ဒီဇင်ဘာ ၁၉၊ ပြည်တွင်းသတင်း စုစည်းမှု

ဒီဇင်ဘာ ၁၉၊ ၂၀၁၃
M-Media
ရှမ်းပြည်မြောက်ပိုင်း ကွမ်းလုံအနီး ပေါက်ကွဲမှုဖြစ်

– ရှမ်းပြည်နယ်မြောက်ပိုင်း ကွမ်းလုံအနီးတွင် ဒီဇင်ဘာ ၁၇-ရက်နေ့မနက်ပိုင်းက ထော်လာဂျီတစ်စီး ရုတ်တရက် ပြင်းထန်စွာပေါက်ကွဲမှုတစ်ခု ဖြစ်ပွားခဲ့ပြီး၊ ၎င်းဗုံးကြောင့် ယာဉ်မောင်းအမျိုးသားတစ်ဦးနှင့် အမျိုးသမီးတစ်ဦး၊ အဆိုပါ နေရာအနီးရပ်ထားသော Asia World ကုမ္ပဏီ၏ လမ်းခင်းစက်ပေါ်မှ ယာဉ်မောင်း ၂-ဦးနှင့် ဆိုင်ကယ်မောင်းနှင်လာသော တပ်မတော်သားတစ်ဦးလည်း သေဆုံးသွားကြောင်းနှင့် ပေါက်ကွဲမှု မှုခင်းအား သက်ဆိုင်ရာ အာဏာပိုင်များမှ စုံစမ်းဖော်ထုတ်သွားမည်ဖြစ်ကြောင်း သိရသည်။
________________________

KIA ဖမ်းဆီးထားသည့် တိုင်းရင်းသားလူငယ်များ လွတ်မြောက်ရေး ဆန္ဒထုတ်ဖော်မည်

– KIA က ဖမ်းဆီးထားသည့် တိုင်းရင်းသား လူငယ်များ ပြန်လည်လွတ်မြောက်ရေးအတွက် ဆန္ဒထုတ်ဖော်ရန် သက်ဆိုင်ရာ၏ ခွင့်ပြုချက် မရသော်လည်း မနက်ဖြန် ဒီဇင်ဘာ ၂၀-ရက်နေ့တွင် ဆန္ဒထုတ်ဖော်မှု ပြုလုပ်သွားမည်ဖြစ်ပြီး KIA အဖွဲ့၏ တပ်သားသစ် စုဆောင်းရန် ဒေသခံ လူငယ်များကို ဖမ်းဆီးနေသည်ဟု ပြောဆိုမှုများနှင့်ပတ်သက်၍မူ တိုက်ပွဲများဆက်လက်ဖြစ်ပွားနေသည့်အတွက် တပ်သားသစ် ဆက်လက်စုဆောင်းသွားမည်ဟု KIA မဟာဗျူဟာ လေ့လာရေးဌာနမှ ဦးဒေါင်ခါးမှ BBC သို့ ပြောကြားခဲ့ကြောင်း သိရသည်။
________________________

ဂုဏ်သိက္ခာကို တကယ်တန်ဖိုးထားသူများအနေနဲ့ ၂၀၀၈ ဖွဲ့စည်းပုံအား မပြင်ဆင်ပဲ ရွေးကောက်ပွဲ ၀င်မည်မဟုတ်ဟု ဒေါ်အောင်ဆန်းစုကြည်ပြောကြား

– ၂၀၀၈-ဖွဲ့စည်းပုံ အခြေခံဥပဒေအား မပြုပြင်ပဲနှင့် ၂၀၁၅ ရွေးကောက်ပွဲဝင်ရန်မှာ မိမိဂုဏ်သိက္ခာကို တကယ်တန်ဖိုးထားသူများအနေနှင့် ပြုလုပ်မည် မဟုတ်ကြောင်း၊ ၎င်းကဲ့သို့ ပြောကြားခြင်းမှာ NLD အနေနှင့် ရွေးကောက်ပွဲ မ၀င်တော့ခြင်းမဟုတ်ပဲ ယှဉ်ပြိုင်လိုစိတ် မရှိကြောင်း၊ ကိုယ့်က တဘက်မှာ အသာရရှိထားသည့်ပွဲတွင် ယှဉ်ပြိုင်လိုခြင်းဟာ မိမိကိုယ်သိက္ခာကို မထောက်ထားရာရောက်ကြောင်း ဒေါ်အောင်ဆန်းစုကြည်မှ ပြောကြားခဲ့ပါတယ်။
________________________

မိုးထိ မိုးမိ ရွှေလုပ်သားများ ဆန္ဒပြ ၉-ဦးထက်မနည်း ထိခိုက်ဒဏ်ရာရ

– ဒေသတွင် လုပ်ကိုင်စားသောက်ခွင့်ပြန်ရရေး ဆန္ဒပြ တောင်းဆိုကြသည့် မန္တလေးတိုင်း၊ ရမည်းသင်းမြို့နယ်ရှိ မိုးထိ မိုးမိတောင်မှ ရွှေလုပ်သား ၁၀၀-ကျော်ခန့်နှင့် ရဲများ ဒီဇင်ဘာလ ၁၈-ရက်နေ့ညက ရုန်းရင်းဆန်ခတ်ဖြစ်ပွားပြီး နှစ်ဖက်ထိခိုက်မှုဖြစ်ပွားကာ ဆန္ဒပြသူ ၉-ဦးထက် မနည်း ထိခိုက်ဒဏ်ရာရရှိပြီး ၅-ဦးမှာ ရမည်းသင်းဆေးရုံမှာ အတွင်းလူနာအဖြစ် ဆေးဝါး ကုသခံနေရကြောင်း သိရသည်။
________________________

ကချင်ပြည်နယ် စစ်ဘေးဒုက္ခသည်စခန်းတွေဆီ သွားရောက်လည်ပတ်မည့် ဗြိတိသျှ သံအမတ်ကြီး

– မြန်မာနိုင်ငံဆိုင်ရာ ဗြိတိသျှ သံအမတ်ကြီး Mr. Andrew Patrick နှင့် အဖွဲ့သည် ကချင်ပြည်နယ် မြစ်ကြီးနားမြို့သို့ ယနေ့ရောက်ရှိပြီး စစ်ဘေး ဒုက္ခသည်စခန်းများဆီကို သွားရောက်လည်ပတ်ဟု သိရပြီး၊ ဘာသာရေး နိုင်ငံရေး၊ လူမှုရေး ခေါင်းဆောင်များနှင့် တွေ့ဆုံမည်ဖြစ်ကြောင်း၊ ကချင်ပြည်နယ်မှ ဒုက္ခသည်များအား လာမည့် တစ်နှစ်ခွဲအတွင်း ဒေါ်လာ သန်း ၂၀ ခန့် ထောက်ပံ့ပေးရန် DFID (အပြည်ပြည်ဆိုင်ရာ ဖွံ့ဖြိုါ်တိုးတက်ရေးဌာန)က စီစဉ်ထားကြောင်း သိရသည်။
________________________