မြင်သေးပါဘူး။ ပါလီမန်ဖျက်သိမ်းတာဟာ ကျွန်တော်တို့ရဲ့ ရည်ရွယ်ချက် မဟုတ်ပါဘူး” ဟုဆိုပြီး၊ ၎င်းအနေဖြင့် ရွေးကောက်ပွဲပြုလုပ်မှုကို မလိုချင်ဘဲ ကြားဖြတ်အုပ်ချုပ်ရေးကောင်စီ ဖွဲ့စည်းပေးမှုကိုသာလိုချင်ကြောင်း Reuters သတင်းဌာနသို့ပြောကြားခဲ့သည်။

တစ်လကျော်ကြာကြာမြင့်ခဲ့သည့် အစိုးရဆန့်ကျင်ရေး ဆန္ဒပြမှုအတွင်း လူ ၃ ဦးထက်မနည်း သေဆုံးခဲ့ပြီး အများအပြားဒဏ်ရာရခဲ့ကာ ၂၀၁၀ နောက်ပိုင်း အကြီးဆုံး လူထုအုံကြွမှုကြီးလည်း ဖြစ်သည်။
Ref: aljazeera

—————————————-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။

M-Media မှ ခွင့်ပြုချကမရှိဘဲ စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြခြင်းများ လုံးဝ ခွင့်မပြုပါ။
ဆက်သွယ်ရန် [email protected]