ဒီဇင်ဘာ ၂၀၊ နိုင်ငံတကာသတင်း စုစည်းမှု

ဒီဇင်ဘာ ၂၀၊ ၂၀၁၃
M-Media

မနီလာလေဆိပ်တွင် မြို့တော်ဝန်တစ်ဦး သေနတ်ဖြင့် သတ်ဖြတ်ခြင်းခံရ

– ဖိလစ်ပိုင်နိုင်ငံ၏ မြို့တော် မနီလာတွင် ယနေ့နံနက်ပိုင်းက သေနတ်ဖြစ် ပစ်ခတ်မှုတစ်ခုဖြစ်ပွားခဲ့ပြီး ထိုပစ်ခတ်မှုအတွင်း မြို့တော်ဝင်တစ်ဦး အပါအ၀င် လူလေးဦး သေဆုံးခဲ့သည်ဟု သိရသည်။ ဖိလစ်ပိုင်တောင်ပိုင်း မြို့တစ်မြို့မှ မြို့တော်ဝင်ဖြစ်သူ Ukol Talumpa မှာ မိသားစု၊ သက်တော်စောင့်များနှင့်အတူ လေယာဉ်ပေါ်မှဆင်းပြီး ၀င်ပေါက်မှ ထွက်လာစဉ် လူနှစ်ဦးမှ သေနတ်ဖြင့် ပစ်ခတ်ခဲ့ခြင်းဖြစ်ပြီး သေဆုံးသူများတွင် မြို့တော်ဝင်၏ ဇနီးလည်းပါဝင်ခဲ့ကာ အခြားလူလေးဦးမှာလည်း ဒဏ်ရာရရှိခဲ့ကြသည်။

အခင်းဖြစ်ပွားပြီးနောက် လေဆိပ်ရှိ ရဲများက တရားခံများအား လိုက်လံဖမ်းဆီးခဲ့သော်လည်း တရားခံများမှာ ဆိုင်ကယ်ဖြင့် ထွက်ပြေးလွတ်မြောက် သွားခဲ့ပြီး၊ အမည်မဖော်လိုသည့် မျက်မြင်သက်သေတစ်ဦးကမူ သေနတ်ဖြင့် ပစ်ခတ်ခဲ့သော သူနှစ်ဦးမှာ ရဲဝတ်စုံများ ၀တ်ထားကြသည်ဟု ပြောကြား ခဲ့သည်။ Ukol Talumpa အမှာ အစိုးရအတိုက်အခံပါတီမှဖြစ်ပြီး မေလကပြုလုပ်ခဲ့သော ရွေးကောက်ပွဲတွင် အာဏာရပါတီ၏ မဟာမိတ်ပါတီမှ တစ်ဦးကို ကျော်ဖြတ်ကာ Labangan မြို့ မြို့တော်ဝန်အဖြစ် ရွေးချယ်ခံခဲ့ရခြင်းဖြစ်သည်။

Ref : Channel News Asia
………………………….

နိုင်ငံတကာအာကာသစခန်းရှိ စက်ရုပ် ပထမဦးဆုံးအကြိမ် လူနှင့် အပြန်အလှန်စကားပြော

– နိုင်ငံတကာအာကာသစခန်းသို့ ရောက်ရှိနေသည့် စက်ရုပ်မှာ ဂျပန်အာကသယာဉ်မှူးတစ်ဦးနှင့် ပထမဆုံး စကားပြောကြားခဲ့သည်ဟုသိရသည်။

ကီရိုဘိုဟု အမည်ရသည့် အဆိုပါစက်ရုပ်မှာ အလွန်သေးငယ်ပြီး အန်ဒရွိုက်ဆော့ဖ်ဝဲကိုအသုံးပြုထားခြင်းဖြစ်ကာ၊ အသိဥာဏ်ရှိပြီး လူတစ်ဦးအား မည်ကဲ့သို့ တုံ့ပြန်ပြောဆိုရမည်ကို သင်ယူနိုင်စွမ်းရှိသည်။ ကီရိုဘိုမှာ ဂျပန်အာကာသယာဉ်မှူးဖြစ်သူနှင့် အပြန်အလှန်စကားပြောဆိုခဲ့ခြင်းဖြစ်ပြီး

“ဆန်တာကလော့ အာကာသထဲကို လာလိမ့်မယ်။ သူလာရင် မင်းဘာတောင်းမလဲ၊ ကီရိုဘို” ဟု ဆန်တာကလော့ ဦးထုပ်ဆောင်းထားသော ကီရိုဘိုအား ဂျပန်အာကာသယာဉ်မှူး ကိုအီချီ ၀ါကာတာက မေးမြန်းရာ ကီရိုဘိုက

“ငါအရုပ်ဒုံးကျည်လိုချင်တယ်…..ဆန်တာကလော့ဆီက တောင်းရအောင်” ဟု ကီရိုဘိုက ပြန်လည်ပြောကြားခဲ့သည်။ ဒီဇင်ဘာ ၆ ရက်နေ့က ဂျပန်ဘာသာစကားဖြင့် ပြောဆိုခဲ့သည့် အဆိုပါ အပြန်အလှန်ပြောဆိုမှုဗီဒီယိုအား၊ ယနေ့တွင် ထုတ်လွှင့်ပြသခဲ့ခြင်းဖြစ်သည်။

ကီရိုဘိုအား ပြီးခဲ့သည့် သြဂုတ်လ ၁၀ ရက်နေ့ကတည်းက နိုင်ငံတကာ အာကာသစခန်းသို့ ရိက္ခာပို့ယာဉ်ဖြင့် တစ်ပါတည်း ပေးပို့ခဲ့ခြင်းဖြစ်ပြီး၊ ကမ္ဘာနှင့်ဝေးကွာနေသည့် အာကာသယာဉ်မှူးများအတွက် အဖော်အဖြစ် ထားရှိမည့် ပရောဂျက်၏ အစိတ်အပိုင်းတစ်ခုလည်းဖြစ်သည်။

Ref : AFP
………………………………….