နေတိုး အဖွဲ့ဝင် ပိုလန်နှင့် လစ်သူယေးနီးယားကြား ဒေသတွင် ရုရှားမှ ဒုံးကျည်များ တပ်ဆင်ထား

ဒီဇင်ဘာ ၁၇၊ ၂၀၁၃
M-Media

– နေတိုး အဖွဲ့ဝင်နိုင်ငံများဖြစ်ကြသည့် ပိုလန်နှင့် လစ်သူယေးနီးယားနိုင်ငံအကြားတွင်ရှိသည့် ရုရှားပိုင် Kaliningrad ဒေသတွင် ဒုံးကျည်များ တပ်ဆင်ထားသည်ဟု ရုရှား သတင်းစာ Izvestia မှ ယမန်နေ့က ရေးသားဖော်ပြခဲ့သည်။ ထိုကဲ့သို တပ်ဆင်ထားသည်မှာ အချိန်အတော်ကြာခဲ့ပြီဟု ရုရှား ကာကွယ်ရေးဝန်ကြီးဌာန အကြီးတန်းအရာရှိတစ်ဦး၏ ပြောကြားမှုကို ကိုးကား၍ ရေးသားဖော်ပြခဲ့ခြင်းဖြစ်သည်။ ရုရှားစစ်တပ်မှ အမည်မဖော်လိုသည့် အခြားအရာရှိတစ်ဦးကလည်း လွန်ခဲ့သည့် တစ်နှစ်ခွဲခန့်ကတည်းက ထိုဒုံးကျည်များအား တပ်ဆင်ထားရှိခြင်းဖြစ်သည်ဟု ပြောကြားခဲ့သည်။

ရုရှားနိုင်ငံကမူ နိုင်ငံအနောက်ပိုင်းတွင် ဒုံးကျည်များ တပ်ဆင်ထားမှုမှာ မှန်ကန်သည်ဟု ယမန်နေ့က အတည်ပြုပြောဆိုခဲ့ပြီး နေရာအတိအကျကိုမူ ပြောဆိုသွားခြင်းမရှိခဲ့ပေ။ ထို့ပြင် ထိုကဲ့သို့ ဒုံကျည်များ တပ်ဆင်ထားမှုမှာ နိုင်ငံတကာဥပဒေများအား ဖောက်ဖျက်ခြင်းမရှိဟု ကာကွယ်ရေးဝန်ကြီးဌာနမှ ပြောရေးဆိုခွင့်ရှိသူ Igor Konashenkov က ပြောကြားခဲ့သည်။ ထိုသတင်းမှာ နေတိုးအဖွဲ့ဝင် နိုင်ငံများဖြစ်သည့် ပိုလန်နှင့် လစ်သူယေးနီးယားတို့အတွက် စိုးရိမ်မှုများ ဖြစ်ပေါ်စေခဲ့သည်။
Ref: aljazeera