နွယ်အေးဗလီ သာရေးနာရေးအဖွဲ့၏ လူမျိုးဘာသာမရွေး သက်ကြီးသူများအား ကျန်းမာရေးစစ်ဆေး၊ ဆေးဝါးနှင့် အဟာရထောက်ပံ့မှု

ဒီဇင်ဘာ ၁၀၊ ၂၀၁၃
M-Media
A.N.Lay

ရန်ကုန်  ။     ။      ငြိမ်းချမ်းရေးဖော်ဆောင်သည့်အထိမ်းအမှတ်အဖြစ် လူမျိုးဘာသာပေါင်းမရွေး သက်ကြီးသူများအား ကျန်းမာရေးစစ်ဆေးပြီး ဆေးဝါးနှင့် အဟာရထောက်ပံ့မှုတစ်ရပ်ကို ရန်ကုန်မြို့ သာကေတမြို့နယ် နွယ်အေးရပ်ကွက် ဗလီဝတ်ကျောင်းတော်၌ ဒီဇင်ဘာ ၈-ရက်နေ့ နံနက် ၈-နာရီတွင် ပြုလုပ်ပေးခဲ့သည်။

ဗလီမှ တာဝန်ရှိသူတစ်ဦးမှ “ကျွန်တော်တို့ဒီမှာ နေ့စဉ်ဆေးခန်းတော့ဖွင့်ပါတယ်။ ကျွန်တော်တို့က တစ်နှစ်ကို တစ်ခါ မျက်မှန်လှူတာတို့ပြုလုပ်ပါတယ်။ ဒီနှစ်ကတော့ သက်ကြီးရွယ်အိုများအတွက် အာဟာရဖြစ်စေတဲ့ အစားအစာများ လှူမှာဖြစ်ပါတယ်လို့ ပြောကြားခဲ့ပါတယ်။

အဆိုပါ ဆေးကုသမှုခံယူပွဲတွင် သက်ကြီးရွယ်အို လူမျိုး ဘာသာမခြား လာရောက်ကုသနိုင်ပြီး၊ တစ်နှစ်ကို တစ်ခါ လူနာများအား လိုအပ်သည့် ဆေးဝါးများနှင့် အာဟာရ ဓာတ်စာများကို လှူဒါန်းခဲ့ကြောင်းနှင့် ဆေးကုသမှုခံယူမှုတွင် ဗုဒ္ဓဘာသာဝင် ၅၀-ခန့်လောက်လာရောက်ကုသကြောင်းသိရှိရပါတယ်။

ဆေးကုသမှု လာရောက်ခံယူသူတစ်ဦးမှလည်း ယခုလိုပြောကြားခဲ့ပါတယ်။ “ကျွန်တော်က ဗုဒ္ဓဘာသာဝင်တစ်ဦးပါ၊ ကျွန်တော်ခံစားနေရာတာက ရင်ကျပ်ရောဂါပါ ကျွန်တော့်အတွက် ပိုက်ဆံကလည်းအခက်အခဲရှိတော့ အပြင်မှာမပြနိုင်ဘူးလေ၊ အဲဒါကြောင့် ဒီမှာလာပြီးပြရတာပါ။ အခုလို ဘာသာမရွေးဆေးကုသပေးတဲ့ အတွက်လည်း များစွာစိတ်ကျေနပ်မှုရှိပါတယ်။ ကျွန်တော်တို့ကို ဆေးကုသပေးသည့် ဆရာဝန်များနှင့် ကျွန်တော်တို့ဆေးကုသနိုင်အောင် စီစဉ်ပေးတဲ့ ပုဂ္ဂိုလ်များအားလုံးကိုလည်း ကျေးဇူးတင်ပါတယ်”လို့ပြောခဲ့ပါတယ်။