ဒီဇင်ဘာ ၁၅ အားကစားသတင်းများ

ဒီဇင်ဘာ ၁၅၊ ၂၀၁၃
M-Media

– အာဆင်နယ်အသင်းအား အီမရိတ်ကွင်းတွင် အနိုင်ယူနိုင်ခြင်းမှာ ချယ်ဆီးအသင်း၏ ပရီမီးယားလိဂ်ဖလား ရရှိရေးမျှော်လင့်ချက်အတွက် အလွန်အရေးပါမည် မဟုတ်ဟု ချယ်ဆီးနည်းပြ မော်ရင်ဟိုက ခရစ္စတယ်ပဲလေ့စ်အား ၂ ဂိုး ၁ ဂိုးဖြင့် အနိုင်ရရှိခဲ့သော ပွဲအပြီးတွင်ပြောကြားခဲ့သည်။ ချယ်ဆီးမှာ လာမည့်သီတင်းပတ်တွင် အာဆင်နယ်အသင်းနှင့် ကစားရမည်ဖြစ်ပြီး အနိုင်ရရှိပါက ပရီးမီးယားလိဂ် ဇယားထိပ်တွင် ဦးဆောင်နိုင်ရန် အခွင့်အရေး ရမည်ဖြစ်သော်လည်း မော်ရင်ဟိုက ဒီဇင်ဘာ သို့မဟုတ် ဇန်န၀ါရီလတွင် ပရီးမီးယားလိဂ်တွင် ဦးဆောင်နိုင်ခြင်းမှာ ချန်ပီယံဖြစ်ရေးအတွက် အရေးမကြီးဟု သတင်းထောက်များအား ပြောကြားခဲ့သည်။

——————————————–

– ၀က်စ်ဘရွန်းအသင်းက ၎င်းတို့၏ နည်းပြဖြစ်သူ စတိဗ်ကလာက်အား ရာထူးမှ ထုတ်ပယ်လိုက်သည်ဟု သိရသည်။ နောက်ဆုံးလေးပွဲဆက်ရှုံးနိမ့်ခဲ့ပြီး တန်းဆင်းဇုန်နှင့် ၂ မှတ်သာ ကွာတော့သောကြောင့် ယမန်နေ့က ကစားခဲ့သည့် ကာဒစ်ဖ်အသင်းအား ၁ ဂိုး ဂိုးမရှိဖြင့် ရှုံးနိမ့်ခဲ့သော ပွဲအပြီးတွင် အသင်းမှထုတ်ပယ်ခဲ့ခြင်းဖြစ်ပြီး၊ ထိုဆုံးဖြတ်ချက်အား သေချာစွာ စဉ်းစားဆုံးဖြတ်ပြီးနောက် ချမှတ်ခဲ့ခြင်းဖြစ်သည်ဟု ၀က်စ်ဘရွန်းအသင်း၏ နည်းစနစ်ဒါရိုက်တာ ရစ်ချတ် ဂါးလစ်က ပြောကြားခဲ့သည်။
……………………………
– ယမန်နေ့က ကစားခဲ့သည့် လာလီဂါပွဲစဉ်တွင် နောက်ခံလူ ရာမို့စ်ကို ထုတ်ပယ်ခဲ့သည့် ဒိုင်လူကြီး၏ ဆုံးဖြတ်ချက်နှင့်ပက်သက်၍ နားလည်ရန် ခက်ခဲသည်ဟု ရီးယဲလ်အသင်းနည်းပြ ကားလို့စ်အန်ဆယ်လော့တီက ပြောကြားခဲ့သည်။ ရာမို့စ်မှာ အိုဆာဆူနာအသင်းနှင့် ၂ ဂိုးစီ သရေကျခဲ့သည့်ပွဲတွင် မိနစ်လေးဆယ်အကျော်၌ အထုတ်ခံခဲ့ရခြင်းဖြစ်သည်။ ထိုပွဲတွင် ရီးယဲလ်အသင်းမှာ ၂ အရှုံး တစ်ယောက်လျော့ဖြင့် ၂ ဂိုးစီ သရေကျအောင် ကစားနိုင်ခဲ့ပြီး ကစားသမားများ၏ စွမ်းဆောင်ရည်များနှင့် ပက်သက်၍ အန်ဆယ်လော့တီက ချီးကျူးခဲ့သည်။
……………………………..
– ကမ္ဘာ့ဖလားပြိုင်ပွဲကျင်းပရန် ဆောက်လုပ်နေသည့် ဘရာဇီးနိုင်ငံတောင်ဘက်ရှိ Arena Amazonia ဘောလုံးကွင်းတွင် ဆောက်လုပ်ရေးလုပ်သားတစ်ဦး ပြုတ်ကျသေဆုံးခဲ့ပြီးနောက် ဆောက်လုပ်ရေးလုပ်ငန်းများ၏ အန္တရာယ်ကင်းရှင်းမှုအခြေအနေနှင့် ပက်သက်၍ အလုပ်သမား ယူနီယံက ရှုတ်ချပြောဆိုလိုက်ပြီး တနင်္လာနေ့ (မနက်ဖြန်)တွင် ဆန္ဒပြရန် စီစဉ်ထားသည်ဟု သိရသည်။ ပြီးခဲ့သည့်နိုဝင်ဘာ ၂၇ ရက်နေ့ကလည်း ဆော်ပေါ်လိုမြို့ရှိ ဆောက်လုပ်ဆဲ ဘောလုံးကွင်းတွင် ကရိန်းတစ်ခု ပြုတ်ကျမှုကြောင့် အလုပ်သမားနှစ်ဦးသေဆုံးခဲ့သေးသည်။ ကမ္ဘာ့ဖလားကျင်းပမည့် ဘောလုံးကွင်းများ ပြီးစီးရမည့်နောက်ဆုံးရက်မှာ ယခုလကုန်တွင်ဖြစ်သောကြောင့် သတ်မှတ်ချိန်အတွင်းပြီးစီးရန်အတွက် အလျင်အမြန်လုပ်ဆောင်နေရပြီး၊ ထိုကဲ့သို့ဆန္ဒပြမှုများက ဘရာဇီးကမ္ဘာ့ဖလား ကျင်းပရေး ကော်မတီအတွက် ထိုးနှက်ချက်တစ်ခုဖြစ်လာမည်ဖြစ်သည်။ ……………………………..
– လာမည့် နွေရာသီအပြောင်းအရွှေ့တွင် ရီးယဲကွင်းလယ်လူ ဆာမိ ခီဒီရာအား ခေါ်ယူရန် မန်ချက်စတာယူနိုက်တက်အသင်းက အာဆင်နယ်အသင်းနှင့်အပြိုင် ဆောင်ရွက်သွားရန် အသင့်ရှိနေသည်ဟု သိရသည်။ ဂျာမနီကစားသမား ခီဒီရာမှာ ရီးယဲလ်အသင်းနှင့် လာမည့် ဇွန်လတွင် စာချုပ်သက်တမ်းကုန်ဆုံးမည်ဖြစ်ပြီး အာဆင်ဝင်းဂါးက ခေါ်ယူရန် အချိန်တော်ကြာ သတ်ပစ်မှတ်ထား ထားသော ကစားသမားတစ်ဦးလည်းဖြစ်သည်။