ဒီဇင်ဘာ ၁၉၊ အားကစားသတင်း စုစည်းမှု

ဒီဇင်ဘာ ၁၉၊ ၂၀၁၃
M-Media

–  ပြီးခဲ့သည့် စနေနေ့က နယူးကာဆယ်အသင်းနှင့် ၁-ဂိုးစီ သရေကျခဲ့သောပွဲတွင် ဆောက်သက်တမ် တိုက်စစ်မှူး ပါဘလို အော့စ်ဗာလ်ဒိုမှာ ရိုင်းစိုင်းသော အပြုအမူကို ပြုလုပ်ခဲ့သည်ဟု စစ်ဆေးတွေ့ရှိရသည့်အတွက် အင်္ဂလိပ်ဘောလုံးအဖွဲ့ချုပ် FA က တရားစွဲဆိုထားသည်ဟု သိရသည်။ ဆောက်သက်တမ်ကစားသမား မော်ဂန် ရှန်ဒါလင်နှင့် နယူးကာဆယ် ကွင်းလယ်လူ မာဆာဒီယို ဟိုင်ဒါရာတို့ ပြဿနာဖြစ်ပွားခဲ့ရာမှာ နှစ်ဖက်အသင်းကစားသူများပါ ရုတ်ရုတ်သဲသဲဖြစ်ခဲ့ပြီး အော့စ်ဗာလ်ဒိုနှင့် ဂိုးနည်းပြ ၀ုဒ်မန်လည်း ပါဝင်ခဲ့သည်။ ထို့နောက် FA ၏ တာဝန်ရှိသူများက ထိုပွဲဗီဒီယိုအား ပြန်ကြည့်ပြီးနောက် ရိုင်းစိုင်းသော၊ မသင့်လျော်သော အပြုအမူများ ပြလုပ်ခဲ့သည့်ကို တွေ့ရှိခဲ့ပြီးနောက် ယခုကဲ့သို့ တရားစွဲဆိုခဲ့ခြင်းဖြစ်ပြီး ထိုတရားစွဲဆိုမှုတွင် ၀ုဒ်မန်လည်းပါဝင်သည်။
…………………………..

–  အစိုးရ၏ အကူအညီရယူမှုနှင့် ပက်သက်ပြီး ဥရောပ ကော်မရှင်မှ အသေးစိတ် စုံစမ်းစစ်ဆေးမှုများ ပြုလုပ်နေသည့် စပိန်ကလပ်အသင်း ၇-သင်းတွင် ရီးယဲလ်မက်ဒရစ်နှင့် ဘာစီလိုနာအသင်းတို့ ပါဝင်နေသည်ဟု သိရသည်။ ဘောလုံးအသင်းများ လည်ပတ်ရန်အတွက် အစိုးရမှ အကူအညီများ ရယူမှုမှာ ဥရောပယူနီယံမှ တားမြစ်ထားသည့် ဥပဒေတွင်ပါဝင်နေပြီး၊ ထိုကိစ္စအတွက် ဥရောပကော်မရှင်အနေဖြင့် ထိရောက်သော စစ်ဆေးမှု သုံးခုပြုလုပ်နေကြောင်း၊ ထို့ကဲ့သို့ အစိုးရ ထောက်ပံ့ကြေးများဖြင့် လည်ပတ်နေသောကလပ်များမှာ အခြားကလပ်များထက် အကျိုးကျေးဇူးများ ပိုမိုခံစားနေရကြောင်း ဥရောပကော်မရှင်မှထုတ်ပြန်သော အစီရင်ခံစာတွင် ဖော်ပြထားသည်။ ထိုကဲ့သို့ စွပ်စွဲခံထားရသည့် ကလပ်များတွင် ဗလင်စီယာ၊ ဘီလ်ဘာအို၊ အိုဆာဆူနာ၊ အဲလ်ချီနှင့် စပိန်ပထမတန်းမှ ဟာကျူလီအသင်းတို့ ပါဝင်ကြသည်။
…………………………….

–  ယနေ့နံနက်က ကစားခဲ့သည့် လိဂ်ဖလားပြိုင်ပွဲတွင် ၀က်စ်ဟမ်းအသင်းအား ရှုံးနိမ့်ခဲ့ခြင်းမှာ အသင်းအတွက် အလွန်စိတ်ပျက်ဖွယ်ရာဖြစ်သည်ဟု စပါးအသင်း ယာယီနည်းပြ ရှားဝုဒ်က ပြောကြားလိုက်သည်။ အိမ်ကွင်း၌ ကစားခဲ့ရသည့် ထိုပွဲမှာ ရှားဝုဒ်အတွက် ပထမဦးဆုံး ပွဲလည်းဖြစ်ပြီး ဦးဆောင် ဂိုး ၁-ဂိုး သွင်းယူနိုင်ခဲ့သော်လည်း ထိန်းမထားနိုင်ခဲ့ဘဲ ၀က်စ်ဟမ်းအသင်း၏ ချေပဂိုးနှင့် အနိုင်ဂိုးများကို ခွင့်ပြုခဲ့ရသည်။
……………………….

–  ဂရင်းစလင်း ဆုဖလားအား ၆-ကြိမ်တိုင်တိုင်ရရှိခဲ့သည့် ဂျာမန်နိုင်ငံသား ဘောရစ်ဘက်ကာမှာ ကမ္ဘာ့ နံပါတ်-၂ ဆားဘီးယားတင်းနစ်သမား နိုဗက်ဂျိုကိုဗစ်၏ နည်းပြချုပ်အဖြစ် ဆောင်ရွက်တော့မည်ဟု သိရသည်။အသက် ၄၆ နှစ်အရွယ်ရှိ ဘက်ကာမှာ ယခင်ကမ္ဘာ့ နံပါတ်-၁ ကစားသမားဟောင်း ဖြစ်ပြီး ATP ဆုဖလား ၆၄ ကြိမ် ဆွတ်ခူးရရှိခဲ့ဖူးသည်။ ဂျိုကိုဗစ်၏ နည်းပြအဖြစ် တာဝန်ထမ်းဆောင်ရခြင်းကို ပျော်ရွင်မိကြောင်း ဘက်ကာက ပြောကြားခဲ့ပြီး၊ ဂျိုကိုဗစ်ကလည်း ဘက်ကာ၏ အတွေ့အကြုံများက ဂရင်းစလင်းနှင့် အခြားပြိုင်ပွဲများတွင် အနိုင်ရရှိအောင် ကူညီပေးလိမ့်မည်ဟု ယုံကြည်ကြောင်း ပြောကြားခဲ့သည်။
…………………………….

– လာမည့် သီတင်းပတ်တွင် အဘူဒါဘီတွင် ကျင်းပမည့် Mubadala World Tennis ပြိုင်ပွဲတွင် ဗြိတိန် နာမည်ကြီးတင်းနစ်ကစားသမား အန်ဒီမာရေးမှာ ပြန်လည်ပါဝင်နိုင်မည်ဟု သိရသည်။ မာရေးမှာ နောက်ကျောဒဏ်ရာကို ကာလကြာရှည်စွာ ခံစားနေရပြီး ပြီးခဲ့သည့် စက်တင်ဘာလက ခွဲစိတ်ကုသမှုခဲ့ယူခဲ့ပြီးနောက် အနားယူနေသူဖြစ်သည်။
……………………………