“ဦးသန့်အရေး” ၃၉ နှစ်မြောက် ပြုလုပ်

ဒီဇင်ဘာ ၁၂၊၂၀၁၃
M-Media
သတင်း – ဆူးထက်

ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ် ဦးသန့်၏ ရုပ်ကလာပ် ဂူသွင်းမြှပ်နှံသည့် ၃၉နှစ်မြောက် နှစ်ပတ်လည် အခမ်းအနား

ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ် ဦးသန့်၏ ရုပ်ကလာပ် ဂူသွင်းမြှပ်နှံသည့် ၃၉နှစ်မြောက် နှစ်ပတ်လည် အခမ်းအနားကို  ဦးသန့်ဈာပန ဖြစ်မြောက်ရေး လှုပ်ရှားသူများမှ ဒီဇင်ဘာ ၁၁ရက်နေ့က ရန်ကန်မြို့၊ ရွှေတဂုံစေတီတော် တောင်ဘက်မုဒ်၊ ဦးသန့်ဂူဗိမာန်တွင် နံနက် ၉နာရီက ကျင်းပပြုလုပ်ခဲ့သည်။

” ဆရာကြီးဦးသန့်ရဲ့ ဂူဗိမာန် ခန့်ငြားထည်ဝါစွာ ပေါ်ထွန်းလာရေးတို့ အတွက် ရဟန်းရှင်လူ ပြည်သူ မိဘအပေါင်းနှင့် ပူးပေါင်းပြီး သက်စွန့် ကြိုးပမ်းဆောင်ရွက်ခဲ့ကြတာပါ။ အဲဒီ အရေးအခင်းကြောင့် ရဟန်း ၉ပါး နှစ်ရှည်ထောင်ကျခံရသလို၊ လူပေါင်း ၅၀၀၀နီးပါး ဖမ်းခံခဲ့ရပြီး ၅၂ဦးခန့် ထောင်ကျခံခဲ့ရပါတယ်။ ဦးဇင်းက အဲဒီတုန်းက ရန်ကုန်ဝိဇ္ဇာ သိပ္ပံ ကျောင်းသားပါ ” ဟုဆရာတော် ဦးရေ၀တ (ခ) ဦးလှဌေး (၇၄- ၇၅ -၇၆ နိုင်ငံရေး အင်အားစု) က M-Media သို့ မိန့်ကြားသည်။

ယင်းအပြင် ဦးသန့်အရေးအခင်းတွင် ပါဝင်လှုပ်ရှားသည့်အပြင် ထိုအချိန်က မဆလ ဦးနေဝင်းအစိုးရ နှင့် စင်ပြိုင်အစိုးရထောင်ထားသည့်  ဦးနု နှင့် ပူးပေါင်းဆောင်ရွက်မှုဖြင့် MSC ကျောင်းသား ဆလိုင်း တင်မောင်ဦးသည် ကြိုးပေးခံခဲ့ရကြောင်း၊ မြန်မာသမိုင်းတွင် ကျောင်းသားအနေဖြင့် ကြိုးပေးခံရတာ ပထမဦးဆုံး ဖြစ်ကြောင်း ၎င်းက မိန့်ကြားသည်။

” ဦးနေ၀င်းက ဦးသန့်ကို အဲဒီချိန်တုန်းက ကြံတော သချိုင်းက ရှိသေးတာဆိုတော့ အဲဒီမှာ သာမာန်ပြည်သူ တစ်ယောက်လို ချချင်ခဲ့တာ။ ဦးနေ၀င်းရဲ့ ဖိအားကြောင့် ဦးသန့်ရဲ့ မိသားစုကလည်း ကြံတောပဲ ပို့ပါတော့လို့ လုပ်တော့မယ်။။ ဒါကို ရဟန်းရှင်လူ ပြည်သူတွေက လုံးဝ လက်သင့်မခံခဲ့ဘူး။ အဲဒီချိန်မှာ ဦးသန့်ဈပန ဖြစ်မြောက်ရေး၊ ဦးသန့်ဂူဗိမာန် တည်ဆောက်ရေး အဲဒီ ကြွေးကြော်သံ ၂ချက်ကို ကိုင်ဆွဲပြီးတောင်းဆိုတာကို လမ်းစဉ်ပါတီ အစိုးရက ခွင့်မပြုဘူး။ ခွင့်မပြုတဲ့အတွက် ကျောင်းထဲမှာ သပိတ်စခန်း ၇ရ က်ဆွဲပြီး ဖိနှိပ်မှုကို ဆန့်ကျင်ပြီး ဒီဇင်ဘာ ၈ ရက်နေ့မှာ ဦးနေ၀င်းက တ.က.သ အဆောက်အဦးကို ဗုံးခွဲခဲ့တဲ့ နေရာမှာ မြှပ်နှံခဲ့တာပါ။ ဒါပေမယ့် အစိုးရက ၁၉၄၇ ခုနှစ်၊ ဒီနေ့လို ဒီဇင်ဘာ ၁၁ ရက်နေ့မှာ ဦးသန့်ရုပ်အလောင်းကို ကော်ထိုးပြီး  သယ်ကာ ဒီနေရာမှာ မြှပ်နှံခဲ့တာပါ။ ရဟန်းရှင်လူ ပြည်သူတွေကို မျက်ရည်ယို ဗုံးတွေ၊ သေနတ်တွေနဲ့ ပစ်ဖောက်ခဲ့လို အသေအကြေလည်း များခဲ့ပါတယ်” ဟု ၎င်းက ထပ်လောင်း မိန့်ကြားခဲ့သည်။

ကမ္ဘာ့ငြိမ်းချမ်းရေး အကျိုးတော်ဆောင်၊ အမျိုးသား ကျောင်းဆရာကြီး ဦးသန့် ၏ ကြည်ညှိဖွယ် ဂုဏ်ထူးကို ဦးခိုက်လျက် ယနေ့ကျရောက်တဲ့ ၃၉နှစ်မြောက်သောနေ့မှာ ပထမဆုံးအကြိမ် လူထုအရှေ့မှာ ကျင်းပခွင့်ရခဲ့ခြင်း ဖြစ်ပြီး ဆရာကြီး၏ သမာဓိဂုဏ်၊ ပညာဂုဏ်၊ အမျိုးဂုဏ်၊ ဇာတိဂုဏ်တို့ကို ရည်မှန်းလျှက် ရှိခိုး ဦးညွှတ်ခြင်း ဖြစ်ကြောင်း ဦးသန့်အရေး လှုပ်ရှားသူများ၏ ကျောင်းသားဟောင်း တစ်ဦးဖြစ်ကာ ယင်းလှုပ်ရှားမှုကြောင့် ထောင် (၈)နှစ်ကျခံခဲ့ရသူ ဦးဇော်ငြိမ်းလတ်က ဆိုသည်။

” ဆရာကြီးဟာ ပန်းတနော် အမျိုးသား ကျောင်းဆရာ ဘ၀ကနေ နိုင်ငံပေါင်းစုံ ဖွဲ့စည်းထားတဲ့ ကမ္ဘာ့ကုသမဂ္ဂ  အဖွဲ့အစည်းမှာ အထွေထွေ အတွင်းရေးမှူး တာဝန်ကို ထမ်းဆောင်ရင်း ကမ္ဘာ့ငြိမ်းချမ်းရေး အကျိုးတော် ဆောင်ဖြစ်တယ်။ အဲဒီချိန်တုန်းက တတိယ ကမ္ဘာ့စစ်ကို စိုးရိမ်နေရတဲ့ ကာလမှာ အမေရိကန်နိုင်ငံနဲ့ ရုရှားနိုင်ငံတို့ ကျူးဘားအရေးအခင်းနဲ့ ပတ်သက်ပြီး စစ်သဘောင်္တွေ၊ အနုမြူဗုံးတွေနဲ့ ထိပ်တိုက်တွေ့တော့မယ် အချိန်မှာ ဖြေရှင်းခဲ့သူပါ။ တတိယ ကမ္ဘာစစ်ကို ကာကွယ်လိုက်နိုင်တဲ့ သူပါ။ ဆရာကြီးဦးသန့်ကို ခုရော နောက်မျိုးဆက်တွေကရော အင်မတန် အတုယူ သင့်တယ်” ဟု M-Media သို့ပြောသည်။

ယင်းအခမ်းအနားကျင်းပသည့် နေ့သည့် တိုက်တိုက် ဆိုင်ဆိုင် ဦးသန့်ဂူဗိမာန် ပိတ်ရက် ဖြစ်နေကြောင်း သိရသည်။ တစ်ပတ်တွင် တစ်ရက်ခြား ဖွင့်ကြောင်း သိရသည်။

ဦးသန့်ကို ၁၉၀၉ ခုနှစ် ဇန်န၀ါရီလ ၂၂ရက်နေ့၌ ဧရာဝတီ မြစ်ဝကျွန်းပေါ်ရှိ ပန်းတနော်မြို့တွင် အဖ ဦးဘိုးနှစ်၊ အမိ ဒေါ်နန်းသောင်တို့မှ ဖွားမြင်ခဲ့သည်။ သံတမန်ဘ၀ မတိုင်မီ ဦးသန့်၏ အတွေ့အကြုံမှာ ပညာရေးနှင့် ပြန်ကြားရေး ကဏ္ဍများတွင် ဖြစ်ပါသည်။ ကောလိပ်မှ ထွက်ကာ သူတက်ရောက်သင်ကြားခဲ့ရာ ပန်းတနော် အမျိုးသား အထက်တန်းကျောင်းတွင် အထက်တန်းပြ ဆရာအဖြစ် တာဝန်ထမ်းဆောင်ရင်း ၁၉၃၁ ခုနှစ်၊ အင်္ဂလိပ် အစိုးရ စစ်ဆေးသည့် အထက်တန်းဆရာဖြစ် စာမေးပွဲကို ပထမစွဲ၍ အောင်မြင်ခဲ့ပြီးနောက်တွင် ကျောင်းအုပ်ဆရာကြီး ဖြစ်လာခဲ့ပါသည်။

၁၉၅၂ခုနှစ်တွင် ကမ္ဘာ့ကုသမဂ္ဂ အထွေထွေ ညီလာခံသို့ မြန်မာကိုယ်စားလှယ် အဖွဲ့၏ အဖွဲ့ဝင် တစ်ဦးအနေဖြင့် ဦးသန့်က တက်ရောက်ခဲ့ပြီး ၁၉၅၇ ခုနှစ်တွင်မှစ၍ ကုလသမဂ္ဂဆိုင်ရာ အမြဲတမ်း ကိုယ်စားလှယ်အဖြစ် သံအမတ်ကြီး အဆင့် (၁၉၅၇- ၁၉၆၁) အပ်နှင်းခြင်း ခံခဲ့ရသည်။ ကမ္ဘာ့ကုလသမဂ္ဂဆိုင်ရာ သံအမတ်ကြီးအနေဖြင့် ဦးသန့်သည် နိုင်ငံငယ်များ လက်အောက်ခံ ကိုလိုနီ အဖြစ်မှ လွတ်မြောက်ရေး ကိစ္စများတွင် တက်ကြွစွာ ဆောင်ရွက်ခဲ့ပြီး အယ်ဂျီးရီးယား နိုင်ငံ လွတ်လပ်ရေး အတွက် အာဖရိက အာရှ လုပ်ငန်းအဖွဲ့၏ ဥက္ကဌ ဖြစ်လာခဲ့သည်။ ၁၉၅၉ ခုနှစ်တွင် သူသည် ၁၄ကြိမ်မြောက် ကုလသမဂ္ဂ အထွေထွေ ညီလာခံ ဒု-ဥက္ကဌများ အနက် တစ်ဦး အဖြစ် ဆောင်ရွက်ခဲ့ပြီး ၁၉၆၁ ခုနှစ်တွင် ကွန်ဂို နိုင်ငံ စေ့စပ်သင့်မြတ်ရေး ကော်မရှင်နှင့် ကမ္ဘာ့ ဖွံ့ဖြိုးတိုးတက်မှု ရန်ပုံငွေ အဖွဲ့တို့တွင် ဥက္ကဌ အဖြစ် ထမ်းဆောင်ခဲ့ပါသည်။

ကျူးဘားဒုံးကျည် အရေးအခင်းတွင် သူသည် အဓိကကျသည့် အခန်း ကဏ္ဍ၌ ပါဝင်ခဲ့သည်။ သမ္မတ ကနေဒီနှင့် အတွင်းရေးမှူး ကရုးရှက်ဗ်တို့ကြား သံတမန် နည်းလမ်း မျိုးစုံဖြင့် ကြိုးစားခဲ့သဖြင့် နျုကလီးယား စစ်ပွဲမဖြစ်အောင် ရှောင်ရှားနိုင် ခဲ့သည်။ သမ္မတ ကနေဒီက နောင်တွင် ဦးသန့်အား ချီးကျူးသည့်အခါ ‘ ကမ္ဘာကြီးမှာ သူ့ကျေးဇူးတွေ ရှိတယ်’ ဟူ၍ ပြောဆိုခဲ့သည်။

ဦးသန့်သည် ကမ္ဘာ့ကုလသမဂ္ဂ၏ တတိယမြောက် အထွေထွေ အတွင်းရေးမှူးချုပ်ဖြစ်ပြီး သံတမန်၊ ပညာရေး ၀န်ထမ်း၊ စာရေးဆရာနှင့် အစိုးရအမှုထမ်းအဖြစ်တာဝန် ထမ်းဆောင်ရင်း ၁၉၇၄ ခုနှစ်၊ နိုဝင်ဘာ ၂၅ရက်နေ့တွင် အမေရိကန်နိုင်ငံ၊ နယူးယောက်မြို့၌ အသက်(၆၅)နှစ် အရွယ်တွင် ကွယ်လွန်ခဲ့သည်။